Ang Pitong Tungkulin Ng Banal na Espiritu

Kutamaya Ng Diyos - Mga Gawa

LIWANAG - Si Hesus Ang Liwanag ng Mundo at Dinadala Niya Tayo sa Buhay sa Kanya

<div class="version vid399 iso6393tgl" data-vid="399" data-iso6393="tgl">
 <div class="book bkGEN">
 <div class="chapter ch1" data-usfm="GEN.1">
 <div class="label">1</div><div class="s">Ang Kasaysayan ng Paglikha</div><div class="p"> 1Nang pasimula ay nilikha ng Diyos ang langit at ang lupa;#1 Nang&#8230;lupa: o kaya'y Nang simulang likhain ng Diyos ang langit at ang lupa. 2ang lupa ay walang hugis o anyo. Dilim ang bumabalot sa kalaliman at kumikilos ang Espiritu ng Diyos#2 kumikilos ang Espiritu ng Diyos: o kaya'y umiihip ang malakas na hangin mula sa Diyos. sa ibabaw ng tubig. 3Sinabi#2 Mcb. 7:28; 2 Cor. 4:6. ng Diyos: &#8220;Magkaroon ng liwanag!&#8221; At nagkaroon nga. 4Nasiyahan ang Diyos nang ito'y mamasdan. Pinagbukod niya ang liwanag at ang dilim. 5Ang liwanag ay tinawag niyang Araw, at ang dilim naman ay tinawag na Gabi. Lumipas ang gabi, at sumapit ang umaga&#8212;iyon ang unang araw.</div><div class="p"> 6Sinabi#2 Ped. 3:5. ng Diyos: &#8220;Magkaroon ng kalawakang maghahati sa tubig upang ito'y magkahiwalay!&#8221; 7At nangyari ito. Ginawa ng Diyos na pumagitan ang kalawakan sa tubig na nasa itaas at sa tubig na nasa ibaba. 8Langit ang itinawag niya sa kalawakan. Lumipas ang gabi, at sumapit ang umaga&#8212;iyon ang ikalawang araw.</div><div class="p"> 9Sinabi ng Diyos: &#8220;Magsama-sama sa isang dako ang tubig sa silong ng langit upang lumitaw ang lupa.&#8221; At nangyari nga ito. 10Tinawag niyang Lupa ang tuyong bahagi at Dagat naman ang nagsama-samang tubig. Nasiyahan siya nang ito'y mamasdan. 11Pagkatapos, sinabi ng Diyos: &#8220;Magkaroon sa lupa ng lahat ng uri ng tumutubong halamang nagkakabinhi at mga punong namumunga.&#8221; At nangyari ito. 12Tumubo nga sa lupa ang gayong mga halaman. Nasiyahan siya nang ito'y mamasdan. 13Lumipas ang gabi, at sumapit ang umaga&#8212;iyon ang ikatlong araw.</div><div class="p"> 14Sinabi ng Diyos: &#8220;Magkaroon ng mga tanglaw sa langit upang mabukod ang araw sa gabi. Ito ang magiging batayan sa bilang ng mga araw, taon at kapistahan. 15Mula sa langit, ang mga ito'y magbibigay ng liwanag sa daigdig.&#8221; At gayon nga ang nangyari. 16Nilikha ng Diyos ang dalawang malalaking tanglaw: ang Araw, upang magbigay liwanag sa maghapon, at ang Buwan, upang tumanglaw kung gabi. Nilikha rin niya ang mga bituin. 17Inilagay niya sa langit ang mga tanglaw na ito upang magbigay ng liwanag sa daigdig, 18tumanglaw kung araw at gabi, at magbukod sa liwanag at dilim. Nasiyahan ang Diyos nang ito'y kanyang mamasdan. 19Lumipas ang gabi, at sumapit ang umaga&#8212;iyon ang ikaapat na araw.</div><div class="p"> 20Sinabi ng Diyos: &#8220;Magkaroon sa tubig ng maraming bagay na may buhay, at magkaroon din ng mga ibon sa himpapawid.&#8221; 21Nilikha ng Diyos ang mga dambuhala sa dagat, at lahat ng bagay na nabubuhay sa tubig, gayundin ang lahat ng uri ng ibon. Nasiyahan ang Diyos nang ito'y mamasdan. 22Pinagpala niya ang mga ito at sinabi: &#8220;Magpakarami ang lahat ng bagay na nabubuhay sa tubig at punuin ang karagatan; magpakarami rin ang mga ibon at punuin ang daigdig.&#8221; 23Lumipas ang gabi, at sumapit ang umaga&#8212;iyon ang ikalimang araw.</div><div class="p"> 24Sinabi ng Diyos: &#8220;Magkaroon ng lahat ng uri ng hayop sa lupa&#8212;maaamo, maiilap, malalaki at maliliit.&#8221; At gayon nga ang nangyari. 25Ginawa nga niya ang lahat ng ito, at nasiyahan siya nang ito'y kanyang mamasdan.</div><div class="p"> 26Pagkatapos,#Kar. 2:23; Ecc. 17:3-4; 1 Cor. 11:7. sinabi ng Diyos: &#8220;Ngayon, likhain natin ang tao ayon sa ating larawan, ayon sa ating wangis. Sila ang mamamahala sa mga isda, sa mga ibon sa himpapawid at sa lahat ng hayop, maging maamo o mailap, malaki o maliit.&#8221; 27Nilalang#Mt. 19:4; Mc. 10:6. #Gen. 5:1-2. nga ng Diyos ang tao ayon sa kanyang larawan. Sila'y kanyang nilalang na isang lalaki at isang babae, 28at sila'y pinagpala niya. Sinabi niya, &#8220;Magpakarami kayo at punuin ninyo ng inyong mga anak ang buong daigdig, at kayo ang mamahala nito. Binibigyan ko kayo ng kapangyarihan sa mga isda sa tubig, sa mga ibon sa himpapawid, at sa lahat ng mga hayop na nasa ibabaw ng lupa. 29Ibinibigay ko rin sa inyo ang lahat ng uri ng halamang nagkakabinhi at mga bungangkahoy bilang pagkain ninyo. 30Ang lahat ng halamang luntian ay ibinibigay ko naman sa lahat ng hayop sa ibabaw ng lupa at sa lahat ng mga ibon.&#8221; At ito nga ang nangyari. 31Pinagmasdan ng Diyos ang lahat niyang ginawa, at lubos siyang nasiyahan. Lumipas ang gabi, at sumapit ang umaga&#8212;iyon ang ikaanim na araw.</div>
 </div>
 </div>
</div>

<div class="version vid399 iso6393tgl" data-vid="399" data-iso6393="tgl">
 <div class="book bkGEN">
 <div class="chapter ch2" data-usfm="GEN.2">
 <div class="label">2</div><div class="p"> 1Nilikha nga ng Diyos ang langit at ang lupa at ang lahat ng bagay na naroroon. 2Tinapos#Heb. 4:4, 10. #Exo. 20:11. niyang likhain ang lahat ng ito sa loob ng anim na araw, at siya'y nagpahinga sa ikapitong araw. 3Pinagpala niya ang ikapitong araw at itinuring itong banal, sapagkat sa araw na ito siya nagpahinga matapos likhain ang lahat. 4Ganito ang pagkalikha sa langit at sa lupa.</div><div class="s">Ang Halamanan ng Eden</div><div class="p">Nang likhain ng Panginoong Yahweh ang lupa at lahat ng bagay sa langit, 5wala pang anumang halaman o pananim sa lupa, sapagkat hindi pa nagpapaulan noon ang Panginoong Yahweh, at wala pa ring nagsasaka. 6Ngunit mayroon nang bukal ng tubig na dumidilig sa kapatagan sa lupa.#6 Ngunit&#8230;dumidilig sa kapatagan sa lupa: o kaya'y Ngunit may ulap na pumaitaas buhat sa lupa at ito ang dumidilig sa buong kapatagan.</div><div class="p"> 7Pagkatapos,#Kar. 15:8, 11; 1 Cor. 15:45. ginawa ng Panginoong Yahweh ang tao#7 TAO: Sa wikang Hebreo, ang mga salitang &#8220;tao&#8221; at &#8220;alabok&#8221; ay magkasintunog. mula sa alabok, hiningahan niya sa ilong, at nagkaroon ito ng buhay.</div><div class="p"> 8Gumawa ang Panginoong Yahweh ng isang halamanan sa Eden, sa dakong silangan, at doon dinala ang taong kanyang nilalang. 9Pinatubo#Pah. 2:7; 22:2, 14. niya roon ang lahat ng uri ng punongkahoy na magagandang pagmasdan at masasarap ang bunga. Sa gitna ng halamanan ay naroon ang punongkahoy na nagbibigay-buhay, at gayundin ang punongkahoy na nagbibigay-kaalaman tungkol sa mabuti at masama.</div><div class="p"> 10Umaagos noon mula sa Eden ang isang ilog na dumidilig sa halamanan. Paglabas doon, ito'y nahahati sa apat na sanga. 11Ang una na kung tawagi'y Ilog Pishon ay umaagos sa lupain ng Havila. 12Lantay ang ginto roon at marami ring bedelio at batong onise. 13Ang ikalawang sanga ng ilog na tinawag namang Gihon ay umaagos sa lupain ng Etiopia.#13 ETIOPIA: Sa wikang Hebreo ay &#8220;Cus&#8221;; sakop ng lugar na ito ang mga kasalukuyang bansa ng Etiopia at Sudan. 14Ilog Tigris naman ang tawag sa ikatlong sanga, at umaagos naman ito sa silangan ng Asiria. Ang ikaapat na sanga ng ilog ay ang Eufrates.</div><div class="p"> 15Inilagay ng Panginoong Yahweh ang tao sa halamanan ng Eden upang ito'y pagyamanin at pangalagaan. 16Sinabi niya sa tao, &#8220;Makakain mo ang alinmang bungangkahoy sa halamanan, 17maliban sa bunga ng punongkahoy na nagbibigay ng kaalaman tungkol sa mabuti at masama. Huwag na huwag mong kakainin ang bungang iyon, sapagkat sa araw na kainin mo iyon ay mamamatay ka.&#8221;</div><div class="p"> 18Matapos gawin ang lahat ng ito, sinabi ng Panginoong Yahweh, &#8220;Hindi mabuti na mag-isa ang tao; bibigyan ko siya ng isang angkop na makakasama at makakatulong.&#8221; 19Kaya, mula sa lupa ay lumikha ang Panginoong Yahweh ng mga hayop sa parang at mga ibon sa himpapawid, dinala niya ang mga ito sa tao upang ipaubaya rito ang pagbibigay ng pangalan sa mga iyon. Kung ano ang kanyang itinawag, iyon ang naging pangalan ng mga ito. 20Ang tao nga ang nagbigay ng pangalan sa lahat ng ibon sa himpapawid at hayop sa parang. Ngunit wala isa man sa mga ito ang nababagay na makasama at makatulong niya.</div><div class="p"> 21Kaya't pinatulog ng Panginoong Yahweh ang tao. Samantalang nahihimbing, kinuha niya ang isang tadyang nito at pinaghilom ang laman sa tapat niyon. 22Ang tadyang na iyo'y ginawa niyang isang babae, at dinala niya ito sa lalaki. 23Sinabi ng lalaki,</div><div class="q1">&#8220;Sa wakas, narito ang isang tulad ko,</div><div class="q1">laman ng aking laman, buto ng aking buto;</div><div class="q1">babae ang itatawag sa kanya, sapagkat sa lalaki#23 BABAE&#8230;LALAKI: Sa wikang Hebreo, ang mga salitang &#8220;babae&#8221; at &#8220;lalaki&#8221; ay magkasintunog. siya'y kinuha.&#8221;</div><div class="m"> 24Ito#Mt. 19:5; Mc. 10:7-8; 1 Cor. 6:16; Ef. 5:31. ang dahilan kaya iniiwan ng lalaki ang kanyang ama't ina, nagsasama sila ng kanyang asawa, at sila'y nagiging isa. 25Kapwa hubad noon ang lalaki at ang babae, ngunit hindi sila nahihiya.</div>
 </div>
 </div>
</div>

<div class="version vid399 iso6393tgl" data-vid="399" data-iso6393="tgl">
 <div class="book bkGEN">
 <div class="chapter ch3" data-usfm="GEN.3">
 <div class="label">3</div><div class="s">Nagkasala ang Tao</div><div class="p"> 1Ang#Kar. 2:24; Pah. 12:9; 20:2. ahas ang pinakatuso sa lahat ng hayop na nilikha ng Panginoong Yahweh. Isang araw tinanong nito ang babae, &#8220;Totoo bang sinabi ng Diyos na huwag kayong kakain ng anumang bungangkahoy sa halamanan?&#8221;</div><div class="p"> 2Sumagot ang babae, &#8220;Maaari naming kainin ang anumang bunga sa halamanan, 3huwag lamang ang bunga ng puno na nasa gitna niyon. Sinabi ng Diyos na huwag naming kakainin ni hihipuin man ang bunga nito; kung kami raw ay kakain nito, mamamatay kami.&#8221;</div><div class="p"> 4Ngunit sinabi ng ahas, &#8220;Hindi totoo iyan, hindi kayo mamamatay! 5Sinabi lang iyan ng Diyos, sapagkat alam niyang kung kakain kayo ng bunga niyon ay makakaunawa kayo. Kayo'y magiging parang Diyos at malalaman ninyo ang mabuti at masama.&#8221;</div><div class="p"> 6Ang punongkahoy ay napakaganda sa paningin ng babae at sa palagay niya'y masarap ang bunga nito. Naisip din niya na kahanga-hanga ang maging marunong, kaya't pumitas siya ng bunga at kumain nito. Binigyan niya ang kanyang asawa, at kumain din ito. 7Nagkaroon nga sila ng pagkaunawa matapos kumain. Noon nila nalamang sila'y hubad, kaya kumuha sila ng mga dahon ng igos, pinagtahi-tahi nila ang mga ito at ginawang panakip sa katawan.</div><div class="p"> 8Nang dapit-hapon na, narinig nilang naglalakad sa halamanan ang Panginoong Yahweh, kaya't nagtago sila sa mga puno. 9Ngunit tinawag niya ang lalaki at tinanong, &#8220;Saan ka naroon?&#8221;</div><div class="p"> 10&#8220;Natakot po ako nang marinig kong kayo'y nasa halamanan; nagtago po ako sapagkat ako'y hubad,&#8221; sagot ng lalaki.</div><div class="p"> 11Nagtanong muli ang Diyos, &#8220;Sinong maysabi sa iyong hubad ka? Bakit, kumain ka ba ng bungang ipinagbabawal ko?&#8221;</div><div class="p"> 12&#8220;Kasi, pinakain po ako ng babaing ibinigay ninyo sa akin,&#8221; tugon ng lalaki.</div><div class="p"> 13&#8220;Bakit#2 Cor. 11:3; 1 Tim. 2:14. mo ginawa ang bagay na iyon?&#8221; tanong ng Panginoong Yahweh sa babae.</div><div class="p">&#8220;Mangyari po'y nilinlang ako ng ahas, kaya ako natuksong kumain,&#8221; sagot naman nito.</div><div class="s">Inihayag ng Diyos ang Kaparusahan</div><div class="p"> 14At sinabi ng Panginoong Yahweh sa ahas:</div><div class="q1">&#8220;Sa iyong ginawa'y may parusang dapat,</div><div class="q2">na ikaw lang sa lahat ng hayop ang magdaranas;</div><div class="q1">mula ngayon ikaw ay gagapang,</div><div class="q2">at ang pagkain mo'y alikabok lamang.</div><div class="q1"> 15Kayo#Pah. 12:17. ng babae'y aking pag-aawayin,</div><div class="q2">binhi mo't binhi niya'y lagi kong paglalabanin.</div><div class="q1">Ang binhi niya ang dudurog sa iyong ulo,</div><div class="q2">at sa sakong niya'y ikaw ang tutuklaw.&#8221;</div><div class="q1"> 16Sa babae nama'y ito ang sinabi:</div><div class="q1">&#8220;Sa pagbubuntis mo'y hirap ang daranasin,</div><div class="q2">at sa panganganak sakit ay titiisin;</div><div class="q1">ang asawang lalaki'y iyong nanasain,</div><div class="q2">pasasakop ka sa kanya't siya mong susundin.&#8221;</div><div class="p"> 17Ito#Heb. 6:8. naman ang sinabi ng Diyos kay Adan:</div><div class="q1">&#8220;Dahil nakinig ka sa iyong asawa,</div><div class="q2">nang iyong kainin ang ipinagbawal kong bunga;</div><div class="q1">dahil dito'y sinusumpa ko ang lupa,</div><div class="q2">sa hirap ng pagbubungkal, pagkain mo'y magmumula.</div><div class="q1"> 18Mga damo at tinik ang iyong aanihin,</div><div class="q2">halaman sa gubat ang iyong kakainin;</div><div class="q1"> 19sa pagod at pawis pagkain mo'y manggagaling</div><div class="q1">maghihirap ka hanggang sa malibing.</div><div class="q2">Dahil sa alabok, doon ka nanggaling,</div><div class="q2">sa lupang alabok ay babalik ka rin.&#8221;</div><div class="p"> 20Eva#20 EVA: Sa wikang Hebreo, ang mga salitang &#8220;Eva&#8221; at &#8220;sangkatauhan&#8221; ay magkasintunog. ang itinawag ni Adan sa kanyang asawa, sapagkat siya ang ina ng sangkatauhan. 21Ang mag-asawa'y iginawa niya ng mga damit na yari sa balat ng hayop.</div><div class="s">Pinalayas sa Hardin si Adan at si Eva</div><div class="p"> 22Pagkatapos,#Pah. 22:14. sinabi ng Panginoong Yahweh, &#8220;Katulad na natin ngayon ang tao, sapagkat alam na niya ang mabuti at masama. Baka pumitas siya at kumain ng bungangkahoy na nagbibigay-buhay at hindi na siya mamatay.&#8221; 23Kaya, pinalayas niya sa halamanan ng Eden ang tao upang magbungkal ng lupang kanyang pinagmulan.</div><div class="p"> 24Pinalayas nga siya ng Diyos. At sa dakong silangan ng halamanan ng Eden ay naglagay ang Diyos ng bantay na kerubin. Naglagay rin siya ng espadang nagniningas na umiikot sa lahat ng panig upang hindi malapitan ninuman ang punongkahoy ng buhay.</div>
 </div>
 </div>
</div>

<div class="version vid399 iso6393tgl" data-vid="399" data-iso6393="tgl">
 <div class="book bkGEN">
 <div class="chapter ch4" data-usfm="GEN.4">
 <div class="label">4</div><div class="s">Si Cain at si Abel</div><div class="p"> 1Sinipingan ni Adan ang kanyang asawa at ito'y nagdalang-tao. Nang isilang ang kanyang panganay na lalaki ay sinabi ni Eva: &#8220;Nagkaroon ako ng anak na lalaki sa tulong ni Yahweh.&#8221; Kaya Cain#1 CAIN: Sa wikang Hebreo, ang mga salitang &#8220;Cain&#8221; at &#8220;nakuha&#8221; ay magkasintunog. ang ipinangalan niya rito. 2Sinundan si Cain ng isa pang anak na lalaki, at Abel naman ang ipinangalan dito. Naging pastol ito at si Cain naman ay naging magsasaka. 3Dumating ang panahon na si Cain ay naghandog kay Yahweh ng ani niya sa bukid. 4Kinuha#Heb. 11:4. naman ni Abel ang isa sa mga panganay ng kanyang kawan. Pinatay niya ito at inihandog ang pinakamainam na bahagi. Si Yahweh ay nasiyahan kay Abel at sa kanyang handog, 5ngunit hindi niya kinalugdan si Cain at ang handog nito. Dahil dito, hindi mailarawan ang mukha ni Cain sa tindi ng galit. 6Kaya't sinabi ni Yahweh, &#8220;Anong ikinagagalit mo, Cain? Bakit ganyan ang mukha mo? 7Kung mabuti ang ginawa mo, dapat kang magsaya. Kung masama naman, ang kasalana'y tulad ng mabangis na hayop na laging nag-aabang upang lapain ka. Nais nitong pagharian ka. Kaya't kailangang mapaglabanan mo ito.&#8221;</div><div class="p"> 8Isang#Kar. 10:3; Mt. 23:35; Lu. 11:51; 1 Jn. 3:12. araw, niyaya ni Cain ang kanyang kapatid, &#8220;Abel, pumunta tayo sa bukid.&#8221; Sumama naman ito, ngunit pagdating nila sa bukid ay pinatay ni Cain si Abel.</div><div class="p"> 9Tinanong ni Yahweh si Cain, &#8220;Nasaan ang kapatid mong si Abel?&#8221;</div><div class="p">Sumagot siya, &#8220;Hindi ko alam. Bakit, ako ba'y tagapag-alaga ng aking kapatid?&#8221;</div><div class="p"> 10At#Heb. 12:24. sinabi ni Yahweh, &#8220;Cain, ano itong ginawa mo? Sumisigaw sa akin mula sa lupa ang dugo ng iyong kapatid, at humihingi ng katarungan. 11Sinusumpa kita ngayon, at hindi mo na maaaring bungkalin ang lupa dahil dumanak doon ang dugo ng kapatid mo na iyong pinaslang. 12Bungkalin mo man ang lupa upang tamnan, hindi ka mag-aani; wala kang matitirhan at magiging lagalag ka sa daigdig.&#8221;</div><div class="p"> 13&#8220;Napakabigat namang parusa ito!&#8221; sabi ni Cain kay Yahweh. 14&#8220;Ngayong pinapalayas mo ako sa lupaing ito upang malayo sa iyong paningin, at maglagalag sa daigdig, papatayin ako ng sinumang makakakita sa akin.&#8221;</div><div class="p"> 15&#8220;Hindi,&#8221; sagot ni Yahweh. &#8220;Paparusahan ng pitong ibayo ang sinumang papatay sa iyo.&#8221; Kaya't nilagyan ni Yahweh ng palatandaan si Cain upang maging babala sa sinuman na ito'y hindi dapat patayin. 16Iniwan ni Cain si Yahweh at tumira siya sa lupain ng Nod, isang lugar sa silangan ng Eden.</div><div class="s">Ang Angkan ni Cain</div><div class="p"> 17Sinipingan ni Cain ang kanyang asawa, nagdalang-tao ito at nagkaanak ng isang lalaki na pinangalanang Enoc. Pagkatapos, nagtayo si Cain ng isang lunsod at ito'y tinawag na Enoc, bilang alaala sa kanyang anak. 18Si Enoc ang ama ni Irad na ama ni Mehujael. Anak naman nito si Metusael na ama ni Lamec. 19Nag-asawa si Lamec ng dalawa, sina Ada at Zilla. 20Naging anak ni Ada si Jabal, ang ninuno ng mga nagpapastol ng mga baka at ng mga tumitira sa tolda. 21Kapatid nito si Jubal na siya namang ninuno ng mga manunugtog ng alpa at plauta. 22Naging anak naman ni Zilla si Tubal-cain na ninuno ng lahat ng panday ng mga kagamitang tanso at bakal. Si Tubal-cain ay may kapatid na babae, si Naama. 23Sinabi ni Lamec sa dalawa niyang asawa:</div><div class="q1">&#8220;Dinggin ninyo itong aking sasabihin,</div><div class="q2">Ada at Zilla, mga asawa kong giliw;</div><div class="q1">may pinatay akong isang kabataan,</div><div class="q2">sapagkat ako'y kanyang sinugatan.</div><div class="q1"> 24Kung saktan si Cain, ang parusang gawad sa gagawa nito'y pitong patong agad;</div><div class="q2">ngunit kapag ako ang siyang sinaktan, pitumpu't pitong patong ang kaparusahan.&#8221;</div><div class="s">Ang Angkan ni Set</div><div class="p"> 25Muling sinipingan ni Adan ang kanyang asawa, at ito'y nanganak ng isa pang lalaki. Sinabi ng ina, &#8220;Binigyan ako ng Diyos ng kapalit ni Abel na pinatay ni Cain;&#8221; at ito'y tinawag niyang Set.#25 SET: Sa wikang Hebreo, ang mga salitang &#8220;Set&#8221; at &#8220;binigyan&#8221; ay magkasintunog. 26Si Set ang ama ni Enos. Noon nagsimulang tumawag sa pangalan ni Yahweh ang mga tao sa kanilang pagsamba.</div>
 </div>
 </div>
</div>

<div class="version vid399 iso6393tgl" data-vid="399" data-iso6393="tgl">
 <div class="book bkGEN">
 <div class="chapter ch5" data-usfm="GEN.5">
 <div class="label">5</div><div class="s">Ang Lahi ni Adan</div><div class="r">(1 Cro. 1:1-4)</div><div class="p"> 1Ito#Gen. 1:27-28. ang kasaysayan ng lahi na mula kay Adan. Nang likhain ng Diyos ang tao, ginawa niya ito ayon sa kanyang larawan. 2Sila'y#Mt. 19:4; Mc. 10:6. nilikha niya na lalaki at babae, at matapos pagpalain, sila'y tinawag niyang &#8220;Sangkatauhan&#8221;.#2 Sangkatauhan: o kaya'y Adan. 3Si Adan ay 130 taon nang maging anak niya si Set na kanyang kalarawan. 4Nabuhay pa siya nang walong daang taon, at nagkaroon pa ng mga anak na lalaki't babae. 5Namatay siya sa gulang na 930 taon.</div><div class="p"> 6Si Set ay 105 taon nang maging anak niya si Enos. 7Nabuhay pa siya nang 807 taon at nagkaroon din ng iba pang mga anak. 8Namatay siya sa gulang na 912 taon.</div><div class="p"> 9Siyamnapung taon naman si Enos nang maging anak niya si Kenan. 10Nabuhay pa siya nang 815 taon at nagkaroon din ng iba pang mga anak. 11Namatay siya sa gulang na 905 taon.</div><div class="p"> 12Si Kenan naman ay pitumpung taon nang maging anak si Mahalalel. 13Nabuhay pa si Kenan nang 840 taon at nagkaroon din ng iba pang mga anak. 14Namatay siya sa gulang na 910 taon.</div><div class="p"> 15Animnapu't limang taon si Mahalalel nang maging anak si Jared. 16Nabuhay pa si Mahalalel nang 830 taon at nagkaroon din ng iba pang mga anak. 17Namatay siya sa gulang na 895 taon.</div><div class="p"> 18Si Jared ay 162 nang maging anak niya si Enoc. 19Nabuhay pa si Jared nang 800 taon at nagkaroon din ng iba pang mga anak. 20Namatay siya sa gulang na 962 taon.</div><div class="p"> 21Animnapu't limang taon naman si Enoc nang maging anak niya si Matusalem. 22Tatlong daang taon pang nabuhay si Enoc na kasama ang Diyos, at nagkaroon ng iba pang mga anak. 23Umabot siya nang 365 taon, 24at#Ecc. 44:16; 49:14; Heb. 11:5; Ju. 14. sa buong panahong iyon ay namuhay siyang kasama ng Diyos. Pagkatapos, nawala siya sapagkat kinuha siya ng Diyos.</div><div class="p"> 25Si Matusalem ay 187 taon nang maging anak niya si Lamec. 26Nabuhay pa si Matusalem nang 782 taon at nagkaroon din ng iba pang mga anak. 27Namatay siya sa gulang na 969 na taon.</div><div class="p"> 28Si Lamec naman ay 182 taon nang magkaroon ng anak. 29Sinabi niya, &#8220;Mula sa lupang ito na isinumpa ni Yahweh, ipinanganak ang lulunas sa lahat ng ating mga pagpapagal at paghihirap.&#8221; Kaya't Noe#29 NOE: Sa wikang Hebreo, ang mga salitang &#8220;Noe&#8221; at &#8220;lunas&#8221; ay magkasintunog. ang ipinangalan niya sa kanyang anak. 30Nabuhay pa si Lamec nang 595 taon at nagkaroon din siya ng iba pang mga anak. 31Namatay siya sa gulang na 777 taon.</div><div class="p"> 32Si Noe nama'y 500 na nang maging anak niya sina Shem, Ham at Jafet.</div>
 </div>
 </div>
</div>

<div class="version vid399 iso6393tgl" data-vid="399" data-iso6393="tgl">
 <div class="book bkGEN">
 <div class="chapter ch6" data-usfm="GEN.6">
 <div class="label">6</div><div class="s">Ang Kasamaan ng Sangkatauhan</div><div class="p"> 1Napakarami#Job 1:6; 2:1. na ng mga tao sa daigdig nang panahong iyon. Nagkaroon sila ng mga anak na babae. 2Nang makita ng mga anak ng Diyos#2 mga anak ng Diyos: o kaya'y mga nilalang mula sa langit. na ang mga babaing anak ng tao ay magaganda, ang mga ito'y pumili sa kanila ng kanya-kanyang asawa. 3Sinabi ni Yahweh, &#8220;Hindi ko ipapahintulot na mabuhay nang habang panahon ang tao, sapagkat siya'y makalaman. Hindi na lalampas sa 120 taon ang kanyang buhay sa daigdig.&#8221; 4Nang#Bil. 13:33; Ecc. 16:7; Bar. 3:26. panahong iyon, may mga higante sa ibabaw ng lupa. Sila ang naging bunga ng pakikipagtalik ng mga anak ng Diyos sa mga anak ng tao. Ang mga higanteng iyon ay tinanghal na mga dakilang bayani at tanyag na tao noong unang panahon.</div><div class="p"> 5Nakita#Mt. 24:37; Lu. 17:26; 1 Ped. 3:20. ni Yahweh na laganap na ang kasamaan ng tao sa daigdig, at puro kasamaan na lamang ang palaging nasa isip nito. 6Kaya't labis na ikinalungkot ni Yahweh na nilikha pa niya ang tao. 7Sinabi niya, &#8220;Lilipulin ko ang lahat ng taong aking nilalang. Lilipulin ko rin ang lahat ng hayop at mga ibon. Ikinalulungkot kong nilalang ko pa ang mga ito.&#8221; 8Ngunit si Noe ay naging kalugud-lugod kay Yahweh.</div><div class="s">Si Noe</div><div class="p"> 9Ito#Ecc. 44:17-18; 2 Ped. 2:5. ang kasaysayan ni Noe. Matuwid at mabuting tao si Noe noong kanyang kapanahunan. Namuhay siya ayon sa kalooban ng Diyos. 10Siya'y may tatlong anak na lalaki, sina Shem, Ham at Jafet. 11Maliban kay Noe, masasama ang lahat ng tao sa paningin ng Diyos at laganap ang karahasan sa lahat ng dako. 12Ito ang kalagayang nakita ng Diyos sa buong daigdig; namumuhay sa kasamaan ang lahat ng tao.</div><div class="s">Pinagawa ng Malaking Barko si Noe</div><div class="p"> 13Sinabi ng Diyos kay Noe, &#8220;Napagpasyahan ko nang lipulin ang lahat ng tao sa daigdig. Umabot na sa sukdulan ang kanilang kasamaan. Gugunawin ko sila kasama ng daigdig. 14Kaya gumawa ka ng isang malaking barko na yari sa kahoy na sipres. Lagyan mo ito ng mga silid at pahiran mo ng alkitran ang loob at labas nito. 15Ang barkong gagawin mo ay 135 metro ang haba, 22 metro ang luwang, at 13.5 metro ang taas. 16Bubungan mo ito at lagyan ng kalahating metrong pagitan mula sa bubong#16 bubong: o kaya'y bintana. hanggang sa tagiliran. Gawin mong tatlong palapag ang barko at lagyan mo ng pintuan sa tagiliran. 17Palulubugin ko sa tubig ang buong daigdig at malilipol ang lahat ng may buhay sa balat ng lupa. 18Ngunit ako'y gagawa ng kasunduan natin: Isama mo ang iyong asawa at mga anak na lalaki, pati mga asawa nila, at pumasok kayo sa barko. 19Magsakay ka ng isang lalaki at isang babae ng bawat uri ng hayop at ibon upang magpatuloy ang lahi nila. 20Magsakay ka rin ng tig-iisang pares sa bawat uri ng ibon at hayop at mga gumagapang sa lupa upang magpatuloy rin ang lahi ng mga ito. 21Maglaan ka ng lahat ng uri ng pagkain para sa inyo at sa kanila.&#8221; 22At#Heb. 11:7. ginawa nga ni Noe ang lahat ng iniutos sa kanya ng Diyos.</div>
 </div>
 </div>
</div>

<div class="version vid399 iso6393tgl" data-vid="399" data-iso6393="tgl">
 <div class="book bkGEN">
 <div class="chapter ch7" data-usfm="GEN.7">
 <div class="label">7</div><div class="s">Ang Baha</div><div class="p"> 1Sinabi ni Yahweh kay Noe, &#8220;Pumasok kayong mag-anak sa barko. Sa lahat ng tao'y ikaw lamang ang nakita kong namumuhay ng matuwid. 2Magdala ka ng pitong pares sa bawat hayop na malinis, at isang pares naman sa di-malinis. 3Pitong pares din sa bawat uri ng ibon ang iyong dadalhin. Gawin mo ito upang magpatuloy ang kanilang lahi sa balat ng lupa. 4Pagkaraan ng isang linggo, pauulanin ko nang apatnapung araw at apatnapung gabi upang lipulin ang lahat ng aking nilikha sa daigdig.&#8221; 5At ginawa nga ni Noe ang bawat iniutos ni Yahweh.</div><div class="p"> 6Si Noe ay 600 taon nang bumaha sa daigdig. 7Pumasok#Mt. 24:38-39; Lu. 17:27. nga siya sa malaking barko kasama ang kanyang asawa, mga anak, at mga manugang upang maligtas sa baha. 8Sa bawat uri ng hayop, malinis o hindi, sa bawat uri ng ibon at maliliit na hayop, 9ay nagsama siya sa barko ayon sa utos ng Diyos. 10Pagkaraan ng pitong araw, bumaha nga sa buong daigdig.</div><div class="p"> 11Si#2 Ped. 3:6. Noe ay 600 ta&#243;ng gulang na noon. Noong ikalabimpitong araw ng ikalawang buwan, nabuksan ang lahat ng bukal sa ilalim ng lupa. Nabuksan din ang mga bintana ng langit. 12Bumuhos ang ulan sa loob ng apatnapung araw at apatnapung gabi. 13Pumasok noon sa barko si Noe at ang kanyang asawa, kasama ang kanilang tatlong anak na lalaki na sina Shem, Ham at Jafet at ang kani-kanilang asawa. 14Pinapasok din niya ang bawat uri ng hayop&#8212;mailap at maamo, lumalakad at gumagapang sa lupa, at bawat uri ng ibon. 15Isang lalaki at isang babae ng bawat may buhay ang isinama ni Noe, 16ayon sa utos ng Diyos. Pagkatapos, isinara ni Yahweh ang pinto ng barko.</div><div class="p"> 17Apatnapung araw na bumaha sa daigdig. Lumaki ang tubig at lumutang ang barko. 18Palaki nang palaki ang tubig habang palutang-lutang naman ang barko. 19Patuloy pang lumaki ang tubig hanggang sa lumubog ang lahat ng matataas na bundok, 20at tumaas pa nang halos pitong metro sa taluktok ng mga bundok. 21Namatay ang bawat may buhay sa lupa&#8212;mga ibon, maaamo at maiilap na mga hayop, lahat ng gumagapang sa lupa, at lahat ng tao. 22Ang lahat ng may hininga sa ibabaw ng lupa ay namatay. 23Ang mga tao at mga hayop sa daigdig ay nilipol ng Diyos, maliban kay Noe at sa kanyang mga kasama sa barko. 24Nagsimulang bumab&#226; ang tubig pagkatapos ng 150 araw.</div>
 </div>
 </div>
</div>

<div class="version vid399 iso6393tgl" data-vid="399" data-iso6393="tgl">
 <div class="book bkGEN">
 <div class="chapter ch8" data-usfm="GEN.8">
 <div class="label">8</div><div class="s">Wala nang Baha</div><div class="p"> 1Hindi nawaglit sa isipan ng Diyos si Noe at ang lahat ng hayop na kasama niya sa malaking barko. Kaya't pinaihip niya ang hangin, at nagsimulang humupa ang tubig. 2Huminto ang mga bukal at tumigil ang pagbuhos ng ulan. 3Patuloy na humupa ang tubig, at pagkaraan ng 150 araw ay mababa na ang baha. 4Sumadsad ang barko sa Bundok ng Ararat noong ikalabimpitong araw ng ikapitong buwan. 5Patuloy ang paghupa ng tubig at nang unang araw ng ikasampung buwan, lumitaw ang taluktok ng mga bundok.</div><div class="p"> 6Pagkalipas ng apatnapung araw, binuksan ni Noe ang bintana ng barko na kanyang ginawa. 7Pinalipad niya ang isang uwak at ito'y nagpabalik-balik hanggang matuyo ang tubig sa lupa. 8Pagkatapos nito, pinalipad naman niya ang isang kalapati upang tingnan kung wala nang tubig. 9Palibhasa'y laganap pa ang tubig, hindi makalapag ang kalapati, kaya't nagbalik ito at muling ipinasok ni Noe sa barko. 10Pitong araw pang naghintay si Noe, at pagkatapos ay muli niyang pinalipad ang kalapati. 11Pagbalik nito kinagabihan, ito'y may tangay nang sariwang dahon ng olibo. Kaya't natiyak ni Noe na kati na ang tubig. 12Nagpalipas ng pitong araw si Noe saka pinalipad muli ang kalapati. Hindi na ito nagbalik.</div><div class="p"> 13Noon ay 601 ta&#243;ng gulang na si Noe. Nang unang araw ng unang buwan, inalis ni Noe ang takip ng barko at nakita niyang natutuyo na ang lupa. 14Nang ikadalawampu't pitong araw ng ikalawang buwan, tuyung-tuyo na ang lupa.</div><div class="p"> 15Sinabi ng Diyos kay Noe, 16&#8220;Lumabas ka na sa barko kasama ng iyong asawa, mga anak at mga manugang. 17Palabasin mo na rin ang lahat ng mga hayop na kasama mo&#8212;maamo at mailap, gumagapang at lumalakad sa lupa, at pati ang mga ibon. Hayaan mo silang dumami at manirahan sa buong daigdig.&#8221; 18At lumabas na nga si Noe at ang kanyang asawa, mga anak at mga manugang. 19Gayundin, sunod-sunod na lumabas ang lahat ng hayop, mailap at maamo, lahat ng gumagapang at lumalakad, pati ang mga ibon ayon sa kani-kanilang uri.</div><div class="s">Naghandog si Noe</div><div class="p"> 20Si Noe ay nagtayo ng altar para kay Yahweh. Kumuha siya ng isa sa bawat malinis na hayop at ibon, at sinunog bilang handog. 21Nang maamoy ni Yahweh ang mabangong samyo nito, sinabi niya sa sarili, &#8220;Hindi ko na susumpain ang lupa dahil sa gawa ng tao bagama't alam kong masama ang kanyang isipan mula sa kanyang kabataan. Hindi ko na lilipuling muli ang anumang may buhay kagaya ng ginawa ko ngayon.</div><div class="q1"> 22Hanggang naririto't buo ang daigdig,</div><div class="q2">tagtanim, tag-ani, palaging sasapit;</div><div class="q1">tag-araw, tag-ulan, tag-init, taglamig,</div><div class="q2">ang araw at gabi'y hindi mapapatid.&#8221;</div>
 </div>
 </div>
</div>

<div class="version vid399 iso6393tgl" data-vid="399" data-iso6393="tgl">
 <div class="book bkGEN">
 <div class="chapter ch9" data-usfm="GEN.9">
 <div class="label">9</div><div class="s">Nakipagtipan ang Diyos kay Noe</div><div class="p"> 1Si#Gen. 1:28. Noe at ang kanyang mga anak ay binasbasan ng Diyos: &#8220;Magkaroon kayo ng maraming anak at punuin ninyo ng inyong supling ang buong daigdig. 2Matatakot sa inyo ang lahat ng hayop, pati mga ibon, ang lahat ng gumagapang sa lupa at ang mga isda. Ang lahat ng ito ay inilalagay ko sa ilalim ng inyong kapangyarihan. 3Gaya ng mga halamang luntian na inyong kinakain, lahat ng mga ito'y maaari na ninyong kainin. 4Huwag#Lev. 7:26-27; 17:10-14; 19:26; Deut. 12:16, 23; 15:23. lamang ninyong kakainin ang karneng hindi inalisan ng dugo sapagkat nasa dugo ang buhay. 5Mananagot ang sinumang papatay sa inyo, maging ito'y isang hayop. Pagbabayarin ko ang sinumang taong papatay ng kanyang kapwa.</div><div class="q1"> 6Sinumang#Exo. 20:13; Gen. 1:26. pumatay ng kanyang kapwa,</div><div class="q2">buhay ang kabayaran sa kanyang ginawa,</div><div class="q1">sapagkat sa larawan ng Diyos ang tao'y nilikha.</div><div class="p"> 7&#8220;Magkaroon#Gen. 1:28. nga kayo ng maraming anak upang manirahan sila sa buong daigdig.&#8221;</div><div class="p"> 8Sinabi ng Diyos kay Noe at sa kanyang mga anak, 9&#8220;Ako'y nakikipagtipan sa inyo ngayon, pati na sa inyong magiging mga anak, 10gayon din sa lahat ng mga bagay na may buhay sa paligid ninyo&#8212;sa mga ibon, pati sa maaamo't maiilap na hayop na kasama ninyo sa barko. 11Ito ang aking pakikipagtipan sa inyo: Kailanma'y hindi ko na lilipulin sa pamamagitan ng baha ang lahat ng may buhay. Wala nang baha na gugunaw sa daigdig.&#8221; 12Sinabi pa ng Diyos, &#8220;Ito ang magiging palatandaan ng walang hanggang tipan na ginagawa ko sa inyo at sa lahat ng hayop: 13Palilitawin ko sa mga ulap ang aking bahaghari, at iyan ang magiging tanda ng aking pakikipagtipan sa inyo. 14Tuwing magkakaroon ng ulap at lilitaw ang bahaghari, 15aalalahanin ko ang aking pangako sa inyo at sa lahat ng hayop. Hindi ko na lilipulin sa baha ang lahat ng may buhay. 16Tuwing lilitaw ang bahaghari, maaalala ko ang walang hanggang tipan na ginawa ko sa inyo at sa lahat ng may buhay sa balat ng lupa.&#8221;</div><div class="p"> 17At sinabi ng Diyos kay Noe, &#8220;Ito ang tanda ng aking pangako sa lahat ng nabubuhay sa lupa.&#8221;</div><div class="s">Si Noe at ang Kanyang mga Anak</div><div class="p"> 18Ang mga anak ni Noe na kasama niyang lumabas sa barko ay sina Shem, Jafet at Ham na ama ni Canaan. 19Ang tatlong ito ang pinagmulan ng lahat ng tao sa daigdig.</div><div class="p"> 20Si Noe ay isang magsasaka at siya ang kauna-unahang nagbukid ng ubasan. 21Minsan, uminom siya ng alak at nalasing. Nakatulog siyang hubad na hubad sa loob ng kanyang tolda. 22Sa gayong ayos, nakita siya ni Ham ang ama ni Canaan at ibinalita ito sa kanyang mga kapatid. 23Kaya't kumuha sina Shem at Jafet ng balabal, iniladlad sa likuran nila at magkatuwang na lumakad nang patalikod patungo sa tolda. Tinakpan nila ang katawan ng kanilang ama. Ayaw nilang makita ang kahubaran ng kanilang ama. 24Nang mawala na ang kalasingan ni Noe, at malaman ang ginawa ng bunsong anak, 25sinabi niya:</div><div class="q1">&#8220;O ikaw, Canaan, ngayo'y susumpain,</div><div class="q2">sa mga kapatid mo ika'y paaalipin.&#8221;</div><div class="q1"> 26Sinabi rin niya,</div><div class="q1">&#8220;Purihin si Yahweh, ang Diyos ni Shem,</div><div class="q2">itong si Canaa'y maglilingkod kay Shem.</div><div class="q1"> 27Palawakin nawa ng Diyos ang lupain ni Jafet.#27 JAFET: Sa wikang Hebreo, ang mga salitang &#8220;Jafet&#8221; at &#8220;Palawakin&#8221; ay magkasintunog.</div><div class="q2">Sa lahi ni Shem, sila'y mapipisan,</div><div class="q2">at paglilingkuran si Jafet nitong si Canaan.&#8221;</div><div class="p"> 28Si Noe ay nabuhay pa nang 350 taon pagkatapos ng baha, 29kaya't umabot siya sa gulang na 950 taon bago namatay.</div>
 </div>
 </div>
</div>

<div class="version vid399 iso6393tgl" data-vid="399" data-iso6393="tgl">
 <div class="book bkGEN">
 <div class="chapter ch10" data-usfm="GEN.10">
 <div class="label">10</div><div class="s">Ang mga Angkan ng mga Anak ni Noe</div><div class="r">(1 Cro. 1:5-23)</div><div class="p"> 1Ito ang kasaysayan ng mga anak ni Noe na sina Shem, Ham at Jafet pagkatapos ng baha.</div><div class="p"> 2Ang mga anak na lalaki ni Jafet ay sina Gomer, Magog, Madai, Javan, Tubal, Meshec at Tiras. 3Sina Askenaz, Rifat at Togarma ang mga anak na lalaki ni Gomer. 4Ang kay Javan naman ay sina Elisha, Tarsis, Kitim at Rodanim.#4 RODANIM: Sa ibang manuskrito'y Dodanim. 5Ito ang mga anak at apo ni Jafet. Sa kanila nagmula ang mga bansa sa baybay-dagat at mga pulo. Bawat isa'y nagkaroon ng sariling lupain at wika.</div><div class="p"> 6Ang mga anak na lalaki ni Ham ay sina Cus, Egipto, Libya at Canaan. 7Sina Seba, Havila, Sabta, Raama at Sabteca ang mga anak na lalaki ni Cus. Ang kay Raama naman ay sina Saba at Dedan. 8Si Nimrod, isa pang anak na lalaki ni Cus, ang kauna-unahan sa daigdig na naging dakila at makapangyarihan. 9Siya rin ang pinakamahusay na mangangaso dahil sa tulong ni Yahweh, kaya may kasabihang: &#8220;Maging mahusay ka sanang mangangaso tulad ni Nimrod, sa tulong ni Yahweh.&#8221; 10Kabilang sa kauna-unahang kaharian na sakop niya ang Babilonia, Erec at Acad, pawang nasa lupain ng Sinar. 11Mula rito'y pumunta siya sa Asiria at itinatag ang mga lunsod ng Nineve, Rohobot-ir, Cale 12at ang Resen sa pagitan ng Nineve at Cale, ang pangunahing lunsod.</div><div class="p"> 13Si Egipto ang ama ng mga taga-Lud, Anam, Lehab at Naftuh, 14gayon din ng mga taga-Patrus, Casluh at Caftor na pinagmulan ng mga Filisteo.</div><div class="p"> 15Ang panganay ni Canaan ay si Sidon na sinundan ni Het. 16Kay Canaan din nagmula ang mga Jebuseo, Amoreo, Gergeseo, 17Hivita, Araceo, Sineo, 18Arvadeo, Zemareo at Hamateo. Simula noon, kung saan-saan nakarating ang mga Cananeo. 19Mula sa Sidon, ang kanilang hangganan sa gawing timog ay umabot sa Gerar na malapit sa Gaza. Sa gawing silangan naman, umabot sila sa Sodoma, Gomorra, Adma at Zeboim na malapit sa Lasa. 20Ito ang lahi ni Ham na nanirahan sa iba't ibang lupain at naging iba't ibang bansa na may kani-kanilang wika.</div><div class="p"> 21Si Shem, ang nakatatandang kapatid ni Jafet, ang pinagmulan naman ng lahi ni Heber.#21 ni Heber: o kaya'y ng mga Hebreo. 22Ang kanyang mga anak ay sina Elam, Ashur, Arfaxad, Lud at Aram. 23Ang mga anak naman ni Aram ay sina Uz, Hul, Geter at Mas. 24Si Arfaxad ang ama ni Selah na ama naman ni Heber. 25Dalawa ang anak ni Heber: ang isa'y tinawag na Peleg,#25 PELEG: Sa wikang Hebreo, ang mga salitang &#8220;Peleg&#8221; at &#8220;nagkahiwa-hiwalay&#8221; ay magkasintunog. sapagkat noong panahon niya ay nagkahiwa-hiwalay ang mga tao sa daigdig; ang kapatid niya ay si Joctan. 26Si Joctan ang ama nina Almodad, Shelef, Hazarmavet, Jerah, 27Hadoram, Uzal, Dikla, 28Obal, Abimael, Sheba, 29Ofir, Havila at Jobab. Sila ang mga anak na lalaki ni Joctan. 30Mula sa Mesha hanggang Sefar sa kaburulan sa silangan ang lawak ng kanilang lupain. 31Ito ang lahi ni Shem ayon sa kani-kanilang angkan, wika at bansa.</div><div class="p"> 32Ito ang mga bansang nagmula sa mga anak ni Noe mula sa kanilang mga angkan. Sa kanila nagmula ang lahat ng bansa na lumaganap sa buong daigdig pagkatapos ng baha.</div>
 </div>
 </div>
</div>

<div class="version vid399 iso6393tgl" data-vid="399" data-iso6393="tgl">
 <div class="book bkGEN">
 <div class="chapter ch11" data-usfm="GEN.11">
 <div class="label">11</div><div class="s">Ang Tore ng Babel</div><div class="p"> 1Sa simula'y iisa ang wika at magkakapareho ang mga salitang ginagamit ng lahat ng tao sa daigdig. 2Sa kanilang pagpapalipat-lipat sa silangan,#2 pagpapalipat-lipat sa silangan: o kaya'y pagpapalipat-lipat mula sa silangan. nakarating sila sa isang kapatagan sa Shinar at doon na nanirahan. 3Nagkaisa silang gumawa ng maraming tisa at lutuin itong mabuti para tumibay. Tisa ang ginagamit nilang bato at alkitran ang kanilang semento. 4Ang sabi nila, &#8220;Halikayo at magtayo tayo ng isang lunsod na may toreng abot sa langit upang maging tanyag tayo at huwag nang magkawatak-watak sa daigdig.&#8221;</div><div class="p"> 5Bumab&#226; si Yahweh upang tingnan ang lunsod at ang toreng itinayo ng mga tao. 6Sinabi niya, &#8220;Ngayon ay nagkakaisa silang lahat at iisa ang kanilang wika. Pasimula pa lamang ito ng mga binabalak nilang gawin. Hindi magtatagal at gagawin nila ang anumang kanilang magustuhan. 7Ang mabuti'y bumab&#226; tayo at guluhin ang kanilang wika upang hindi sila magkaintindihan.&#8221; 8At ginawa ni Yahweh na ang mga tao ay magkawatak-watak sa buong daigdig, kaya natigil ang pagtatayo ng lunsod. 9Babel#9 BABEL: Sa wikang Hebreo, ang mga salitang &#8220;Babel&#8221; at &#8220;ginulo&#8221; ay magkasintunog. ang itinawag nila sa lunsod na iyon, sapagkat doo'y ginulo ni Yahweh ang wika ng mga tao. At mula roon, nagkawatak-watak ang mga tao sa buong daigdig dahil sa ginawa ni Yahweh.</div><div class="s">Ang Lahi ni Shem</div><div class="r">(1 Cro. 1:24-27)</div><div class="p"> 10Ito ang kasaysayan ng mga lahi na nagmula kay Shem. Dalawang taon makalipas ang baha, si Shem ay nagkaanak ng isang lalaki, si Arfaxad. Si Shem ay sandaang ta&#243;ng gulang na noon. 11Nabuhay pa siya nang 500 taon, at nagkaroon pa ng ibang mga anak.</div><div class="p"> 12Nang si Arfaxad ay tatlumpu't limang taon na, nagkaanak siya ng isang lalaki, si Shela. 13Nabuhay pa siya nang 403 taon, at nagkaroon pa ng ibang mga anak.</div><div class="p"> 14Tatlumpung taon na noon si Shela nang maging anak niya si Heber. 15Nabuhay pa siya nang 403 taon, at nagkaroon din ng ibang mga anak.</div><div class="p"> 16Sa gulang na tatlumpu't apat na taon, naging anak ni Heber si Peleg. 17Nabuhay pa siya nang 430 taon, at nagkaroon din ng ibang mga anak.</div><div class="p"> 18Sa gulang na tatlumpung taon, naging anak ni Peleg si Reu. 19Nabuhay pa siya nang 209 taon, at nagkaroon pa ng ibang mga anak.</div><div class="p"> 20Si Reu naman ay tatlumpu't dalawang taon na nang maging anak niya si Serug. 21Nabuhay pa siya nang 207 taon, at nagkaroon din ng ibang mga anak.</div><div class="p"> 22Si Serug ay tatlumpung taon nang maging anak niya si Nahor. 23Nabuhay pa siya nang 200 taon, at nagkaroon din ng ibang mga anak.</div><div class="p"> 24Naging anak naman ni Nahor si Terah nang siya'y dalawampu't siyam na taon. 25Nabuhay pa siya nang 119 taon, at nagkaroon din ng ibang mga anak.</div><div class="s">Ang Lahi ni Terah</div><div class="p"> 26Pitumpung taon na si Terah nang magkaanak ng tatlong lalaki: sina Abram, Nahor at Haran.</div><div class="p"> 27Ito naman ang kasaysayan ng mga anak ni Terah na sina Abram, Nahor at si Haran na ama ni Lot. 28Buh&#225;y pa si Terah nang mamatay si Haran sa kanyang sariling bayan ng Ur, sa Caldea. 29Napangasawa ni Abram si Sarai at napangasawa naman ni Nahor si Milca na anak ni Haran na ama rin ni Isca. 30Si Sarai ay hindi magkaanak sapagkat baog siya.</div><div class="p"> 31Umalis si Terah sa bayan ng Ur, Caldea, kasama ang kanyang anak na si Abram, ang asawa nitong si Sarai at si Lot na anak ni Haran. Papunta sila sa Canaan ngunit nang dumating sa Haran, doon na sila nanirahan. 32Doon namatay si Terah sa gulang na 205 taon.</div>
 </div>
 </div>
</div>

<div class="version vid399 iso6393tgl" data-vid="399" data-iso6393="tgl">
 <div class="book bkGEN">
 <div class="chapter ch12" data-usfm="GEN.12">
 <div class="label">12</div><div class="s">Tinawag ng Diyos si Abram</div><div class="p"> 1Sinabi#Kar. 10:5; Gw. 7:2-3; Heb. 11:8. ni Yahweh kay Abram, &#8220;Lisanin mo ang iyong bayan, ang tahanan ng iyong ama at mga kamag-anak, at pumunta ka sa bayang ituturo ko sa iyo. 2Pararamihin ko ang iyong mga anak at apo at gagawin ko silang isang malaking bansa. Pagpapalain kita, at gagawin kong dakila ang iyong pangalan at ikaw ay magiging pagpapala sa marami.</div><div class="q1"> 3Ang#Ga. 3:8. sa iyo'y magpapala ay aking pagpapalain,</div><div class="q1">at ang sa iyo'y sumumpa ay aking susumpain;</div><div class="q1">sa pamamagitan mo, lahat ng mga bansa sa daigdig ay aking pagpapalain.&#8221;#3 sa pamamagitan&#8230;pagpapalain: o kaya'y hihilingin ng lahat ng mga bansa na pagpalain ko sila tulad ng aking pagpapala sa iyo.</div><div class="p"> 4Sumunod nga si Abram sa utos ni Yahweh; nilisan niya ang Haran noong siya'y pitumpu't limang taon. Sumama sa kanya si Lot. 5Isinama ni Abram ang kanyang asawang si Sarai at si Lot na pamangkin niya. Dinala niyang lahat ang kanyang mga alipin at mga kayamanang naipon nila sa Haran. Pagkatapos nito'y nagtungo sila sa Canaan.</div><div class="p">Pagdating nila roon, 6nagtuloy si Abram sa isang banal na lugar sa Shekem, sa malaking puno ng Moreh. Noo'y naroon pa ang mga Cananeo. 7Nagpakita#Gw. 7:5; Ga. 3:16. kay Abram si Yahweh na nagsabi sa kanya, &#8220;Ito ang lupaing ibibigay ko sa iyong lahi.&#8221; At nagtayo si Abram ng altar para kay Yahweh na nagpakita sa kanya. 8Buhat doon, nagtuloy siya sa kaburulan sa silangan ng Bethel at huminto sa pagitan ng Bethel na nasa kanluran at ng Ai na nasa silangan. Nagtayo rin siya roon ng altar at sumamba kay Yahweh. 9Mula roon, unti-unti silang nagpatuloy papunta sa gawing timog ng Canaan.</div><div class="s">Pumunta si Abram sa Egipto</div><div class="p"> 10Nagkaroon ng matinding taggutom sa lupain ng Canaan, kaya umalis doon sina Abram at naglakbay na patimog, patungo sa lupain ng Egipto, upang doon muna manirahan. 11Nang malapit na sila sa hangganan, sinabi niya sa kanyang asawa, &#8220;Sarai, napakaganda mo. 12Kapag nakita ka ng mga Egipcio, sasabihin nilang asawa kita at papatayin nila ako para makuha ka. 13Ang#Gen. 20:2; 26:7. mabuti pa'y sabihin mong magkapatid tayo. Alang-alang sa iyo, hindi nila ako papatayin.&#8221; 14Nang makapasok na sina Abram sa Egipto, napuna nga ng mga Egipcio na napakaganda ni Sarai. 15Nang nakita siya ng mga pinuno roon, ibinalita nila sa Faraon kung gaano siya kaganda. Kaya't iniutos nitong kunin si Sarai at dalhin sa palasyo. 16Dahil sa kanya, mabuti ang naging pagtanggap ng Faraon kay Abram at binigyan pa niya ito ng mga tupa, kambing, baka, asno, kamelyo at mga alipin.</div><div class="p"> 17Dahil dito'y pinahirapan ni Yahweh ang Faraon. Siya at ang buong palasyo ay nagdanas ng katakut-takot na karamdaman. 18Kaya't si Abram ay ipinatawag ng Faraon at tinanong, &#8220;Bakit mo ito ginawa sa akin? Bakit hindi mo sinabing asawa mo siya? 19Ang sabi mo'y kapatid mo siya, kaya naman kinuha ko siya para maging asawa. Heto na ang asawa mo. Kunin mo siya at umalis na kayo!&#8221; 20Iniutos ng Faraon sa kanyang mga tauhan na paalisin ang mag-asawa, dala ang lahat nilang ari-arian.</div>
 </div>
 </div>
</div>

<div class="version vid399 iso6393tgl" data-vid="399" data-iso6393="tgl">
 <div class="book bkGEN">
 <div class="chapter ch13" data-usfm="GEN.13">
 <div class="label">13</div><div class="s">Nagkahiwalay sina Abram at Lot</div><div class="p"> 1Mula sa Egipto, si Abram ay naglakbay na pahilaga patungong Negeb, kasama ang kanyang asawa at ang pamangkin niyang si Lot, dala ang lahat niyang ari-arian. 2Mayaman na noon si Abram; marami na siyang mga tupa, kambing at baka. Marami na rin siyang naipong ginto at pilak. 3Mula sa Negeb, unti-unti siyang naglakbay pabalik sa dati niyang pinagkampuhan, sa pagitan ng Bethel at Ai. 4Pumunta siya sa dating pinagtayuan niya ng altar, at doon sumamba kay Yahweh.</div><div class="p"> 5Si Lot, na kasa-kasama ni Abram ay marami na ring tupa, kambing at baka. Mayroon na rin siyang sariling pamilya at mga tauhan. 6-7Dahil napakarami na ng kanilang mga hayop, hindi na sapat ang pastulan para sa mga kawan nina Abram at Lot. Kaya't madalas nag-aaway ang mga pastol nila. Nang panahon ding iyon, ang mga Cananeo at Perezeo ay naninirahan pa sa lugar na iyon.</div><div class="p"> 8Kinausap ni Abram si Lot, &#8220;Hindi tayo dapat mag-away, at ang mga tauhan natin, sapagkat magkamag-anak tayo. 9Mabuti pa'y maghiwalay tayo. Mamili ka: Kung gusto mo sa kaliwa, sa kanan ako; kung gusto mo sa kanan, sa kaliwa ako.&#8221;</div><div class="p"> 10At#Gen. 2:10. nang iginala ni Lot ang kanyang paningin, nakita niyang ang Kapatagan ng Jordan hanggang sa Zoar ay sagana sa tubig, tulad ng halamanan ni Yahweh at ng lupain ng Egipto. Nangyari ito noong hindi pa natutupok ang Sodoma at Gomorra. 11Kaya pinili niya ang dakong silangan sa Kapatagan ng Jordan, at naghiwalay nga sila ni Abram. 12Nanatili si Abram sa Canaan. Samantala, si Lot ay nanirahan naman sa mga lunsod sa kapatagan na malapit sa Sodoma. 13Napakasama ng mga tao sa lunsod ng Sodoma; namumuhay sila nang laban kay Yahweh.</div><div class="s">Nanirahan si Abram sa Hebron</div><div class="p"> 14Pagkaalis ni Lot, sinabi ni Yahweh kay Abram, &#8220;Tumanaw ka sa palibot mo. 15Ang#Gw. 7:5. buong lupaing natatanaw mo ay ibibigay ko sa iyo, at sa magiging lahi mo magpakailanman. 16Ang iyong mga salinlahi ay gagawin kong sindami ng alikabok sa lupa na di kayang bilangin ninuman. 17Libutin mo na ang buong lupain; ang lahat ng iyan ay ibibigay ko sa iyo.&#8221; 18Lumipat si Abram sa Hebron, at doon tumira sa tabi ng malalaking puno sa Mamre. Nagtayo siya roon ng altar para kay Yahweh.</div>
 </div>
 </div>
</div>

<div class="version vid399 iso6393tgl" data-vid="399" data-iso6393="tgl">
 <div class="book bkGEN">
 <div class="chapter ch14" data-usfm="GEN.14">
 <div class="label">14</div><div class="s">Iniligtas ni Abram si Lot</div><div class="p"> 1Nang panahong iyon, sina Haring Amrafel ng Sinar, Arioc ng Elasar, Kedorlaomer ng Elam at Tidal ng Goyim, 2ay nakipagdigma kina Haring Bera ng Sodoma, Birsha ng Gomorra, Shinab ng Adma, Shemeber ng Zeboim at Zoar ng Bela. 3Tinipon ng limang haring ito ang kanilang mga hukbo sa kapatagan ng Sidim na tinatawag ding Dagat na Patay. 4Ang mga ito ay labindalawang taon nang nasasakop ni Kedorlaomer, ngunit nang ika-13 taon, nagkaisa-isa silang umaklas laban sa kanya. 5Isang taon buhat nang sila'y umaklas, dumating si Kedorlaomer, kasama ang mga haring kakampi niya upang sila'y muling sakupin. Nalupig na niya ang mga bansang kanyang dinaanan: ang mga Refaita sa Astarot-carnaim, ang mga Zuzita sa Ham at ang mga Emita sa Save-kiryataim. 6Tinalo na rin nila ang mga Horeo sa kabundukan ng Seir hanggang sa Elparan, sa gilid ng disyerto. 7Buhat doo'y bumaling silang patungo sa Kades (o Enmispat) at sinakop ang lupain ng mga Amalekita at ng mga Amoreo sa Hazazon-tamar.</div><div class="p"> 8Tinipon nga ng mga hari ng Sodoma, Gomorra, Adma, Zeboim at Bela ang kanilang mga hukbo sa Kapatagan ng Sidim. At doon nila hinarap 9sina Haring Kedorlaomer ng Elam, Tidal ng Goyim, Amrafel ng Sinar at Arioc ng Elasar&#8212;lima laban sa apat. 10Natalo ang limang hari, at nang sila'y tumakas sa labanan, ang hari ng Sodoma at ang hari ng Gomorra ay nahulog sa balon ng alkitran na marami sa dakong iyon. Ang iba'y nakatakas papunta sa kabundukan. 11Kaya't sinamsam ng apat na hari ang lahat ng ari-ariang natagpuan sa Sodoma at Gomorra, pati ang pagkain doon. 12Binihag din nila ang pamangkin ni Abram na si Lot na nakatira sa Sodoma, at kinuha ang lahat ng ari-arian nito.</div><div class="p"> 13Isang takas ang nagbalita ng pangyayaring ito kay Abram na Hebreo, na noo'y nakatira malapit sa tabi ng sagradong kahuyan ni Mamre, isang Amoreo. Si Abram at si Mamre, kasama ang mga kapatid niyang sina Escol at Aner ay may umiiral na kasunduan. 14Pagkarinig niya sa nangyari sa kanyang pamangking si Lot, tinawag niya ang kanyang mga tauhan at nakatipon siya ng 318 mandirigma. Sinundan nila ang mga kalabang hari hanggang sa Dan. 15Pagdating doon, nagdalawang pangkat sila, at pagsapit ng gabi, sinalakay nila ang kaaway. Tinalo nila ang mga ito at hinabol hanggang Hoba sa hilaga ng Damasco. 16Nabawi nilang lahat ang nasamsam na ari-arian at nailigtas si Lot, ang mga kababaihan at ang iba pa nitong mga kasamahan.</div><div class="s">Binasbasan ni Melquisedec si Abram</div><div class="p"> 17Sa pagbabalik ni Abram, pagkatapos niyang talunin si Haring Kedorlaomer at ang iba pang mga haring kasama nito, sinalubong siya ng hari ng Sodoma sa Libis ng Save, na tinawag ding Libis ng Hari. 18Dinalhan#Heb. 7:1-10. siya ni Melquisedec, hari ng Salem at pari ng Kataas-taasang Diyos, ng tinapay at alak, 19at binasbasan,</div><div class="q1">&#8220;Pagpalain ka nawa, Abram, ng Kataas-taasang Diyos,</div><div class="q2">na lumikha ng langit at lupa.</div><div class="q1"> 20Purihin ang Kataas-taasang Diyos,</div><div class="q2">na nagbigay sa iyo ng tagumpay!&#8221;</div><div class="m">At ibinigay ni Abram kay Melquisedec ang ikasampung bahagi ng lahat ng kanyang nasamsam buhat sa labanan.</div><div class="p"> 21Sinabi ng hari ng Sodoma kay Abram, &#8220;Iyo na ang lahat ng bagay na nakuha mo, subalit ibalik mo sa akin ang lahat ng mga tauhan ko.&#8221;</div><div class="p"> 22Ngunit sumagot si Abram, &#8220;Sumumpa ako sa harapan ni Yahweh, ang Kataas-taasang Diyos na lumikha ng langit at lupa. 23Nangako akong hindi kukuha ng anuman sa iyo, kahit kaputol na sinulid o tali ng sandalyas, para wala kang masabi na ikaw ang nagpayaman kay Abram. 24Wala akong kukuning anuman para sa sarili ko. Ang mga nagamit lamang ng aking mga tauhan ang aking tatanggapin, at ang bahaging nauukol sa aking mga kakampi. Hayaan ninyong kunin nina Aner, Escol at Mamre ang bahaging nauukol sa kanila.&#8221;</div>
 </div>
 </div>
</div>

<div class="version vid399 iso6393tgl" data-vid="399" data-iso6393="tgl">
 <div class="book bkGEN">
 <div class="chapter ch15" data-usfm="GEN.15">
 <div class="label">15</div><div class="s">Ang Kasunduan ng Diyos kay Abram</div><div class="p"> 1Pagkaraan ng lahat ng ito, si Abram ay nagkaroon ng isang pangitain. Sinabi sa kanya ni Yahweh, &#8220;Abram, huwag kang matakot. Ako ang iyong kalasag na mag-iingat sa iyo. Bibigyan kita ng napakalaking gantimpala.&#8221;</div><div class="p"> 2Ngunit sinabi ni Abram, &#8220;Panginoong Yahweh, ano pang kabuluhan ng gantimpala mo sa akin kung wala naman akong anak? Wala akong tagapagmana kundi si Eliezer na taga-Damasco. 3Hindi mo ako pinagkalooban ng anak, kaya ang alipin kong ito ang magmamana ng aking ari-arian.&#8221;</div><div class="p"> 4Subalit sinabi ni Yahweh, &#8220;Hindi isang alipin ang iyong magiging tagapagmana; ang sarili mong anak ang magiging tagapagmana.&#8221; 5Dinala#Ro. 4:18; Heb. 11:12. siya ni Yahweh sa labas at sinabi sa kanya, &#8220;Tumingin ka sa langit at masdan mo ang mga bituin! Mabibilang mo ba iyan? Ganyan karami ang magiging lahi mo.&#8221; 6Si#1 Mcb. 2:52; Ro. 4:3; Ga. 3:6; San. 2:23. Abram ay sumampalataya kay Yahweh, at dahil dito, siya'y itinuring ni Yahweh bilang isang taong matuwid.</div><div class="p"> 7Sinabi pa ni Yahweh kay Abram, &#8220;Ako ang kumuha sa iyo sa bayan ng Ur ng Caldea upang ibigay sa iyo ang lupaing ito.&#8221;</div><div class="p"> 8Itinanong naman ni Abram, &#8220;Panginoong Yahweh, paano ko malalamang ito'y magiging akin?&#8221;</div><div class="p"> 9Sinabi sa kanya, &#8220;Dalhan mo ako ng isang baka, isang babaing kambing, at isang tupa, bawat isa'y tatlong taon ang gulang. Magdala ka rin ng isang kalapati at isang batu-bato.&#8221; 10Dinala nga ni Abram ang lahat ng iyon at biniyak ang bawat isa maliban sa mga ibon. Inihanay niyang magkakapatong ang pinaghating hayop. 11Bumab&#226; ang mga buwitre upang kainin ang mga ito, ngunit itinaboy sila ni Abram.</div><div class="p"> 12Nang#Job 4:13-14. lumulubog na ang araw, nakatulog nang mahimbing si Abram, at nilukuban siya ng isang nakakapangilabot na kadiliman. 13Sinabi#Exo. 1:1-14; Gw. 7:6. ni Yahweh, &#8220;Ang iyong mga anak at apo ay mangingibang-bayan at magiging alipin doon sa loob ng 400 taon. 14Ngunit#Exo. 12:40-41; Gw. 7:7. paparusahan ko ang bansang aalipin sa kanila, at pag-alis nila roon ay marami silang kayamanang madadala. 15Pahahabain ko ang iyong buhay; mamamatay at ililibing kang payapa. 16Daraan muna ang apat na salinlahi bago sila makabalik dito, sapagkat hindi ko muna paparusahan ang mga Amoreo hanggang sa maging sukdulan ang kanilang kasamaan.&#8221;</div><div class="p"> 17Pagkalubog ng araw at laganap na ang dilim, biglang may lumitaw na palayok na umuusok, at maningas na sulo na dumaan sa pagitan ng mga pinatay na hayop. 18At#Gw. 7:5. nang araw na iyon, gumawa si Yahweh ng kasunduan nila ni Abram at ganito ang sinabi niya: &#8220;Ibibigay sa lahi mo ang lupaing ito, mula sa hanggahan ng Egipto hanggang sa Ilog Eufrates, 19kasama ang lupain ng mga Cineo, Cenizeo, Cadmoneo, 20Heteo, Perezeo at Refaita, 21gayundin ang lupain ng mga Amoreo, Cananeo, Gergeseo at Jebuseo.&#8221;</div>
 </div>
 </div>
</div>

God SpeakingHalimbawa

Banal na Kasulatan

Tungkol sa Gabay na ito

Mga Kaugnay na Gabay

Ang Pitong Tungkulin Ng Banal na Espiritu

Kutamaya Ng Diyos - Mga Gawa

LIWANAG - Si Hesus Ang Liwanag ng Mundo at Dinadala Niya Tayo sa Buhay sa Kanya