BibleProject | Walang-Hanggang Pag-ibig ng Diyos

Nilikha Tayo in His Image

BibleProject | Bagong Kasunduan, Bagong Karunungan

Mag One-on-One with God

Sa Paghihirap…

Masayahin ang ating Panginoon

BibleProject | Maikling Kurso tungkol kay Apostol Pablo

Ang Kwento ng Naglayas na Anak

Ang Kahariang Bali-baliktad

Prayer

<div class="version vid399 iso6393tgl" data-vid="399" data-iso6393="tgl">
 <div class="book bkEXO">
 <div class="chapter ch33" data-usfm="EXO.33">
 <div class="label">33</div><div class="s">Nagpatuloy ng Paglalakbay ang Israel</div><div class="p"> 1Sinabi#Gen. 12:7; Gen. 26:3; Gen. 28:13. #Ro. 9:15 ni Yahweh kay Moises, &#8220;Umalis na kayo rito at magtuloy sa lupaing aking ipinangako kina Abraham, Isaac at Jacob na ibibigay ko sa kanilang lahi. 2-3Ang pupuntahan ninyo'y isang mayaman at masaganang lupain. Pauunahin ko sa inyo ang isang anghel upang palayasin ang mga Cananeo, Amoreo, Heteo, Perezeo, Hivita at Jebuseo. Hindi ako ang sasama sa inyo at baka malipol ko lamang kayo sa daan dahil sa katigasan ng inyong ulo.&#8221;</div><div class="p"> 4Nang malaman ito ng mga Israelita, labis silang nalungkot at isa ma'y walang nagsuot ng alahas. 5Sapagkat sinabi ni Yahweh kay Moises, &#8220;Sabihin mo sa mga Israelita na matitigas ang ulo nila. Baka kung ako ang sasama sa kanilang paglalakbay ay malipol ko lang sila. Ipaalis mo ang kanilang mga alahas, at pagkatapos ay magpapasya ako kung ano ang gagawin ko sa kanila.&#8221; 6Kaya't mula sa Bundok ng Sinai,#6 BUNDOK NG SINAI: o kaya'y Bundok ng Horeb. hindi na sila nagsuot ng alahas.</div><div class="s">Ang Toldang Tipanan</div><div class="p"> 7Nakaugalian na ni Moises na itayo ang tabernakulo sa isang lugar na malayu-layo sa kampo; tinawag iyong Toldang Tipanan ng Diyos at ng mga tao. Doon pumupunta ang sinumang nais sumangguni kay Yahweh. 8Tuwing papasok doon si Moises, ang mga Israelita'y tumatayo sa pintuan ng kanilang tolda at tinitingnan siya hanggang sa siya'y makapasok. 9Kapag nasa loob na si Moises, bumababa naman sa may pinto ng Toldang Tipanan ang haliging ulap at mula roo'y makikipag-usap sa kanya si Yahweh. 10Kapag nakita ng mga Israelita na nasa pintuan ng Tolda ang haliging ulap, pumupunta naman sila sa pintuan ng kanilang tolda at doo'y yumuyuko at sumasamba. 11Ang pakikipag-usap ni Yahweh kay Moises ay harap-harapan, tulad ng pakikipag-usap sa kaibigan. Pagkatapos, si Moises ay bumabalik na sa kampo ngunit naiiwan sa Tolda si Josue, ang lingkod niya.</div><div class="s">Nangako si Yahweh na Sila'y Papatnubayan</div><div class="p"> 12Sinabi ni Moises kay Yahweh, &#8220;Iniutos ninyo sa aking pangunahan ko ang bayang ito papunta sa lupaing ipinangako ninyo. Ngunit hindi ninyo sinabi kung sino ang makakatulong ko. Sinabi pa ninyong nalulugod po kayo sa akin at kilalang-kilala ninyo ako. 13Kung ito'y totoo, ipinapakiusap kong sabihin ninyo sa akin ang inyong mga balak gawin para malaman ko upang patuloy kayong malulugod sa akin. Alalahanin din ninyo na ang bayang Israel ay inyo.&#8221;</div><div class="p"> 14&#8220;Sasamahan ko kayo at bibigyan ko kayo ng kapayapaan,&#8221; sagot ni Yahweh.</div><div class="p"> 15Sinabi ni Moises, &#8220;Kung hindi ninyo kami sasamahan, huwag na po ninyo kaming paalisin dito. 16Sapagkat kung hindi kayo sasama sa amin, paano malalaman ng lahat na kami po ay inyong kinalulugdan? Kung sasama kayo sa amin, maliwanag na kami'y naiiba sa lahat ng mga bansa.&#8221;</div><div class="p"> 17&#8220;Sige, gagawin ko ang hiling mo sapagkat ako'y nalulugod sa iyo at kilalang-kilala kita,&#8221; sabi ni Yahweh.</div><div class="p"> 18Kaya't hiniling ni Moises, &#8220;Yahweh, ipakita po ninyo sa akin ang inyong kaluwalhatian!&#8221;</div><div class="p"> 19&#8220;Makikita mong lahat ang aking kaluwalhatian at bibigkasin ko sa iyo ang aking pangalan: Yahweh. Mahahabag ako sa nais kong kahabagan at maaawa ako sa nais kong kaawaan, 20ngunit hindi mo maaaring makita ang aking mukha sapagkat tiyak na mamamatay ang sinumang makakita niyon. 21Dito sa tabi ko'y may matatayuan kang bato. 22Pagdaan ng aking maningning na kaluwalhatian, ipapasok kita sa siwang ng batong ito at tatakpan kita ng aking kamay. 23Pagkalampas ko'y aalisin ko na ang aking kamay at makikita mo ang likod ko, ngunit hindi ang aking mukha,&#8221; sagot ni Yahweh.</div>
 </div>
 </div>
</div>

<div class="version vid399 iso6393tgl" data-vid="399" data-iso6393="tgl">
 <div class="book bkEXO">
 <div class="chapter ch34" data-usfm="EXO.34">
 <div class="label">34</div><div class="s">Ang Pangalawang Tapyas na Bato</div><div class="r">(Deut. 10:1-5)</div><div class="p"> 1Sinabi ni Yahweh kay Moises, &#8220;Tumapyas ka ng dalawang batong tulad noong una at isusulat ko roon ang nasa mga tapyas na batong binasag mo. 2Bukas, gumayak ka nang maaga at magpunta ka sa akin sa taluktok ng Bundok ng Sinai. 3Huwag kang magsasama kahit sino. Walang pupunta isa man sa bundok at ni isang tupa o baka ay huwag hahayaang manginain doon.&#8221; 4Tulad ng sinabi ni Yahweh, si Moises ay tumapyas ng dalawang bato at dinala ang mga ito kinaumagahan sa Bundok ng Sinai.</div><div class="p"> 5Si Yahweh ay bumab&#226; sa ulap, tumayo sa tabi ni Moises at binanggit ang kanyang pangalan: Yahweh.</div><div class="p"> 6Si#Exo. 20:5-6; Bil. 14:18; Deut. 5:9-10; 7:9-10 Yahweh ay nagdaan sa harapan ni Moises at sinabi niya, &#8220;Akong si Yahweh ay mahabagin at mapagmahal. Hindi ako madaling magalit; patuloy kong ipinadarama ang aking pag-ibig at ako'y nananatiling tapat. 7Tinutupad ko ang aking pangako maging sa libu-libo, at patuloy kong ipinapatawad ang kanilang kasamaan, pagsuway at pagkakasala. Ngunit hindi ko pinalalampas ang kasalanan ng ama at ang pagpaparusa ko'y hanggang sa ikatlo at ikaapat na salinlahi.&#8221;</div><div class="p"> 8At mabilis na lumuhod si Moises, at sumamba kay Yahweh. 9Sinabi niya, &#8220;Kung talagang kinalulugdan ninyo ako, isinasamo kong samahan ninyo kami kahit na po matigas ang ulo ng lahing ito. Patawarin na ninyo kami at tanggapin bilang inyong bayan.&#8221;</div><div class="s">Inulit ang Tipan</div><div class="r">(Exo. 23:14-19; Deut. 7:1-5; 16:1-17)</div><div class="p"> 10Sinabi ni Yahweh, &#8220;Makikipagkasundo akong muli sa bayang Israel. Sa harapan nilang lahat ay gagawa ako ng mga himalang hindi pa nangyayari sa daigdig kahit kailan. Dahil dito, makikita ng mga Israelita kung gaano ako kadakila. 11Sundin ninyo ang mga iniutos ko ngayon at palalayasin ko sa pupuntahan ninyo ang mga Amoreo, Cananeo, Heteo, Perezeo, Hivita at mga Jebuseo. 12Huwag kayong gagawa ng kasunduan sa mga daratnan ninyo roon sapagkat iyon ang magiging patibong na ikapapahamak ninyo. 13Sa#Deut. 16:21 halip, sirain ninyo ang kanilang mga altar, durugin ninyo ang mga batong ginagamit nila sa kanilang pagsamba at ibuwal ang mga haliging kinikilala nilang sagrado.</div><div class="p"> 14&#8220;Huwag kayong sasamba sa ibang diyos sapagkat akong si Yahweh ay mapanibughuing Diyos. 15Huwag kayong gagawa ng kasunduan sa mga tagaroon. Baka mahikayat nila kayong kumain ng mga handog sa kanilang mga diyus-diyosan kapag sila'y sumasamba sa mga ito. 16Huwag ninyong hahayaan na ang mga anak ninyong lalaki ay mag-asawa ng babaing tagaroon. Baka mahikayat sila ng mga ito na maglingkod sa kanilang mga diyus-diyosan.</div><div class="p"> 17&#8220;Huwag#Exo. 20:4; Lev. 19:4; Deut. 5:8; 27:15 kayong gagawa ng diyus-diyosang metal at sasamba sa mga ito.</div><div class="p"> 18&#8220;Ipagdiwang#Exo. 12:14-20; Lev. 23:6-8; Bil. 28:16-25 ninyo ang Pista ng Tinapay na Walang Pampaalsa. Tulad ng sinabi ko sa inyo, pitong araw kayong kakain ng tinapay na walang pampaalsa sa unang buwan sapagkat iyon ang buwan ng pag-alis ninyo sa Egipto.</div><div class="p"> 19&#8220;Akin#Exo. 13:2 ang lahat ng panganay na lalaki, maging tao o hayop. 20Ang#Exo. 13:13 panganay na asno ay tutubusin ninyo ng tupa. Kung ayaw ninyong palitan, baliin ninyo ang leeg. Tutubusin din ninyo ng tupa ang mga panganay ninyong lalaki. Huwag kayong haharap sa akin nang walang dalang handog.</div><div class="p"> 21&#8220;Anim#Exo. 20:9-10; 23:12; 31:15; 35:2; Lev. 23:3; Deut. 5:13-14 na araw kayong magtatrabaho, ngunit sa ikapitong araw kayo'y magpapahinga maging ito ma'y panahon ng pagbubungkal ng lupa o ng pag-aani.</div><div class="p"> 22&#8220;Ipagdiriwang#Lev. 23:15-21; Bil. 28:26-31; Lev. 23:39-43 ninyo ang Pista ng mga Sanlinggo, ang unang pag-aani ng trigo, gayon din ang Pista ng mga Tolda tuwing matatapos ang taon.</div><div class="p"> 23&#8220;Tatlong beses isang taon, ang mga lalaking Israelita ay haharap sa Panginoong Yahweh, ang Diyos ng Israel. 24Kapag napalayas ko na ang mga taong daratnan ninyo at lubusan na ninyong nasakop ang kanilang lupain, wala nang sasalakay sa inyo sa mga araw na kayo'y haharap sa akin.</div><div class="p"> 25&#8220;Huwag#Exo. 12:10 ninyong sasamahan ng tinapay na may pampaalsa ang hayop na ihahandog ninyo sa akin. Huwag din kayong magtitira ng anumang bahagi ng hayop na pinatay para sa Pista ng Paskwa.</div><div class="p"> 26&#8220;Dadalhin#Deut. 26:2; Deut. 14:21 ninyo bilang handog sa bahay ni Yahweh na inyong Diyos ang inyong mga pinakamainam na unang ani ng inyong bukirin.</div><div class="p">&#8220;Huwag kayong maglalaga ng tupa o batang kambing sa gatas ng sarili nitong ina.&#8221;</div><div class="p"> 27Pagkatapos noon, sinabi niya kay Moises, &#8220;Isulat mo ang mga sinabi ko sapagkat ito ang mga tuntunin ng pakikipagtipan ko sa iyo at sa Israel.&#8221; 28Si Moises ay apatnapung araw at apatnapung gabing kasama ni Yahweh, hindi kumakain o umiinom. Isinulat ni Yahweh sa mga tapyas na bato ang mga tuntunin ng tipan, ang sampung utos.</div><div class="s">Bumab&#226; sa Bundok si Moises</div><div class="p"> 29Mula#2 Cor. 3:7-16 sa Bundok ng Sinai, bumab&#226; si Moises na dala ang dalawang tapyas na batong kinasusulatan ng mga utos. Hindi niya namamalayan na dahil sa pakikipag-usap niya kay Yahweh ay nagniningning pala ang kanyang mukha. 30Nang makita ito ni Aaron at ng mga Israelita, natakot silang lumapit. 31Ngunit tinawag sila ni Moises. Lumapit naman si Aaron at ang mga namumuno sa Israel at sila'y nag-usap. 32Pagkaraan noon, lumapit kay Moises ang lahat ng Israelita at sinabi niya sa kanila ang mga utos na ibinigay sa kanya ni Yahweh sa Bundok ng Sinai. 33Pagkasabi nito, tinalukbungan ni Moises ang kanyang mukha. 34Tuwing makikipag-usap at haharap siya sa presensya ni Yahweh, inaalis niya ang takip ng kanyang mukha. Paglabas dito, sinasabi niya sa mga tao kung ano ang iniuutos ni Yahweh, 35at makikita na naman nila na nagniningning ang kanyang mukha. Kaya't tatakpan niya muli ito hanggang sa muli niyang pakikipag-usap kay Yahweh.</div>
 </div>
 </div>
</div>

<div class="version vid399 iso6393tgl" data-vid="399" data-iso6393="tgl">
 <div class="book bkEXO">
 <div class="chapter ch35" data-usfm="EXO.35">
 <div class="label">35</div><div class="s">Ang mga Tuntunin sa Araw ng Pamamahinga</div><div class="p"> 1Tinipon ni Moises ang buong Israel at kanyang sinabi, &#8220;Ito ang iniuutos sa inyo ni Yahweh: 2Anim#Exo. 20:8-11; 23:12; 31:15; 34:21; Lev. 23:3; Deut. 5:12-14 na araw kayong magtatrabaho, ngunit ang ikapitong araw ay Araw ng Pamamahinga na nakalaan sa akin. Papatayin ang sinumang magtrabaho sa araw na iyon. 3Sa Araw ng Pamamahinga, huwag kayong magsisindi ng apoy sa lahat ng inyong mga tahanan.&#8221;</div><div class="s">Ang mga Handog Para sa Santuwaryo</div><div class="r">(Exo. 25:1-9)</div><div class="p"> 4Sinabi ni Moises sa mga Israelita, &#8220;Ito ang iniuutos ni Yahweh: 5Maghandog kayo kay Yahweh. Ito ang maaari ninyong ihandog: ginto, pilak at tanso; 6lanang kulay asul, kulay ube, at kulay pula. Gayundin ng pinong sinulid na lino, at balahibo ng kambing, 7balat ng lalaking tupa na kinulayan ng pula, mainam na balat, at kahoy na akasya, 8langis para sa ilawan, pabangong panghalo sa langis na pampahid at sa insenso. 9Maghahandog din sila ng mga alahas na kornalina at mamahaling alahas na pampalamuti sa efod at sa pektoral ng pinakapunong pari.&#8221;</div><div class="s">Ang mga Kagamitan sa Toldang Tipanan</div><div class="r">(Exo. 39:32-43)</div><div class="p"> 10&#8220;Tipunin mo ang lahat ng mahuhusay na manggagawa at sila ang pagawin 11ng tabernakulo, ng tolda at ng mga tabing nito, ng mga kawit at ng mga patayo at pahalang na balangkas, ng mga tukod at ng mga patungan nito. 12Sila rin ang gagawa ng Kaban ng Tipan at ng mga pasanan nito, gayundin ng Luklukan ng Awa at ng tabing nito. 13Sila rin ang gagawa ng mesa, ng mga paa at lahat ng kagamitan nito, ng lalagyan ng tinapay na ihahandog sa Diyos, 14ng ilawan, ng mga kagamitan nito, ng mga ilaw at langis para rito. 15Sila rin ang gagawa ng altar na sunugan ng insenso, pati ang mga pasanan nito, ang langis na pampahid, ang mabangong insenso at ng kurtinang ilalagay sa pintuan ng tabernakulo, 16ng altar na sunugan ng mga handog, ng parilyang tanso, ng mga pasanan at ng mga kagamitang kasama ng altar, ng palanggana at ng patungan nito. 17Sila rin ang gagawa ng mga tabing ng bulwagan, ng mga tukod na pagkakabitan, at ng mga patungan ng tukod pati ng kurtina sa pintuan. 18Sila rin ang gagawa ng tulos, ng mga lubid na gagamitin sa tabernakulo at sa mga tabing, 19ng mamahaling kasuotan ng mga pari na gagamitin pagpasok nila sa Dakong Banal&#8212;ng mga damit na gagamitin ni Aaron at ng kanyang mga anak sa kanilang paglilingkod sa akin bilang mga pari.&#8221;</div><div class="s">Dinala ang mga Handog</div><div class="p"> 20Ang mga Israelita'y nagbalikan na sa kani-kanilang tolda. 21Lahat ng nais tumulong ay naghandog kay Yahweh ng inaakala nilang magagamit sa paggawa ng Toldang Tipanan, ng mga kagamitan sa pagsamba at ng kasuotan ng mga pari. 22Babae't lalaki ay naghandog. May nagdala ng pulseras, hikaw, singsing, kuwintas at iba pang alahas na ginto. Dinala ng bawat isa ang kanyang alahas na ginto at inihandog kay Yahweh. 23May naghandog din ng lanang kulay asul, kulay ube at pula, ng telang lino, telang yari sa balahibo ng kambing, pinapulang balat ng tupa at balat ng kambing. 24Ang iba nama'y naghandog ng pilak o tansong kagamitan, at ng kahoy na akasya para sa tabernakulo. 25Ang mga babae namang marunong sa pagsisinulid ay gumawa ng sinulid na lanang asul, kulay ube at pula, gayundin ng pinong lino, at ito ang kanilang ipinagkaloob. 26May gumawa rin ng sinulid mula sa balahibo ng kambing. 27Ang mga pinuno ay naghandog ng kornalina, mga alahas na ipapalamuti sa efod at sa pektoral ng pinakapunong pari. 28May nagdala naman ng langis para sa ilawan, ng pabangong ihahalo sa langis na pantalaga at sa insenso. 29Lahat ng Israelita, lalaki at babae na handang tumulong ay nagdala ng handog kay Yahweh para sa ipinagagawa niya kay Moises.</div><div class="s">Ang mga Gagawa sa Toldang Tipanan</div><div class="r">(Exo. 31:1-11)</div><div class="p"> 30Sinabi ni Moises sa mga Israelita, &#8220;Pinili ni Yahweh si Bezalel na anak ni Uri at apo ni Hur, buhat sa lipi ni Juda. 31Siya'y pinuspos niya ng Espiritu ng Diyos#31 ng Espiritu ng Diyos: o ng kapangyarihan. at binigyan ng kakayahan, kahusayan, at katalinuhan sa lahat ng gawaing pansining. 32Ginawa niya ito upang makagawa siya ng magagandang disenyo at maiukit ito sa ginto, pilak o tanso. 33Gayundin, upang maging bihasa siya sa pagtabas ng mamahaling bato, mahusay sa paglilok, at dalubhasa sa anumang gawaing pansining. 34Siya at si Aholiab, anak ni Ahisamac na mula sa lipi ni Dan, ay binigyan ni Yahweh ng kakayahan para maituro nila sa iba ang kanilang nalalaman. 35Sila'y binigyan niya ng pambihirang kakayahang gumawa ng gawain ng mga dalubhasang mag-uukit, taga-disenyo, pangkaraniwang manghahabi at ng manghahabi ng lanang asul, kulay ube at pula at ng pinong lino. Kaya nilang gawin ang anumang uri ng gawain.</div>
 </div>
 </div>
</div>

<div class="version vid399 iso6393tgl" data-vid="399" data-iso6393="tgl">
 <div class="book bkEXO">
 <div class="chapter ch36" data-usfm="EXO.36">
 <div class="label">36</div><div class="p"> 1&#8220;Si Bezalel, si Aholiab at ang lahat ng manggagawang binigyan ni Yahweh ng kaalaman at kakayahan ang gagawa ng lahat ng kailangan sa santuwaryo, ayon sa sinabi ni Yahweh.&#8221;</div><div class="s">Marami ang Handog ng mga Israelita</div><div class="p"> 2Tinawag ni Moises sina Bezalel, Aholiab, ang lahat ng binigyan ng kakayahan ni Yahweh at ang lahat ng nais tumulong at pinagsimula nang magtrabaho. 3Ibinigay niya sa kanila ang lahat ng handog ng mga Israelita para sa gagawing santuwaryo. Patuloy pa rin sa paghahandog ang mga Israelita tuwing umaga, 4kaya't nagpunta kay Moises ang mga manggagawa. 5Sinabi nila, &#8220;Napakarami na po ang ibinigay ng mga tao ngunit patuloy pa rin silang nagdadala.&#8221;</div><div class="p"> 6Kaya iniutos ni Moises, &#8220;Huwag na kayong magdala pa ng kaloob para sa gagawing santuwaryo.&#8221; Noon lamang tumigil ang mga tao sa pagdadala ng handog. 7Gayunman, sumobra pa rin ang mga handog na naroon.</div><div class="s">Ang Paggawa ng Toldang Tipanan</div><div class="r">(Exo. 26:1-37)</div><div class="p"> 8Lahat ng pinakamahusay na manggagawa ang gumawa sa Toldang Tipanan. Ang ginamit dito ay sampung pirasong kurtina na hinabi sa pinong lino at lanang kulay asul, kulay ube at pula na may burdang larawan ng kerubin. 9Ang haba ng bawat piraso ay 13 metro at 2 metro naman ang lapad. 10Ang mga ito ay pinagkabit-kabit nila nang tiglilima. 11Gumawa sila ng mga silo na yari sa taling asul at ikinabit sa gilid ng bawat piraso, 12tiglilimampung silo bawat isa. 13Gumawa sila ng limampung kawit na ginto at sa pamamagitan nito'y pinagkabit ang dalawang piraso. Kaya ang sampung pirasong damit na ginamit sa tabernakulo ay parang isang piraso lamang.</div><div class="p"> 14Pagkatapos, gumawa sila ng labing-isang pirasong kurtina na gawa sa balahibo ng kambing upang gawing takip sa ibabaw ng tabernakulo. 15Bawat isa nito'y 13 metro ang haba at 2 metro naman ang lapad. 16Pinagkabit-kabit nila ang limang piraso; ganoon din ang anim na natira. 17Kinabitan nila ng tiglilimampung silo ang gilid ng bawat piraso. 18Pagkatapos, gumawa sila ng limampung kawit na tanso at sa pamamagitan nito'y pinagkabit nila ang dalawang piraso para maging isa lamang. 19Tinakpan nila ito ng pinapulang balat ng tupa at pinatungan pa ng balat ng kambing.</div><div class="p"> 20Gumawa rin sila ng mga patayong haliging gawa sa akasya para sa tabernakulo. 21Bawat haligi ay 4 na metro ang haba at 0.7 metro naman ang lapad. 22Bawat haligi ay nilagyan nila ng mitsa para sa pagdurugtong. 23Dalawampung haligi ang ginawa nila para sa gawing timog 24at apatnapung patungang pilak na may suotan ng mitsa. 25Dalawampu rin ang ginawa nilang haligi sa gawing hilaga 26at apatnapung patungang pilak din, dalawa sa bawat haligi. 27Para sa likod, sa gawing kanluran ay anim na haligi 28at dalawa naman para sa mga sulok. 29Ang mga haligi sa magkabilang sulok ay magkadikit mula ibaba hanggang itaas, sa may unang argolya. 30Samakatuwid, walo ang haliging nagamit sa likod at may tigalawang patungang pilak ang bawat isa.</div><div class="p"> 31Gumawa rin siya ng pahalang na balangkas na yari sa akasya, lima sa isang gilid, 32lima sa kabila at lima rin sa likod. 33Ang pahalang na haliging panggitna ay abot sa magkabilang gilid ng dingding. 34Binalot nila ng ginto ang mga haligi at kinabitan ng argolyang ginto na pagsusuutan ng mga pahalang na haligi na binalot din ng ginto.</div><div class="p"> 35Gumawa rin sila ng kurtinang yari sa pinong lino at lanang kulay asul, kulay ube at pula; ito'y binurdahan nila ng larawan ng kerubin. 36Gumawa sila ng apat na haliging akasya na kabitan ng tabing. Binalot nila ito ng ginto, kinabitan ng kawit na ginto rin at itinayo sa apat na tuntungang pilak. 37Para sa pintuan, gumawa sila ng kurtinang yari sa pinong lino at lanang kulay asul, kulay ube at pula at binurdahan nang maganda. 38Gumawa sila ng limang posteng pagsasabitan ng kurtina. Kinabitan nila iyon ng mga kawit, ang dulo'y binalot ng ginto, gayundin ang mga haligi at itinayo sa limang tuntungang tanso.</div>
 </div>
 </div>
</div>

<div class="version vid399 iso6393tgl" data-vid="399" data-iso6393="tgl">
 <div class="book bkEXO">
 <div class="chapter ch37" data-usfm="EXO.37">
 <div class="label">37</div><div class="s">Ang Kaban ng Tipan</div><div class="r">(Exo. 25:10-22)</div><div class="p"> 1Yari sa akasya ang ginawa ni Bezalel na Kaban ng Tipan: 1.1 metro ang haba, 0.7 metro ang luwang, at 0.7 metro ang taas. 2Binalot niya ng ginto ang loob at labas, at ang labi nito'y nilagyan nila ng muldurang ginto. 3Gumawa siya ng apat na argolyang ginto at ikinabit sa apat na paa ng kaban, tigalawa sa magkabila. 4Gumawa rin siya ng kahoy na pampasan na yari sa akasya at binalutan din niya ito ng ginto. 5Isinuot niya ang mga ito sa mga argolya sa magkabilang gilid upang maging pasanan nito. 6Ginawa rin niya ang Luklukan ng Awa na yari sa purong ginto. Ang haba nito'y 1.1 metro, at 0.7 metro naman ang luwang. 7Ang magkabilang dulo nito ay iginawa niya ng dalawang kerubing yari sa purong ginto, 8tig-isa sa magkabilang dulo. Ikinabit niya itong mabuti sa Luklukan ng Awa, kaya ito at ang mga kerubin ay naging isang piraso. 9Magkaharap ang mga kerubin at nakatungo sa Luklukan ng Awa. Nakabuka ang kanilang mga pakpak at nakalukob dito.</div><div class="s">Ang Mesa ng Tinapay na Handog sa Diyos</div><div class="r">(Exo. 25:23-30)</div><div class="p"> 10Gumawa rin ng mesang akasya si Bezalel; 0.9 na metro ang haba nito, 0.5 metro ang lapad at 0.7 metro ang taas. 11Binalot niya ito ng ginto at pati na ang paligid. 12Nilagyan niya ito ng sinepa na singlapad ng isang palad at pinaligiran din ng ginto. 13Gumawa siya ng apat na argolyang ginto at ikinabit sa apat na sulok, sa may tapat ng paa nito. 14Ang mga argolyang pagkakabitan ng mga kahoy na pampasan ay malapit sa sinepa. 15Iginawa rin niya ang mesa ng mga pampasan na yari sa akasya at binalutan din ng ginto. 16Gumawa rin siya ng mga kagamitang ginto para sa mesa: mga plato, tasa, banga at mangkok para sa handog na inumin.</div><div class="s">Ang Ilawan</div><div class="r">(Exo. 25:31-40)</div><div class="p"> 17Gumawa rin siya ng ilawang yari sa purong ginto. Ang patungan at tagdan nito'y yari sa pinitpit na purong ginto. Ang mga palamuti nitong bulaklak, ang buko at mga talulot ay parang iisang piraso. 18Mayroon itong anim na sanga, tigatlo sa magkabila. 19Bawat sanga ay may tatlong magagandang bulaklak na parang almendra, may usbong at may talulot. 20Ang tagdan ay may tig-apat ding bulaklak na tulad ng nasa sanga. 21May tig-iisang usbong sa ilalim ng mga sanga, isa sa ilalim ng bawat sanga. 22Ang mga usbong, mga sanga at ang tagdan ng ilawan ay iisang piraso na gawa sa purong ginto. 23Ang ilawan ay iginawa niya ng pitong ilaw na may kasamang pang-ipit ng mitsa at patungan na pawang dalisay na ginto. 24Ang nagamit sa ilawan ay tatlumpu't limang kilong purong ginto.</div><div class="s">Ang Paggawa sa Altar na Sunugan ng Insenso</div><div class="r">(Exo. 30:1-5)</div><div class="p"> 25Gumawa siya ng altar na sunugan ng insenso. Ito ay yari sa punong akasya. Ito ay parisukat, 0.5 metro ang haba, gayundin ang lapad at 0.9 na metro ang taas. Ang apat na sulok nito ay nilagyan niya ng sungay na kaisang piraso ng altar. 26Binalutan niya ang ibabaw nito ng purong ginto. Ang mga gilid at ang mga sungay ay binalot din ng ginto. 27Gumawa siya ng dalawang argolyang ginto at ikinabit sa magkabilang gilid sa ibaba para pagsuutan ng pampasan. 28Gumawa rin siya ng pampasan na yari sa punong akasya at ito'y binalot din ng ginto.</div><div class="s">Ang Langis na Pampahid at ang Insenso</div><div class="r">(Exo. 30:22-38)</div><div class="p"> 29Si#Exo. 30:22-38 Bezalel din ang naghalo ng sagradong langis na pampahid at ng purong insenso at ito'y parang ginawa ng isang dalubhasa sa paggawa ng pabango.</div>
 </div>
 </div>
</div>

<div class="version vid399 iso6393tgl" data-vid="399" data-iso6393="tgl">
 <div class="book bkEXO">
 <div class="chapter ch38" data-usfm="EXO.38">
 <div class="label">38</div><div class="s">Ang Altar</div><div class="r">(Exo. 27:1-8)</div><div class="p"> 1Akasya rin ang ginamit ni Bezalel sa paggawa ng altar na sunugan ng handog. Ito'y parisukat, 2.2 metro ang haba, ganoon din ang lapad, at 1.3 metro naman ang taas. 2Ang mga sulok nito'y nilagyan niya ng sungay na kaisang piraso ng altar, at binalot ng tanso. 3Si Bezalel din ang gumawa ng mga kagamitang tanso para sa altar: palayok, pala, palanggana, malaking tinidor at lalagyan ng apoy. 4Gumawa rin siya ng parilyang tanso at ikinabit sa ilalim ng baytang, sa kalahatian ng altar. 5Gumawa siya ng apat na argolya at ikinabit sa apat na sulok ng parilya, para pagsuutan ng pampasan. 6Akasya rin ang ginawa niyang pampasan. Binalot niya ito ng tanso 7at isinuot sa mga argolya sa gilid ng altar. Tabla ang ginamit niya sa paggawa ng altar at ito'y may guwang sa loob.</div><div class="s">Ang Palangganang Tanso</div><div class="r">(Exo. 30:18)</div><div class="p"> 8Gumawa#Exo. 30:18 nga siya ng palangganang tanso, at tanso rin ang patungan. Ang ginamit niya rito ay tansong ginagamit bilang salamin ng mga babaing tumutulong sa mga naglilingkod sa pintuan ng Toldang Tipanan.</div><div class="s">Ang Bulwagan ng Toldang Tipanan</div><div class="r">(Exo. 27:9-19)</div><div class="p"> 9Pagkatapos, ginawa niya ang bulwagan na pinaligiran niya ng mamahaling telang lino. Sa gawing timog ay 45 metro ang haba ng tabing 10at ito'y ikinabit niya sa dalawampung posteng tanso na itinayo sa dalawampung tuntungang tanso rin. Pilak naman ang mga kawit at ang sabitang baras na ginamit niya. 11Gayundin ang ginawa niya sa gawing hilaga: 45 metro ang mga tabing na ikinabit sa dalawampung posteng tanso na itinayo sa dalawampung tuntungang tanso; pilak naman ang mga kawit at baras na ginamit dito. 12Sa gawing kanluran naman, 22 metro ang haba ng tabing na isinabit niya sa sampung posteng nakatindig sa sampung tuntungan. Ang mga kawit at baras ay gawa sa pilak. 13Ang luwang ng harapan ng bulwagan sa gawing silangan ay 22 metro. 14Sa isang gilid ng pintuan ay nilagyan ng kurtinang 6.6 na metro ang haba, na nakasabit sa tatlong posteng nakapatong sa tatlong tuntungan. 15Ganoon din sa kabilang gilid. Kaya ang dalawang gilid ng pintuan ay may tig-isang kurtinang 6.6 na metro ang haba, na nakasabit sa tatlong posteng nakapatong sa kanya-kanyang tuntungan. 16Lahat ng tabing ng bulwagan ay mamahaling telang lino. 17Tanso ang tuntungan ng mga poste at pilak naman ang mga kawit ng poste, gayundin ang mga haligi. 18Ang kurtina sa may pintuan ay mamahaling lino at lanang kulay asul, kulay ube at kulay pula. Magandang-maganda ang burda nito. Ang haba't lapad nito'y 9 na metro, samantalang 2 metro naman ang taas, tulad ng tabing sa bulwagan. 19Ito'y nakasabit sa apat na posteng nakapatong sa apat na tuntungang tanso. Ang mga kawit nito at balot ay pawang pilak. 20Tanso naman ang mga tulos na ginamit sa Toldang Tipanan at sa tabing ng bulwagan.</div><div class="s">Ang mga Metal na Ginamit sa Tabernakulo</div><div class="p"> 21Ito ang listahan ng mga metal na ginamit sa tabernakulo na pinaglagyan sa Kaban ng Tipan. Ang listahang ito'y ipinagawa ni Moises sa mga Levita sa pangunguna ni Itamar na anak ni Aaron.</div><div class="p"> 22Lahat ng iniutos ni Yahweh kay Moises ay ginawa ni Bezalel na anak ni Uri at apo ni Hur, buhat sa lipi ni Juda. 23Ang pangunahin niyang katulong na si Aholiab ay anak ni Ahisamac at buhat naman sa lipi ni Dan. Siya ay mahusay mag-ukit, isang taga-disenyo at manghahabi ng pinong lino at lanang kulay asul, kulay ube at kulay pula.</div><div class="p"> 24Lahat ng gintong ginamit sa santuwaryo ay umabot sa 1,000 kilo ayon sa timbangan sa templo. Ang lahat ng ito'y handog kay Yahweh. 25Ang#Exo. 30:11-16 pilak namang ibinigay ng mga taong napabilang sa sensus ay umabot sa 3,430 kilo, ayon din sa timbangan sa templo. 26Ang#Mt. 17:24 mga ito ang kabuuan ng lahat ng inihandog ng mga napabilang sa sensus, na umabot naman sa 603,550 katao, mula sa dalawampung taon pataas. Bawat isa'y nagbigay ng kaukulang halaga ayon sa timbangan sa santuwaryo. 27Ang pilak na nagamit sa mga tuntungan ng santuwaryo at tabing ng bulwagan ay 3,400 kilo: 100 tuntungan na tig-34 na kilo. 28Ang 30 kilo ay ginamit sa mga kawit ng poste, sa mga dulo nito at sa mga haligi. 29Ang tansong inihandog kay Yahweh ay umabot naman sa 2,425 kilo. 30Ito ay ginamit sa mga tuntungan sa pintuan ng Toldang Tipanan, sa altar at sa parilyang tanso gayundin sa lahat ng gamit sa altar, 31sa tuntungan sa paligid ng patyo, at tuntungan ng poste ng pinto, at sa lahat ng tulos na ginamit sa paligid ng tabernakulo.</div>
 </div>
 </div>
</div>

To the Word 2021 (DEACTIVATED)Halimbawa

Banal na Kasulatan

Tungkol sa Gabay na ito

Mga Kaugnay na Gabay