Ano ang Tunay na Pag-Ibig?Halimbawa

Ang Ating Tugon sa Ebanghelyo



Basahin ang Mga Taga-Efeso 2:1-10, Mga Taga-Efeso 1:1-15, at 3:14-21.



May kaalaman ka man o wala tungkol sa ebanghelyo, magkaroon ka ng pagtataya sa iyong sarili at mahinahong pagnilayan ng may pananalangin ang ebanghelyo. May pinili kaming mga sipi sa Biblia at mga babasahin na makatutulong sa iyo. Hingin mo sa Panginoon na madala ang Ebanghelyo sa isip at puso mo nang may kalinawan, may kapangyarihan at may kabutihan.



Nais nating makita si Jesus at ang Kanyang pagpapakasakit at tingnan natin ang ating mga puso at sarili tulad ng pagtingin ng Panginoon. Ayaw nating malinlang. Ang Ebanghelyo ay hindi lamang isang pagsasanay ng kaisipan, ito ay may kinalaman sa puso.



Pagmuni-munihin ang kapangyarihan ng Ebanghelyo sa buhay mo at kung ano kapangyarihan nito sa iyo. Patuloy mong gawin ito sa loob ng ilang araw. Pagkatapos ay tingnan mo ang iyong kalendaryo at lagyan ng tanda ang isang araw doon, isang linggo mula ngayon, pati na ang oras, kung saan maaari kang gumugol ng 15-20 minuto upang magpasalamat sa Panginoon at ipagdiwang ang lahat ng nagawa Niya para sa iyo sa pamamagitan ng Ebanghelyo.



Habang nagmumuni-muni ka sa Ebanghelyo, tiyakin na maging totoo ka sa iyong sarili at ngpapakatotoo ka rin sa Panginoon. Sabihin mo sa Kanya kung saan ka may mga pag-aalinlangan, mga katanungan, kung may nararamdaman kang kawalang-interes sa ibang mga bagay, kung saan ang puso mo'y may katigasan, kung may nararamdaman kang kawalan ng pagpapahalaga o kaya nama'y nagkaka-agam agam sa buhay. Walang dapat ikatakot kapag tayo ay na kay Cristo. Ipinapangako Niya sa atin na kapag inamin natin ang ating kasalanan, Siya ay tapat na patawarin tayo.(1Juan1:9).