BibleProject | Maikling Kurso tungkol kay Apostol Pablo

Nilikha Tayo in His Image

Prayer

Sa Paghihirap…

BibleProject | Walang-Hanggang Pag-ibig ng Diyos

Masayahin ang ating Panginoon

Ang Kwento ng Naglayas na Anak

BibleProject | Bagong Kasunduan, Bagong Karunungan

Ang Kahariang Bali-baliktad

Mag One-on-One with God

<div class="version vid399 iso6393tgl" data-vid="399" data-iso6393="tgl">
 <div class="book bk1SA">
 <div class="chapter ch7" data-usfm="1SA.7">
 <div class="label">7</div><div class="p"> 1Kinuha#2 Sam. 6:2-4; 1 Cro. 13:5-7. ng mga taga-Lunsod ng Jearim ang Kaban ng Tipan ni Yahweh at dinala sa bahay ni Abinadab na nasa isang burol. At si Eleazar na anak ni Abinadab ang inatasan nilang tagapag-ingat ng Kaban.</div><div class="s">Ang Pamamahala ni Samuel sa Israel</div><div class="p"> 2Pagkalipas ng dalawampung taon mula nang dalhin sa Lunsod ng Jearim ang Kaban, nalungkot ang buong Israel at humingi ng tulong kay Yahweh.</div><div class="p"> 3Sinabi sa kanila ni Samuel, &#8220;Kung talagang buong pusong nanunumbalik na kayo kay Yahweh, alisin ninyong lahat ang mga diyus-diyosan at ang imahen ni Astarte. Italaga ninyo kay Yahweh ang inyong sarili at siya lamang ang inyong paglingkuran. Kapag ginawa ninyo ito, ililigtas niya kayo sa kapangyarihan ng mga Filisteo.&#8221; 4Kaya, itinapon ng mga Israelita ang kanilang mga imahen nina Baal at Astarte, at si Yahweh na lamang ang kanilang sinamba.</div><div class="p"> 5Sinabi pa ni Samuel, &#8220;Tipunin ninyo sa Mizpa ang buong Israel at doo'y ipapanalangin ko kayo kay Yahweh.&#8221;</div><div class="p"> 6Nang matipon sila sa Mizpa, kumuha sila ng tubig at ibinuhos sa harapan ni Yahweh bilang handog. Maghapon silang nag-ayuno at nanangis ng ganito: &#8220;Nagkasala kami kay Yahweh.&#8221; Doon sa Mizpa ay nanungkulan si Samuel bilang hukom sa sambayanang Israel.</div><div class="p"> 7Nabalitaan ng mga Filisteo ang pagkakatipon ng mga Israelita, kaya't humanda sila upang digmain ang Israel. Natakot ang mga Israelita nang mabalitaan nilang sasalakayin sila ng mga Filisteo. 8Sinabi nila kay Samuel, &#8220;Huwag kang titigil sa pagtawag kay Yahweh upang iligtas kami sa mga Filisteo.&#8221; 9Nagpatay#Ecc. 46:16-18. si Samuel ng isang pasusuhing tupa at sinunog niya ito nang buo bilang handog kay Yahweh. Nanalangin siya na tulungan ang Israel, at dininig naman ni Yahweh ang kanyang panalangin. 10Samantalang naghahandog si Samuel, palapit naman nang palapit ang mga Filisteo. Ngunit ginulo sila ni Yahweh sa pamamagitan ng malalakas na kulog at nagapi sila ng mga Israelita. 11Mula sa Mizpa, hinabol ng mga Israelita ang mga Filisteo hanggang sa Beth-car, at pinapatay nila ang bawat mahuling kalaban.</div><div class="p"> 12Pagkatapos, naglagay si Samuel ng isang malaking bato sa pagitan ng Mizpa at ng Sen bilang alaala. Tinawag niya itong Ebenezer na ang ibig sabihi'y, &#8220;Tinulungan kami ni Yahweh hanggang dito.&#8221; 13Natalo nila ang mga Filisteo at hindi na nangahas pang magbalik ang mga ito sa lupaing sakop ng Israel. 14Nabawi ng Israel ang mga lunsod at lahat nilang lupain na nasakop ng mga Filisteo, mula sa Ekron hanggang sa Gat. Nakipagkasundo rin sa mga Israelita ang mga Amoreo.</div><div class="p"> 15Habang buhay na nanungkulan si Samuel bilang hukom sa Israel. 16Taun-taon, nagpapalipat-lipat siya sa Bethel, Gilgal at Mizpa upang lutasin ang mga usapin ng mga Israelita. 17Pagkatapos, umuuwi siya sa Rama at doon ipinagpapatuloy ang kanyang pamamahala bilang hukom. At doo'y nagtayo siya ng altar para kay Yahweh.</div>
 </div>
 </div>
</div>

<div class="version vid399 iso6393tgl" data-vid="399" data-iso6393="tgl">
 <div class="book bk1SA">
 <div class="chapter ch8" data-usfm="1SA.8">
 <div class="label">8</div><div class="s">Humingi ng Hari ang Israel</div><div class="p"> 1Nang matanda na si Samuel, ginawa niyang mga hukom ng Israel ang kanyang mga anak na lalaki. 2Ang panganay niya ay si Joel at ang pangalawa'y si Abias. Sila'y nagsilbing hukom sa Beer-seba. 3Ngunit hindi sila sumunod sa halimbawa ng kanilang ama. Naging gahaman sila sa salapi, tumanggap ng suhol, at hindi pinairal ang katarungan.</div><div class="p"> 4Dahil dito, ang pinuno ng Israel ay sama-samang nagsadya kay Samuel sa Rama at 5kanilang#Deut. 17:14. sinabi, &#8220;Matanda na po kayo. Ang mga anak naman ninyo'y hindi sumusunod sa inyong mga yapak. Kaya't ipili ninyo kami ng isang haring mamumuno sa amin tulad ng ibang mga bansa.&#8221;</div><div class="p"> 6Nalungkot si Samuel dahil sa kahilingan ng mga tao, kaya't nanalangin siya kay Yahweh. 7Sinabi naman sa kanya ni Yahweh, &#8220;Sundin mong lahat ang sinasabi nila sapagkat hindi ikaw kundi ako ang itinatakwil nila bilang hari nila. 8Ang ginagawa nila sa iyo ngayon ay ginagawa na nila sa akin mula pa nang ilabas ko sila sa Egipto. Noon pa'y tumalikod na sila sa akin, at naglingkod sa mga diyus-diyosan. 9Sundin mo sila, ngunit bigyan mo sila ng babala at ipaliwanag mo sa kanila kung ano ang gagawin ng hari na nais nilang mamahala sa kanila.&#8221;</div><div class="p"> 10Lahat ng sinabi ni Yahweh kay Samuel ay sinabi nito sa mga Israelita. 11Ito ang sabi niya, &#8220;Ganito ang gagawin sa inyo ng magiging hari ninyo: Kukunin niya ang mga anak ninyong lalaki upang gawing kanyang mga kawal; ang iba'y sasakay sa kanyang karwaheng pandigma, ang iba nama'y sa hukbong kabayuhan at ang iba nama'y maglalakad sa unahan ng mga karwahe. 12Ang iba'y gagawin niyang opisyal para sa libu-libo at sa lima-limampu. Ang iba'y pagtatrabahuhin niya sa kanyang bukirin at sa pagawaan ng mga sandata at sasakyang pandigma. 13Ang inyong mga anak na babae naman ay gagawin niyang manggagawa ng pabango, mga tagapagluto at tagagawa ng tinapay. 14Kukunin din niya ang pinakamagaganda ninyong bukirin, ubasan, taniman ng olibo at ibibigay sa kanyang mga opisyal. 15Kukunin din niya ang ikasampung bahagi ng inyong ani sa bukid at ubasan para ibigay sa kanyang mga pinuno at mga opisyal sa palasyo. 16Kukunin niya pati ang inyong mga alila, babae't lalaki, ang pinakamagaganda ninyong baka, kabayo at asno upang magtrabaho para sa kanya. 17Kukunin din ang ikasampung bahagi ng inyong kawan at kayo'y gagawin niyang alipin. 18Pagdating ng araw na iyon, irereklamo ninyo kay Yahweh ang inyong hari na kayo mismo ang pumili ngunit hindi kayo papakinggan ni Yahweh.&#8221;</div><div class="p"> 19Hindi pinansin ng mga Israelita ang mga sinabi ni Samuel. Sa halip, sinabi nila, &#8220;Basta, gusto naming magkaroon ng hari 20upang kami'y maging katulad ng ibang bansa, at upang ang aming hari ang siyang mamamahala at mangunguna sa amin sa digmaan laban sa aming mga kaaway.&#8221; 21Nang mapakinggan ni Samuel ang kahilingan ng mga tao, sinabi niya ang mga ito kay Yahweh.</div><div class="p"> 22Sinabi naman sa kanya ni Yahweh, &#8220;Pagbigyan mo na ang gusto nila. Bigyan mo sila ng hari.&#8221;</div><div class="p">Pagkatapos nito'y pinauwi na ni Samuel ang mga Israelita sa kani-kanilang bayan.</div>
 </div>
 </div>
</div>

<div class="version vid399 iso6393tgl" data-vid="399" data-iso6393="tgl">
 <div class="book bk1SA">
 <div class="chapter ch9" data-usfm="1SA.9">
 <div class="label">9</div><div class="s">Nagkita sina Saul at Samuel</div><div class="p"> 1Sa lipi ni Benjamin ay may isang mayamang lalaki. Siya'y si Kish na anak ni Abiel at apo ni Zeror, mula sa sambahayan ni Becorat at sa angkan ni Afia. 2Si Kish ang ama ni Saul na siya namang pinakamakisig at pinakamatangkad na lalaki sa buong Israel.</div><div class="p"> 3Minsan, nawala ang mga asno ni Kish. Kaya, inutusan niya si Saul na magsama ng isang katulong at hanapin ang mga asno. 4Naghanap sila sa buong kaburulan ng Efraim at sa lupain ng Salisa ngunit wala silang nakita ni isa man. Nagtuloy sila sa Saalim ngunit wala rin doon. Nagtuloy sila sa Benjamin at wala rin silang natagpuan doon. 5Nakarating sila sa Zuf ngunit wala pa rin silang nakita, kaya't nagyaya nang umuwi si Saul. Sinabi niya sa kanyang kasamang lingkod, &#8220;Umuwi na tayo at baka tayo naman ang inaalala ng aking ama.&#8221;</div><div class="p"> 6Sumagot ang kanyang kasama, &#8220;Sandali lang. Sa lunsod na ito ay may isang lingkod ng Diyos. Iginagalang siya ng mga tao sapagkat nagkakatotoo ang anumang sabihin niya. Pumunta tayo sa kanya, baka sakaling maituro niya sa atin ang ating hinahanap.&#8221;</div><div class="p"> 7Sinabi ni Saul, &#8220;Ano'ng maibibigay natin kung pupunta tayo sa kanya? Ubos na ang baon nating pagkain.&#8221;</div><div class="p"> 8Sumagot ang katulong, &#8220;Mayroon pa akong tatlong gramong pilak. Ibibigay ko na ito sa kanya para ituro sa atin ang ating hinahanap.&#8221;</div><div class="p"> 9Noong panahong iyon, ugali ng mga Israelita na lumapit sa isang manghuhula kung may isasangguni sa Diyos. Manghuhula ang dati nilang tawag sa propeta.</div><div class="p"> 10Sinabi ni Saul, &#8220;Sige, tayo na. Pumunta tayo sa sinasabi mong lingkod ng Diyos.&#8221; At nagpunta nga sila sa lunsod na kinaroroonan ng nabanggit na lingkod ng Diyos. 11Sa daan, nakasalubong sila ng mga dalagang sasalok ng tubig. &#8220;Narito kaya ang manghuhula?&#8221; tanong ni Saul sa mga dalaga.</div><div class="p"> 12Sumagot ang mga dalaga, &#8220;Opo. Kararaan lang niya papunta sa altar sa burol sapagkat maghahandog doon ang mga tao. Lumakad na kayo at pagpasok ninyo ng lunsod 13ay makikita ninyo siya. Magmadali kayo upang maabutan ninyo siya bago makaakyat sa altar para kumain. Hindi kakain ang mga taong naroon hangga't hindi siya dumarating sapagkat kailangan munang basbasan ang mga handog. Pagkabasbas, saka kakain ang mga panauhin.&#8221;</div><div class="p"> 14At nagtuloy nga sila sa lunsod. Papasok na sila nang makita nila si Samuel na papunta naman sa altar na paghahandugan.</div><div class="p"> 15Isang araw bago dumating doon si Saul, nagpakita kay Samuel si Yahweh at sinabi, 16&#8220;Bukas nang ganitong oras, may darating sa iyong isang lalaking taga-Benjamin. Pahiran mo siya ng langis bilang pinuno ng aking bayang Israel. Siya ang magtatanggol sa mga Israelita laban sa mga Filisteo. Naaawa na ako sa nakikita kong paghihirap ng aking bayan at narinig ko ang kanilang karaingan.&#8221;</div><div class="p"> 17Nang dumating si Saul, sinabi ni Yahweh kay Samuel, &#8220;Iyan ang lalaking sinasabi ko sa iyo na maghahari sa Israel.&#8221;</div><div class="p"> 18Lumapit si Saul kay Samuel at nagtanong, &#8220;Saan po ba nakatira ang manghuhula?&#8221;</div><div class="p"> 19Sumagot si Samuel, &#8220;Ako ang manghuhula. Sumama ka sa akin sa altar sa burol at magsasalo tayo sa pagkain. Bukas ka na ng umaga umuwi pagkatapos kong sabihin sa iyo ang gusto mong malaman. 20Huwag mo nang alalahanin ang mga asnong hinahanap mo sapagkat nakita na ang mga iyon. Sino ba ang pinakamimithi ng Israel kundi ikaw at ang sambahayan ng iyong ama?&#8221;</div><div class="p"> 21Sumagot si Saul, &#8220;Ako po'y mula sa lipi ni Benjamin, ang pinakamaliit na lipi sa Israel at ang aming angkan ang pinakamahirap sa aming lipi. Bakit po ninyo sinasabi sa akin iyan?&#8221;</div><div class="p"> 22Si Saul at ang kanyang katulong ay isinama ni Samuel sa handaan at pinaupo sa upuang pandangal. May tatlumpu ang naroong panauhin. 23Sinabi ni Samuel sa tagapagluto, &#8220;Ihain mo rito ang bahaging ipinatabi ko sa iyo.&#8221; 24Inilabas ng tagapagluto ang pigi at hita ng handog, at inihain kay Saul.</div><div class="p">Sinabi ni Samuel, &#8220;Narito ang bahaging ibinukod para sa iyo. Kainin mo sapagkat iyan ay inilaan sa iyo sa pagkakataong ito.&#8221;</div><div class="p">Nang araw na iyon, kumain nga si Saul kasalo ni Samuel. 25Pagbalik nila sa lunsod, may nakahanda nang higaan sa ibabaw#25 higaan sa ibabaw: Nang mga panahong iyon, ang mga bubong ng bahay ay pantay at kadalasang tinutulugan ng mga panauhin. ng bahay para kay Saul. Doon siya natulog nang gabing iyon.</div><div class="s">Binuhusan ng Langis si Saul</div><div class="p"> 26Kinabukasan ng madaling araw, nilapitan siya ni Samuel at ginising, &#8220;Bangon na at nang makalakad na kayo.&#8221; Bumangon nga si Saul at silang dalawa ni Samuel ay lumabas sa lansangan.</div><div class="p"> 27Nang palabas na sila ng lunsod, sinabi ni Samuel, &#8220;Paunahin mo na ang katulong mo at mag-usap tayo sandali. Sasabihin ko sa iyo ang ipinapasabi ng Diyos.&#8221;</div>
 </div>
 </div>
</div>

<div class="version vid399 iso6393tgl" data-vid="399" data-iso6393="tgl">
 <div class="book bk1SA">
 <div class="chapter ch10" data-usfm="1SA.10">
 <div class="label">10</div><div class="p"> 1Kinuha ni Samuel ang sisidlan ng langis at binuhusan ang ulo ni Saul. Pagkatapos, hinagkan niya ito at sinabi, &#8220;Binuhusan kita ng langis ni Yahweh upang maging hari ng Israel. Pamumunuan mo ang kanyang bayan at ililigtas laban sa lahat niyang kaaway. Ito ang magiging palatandaan na ikaw nga ang hinirang ni Yahweh upang mamahala sa kanyang bayan: 2Paghihiwalay natin ngayon, may masasalubong kang dalawang tao sa tabi ng libingan ni Raquel, sa Selsa na sakop ng Benjamin. Sasabihin nila sa iyo na nakita na ang mga asnong hinahanap mo, at ikaw naman ngayon ang inaalala at ipinagtatanong ng iyong ama. 3Sa dako pa roon, may masasalubong kang tatlong lalaki sa may malalaking puno sa Tabor. Papunta sila sa Bethel sa altar ng Diyos; ang isa'y may dalang tatlong tupang maliit, ang isa'y tatlong malalaking tinapay at ang isa'y sisidlang balat na puno ng alak. 4Babatiin ka nila at ibibigay sa iyo ang dalawa sa dala nilang tinapay. Kapag inalok ka, tanggapin mo. 5Pagdating mo sa Burol ng Diyos, sa may kampo ng mga Filisteo, makakasalubong mo naman ang isang pangkat ng mga propeta na pinangungunahan ng mga manunugtog ng alpa, tamburin, plauta at lira. Sila'y galing sa altar sa burol, at nagpapahayag ng propesiya. 6Sa oras na iyon, lulukuban ka ng Espiritu#6 ESPIRITU: o kaya'y kapangyarihan. ni Yahweh. Ikaw ay sasama sa kanila at gagawin mo rin ang ginagawa nila. Magbabago ang iyong pagkatao. 7Kapag naganap na ang mga palatandaang ito, gawin mo ang dapat mong gawin sapagkat sasamahan ka ng Diyos. 8Pagkatapos noon, mauuna ka sa akin sa Gilgal at pupuntahan kita roon para ipaghain ng handog na susunugin at handog pangkapayapaan. Hihintayin mo ako roon nang pitong araw, at sasabihin ko sa iyo ang dapat mong gawin.&#8221;</div><div class="p"> 9Nang maghiwalay sila ni Samuel, si Saul ay binigyan ng Diyos ng bagong katauhan. At nang araw ring iyon, naganap ang lahat ng sinabi sa kanya ni Samuel. 10Pagdating nila sa Gibea, nakasalubong nga nila ang isang pangkat ng mga propeta. Lumukob kay Saul ang Espiritu#10 ESPIRITU: o kaya'y kapangyarihan. ni Yahweh at siya'y nagpahayag din tulad sa ginagawa ng mga propeta. 11Nang makita siya ng mga nakakakilala sa kanya, itinanong ng mga ito, &#8220;Ano bang nangyari kay Saul na anak ni Kish? Propeta na rin ba si Saul?&#8221;</div><div class="p"> 12Isang#1 Sam. 19:23-24. tagaroon ang sumagot, &#8220;Bakit naman hindi? Baka siya pa nga ang kanilang pinuno.&#8221;#12 Bakit&#8230;pinuno: o kaya'y Paano siya magiging propeta? Sino ba ang pinuno ng mga propetang iyan? At dahil dito, nagsimula ang kasabihang, &#8220;Propeta na rin ba si Saul?&#8221; 13Pagkatapos ng pangyayaring iyon, si Saul ay nagpunta sa altar sa burol.</div><div class="p"> 14Pagdating doon, si Saul at ang kasama niyang lingkod ay tinanong ng kanyang tiyo, &#8220;Saan ba kayo nagpunta?&#8221;</div><div class="p">Sumagot siya, &#8220;Hinanap po namin ang mga asno. Nang hindi ko makita, nagtuloy kami kay Samuel.&#8221;</div><div class="p"> 15Sinabi ng kanyang tiyo, &#8220;Ano ang sinabi sa iyo ni Samuel?&#8221;</div><div class="p"> 16Sumagot si Saul, &#8220;Sinabi niyang nakita na raw ang mga asnong hinahanap namin.&#8221; Ngunit hindi niya binanggit ang tungkol sa pagkahirang sa kanya bilang hari ng Israel.</div><div class="s">Si Saul ay Tinanghal Bilang Hari</div><div class="p"> 17Ang mga Israelita ay tinawag ni Samuel sa isang banal na pagpupulong sa Mizpa. 18Sinabi niya, &#8220;Ito ang ipinapasabi ni Yahweh: &#8216;Inilabas ko kayo sa Egipto. Iniligtas ko kayo sa mga Egipcio at sa mga kahariang nagpapahirap sa inyo. 19Ngunit itinakwil ninyo ako, ang Diyos na humango sa inyo sa kahirapan at nagligtas sa inyo sa maraming kagipitan. Itinakwil ninyo ako nang humingi kayo ng haring mamamahala sa inyo. Kaya nga, lumapit kayo kay Yahweh, sama-sama ang magkakalipi at magkakasambahay.&#8217;&#8221;</div><div class="p"> 20Nang matipon ni Samuel ang buong Israel sa harap ng altar ni Yahweh, nagpalabunutan sila at nakuha ang lipi ni Benjamin. 21Pinalapit naman niya ang mga angkan sa lipi ni Benjamin at nabunot ang pamilya ni Matri. Sa kahuli-hulihan, pinalapit niya ang lahat ng anak ni Matri at ang nabunot ay si Saul na anak ni Kish. Ngunit wala roon si Saul. 22Dahil dito, itinanong nila kay Yahweh, &#8220;Pupunta po kaya siya rito?&#8221;</div><div class="p">Sumagot si Yahweh, &#8220;Naroon siya sa bunton ng mga dala-dalahan at nagtatago.&#8221;</div><div class="p"> 23Siya'y patakbo nilang pinuntahan at dinala sa mga tao. Nang mapagitna siya sa karamihan, si Saul ang pinakamatangkad. 24Sinabi ni Samuel sa mga tao, &#8220;Ito ang pinili ni Yahweh. Wala siyang katulad sa buong bayan.&#8221;</div><div class="p">Sabay-sabay silang sumigaw, &#8220;Mabuhay ang hari!&#8221;</div><div class="p"> 25Inisa-isa ni Samuel sa mga taong-bayan ang mga karapatan at pananagutan ng isang hari. Pagkatapos, isinulat niya ang mga ito at inilagay sa harap ng altar ni Yahweh. Pagkatapos, pinauwi na niya ang mga Israelita. 26Pati si Saul ay umuwi na sa Gibea, kasama ang ilang matatapang na Israelita, mga lalaking ang puso'y hinipo ng Diyos. 27Ngunit may ilang tao roon na pakutyang nagtanong, &#8220;Paano tayo maililigtas niyan?&#8221; Nilait nila si Saul at hindi sila nagbigay ng handog sa kanya. Ngunit tumahimik lamang si Saul.</div>
 </div>
 </div>
</div>

<div class="version vid399 iso6393tgl" data-vid="399" data-iso6393="tgl">
 <div class="book bk1SA">
 <div class="chapter ch11" data-usfm="1SA.11">
 <div class="label">11</div><div class="s">Tinalo ni Saul ang mga Ammonita</div><div class="p"> 1Ang Jabes-gilead ay kinubkob ni Nahas na hari ng mga Ammonita. Nang mapaligiran niya ang lunsod, nagpadala ng sugo sa kanya ang mga tagaroon. Sinabi ng mga sugo, &#8220;Kung magkakasundo tayo, pasasakop kami sa inyo.&#8221;</div><div class="p"> 2Sumagot si Nahas, &#8220;Makikipagkasundo ako sa inyo kung ipadudukit ninyo sa akin ang kanang mata ng bawat isa sa inyo. Sa gayon, mapapahiya ang buong Israel.&#8221;</div><div class="p"> 3Sinabi ng mga pinuno ng Jabes, &#8220;Bigyan po ninyo kami ng pitong araw para maibalita sa buong Israel ang aming kalagayan. Kung wala pong tutulong sa amin, susuko na kami sa inyo.&#8221;</div><div class="p"> 4Umabot sa Gibea ang mga sugo. Nang marinig ang balita, nag-iyakan nang malakas ang buong bayan. 5Si Saul ay papauwi noon mula sa bukid, kasama ang kanyang mga baka. Nang makita niyang nag-iiyakan ang mga tao, nagtanong siya, &#8220;Ano bang nangyayari? Bakit nag-iiyakan ang mga tao?&#8221; At sinabi nila sa kanya ang balita ng mga taga-Jabes.</div><div class="p"> 6Pagkarinig nito, nilukuban siya ng Espiritu#6 ESPIRITU: o kaya'y kapangyarihan. ng Diyos at nagsiklab ang kanyang galit. 7Kumuha siya ng dalawang baka at pinagpira-piraso ang mga iyon. Pagkatapos, ibinigay iyon sa mga sugo at iniutos na ipakita sa buong Israel lakip ang ganitong bilin: &#8220;Ganito ang gagawin sa mga baka ng sinumang hindi sasama kay Saul at kay Samuel sa pakikidigma.&#8221;</div><div class="p">Ang mga Israelita'y nakadama ng matinding takot kay Yahweh kaya silang lahat ay nagkaisang sumama sa labanan. 8Tinipon ni Saul sa Bezek ang mga tao; umabot sa 300,000 ang galing sa Israel at 30,000 naman ang galing sa Juda. 9Sinabi nila sa mga sugo, &#8220;Ito ang sabihin ninyo sa mga taga-Jabes-gilead: &#8216;Bukas ng tanghali, darating ang magliligtas sa inyo.&#8217;&#8221; Nang marinig ito ng mga taga-Jabes, natuwa sila.</div><div class="p"> 10At sinabi nila sa mga Ammonita, &#8220;Bukas, susuko na kami sa inyo at gawin na ninyo sa amin ang gusto ninyo.&#8221;</div><div class="p"> 11Kinabukasan, hinati ni Saul sa tatlong pangkat ang kanyang mga mandirigma. Nang mag-uumaga na, pinasok nila ang kampo ng mga Ammonita at pinagpapatay nila ang mga ito bago tumanghali. Ang mga natirang buh&#225;y ay nagkanya-kanya ng pagtakas.</div><div class="p"> 12Pagkatapos nito, itinanong ng mga tao kay Samuel, &#8220;Nasaan ang mga nagsasabing hindi si Saul ang dapat maghari sa amin? Dalhin ninyo sila rito at papatayin namin!&#8221;</div><div class="p"> 13Ngunit sinabi ni Saul, &#8220;Huwag! Isa man sa ati'y walang mamamatay sapagkat sa araw na ito'y iniligtas ni Yahweh ang buong Israel.&#8221; 14At sinabi ni Samuel sa mga tao, &#8220;Magpunta tayo sa Gilgal at doo'y muli nating ipahayag na hari natin si Saul.&#8221; 15Lahat ay sama-samang nagpunta sa Gilgal at kinilala si Saul bilang hari. Pagkatapos, naghandog sila kay Yahweh ng mga haing pangkapayapaan, at nagdiwang silang lahat.</div>
 </div>
 </div>
</div>

<div class="version vid399 iso6393tgl" data-vid="399" data-iso6393="tgl">
 <div class="book bk1SA">
 <div class="chapter ch12" data-usfm="1SA.12">
 <div class="label">12</div><div class="s">Ang Talumpati ni Samuel</div><div class="p"> 1Sinabi ni Samuel sa sambayanang Israel, &#8220;Ngayon, nasunod ko na ang gusto ninyo, nabigyan ko na kayo ng hari. 2Narito na siya upang mamuno sa inyo. Ako nama'y matanda na at ang aking mga anak ay kasa-kasama ninyo. Mula sa aking kabataan hanggang ngayon ay ako ang namuno sa inyo. 3Kung#Ecc. 46:19. mayroon kayong anumang reklamo laban sa akin, sabihin ninyo sa harapan ni Yahweh at sa hinirang niyang hari. Mayroon ba akong kinuha sa inyo kahit isang baka o asno? Mayroon ba akong dinaya o inapi? Nasuhulan ba ako ng sinuman para ipikit ko ang aking mga mata sa kamalian? Sabihin ninyo ngayon at pananagutan ko kung mayroon.&#8221;</div><div class="p"> 4&#8220;Hindi mo kami dinaya o inapi. Wala kang kinuhang anuman sa amin,&#8221; sagot nila.</div><div class="p"> 5Sinabi ni Samuel, &#8220;Kung gayon, si Yahweh ang saksi ko. Saksi ko rin ang kanyang hinirang na ako'y walang ginawang masama sa inyo.&#8221;</div><div class="p">Sumagot sila, &#8220;Iyan ay alam ni Yahweh.&#8221;</div><div class="p"> 6Sinabi#Exo. 6:26. ni Samuel, &#8220;Siya nga ang saksi,#6 Siya nga ang saksi: Sa ibang manuskrito'y hindi nakasulat ang mga salitang ito. si Yahweh na pumili kina Moises at Aaron, at siya rin ang nagligtas sa inyong mga ninuno mula sa kamay ng mga Egipcio. 7Kaya nga, tumayo kayong lahat sa harapan niya at iisa-isahin ko ang mga kabutihan niyang ginawa sa inyo at sa inyong mga ninuno. 8Nang#Exo. 2:23. si Jacob at ang buo niyang sambahayan ay manirahan sa Egipto, sila'y inalipin ng mga Egipcio.#8 sila'y inalipin ng mga Egipcio: Sa ibang manuskrito'y hindi nakasulat ang mga salitang ito. Humingi ng tulong kay Yahweh ang inyong mga magulang at ibinigay sa kanila sina Moises at Aaron. Sa pangunguna ng mga ito, sila'y inilabas niya sa Egipto at dinala sa lupaing ito. 9Ngunit#Huk. 4:2; Huk. 13:1; Huk. 3:12. si Yahweh ay tinalikuran ng sambayanan. Kaya't sila'y ipinalupig niya kay Sisera, ang pinuno ng hukbo ni Jabin na hari ng Hazor, gayundin sa mga Filisteo at sa mga Moabita. 10Pagkatapos#Huk. 10:10-15. ay dumaing sila kay Yahweh at kanilang sinabi, &#8216;Nagkasala kami sapagkat tinalikuran ka namin. Naglingkod kami kay Baal at kay Astarot. Iligtas mo kami ngayon sa aming mga kaaway at maglilingkod kami sa iyo.&#8217; 11At#Huk. 7:1; Huk. 4:6; Huk. 11:29; 1 Sam. 3:20. ipinadala sa kanila ni Yahweh sina Gideon,#11 GIDEON: o kaya'y Jerubaal. Barak,#11 BARAK: o kaya'y Bedan. Jefte, at Samuel; iniligtas nila kayo at pinangalagaan laban sa inyong mga kaaway kaya't mapayapa kayong nakapamuhay. 12Ngunit#1 Sam. 8:19. nang kayo'y sasalakayin ni Nahas na hari ng mga Ammonita, ipinagpilitan ninyong, &#8220;Basta, gusto naming isang hari ang mamuno sa amin,&#8221; bagama't alam ninyong si Yahweh na inyong Diyos ang inyong hari.</div><div class="p"> 13&#8220;Narito ngayon ang haring hiningi ninyo, ibinigay na sa inyo ni Yahweh. 14Kung mamumuhay kayong may takot kay Yahweh, kung maglilingkod kayo sa kanya at susundin ang kanyang kalooban, kung hindi kayo susuway sa kanyang mga utos, at kung kayo at ang inyong hari ay susunod kay Yahweh na inyong Diyos, magiging maayos ang inyong pamumuhay. 15Ngunit kapag hindi kayo sumunod sa kanya, sa halip ay lumabag sa kanyang utos, paparusahan niya kayo. 16Ngayon, tingnan ninyo ang kababalaghang gagawin ni Yahweh. 17Ngayon ay anihan ng trigo. Idadalangin ko sa kanya na kumulog at umulan para makita ninyo kung gaano kalaki ang pagkakasalang ginawa ninyo kay Yahweh nang humingi kayo ng hari.&#8221;</div><div class="p"> 18Nanalangin nga si Samuel. Noon di'y kumulog at umulan. Silang lahat ay napuno ng matinding takot kay Yahweh, at kay Samuel. 19Sinabi nila kay Samuel, &#8220;Ipanalangin mo kay Yahweh na huwag kaming mamatay dahil sa paghingi namin ng hari. Malaking kasalanan ang idinagdag namin sa marami na naming pagkakasala.&#8221;</div><div class="p"> 20&#8220;Huwag kayong matakot,&#8221; sabi ni Samuel. &#8220;Kahit malaki ang pagkakasala ninyo kay Yahweh, huwag kayong lalayo sa kanya. Ang kailangan ay paglingkuran ninyo siya nang buong puso. Huwag ninyo siyang tatalikuran. 21Lumayo kayo sa mga diyus-diyosan. Hindi kayo maililigtas ni matutulungan ng mga iyan sapagkat hindi sila tunay na Diyos. 22Hindi kayo pababayaan ni Yahweh, sapagkat iyon ang kanyang pangako. Kayo'y pinili niya bilang kanyang bayan. 23Ipapanalangin ko kayo at tuturuan ng dapat ninyong gawin. 24Subalit matakot kayo kay Yahweh. Manatili kayong tapat sa kanya, paglingkuran ninyo siya nang buong puso at lagi ninyong alalahanin ang mga kabutihang ginawa niya sa inyo. 25Ngunit kung mananatili kayo sa inyong kasamaan, malilipol kayong lahat, pati ang inyong hari.&#8221;</div>
 </div>
 </div>
</div>

<div class="version vid399 iso6393tgl" data-vid="399" data-iso6393="tgl">
 <div class="book bk1SA">
 <div class="chapter ch13" data-usfm="1SA.13">
 <div class="label">13</div><div class="s">Ang Pakikidigma Laban sa mga Filisteo</div><div class="p"> 1Tatlumpung#1 Tatlumpung: Sa tekstong Hebreo ay hindi nakasulat ang bilang na ito, at sa tekstong Griego ay hindi nakasulat ang talatang 1. taon si Saul nang siya'y maging hari ng Israel. Siya'y naghari sa loob ng dalawang taon.#1 dalawang taon: Sa tekstong Hebreo, hindi kumpleto ang pagkakasulat ng bilang na ito.</div><div class="p"> 2Pumili si Saul ng tatlong libong tauhan; ang dalawang libo ay isinama niya sa Micmas at sa kaburulan ng Bethel. Ang sanlibo naman ay pinasama niya kay Jonatan sa Gibea, sakop ng Benjamin. Ang iba'y pinauwi niya sa kani-kanilang tolda.</div><div class="p"> 3Nasakop na ni Jonatan ang kampo ng mga Filisteo sa Gibea at ito'y napabalita sa buong lupain ng mga Filisteo. Ipinabalita naman ni Saul sa buong Israel ang nangyari at tinawagan ang buong bayan na makidigma. 4Nang marinig ng mga Israelita na nasakop na ni Saul ang isang kampo ng mga Filisteo at malaman nilang napopoot sa kanila ang mga ito, nagkaisa silang sumama kay Saul sa Gilgal upang makipaglaban.</div><div class="p"> 5Nagtipun-tipon din ang mga Filisteo upang harapin ang mga Israelita. Ang karwahe nila ay 30,000, at 6,000 ang mga kawal na nakakabayo, at parang buhangin sa dagat ang dami ng mga kawal na naglalakad. Sila'y nagkampo sa Micmas, sa gawing silangan ng Beth-aven. 6Nakita ng mga Israelita ang malaking panganib na kanilang kakaharapin at natakot sila, kaya't nagkanya-kanya silang tago sa mga kuweba, hukay, libingan, malalaking bato, at mga punongkahoy. 7Ang iba nama'y tumawid sa Jordan papuntang Gad at Gilead.</div><div class="p">Naiwan si Saul sa Gilgal at nanginginig sa takot ang mga naiwang kasama niya. 8Pitong#1 Sam. 10:8. araw siyang naghintay roon, tulad ng sinabi sa kanya ni Samuel; ngunit hindi pa rin ito dumarating. Ang mga kasama niya'y isa-isa nang umaalis, 9kaya't nagpakuha si Saul ng handog na susunugin at handog pangkapayapaan at siya na ang naghandog ng mga ito. 10Katatapos lamang niyang maghandog nang dumating si Samuel. Sinalubong siya ni Saul at binati. 11Tinanong siya ni Samuel, &#8220;Bakit mo ginawa iyan?&#8221;</div><div class="p">Sumagot siya, &#8220;Ang mga kasama ko'y isa-isa nang nag-aalisan, nariyan na sa Micmas ang mga Filisteo, at ikaw nama'y hindi dumating sa oras na ating usapan. 12Ako'y nangambang lusubin kami ng mga Filisteo rito sa Gilgal na hindi pa ako nakapaghahandog kay Yahweh, kaya napilitan akong maghandog.&#8221;</div><div class="p"> 13Sinabi sa kanya ni Samuel, &#8220;Malaking kasalanan 'yang ginawa mo. Kung sinunod mo ang iniuutos sa iyo ni Yahweh na iyong Diyos, ang sambahayan mo sana ang maghahari sa buong Israel habang panahon. 14Ngunit#Gw. 13:22. dahil sa ginawa mo, hindi na matutuloy iyon. Si Yahweh ay pipili ng isang taong mula sa kanyang puso na maghahari sa Israel sapagkat hindi mo sinunod ang mga utos niya sa iyo.&#8221;</div><div class="p"> 15Pagkasabi nito'y umalis si Samuel at nagpunta sa Gibea, sa lupain ng Benjamin. Tinipon ni Saul ang natira niyang mga tauhan at umabot sa 600. 16Sina Saul at Jonatan, pati ang kanilang mga tauhan ay nagkampo naman sa Gibea ng Benjamin samantalang nasa Micmas pa rin ang mga Filisteo. 17Ang mga ito'y nagtatlong pangkat sa pagsalakay sa mga Israelita: ang una'y gumawi sa Ofra, sa lupain ng Sual; 18ang ikalawa'y sa Beth-horon, at ang pangatlo'y sa kaburulan, sa may hanggahan ng kapatagan ng Zeboim at ng kagubatan.</div><div class="p"> 19Noon ay wala ni isa mang panday sa buong Israel sapagkat ayaw ng mga Filisteo na makagawa ng mga tabak o sibat ang mga Israelita. 20Kaya ang mga Israelita'y sa mga Filisteo pa nagpapahasa ng kanilang araro, asarol, palakol at karit. 21Mahal ang bayad nila sa pagpapahasa ng palakol o karit, at mas mahal pa para sa araro o asarol. 22Kaya, sina Saul at Jonatan lamang ang may tabak; isa man sa mga kasamahan nila'y walang dalang patalim. 23Samantala, binantayang mabuti ng mga Filisteo ang daanan papuntang Micmas.</div>
 </div>
 </div>
</div>

<div class="version vid399 iso6393tgl" data-vid="399" data-iso6393="tgl">
 <div class="book bk1SA">
 <div class="chapter ch14" data-usfm="1SA.14">
 <div class="label">14</div><div class="s">Ang Tagumpay ni Jonatan sa Micmas</div><div class="p"> 1Isang araw, lingid sa kaalaman ng kanyang ama, sinabi ni Jonatan sa tagadala niya ng mga sandata, &#8220;Sumama ka sa akin at liligid tayo sa kabila ng kampo ng mga Filisteo.&#8221; 2Si Saul noon ay nasa labas ng Gibea, sa ilalim ng isang puno ng granada sa Micron, kasama ang may animnaraang tauhan. 3Naroon din ang paring si Ahias na anak ni Ahitob, kapatid ni Icabod at apo ni Finehas na anak naman ni Eli, ang pari ni Yahweh sa Shilo. Dala ni Ahias ang efod. Walang nakaalam sa lakad nina Jonatan.</div><div class="p"> 4Ang magkabila ng daanang binabantayan ng mga Filisteo ay mataas na bato; Bozez ang tawag sa isang panig, at Sene naman ang kabila. 5Ang isa ay nasa gawing hilaga, sa tapat ng Micmas at ang isa nama'y nasa timog, sa tapat ng Gibea.</div><div class="p"> 6Sinabi ni Jonatan sa tagadala niya ng mga sandata, &#8220;Pumunta tayo sa kampo ng mga Filisteong ito. Natitiyak kong tutulungan tayo ni Yahweh at walang makakahadlang sa kanya. Pagtatagumpayin niya ang Israel sa pamamagitan ng marami o ng kakaunting tao.&#8221;</div><div class="p"> 7Sumagot ang tagadala niya ng sandata, &#8220;Kayo po ang masusunod; kasama ninyo ako anuman ang mangyari.&#8221;</div><div class="p"> 8&#8220;Mabuti kung gayon,&#8221; sabi ni Jonatan. &#8220;Tatawid tayo at magpapakita sa kanila. 9Kapag sinabi nilang hintayin natin sila, hindi tayo tutuloy ng paglapit sa kanila. 10Pero kapag sinabi nilang lumapit tayo, lalapit tayo sa kanila sapagkat iyon ang palatandaang sila'y ibinigay sa atin ni Yahweh.&#8221;</div><div class="p"> 11At lumakad na silang dalawa. Nang matanaw sila ng mga Filisteo, sinabi ng mga ito, &#8220;Hayun, naglalabasan na sa lungga ang mga Hebreo.&#8221; 12At hiniyawan nila sina Jonatan, &#8220;Halikayo rito at may sasabihin kami sa inyo.&#8221;</div><div class="p">Sinabi ni Jonatan sa tagadala niya ng sandata, &#8220;Sumunod ka sa akin. Niloob ni Yahweh na sila'y mahulog sa kamay ng Israel.&#8221; 13Nagmamadali siyang umakyat sa matarik na bato, at sinalakay ang mga Filisteo. Bumabagsak ang bawat makaharap niya at ang mga ito'y pinapatay naman ng tagadala niya ng sandata. 14Dalawampu ang napatay nila sa pagsalakay na iyon sa may kalahating ektaryang pinaglabanan nila. 15Nasindak ang mga Filisteo, maging ang mga nasa lansangan, gayundin ang mga nasa kampo. Nayanig ang lupa at hindi nila malaman ang gagawin.</div><div class="s">Natalo ang mga Filisteo</div><div class="p"> 16Nakita ng mga kawal ni Saul sa Gibea ang pagkakagulo ng mga Filisteo. 17Sinabi ni Saul sa kanyang mga kasama, &#8220;Tingnan nga ninyo kung sino ang wala sa atin.&#8221; Tiningnan nila at natuklasan nilang wala si Jonatan at ang tagadala nito ng sandata.</div><div class="p"> 18At sinabi ni Saul kay Ahias, &#8220;Dalhin mo rito ang efod.&#8221; Si Ahias nga ang may dala ng efod noon. 19Samantalang kinakausap ni Saul ang pari, palubha naman nang palubha ang kaguluhan ng mga Filisteo, kaya sinabi ni Saul sa pari, &#8220;Huwag mo nang ituloy ang pagsangguni sa Diyos.&#8221; 20Sinalakay ni Saul at ng kanyang mga tauhan ang mga Filisteo na dinatnan nilang nagkakagulo, sila-sila'y nagtatagaan. 21Ang mga Hebreo namang kasama ng mga Filisteo ay pumanig na sa mga Israelita. 22Pati ang mga Israelitang nagtatago sa kabundukan ng Efraim ay sumama na rin sa pagsalakay sa mga Filisteo. 23Ang labanan ay umabot sa kabila ng Beth-aven at nang araw na iyon, iniligtas ni Yahweh ang Israel.</div><div class="s">Ang Sumpa ni Saul</div><div class="p"> 24Ang mga Israelita ay nanghihina na sa gutom nang araw na iyon. Ngunit walang mangahas kumain sapagkat mahigpit na ipinagbawal ni Saul ang tumikim ng pagkain bago lumubog ang araw hanggang hindi nila nalilipol ang mga kaaway. 25Nakarating sila sa isang kagubatan na sagana sa pulot. 26Pagpasok nila rito, nakita nilang umaagos ang pulot ngunit ni hindi sila tumikim dahil natatakot sila sa sumpa ni Saul. 27Palibhasa'y hindi alam ni Jonatan ang tungkol sa sumpa ng kanyang ama, itinubog niya sa pulot ang kanyang tungkod, at sinipsip ito. At nagliwanag ang kanyang paninging nanlabo na dahil sa gutom at pagod. 28Sinabi sa kanya ng isa sa mga Israelita, &#8220;Mahigpit pong ipinagbabawal ng iyong ama ang tumikim ng pagkain sa araw na ito. Kaya latang-lata na ang mga tao.&#8221;</div><div class="p"> 29Sinabi ni Jonatan, &#8220;Bakit pinahihirapan ng aking ama ang mga tao? Heto at nagliwanag ang aking paningin nang tumikim ako ng pulot. 30Gaano pa kaya kung ang mga tao'y pababayaang kumain ng mga pagkaing nasamsam nila. Lalo sanang madadali ang paglipol sa mga Filisteo.&#8221;</div><div class="p"> 31Nang araw na iyon, ang mga Filisteo'y nalupig ng mga Israelita mula sa Micmas hanggang Ahilon, ngunit lambot na lambot na sila sa gutom. 32Kaya, nagmamadali silang humuli ng mga hayop ng mga Filisteo. Nagpatay sila ng mga tupa, baka at mga guya. Dahil sa gutom, kinain ang mga ito nang hindi na nakuhang alisan ng dugo. 33May#Gen. 9:4; Lev. 7:26-27; 17:10-14; 19:26; Deut. 12:16, 23; 15:23. nagsumbong kay Saul na ang hukbo'y gumagawa ng malaking kasalanan kay Yahweh; kumakain sila ng karneng may dugo.</div><div class="p">Kaya't sinabi ni Saul, &#8220;Ito'y isang malaking kataksilan! Igulong ninyo rito ang isang malaking bato, ngayon din. 34Sabihin ninyo sa mga tao na magdala rito ng baka o tupa at dito nila papatayin at kakanin para hindi sila magkasala kay Yahweh dahil sa pagkain ng dugo.&#8221; Kinagabihan, ang mga Israelita'y nagdala ng mga baka at doon pinatay. 35Si Saul nama'y nagtayo ng altar para kay Yahweh; ito ang unang altar na kanyang ginawa.</div><div class="p"> 36Sinabi ni Saul sa kanyang mga tauhan, &#8220;Mamayang gabi, lulusubin natin ang mga Filisteo at lilipulin natin sila hanggang sa mag-umaga; wala tayong ititirang buh&#225;y sa kanila.&#8221;</div><div class="p">Sumagot sila, &#8220;Kayo po ang masusunod.&#8221;</div><div class="p">Ngunit sinabi ng pari, &#8220;Sumangguni muna tayo sa Diyos.&#8221;</div><div class="p"> 37Sumangguni nga si Saul sa Diyos, &#8220;Lulusubin na po ba namin ang mga Filisteo? Pagtatagumpayin po ba ninyo kami?&#8221; Ngunit hindi siya sinagot ng Diyos. 38Kaya't sinabi niya, &#8220;Magsama-sama ang lahat ng pinuno ng Israel para malaman natin kung sino ang nagkasala. 39Sinuman siya ay tiyak na papatayin kahit na ang anak kong si Jonatan. Saksi si Yahweh, ang Diyos na buh&#225;y#39 Saksi si Yahweh, ang Diyos na buh&#225;y: o kaya'y Hangga't si Yahweh ay nabubuhay. at tagapagligtas ng Israel.&#8221; Walang umimik isa man sa mga Israelita. 40Sinabi ni Saul, &#8220;Magsama-sama kayo sa isang panig at kami naman ni Jonatan sa kabila.&#8221;</div><div class="p">Sumagot ang mga tao, &#8220;Kayo po ang masusunod.&#8221;</div><div class="p"> 41Pagkatapos,#Bil. 27:21; 1 Sam. 28:6. tumingala si Saul at sinabi, &#8220;Yahweh, Diyos ng Israel, bakit hindi kayo sumagot ngayon sa inyong lingkod? Kung ang nagkasala'y alinman sa amin ni Jonatan, ipabunot ninyo sa amin ang Urim. Ngunit kung ang mga tao ang nagkasala, ipabunot ninyo ang Tumim.&#8221; Nang gawin ang palabunutan, lumitaw na ang nagkasala'y ang panig nina Saul at Jonatan; walang dapat panagutan ang mga tao. 42Sinabi ni Saul, &#8220;Gagawin ngayon ang palabunutan para malaman kung sino sa amin ni Jonatan ang nagkasala.&#8221; At si Jonatan ang lumitaw na may kasalanan. 43Dahil dito, tinanong ni Saul si Jonatan, &#8220;Magsabi ka ng totoo, ano ang ginawa mo?&#8221;</div><div class="p">Sumagot siya, &#8220;Itinubog ko ang aking tungkod sa pulot at ito'y aking tinikman. Kung kailangan akong patayin dahil doon, nakahanda po akong mamatay.&#8221;</div><div class="p"> 44Sinabi ni Saul, &#8220;Gawin ng Diyos ang nararapat sa iyo at sa akin; mamamatay ka, Jonatan.&#8221;</div><div class="p"> 45Sumagot ang mga tao, &#8220;Papatayin ba si Jonatan na nanguna sa pagtatagumpay ng Israel? Saksi si Yahweh, ang Diyos na buh&#225;y,#45 Saksi si Yahweh, ang Diyos na buh&#225;y: o kaya'y Hangga't si Yahweh ay nabubuhay. isa mang buhok niya'y hindi malalaglag sapagkat siya ang kinasangkapan ngayon ng Diyos upang magtagumpay ang Israel.&#8221; Hindi nga pinatay si Jonatan sapagkat iniligtas siya ng mga Israelita.</div><div class="p"> 46Tinigilan na ni Saul ang paghabol sa mga Filisteo; ang mga ito nama'y bumalik na sa kanilang teritoryo.</div><div class="s">Ang Paghahari ni Saul at ang Kanyang Pamilya</div><div class="p"> 47Sa panahon ng paghahari ni Saul sa Israel, nakalaban niya ang lahat niyang mga kaaway sa magkabi-kabilang panig. Ito'y ang mga Moabita, Ammonita, Edomita, Sobita at mga Filisteo. Nagtatagumpay siya saanman siya mapalaban. 48Lalong kinilala ang kanyang kapangyarihan nang talunin niya ang mga Amalekita, at patuloy na ipagtanggol ang Israel laban sa mga nagtatangkang sumakop dito.</div><div class="p"> 49Ito ang mga anak ni Saul: ang tatlong lalaki ay sina Jonatan, Isui at Melquisua; ang mga babae nama'y sina Merab at Mical. 50Ang asawa ni Saul ay si Ahinoam na anak ni Ahimaaz. Ang pinuno ng kanyang hukbo ay si Abner na anak ng tiyo niyang si Ner 51na kapatid ng ama niyang si Kish at anak naman ni Abiel.</div><div class="p"> 52Sa buong panahon ng paghahari ni Saul, naging mahigpitan ang labanan nila ng mga Filisteo. Kaya lahat ng lalaking makita niyang matapang at malakas ay isinasama niya sa kanyang hukbo.</div>
 </div>
 </div>
</div>

<div class="version vid399 iso6393tgl" data-vid="399" data-iso6393="tgl">
 <div class="book bk1SA">
 <div class="chapter ch15" data-usfm="1SA.15">
 <div class="label">15</div><div class="s">Ang Pagpuksa sa Amalek at ang Pagsuway ni Saul</div><div class="p"> 1Sinabi#1 Sam. 10:1. ni Samuel kay Saul, &#8220;Isinugo ako ni Yahweh upang hirangin ka bilang hari ng Israel. Kaya't pakinggan mo ang mensahe ni Yahweh. 2Ipinapasabi#Exo. 17:8-14; Deut. 25:17-19. ni Yahweh na Makapangyarihan sa lahat, &#8216;Paparusahan ko ang Amalek tulad ng ginawa niya sa Israel nang ito'y inilalabas ko sa Egipto. 3Lusubin mo ang Amalek at lipulin silang lahat. Wasakin mo ang lahat nilang ari-arian at huwag magtitira kahit isa. Patayin mo silang lahat, babae't lalaki, mula sa pinakamatanda hanggang sa sanggol. Patayin mo rin ang kanilang mga baka, tupa, kamelyo at asno.&#8221;</div><div class="p"> 4Kaya't tinipon ni Saul sa Telaim ang buong hukbo ng Israel. Nang bilangin niya'y umabot ito sa dalawampung libong mga kawal, bukod pa sa sampung libo buhat sa Juda. 5Pinangunahan niya ang mga ito papunta sa Lunsod ng Amalek. Nag-abang sila sa isang natuyong ilog na malapit doon at 6nagpasugo sa mga Cineo at ipinasabi niya, &#8220;Umalis na kayo riyan. Humiwalay kayo sa mga Amalekita para hindi kayo madamay sa kanila sapagkat pinagpakitaan ninyo kami ng mabuti sa aming paglalakbay mula sa Egipto.&#8221; Kaya't umalis ang mga Cineo.</div><div class="p"> 7Sinalakay nina Saul ang mga Amalekita at tinalo ang mga ito mula sa Avila hanggang sa Sur, sa silangan ng Egipto. 8Nilipol niya ang mga taong-bayan ngunit binihag nang buh&#225;y si Haring Agag. 9Hindi rin pinatay nina Saul ang magagandang baka, tupa at lahat ng matatabang hayop doon; ang pinatay lang nila ay lahat ng hindi na papakinabangan.</div><div class="s">Itinakwil si Saul Bilang Hari</div><div class="p"> 10Sinabi ni Yahweh kay Samuel, 11&#8220;Nanghihinayang ako sa pagkapili ko kay Saul bilang hari sapagkat tinalikuran niya ako at sinuway ang aking mga utos.&#8221; Nagalit si Samuel, at magdamag siyang nanalangin kay Yahweh. 12Kinabukasan, maaga siyang bumangon upang makipagkita kay Saul. Ngunit may nagsabi sa kanya na nagpunta ito sa Carmelo upang magpatayo ng sariling monumento, at pagkatapos ay nagtuloy sa Gilgal. 13Sumunod siya roon at nang makita siya ni Saul ay binati siya, &#8220;Pagpalain ka ni Yahweh. Sinunod kong lahat ang utos niya.&#8221;</div><div class="p"> 14Itinanong ni Samuel, &#8220;Ano itong naririnig kong iyakan ng mga tupa at unga ng mga baka?&#8221;</div><div class="p"> 15Sumagot si Saul, &#8220;Kinuha iyan ng mga tauhan ko sa Amalek. Kinuha nila ang pinakamainam na tupa at baka upang ihandog kay Yahweh. Ang mga walang halaga ay pinatay namin.&#8221;</div><div class="p"> 16Sinabi ni Samuel, &#8220;Tumigil ka! Pakinggan mo ang sinabi sa akin ni Yahweh kagabi.&#8221;</div><div class="p">&#8220;Ano iyon?&#8221; tanong ni Saul.</div><div class="p"> 17Sinabi ni Samuel, &#8220;Noong una, napakaliit pa ng tingin mo sa iyong sarili. Ngayon, ikaw ang namumuno sa Israel sapagkat pinili ka ni Yahweh at binuhusan ng langis upang maging hari. 18Inutusan ka niyang lusubin ang masamang bayan ng Amalek at mahigpit na ipinagbiling puksain ang mga ito. 19Bakit mo sinuway ang utos ni Yahweh? Bakit mo pinag-imbutan ang mga ito? Hindi mo ba alam na ang ginawa mo'y malaking kasalanan kay Yahweh?&#8221;</div><div class="p"> 20Sumagot si Saul, &#8220;Sinunod ko si Yahweh. Pumunta ako sa pinapuntahan niya sa akin. Binihag ko si Agag na hari ng Amalek at nilipol ang mga Amalekita. 21Ngunit pinili ng mga tao ang pinakamaiinam sa mga tupa at baka at hindi namin pinatay kasama ng iba, sa halip ay iniuwi namin sa Gilgal upang ihandog kay Yahweh.&#8221;</div><div class="p"> 22Sinabi ni Samuel, &#8220;Akala mo ba'y higit na magugustuhan ni Yahweh ang handog at hain kaysa ang pagsunod sa kanya? Mas mabuti ang pagsunod kay Yahweh kaysa paghahandog, at ang pakikinig ay higit sa haing taba ng tupa. 23Ang pagsuway sa kanya ay kasinsama ng pangkukulam, at ang katigasan ng ulo'y tulad ng pagsamba sa diyus-diyosan. Sapagkat itinakwil mo ang salita ni Yahweh, itinakwil ka rin niya bilang hari.&#8221;</div><div class="p"> 24Sinabi ni Saul kay Samuel, &#8220;Nagkasala ako! Sinuway ko nga ang utos ni Yahweh at ang bilin mo sa akin. Nagawa ko ito sapagkat natakot ako sa aking mga tauhan, kaya't pinagbigyan ko ang kanilang kagustuhan. 25Ngayon ay nakikiusap ako sa iyo na patawarin mo na ang aking kasalanan at samahan mo ako sa pag-uwi upang ako'y makasamba kay Yahweh.&#8221;</div><div class="p"> 26Sinabi ni Samuel, &#8220;Hindi kita masasamahan sapagkat sinuway mo ang utos ni Yahweh. Itinakwil ka na niya bilang hari ng Israel.&#8221;</div><div class="p"> 27Tumalikod#1 Sam. 28:17; 1 Ha. 11:30-31. si Samuel upang umalis, ngunit hinawakan ni Saul ang laylayan ng damit nito at napunit ang kapiraso nito. 28Sinabi ni Samuel kay Saul, &#8220;Sa araw na ito, tinanggal na sa iyo ni Yahweh ang pagiging hari ng Israel, at ibinigay na ito sa isang taong mas mabuti kaysa iyo. 29Ang maluwalhating Diyos ng Israel ay hindi nagsisinungaling at hindi nagbabago ng pag-iisip. Hindi siya tulad ng tao na nagbabago ng pag-iisip.&#8221;</div><div class="p"> 30Sumagot si Saul, &#8220;Nagkasala nga ako ngunit sa pagkakataong ito'y ipinapakiusap sa iyo, bigyan mo ako kahit kaunting karangalan sa harapan ng matatandang pinuno at ng buong bayang Israel. Samahan mo na akong bumalik upang sumamba kay Yahweh na iyong Diyos.&#8221; 31Sumama si Samuel at si Saul nama'y sumamba kay Yahweh.</div><div class="s">Pinatay si Agag</div><div class="p"> 32Sinabi ni Samuel, &#8220;Dalhin dito si Agag, ang hari ng Amalek.&#8221; Mabigat ang mga paang humarap sa kanya si Agag at nanginginig na sinabi nito, &#8220;Siguro nama'y hindi ninyo ako papatayin.&#8221;</div><div class="p"> 33Sumagot si Samuel, &#8220;Kung paanong nawalan ng anak ang maraming ina dahil sa iyong tabak, ang iyong ina naman ang mawawalan ngayon ng anak.&#8221; At si Agag ay pinagputul-putol ni Samuel sa harap ng altar ni Yahweh sa Gilgal.</div><div class="p"> 34Pagkatapos nito'y umuwi si Samuel sa Rama, si Saul naman ay sa Gibea. 35Mula noon, hindi na siya muling nakipagkita kay Saul; subalit ikinalungkot din niya ang nangyari kay Saul. Si Yahweh naman ay nanghinayang sa pagkapili niya kay Saul bilang hari.</div>
 </div>
 </div>
</div>

<div class="version vid399 iso6393tgl" data-vid="399" data-iso6393="tgl">
 <div class="book bk1SA">
 <div class="chapter ch16" data-usfm="1SA.16">
 <div class="label">16</div><div class="s">Pinapunta kay Jesse si Samuel</div><div class="p"> 1Sinabi ni Yahweh kay Samuel, &#8220;Hanggang kailan ka malulungkot para kay Saul? Itinakwil ko na siya bilang hari ng Israel. Ngayo'y magdala ka ng langis at pumunta ka kay Jesse na taga-Bethlehem sapagkat pinili ko upang maging hari ang isa sa kanyang mga anak.&#8221;</div><div class="p"> 2Sumagot si Samuel, &#8220;Paano ako pupunta roon? Tiyak na papatayin ako ni Saul kapag nalaman niya ang dahilan ng pagpunta ko roon.&#8221;</div><div class="p">Sinabi ni Yahweh, &#8220;Magdala ka ng isang dumalagang baka at sabihin mong maghahandog ka kay Yahweh. 3Anyayahan mo si Jesse sa paghahandog at ituturo ko sa iyo kung ano ang gagawin mo at kung sino ang papahiran mo ng langis.&#8221;</div><div class="p"> 4Sinunod ni Samuel ang utos sa kanya ni Yahweh; nagpunta nga siya sa Bethlehem. Siya'y sinalubong ng matatandang pinuno sa lunsod at nanginginig na nagtanong, &#8220;Sa ikabubuti ba namin ang inyong pagparito?&#8221;</div><div class="p"> 5&#8220;Oo,&#8221; sagot niya. &#8220;Naparito ako upang maghandog kay Yahweh. Ihanda ninyo ang inyong sarili at sumama kayo sa akin.&#8221; Pinahanda rin niya si Jesse at ang mga anak nito, at inanyayahan din sila sa paghahandog.</div><div class="p"> 6Nang makarating na sila, nakita ni Samuel si Eliab. Pinagmasdan niya ito at sinabi sa sarili, &#8220;Ito na nga ang pinili ni Yahweh para maging hari.&#8221;</div><div class="p"> 7Ngunit sinabi sa kanya ni Yahweh, &#8220;Huwag mong tingnan ang kanyang taas at kakisigan sapagkat hindi siya ang pinili ko. Si Yahweh'y hindi tumitingin nang katulad ng pagtingin ng tao. Panlabas na anyo ang tinitingnan ng tao ngunit sa puso tumitingin si Yahweh.&#8221;</div><div class="p"> 8Pagkaraan ni Eliab, tinawag ni Jesse si Abinadab at pinaraan din ito sa harapan ni Samuel. Ngunit sinabi ni Samuel, &#8220;Hindi rin siya ang pinili ni Yahweh.&#8221; 9Tinawag ni Jesse si Samma, ngunit sinabi rin ni Samuel na hindi ito ang pinili ni Yahweh. 10Isa-isang tinawag ni Jesse ang pito niyang anak ngunit wala sa kanila ang pinili ni Yahweh. 11Kaya't tinanong ni Samuel si Jesse, &#8220;Mayroon ka pa bang anak na wala rito?&#8221;</div><div class="p">&#8220;Mayroon pang isa; ang bunso na nagpapastol ng mga tupa,&#8221; sagot ni Jesse.</div><div class="p">Sinabi ni Samuel, &#8220;Ipasundo mo siya. Hindi natin sisimulan ang paghahandog hangga't hindi siya dumarating.&#8221;</div><div class="s">Pinili si David</div><div class="p"> 12At sinundo nga ang anak na ito ni Jesse. Siya'y makisig na binatilyo, malusog at maganda ang mga mata.</div><div class="p">At sinabi ni Yahweh kay Samuel, &#8220;Siya ang pinili ko; buhusan mo siya ng langis.&#8221; 13Kinuha ni Samuel ang sungay na sisidlan ng langis, at binuhusan niya si David ng langis sa harapan ng kanyang mga kapatid. At nilukuban si David ng Espiritu#13 ESPIRITU: o kaya'y kapangyarihan. ni Yahweh. Mula noon, sumakanya na ang Espiritu#13 ESPIRITU: o kaya'y kapangyarihan. ni Yahweh. Pagkatapos, si Samuel ay bumalik naman sa Rama.</div><div class="s">Naglingkod si David kay Saul</div><div class="p"> 14Samantala, ang Espiritu#14 ESPIRITU: o kaya'y kapangyarihan. ni Yahweh ay umalis na kay Saul at sa pahintulot ni Yahweh, isang masamang espiritu naman ang nagpahirap kay Saul. 15Sinabi sa kanya ng kanyang mga lingkod, &#8220;Pinahihirapan kayo ng isang masamang espiritu galing sa Diyos. 16Kung gusto po ninyo, ihahanap namin kayo ng isang taong mahusay tumugtog ng alpa. Kapag pinahihirapan kayo ng masamang espiritu, patugtugin ninyo siya upang maaliw kayo.&#8221;</div><div class="p"> 17Sinabi ni Saul, &#8220;Sige, ihanap ninyo ako.&#8221;</div><div class="p"> 18Isa sa mga lingkod na naroon ang nagsabi, &#8220;Si Jesse na isang taga-Bethlehem ay may isang anak na magaling tumugtog. Siya po ay matapang na mandirigma, mahusay magsalita at magandang lalaki. Nasa kanya si Yahweh.&#8221;</div><div class="p"> 19Kaya't nagpadala ng mga sugo si Saul kay Jesse at ipinasabi, &#8220;Papuntahin mo sa akin ang anak mong si David, ang pastol ng iyong mga tupa.&#8221; 20Ganoon nga ang ginawa ni Jesse. Pinagdala pa niya si David ng isang sisidlang puno ng alak, isang batang kambing at isang asnong may kargang tinapay upang ibigay kay Saul. 21Naglingkod si David kay Saul at nagustuhan naman niya ito, kaya ito'y ginawa niyang tagapagdala ng kanyang sandata. 22Ipinasabi ni Saul kay Jesse, &#8220;Bayaan mong maglingkod sa akin si David sapagkat napamahal na siya sa akin.&#8221; 23At tuwing dumarating kay Saul ang masamang espiritu mula sa Diyos, kinukuha ni David ang alpa at tinutugtugan niya ang hari. Si Saul naman ay naaaliw; umaalis sa kanya ang masamang espiritu at siya'y gumagaling.</div>
 </div>
 </div>
</div>

OT90 (Old Testament in 90 Days)Halimbawa

Anointed by The BEST

Banal na Kasulatan

Tungkol sa Gabay na ito

Mga Kaugnay na Gabay