Sa Paghihirap…

Mag One-on-One with God

BibleProject | Bagong Kasunduan, Bagong Karunungan

Prayer

Ang Kwento ng Naglayas na Anak

BibleProject | Maikling Kurso tungkol kay Apostol Pablo

Ang Kahariang Bali-baliktad

Nilikha Tayo in His Image

Masayahin ang ating Panginoon

BibleProject | Walang-Hanggang Pag-ibig ng Diyos

<div class="version vid399 iso6393tgl" data-vid="399" data-iso6393="tgl">
 <div class="book bkJDG">
 <div class="chapter ch17" data-usfm="JDG.17">
 <div class="label">17</div><div class="s">Ang Diyus-diyosan ni Micas</div><div class="p"> 1Sa kaburulan ng Efraim ay may nakatirang isang tao na Micas ang pangalan. 2Minsan, sinabi niya sa kanyang ina, &#8220;Nang mawala ang 1,100 ninyong pilak, narinig kong sinumpa ninyo ang nagnakaw. Ako po ang kumuha. Heto po, isinasauli ko na sa inyo.&#8221;</div><div class="p">Pagkatanggap sa mga pilak, sinabi ng ina, &#8220;Pagpalain ka ni Yahweh, anak ko. 3Ang mga pilak na ito'y inihahandog ko kay Yahweh upang gawing imahen para hindi mangyari sa aking anak ang sumpa.&#8221; &#8220;Kaya nga po ibinabalik ko sa inyo,&#8221; sagot ni Micas. 4Nang ibalik ni Micas ang pilak ng kanyang ina, kinuha nito ang dalawandaang piraso at ibinigay sa isang platero upang gawing imahen. Pagkayari, inilagay niya ito sa bahay ni Micas.</div><div class="p"> 5Ang lalaking si Micas ay may sariling altar. Mayroon din siyang iba't ibang diyus-diyosan, at ginawa niyang pari ang isa sa kanyang mga anak na lalaki. 6Nang#Huk. 21:25 panahong iyon ay wala pang hari ang Israel; ginagawa ng bawat isa ang lahat ng kanilang magustuhan.</div><div class="p"> 7Samantala sa Bethlehem, Juda ay may isang kabataang Levita. 8Isang araw, umalis ito at naghanap ng tirahan sa ibang lugar. Sa kanyang paglalakbay, napadaan siya sa bahay ni Micas sa kaburulan ng Efraim. 9Tinanong siya ni Micas, &#8220;Tagasaan ka?&#8221;</div><div class="p">&#8220;Ako po'y taga-Bethlehem, Juda at isang Levita. Naghahanap po ako ng matitirhan,&#8221; sagot niya.</div><div class="p"> 10Sinabi ni Micas, &#8220;Kung gayon, dito ka na. Gagawin kitang tagapayo at pari. Bibigyan kita ng sampung pirasong pilak taun-taon, bukod sa damit at pagkain.&#8221; 11Pumayag ang Levita sa alok ni Micas at siya'y itinuring nitong parang tunay na anak. 12Hinirang siya ni Micas bilang pari, at doon pinatira. 13Sinabi ni Micas, &#8220;Ngayon, sigurado kong ako'y pagpapalain ni Yahweh sapagkat mayroon na akong isang paring Levita.&#8221;</div>
 </div>
 </div>
</div>

<div class="version vid399 iso6393tgl" data-vid="399" data-iso6393="tgl">
 <div class="book bkJDG">
 <div class="chapter ch18" data-usfm="JDG.18">
 <div class="label">18</div><div class="s">Si Micas at ang Angkan ni Dan</div><div class="p"> 1Nang panahong iyon ay wala pang hari ang Israel. Ang lipi ni Dan ay naghahanap noon ng lugar na matitirhan. Wala silang tirahan noon sapagkat wala pa silang natatanggap na lupaing mana. 2Kaya't pumili sila ng limang pangunahing kalalakihan sa kanilang lipi, mula sa Zora at Estaol at pinahanap ng matitirhan nilang lahat. Ang limang inutusan ay nagpunta sa lugar ni Micas at sa bahay nito tumuloy. 3Samantalang naroon sila, nakilala nilang Levita ang kasama ni Micas dahil sa punto ng salita nito. Kaya, tinanong nila ito, &#8220;Anong ginagawa mo rito? Sino ang nagdala sa iyo rito?&#8221;</div><div class="p"> 4&#8220;May usapan kami ni Micas at binabayaran niya ako bilang pari,&#8221; sagot niya.</div><div class="p"> 5Sinabi nila sa kanya, &#8220;Kung gayon, isangguni mo sa Diyos kung magtatagumpay kami sa lakad naming ito.&#8221;</div><div class="p"> 6Sinabi ng Levita, &#8220;Huwag kayong mag-alala. Pinapatnubayan kayo ni Yahweh sa lakad ninyo.&#8221;</div><div class="p"> 7Ang lima ay nagpatuloy sa kanilang lakad at nakarating sa Lais. Nakita nilang tahimik doon. Panatag ang loob ng mga tagaroon, payapa at sapat sa lahat ng pangangailangan. Ang lugar na iyon ay malayo sa mga taga-Sidon at walang pakikiugnay sa ibang tao. 8Nang magbalik sila sa Zora at Estaol, tinanong sila ng kanilang mga kababayan kung ano ang nakita nila. 9Ang sabi nila, &#8220;Mainam na lugar iyon. Kaya, hindi tayo dapat mag-aksaya ng panahon. Lumusob na tayo at nang masakop natin agad. 10Malawak ang lupaing iyon at sagana sa lahat ng bagay. Ibinigay na ito ng Diyos sa atin, at hindi nila iisiping sasalakayin natin sila.&#8221;</div><div class="p"> 11Kaya, mula sa Zora at Estaol ay lumakad ang may animnaraang mandirigma ng lipi ni Dan. 12Nagkampo sila sa may Lunsod ng Jearim sa Juda, at hanggang ngayon, ang lugar na iyo'y tinatawag na Kampo ni Dan. 13Mula roon, dumaan sila sa kaburulan ng Efraim at nagtuloy sa bahay ni Micas.</div><div class="p"> 14Sinabi sa kanila ng limang nagsiyasat sa Lais, &#8220;Sa bahay na ito ay may isang imaheng balot ng pilak, bukod pa sa ibang diyus-diyosan at efod. Ano sa palagay ninyo ang mainam nating gawin para makuha ang mga iyon?&#8221; 15Kaya't pumunta sila sa bahay ni Micas at kinumusta ang kabataang Levita na nakatira roon. 16Samantalang naghihintay sa tarangkahan ang kasama nilang animnaraang kawal, 17ang limang espiya ay tuluy-tuloy na pumasok sa bahay ni Micas at kinuha ang mga diyus-diyosan doon, pati ang nababalot ng pilak. Ang pari naman ay nasa tarangkahan, kasama ng animnaraang kawal.</div><div class="p"> 18Nang makita ng pari na sinamsam ng limang lalaki ang mga imahen, itinanong niya, &#8220;Anong ginagawa ninyo?&#8221;</div><div class="p"> 19Sinabi nila, &#8220;Huwag kang maingay. Tumahimik ka lang diyan! Sumama ka sa amin at gagawin ka naming pari at tagapayo. Alin ba ang mas gusto mo, ang maging pari ng isa sa lipi ng Israel o ng isang pamilya lamang?&#8221; 20Nagustuhan ng pari ang alok sa kanya, kaya kinuha niya ang mga imahen at masayang sumama sa kanila.</div><div class="p"> 21At nagpatuloy sila ng paglalakbay. Nasa unahan nila ang mga bata, mga alagang hayop at mga kagamitan. 22Hindi pa sila gaanong nakakalayo sa bahay ni Micas ay tinipon nito ang kanyang mga kapitbahay at hinabol nila ang mga Daneo, 23na kanilang sinisigawan. Nang mag-abot sila, tinanong ng mga Daneo si Micas, &#8220;Ano ba ang nangyayari at napakarami ninyo?&#8221;</div><div class="p"> 24Sumagot si Micas, &#8220;Itinatanong pa ninyo gayong tinangay ninyo ang aking pari at kinuhang lahat ang aking mga diyus-diyosan! Wala na kayong itinira sa akin.&#8221;</div><div class="p"> 25Sinabi nila, &#8220;Mabuti pa'y manahimik ka na lang! Baka marinig ka ng mga kasama namin, magalit sila at patayin ka pati ang iyong pamilya.&#8221; 26At nagpatuloy ang lipi ni Dan sa paglakad. Nakita ni Micas na hindi niya kaya ang mga Daneo kaya umuwi na lamang siya.</div><div class="p"> 27Nagtuloy ang mga Daneo sa Lais, dala ang diyus-diyosan ni Micas pati ang pari. Sinalakay nila ang Lais, isang bayang tahimik at payapa. Pinatay nila ang mga tagaroon, at sinunog ang buong lunsod. 28Walang nagtanggol sa mga tagaroon sapagkat malayo ito sa Sidon at walang pakikiugnay sa ibang tao. Ang lugar na ito ay nasa kapatagan ng Beth-rehob. Matapos sunugin, muli itong itinayo ng mga Daneo at kanilang tinirhan. 29Ang dating pangalang Lais ay pinalitan nila ng Dan, batay sa pangalan ng kanilang ninuno na isa sa mga anak ni Jacob. 30Ipinagtayo nila ng altar ang diyus-diyosan ni Micas at kanilang sinamba. Si Jonatan na anak ni Gersom, apo ni Moises,#30 MOISES: Sa ibang manuskrito'y Manases. ang ginawa nilang pari. Mula noon, ang lahi nito ang nagsilbing pari nila hanggang sa sila'y dalhing-bihag ng kanilang mga kaaway. 31Ang diyus-diyosan naman ni Micas ay nanatili roon habang nasa Shilo pa ang tabernakulo ng Diyos.</div>
 </div>
 </div>
</div>

<div class="version vid399 iso6393tgl" data-vid="399" data-iso6393="tgl">
 <div class="book bkJDG">
 <div class="chapter ch19" data-usfm="JDG.19">
 <div class="label">19</div><div class="s">Ang Levita at ang Kanyang Asawang-lingkod</div><div class="p"> 1Nang panahong wala pang hari ang Israel, may isang Levita sa malayong bulubundukin ng Efraim. Kumuha siya ng isang babaing taga-Bethlehem, Juda at ginawa niyang asawang-lingkod. 2Subalit nagalit sa kanya ang babae at#2 nagalit&#8230;babae at: Sa ibang manuskrito'y nagtaksil sa kanya ang babae kaya't. umuwi sa mga magulang nito sa Bethlehem. Nanatili ito roon nang apat na buwan. 3Naisipan naman ng Levita na puntahan ang asawa at himuking makisamang muli sa kanya. Nagpagayak siya ng dalawang asno at lumakad na kasama ang isang katulong. Pagdating doon, pinatuloy sila ng babae at malugod na tinanggap ng biyenang lalaki. 4Pinilit pa siyang tumigil doon, kaya nanatili siya roon nang tatlong araw. 5Nang ikaapat na araw, maaga silang gumising at naghanda sa pag-uwi. Ngunit sinabi ng ama ng babae, &#8220;Kumain muna kayo bago lumakad para hindi kayo gutumin sa daan.&#8221;</div><div class="p"> 6Nagpapigil naman sila at magkakasalo pang kumain. Pagkatapos, sinabi ng ama, &#8220;Magpabukas na kayo at lubus-lubusin na natin ang pagsasayang ito.&#8221;</div><div class="p"> 7Ayaw sana niyang papigil ngunit mapilit ang pakiusap ng biyenan kaya pumayag na rin siya. 8Kinaumagahan, muli silang naghanda sa pag-uwi ngunit sinabi na naman ng ama ng babae, &#8220;Kumain muna kayo at mamaya na lumakad.&#8221; Kaya't nagsalo muli sila sa pagkain.</div><div class="p"> 9Nang sila'y lalakad na, sinabi ng ama, &#8220;Lulubog na ang araw at maya-maya lang ay madilim na. Mabuti pa'y dito na muli kayo matulog at bukas na ng umagang-umaga kayo umuwi.&#8221;</div><div class="p"> 10-11Ngunit hindi na pumayag ang Levita. Sa halip, tumuloy na sila. Dumidilim na nang sila'y dumating sa tapat ng Jebus, na ngayo'y Jerusalem, kaya't sinabi ng alipin, &#8220;Mabuti pa po'y tumuloy na tayo ng lunsod at doon na tayo magpalipas ng gabi.&#8221;</div><div class="p"> 12Sinabi ng Levita, &#8220;Hindi tayo maaaring tumuloy sa lugar na hindi sakop ng mga Israelita. Tutuloy tayo ng Gibea. 13Halikayo at sa Gibea o sa Rama na tayo magpalipas ng gabi.&#8221; 14Kaya lumampas sila ng Jebus at nagpatuloy sa kanilang paglalakbay. Lumulubog na ang araw nang sila'y makarating sa Gibea, isang bayang sakop ng lipi ni Benjamin. 15Pumasok sila at umupo sa liwasang-bayan upang doon magpalipas ng gabi sapagkat walang nag-alok sa kanila ng matutuluyan.</div><div class="p"> 16Samantalang nakaupo sila roon, may nagdaang isang matandang lalaki galing sa pagtatrabaho sa bukid. Ang matandang ito'y dating taga kaburulan ng Efraim ngunit sa Gibea na nakatira. Karamihan ng nakatira doo'y mula sa lipi ng Benjamin. 17Napansin ng matanda ang Levita sa liwasang-bayan. Nilapitan niya ito at tinanong, &#8220;Tagasaan kayo at saan kayo pupunta?&#8221;</div><div class="p"> 18Sumagot ang Levita, &#8220;Galing po kami sa Bethlehem, Juda at papauwi na sa kaburulan ng Efraim. Wala po namang nag-aalok sa amin ng matutuluyan. 19Mayroon po kaming pagkain, pati ang aming mga asno. Sapat po ang dala namin para sa aking sarili, sa aking asawang-lingkod at aking alipin.&#8221;</div><div class="p"> 20Sinabi ng matandang lalaki, &#8220;Sa amin na kayo magpalipas ng gabi, huwag dito sa liwasang-bayan.&#8221; 21Sumama naman sila sa matanda. Pagdating ng bahay, pinakain ng matanda ang mga asno ng kanyang panauhin. Sila naman ay naghugas ng paa, at kumain.</div><div class="p"> 22Nang#Gen. 19:5-8 sila'y kasalukuyang kumakain, ang bahay ay pinaligiran ng mga tagaroong mahilig sa kalaswaan at kinalampag ang pinto. Sinabi nila sa matandang may-ari ng bahay, &#8220;Ilabas mo ang lalaking panauhin mo't makikipagtalik kami sa kanya.&#8221;</div><div class="p"> 23Sumagot ang matanda, &#8220;Huwag, mga kaibigan! Napakasama ng iniisip ninyong iyan. Nakikiusap ako sa inyo na igalang naman ninyo ang taong ito sapagkat siya'y aking panauhin. 24Kung gusto ninyo, ang anak kong birhen pa o ang kanyang asawa na lang ang hilingin ninyo. Ibibigay ko sila sa inyo at gawin ninyo ang gusto ninyong gawin, huwag lang itong panauhin kong lalaki.&#8221; 25Ayaw makinig ng mga tao, kaya inilabas sa kanila ng Levita ang asawa nito, at ito'y magdamag na hinalay ng mga lalaki.</div><div class="p"> 26Nang mag-uumaga na, ang babae'y nahandusay na lamang sa pintuan ng bahay ng matanda at doon na sinikatan ng araw. 27Nang buksan ng Levita ang pinto upang magpatuloy sa kanyang paglalakbay, nakita niya roon ang kanyang asawang nakadapa at ang mga kamay ay nakahawak pa sa pintuan. 28Sinabi niya, &#8220;Bangon na at uuwi na tayo.&#8221; Ngunit hindi sumasagot ang babae, kaya isinakay niya ito sa kanyang asno at nagpatuloy ng paglalakbay. 29Pagdating#1 Sam. 11:7 sa kanyang bahay, kumuha siya ng kutsilyo at pinagputul-putol niya sa labindalawang piraso ang bangkay ng asawa at ipinadala sa buong Israel. 30Lahat ng makakita rito'y nagsabi, &#8220;Wala pang nangyaring ganito buhat nang umalis sa Egipto ang mga Israelita. Ano ang dapat nating gawin?&#8221;</div>
 </div>
 </div>
</div>

<div class="version vid399 iso6393tgl" data-vid="399" data-iso6393="tgl">
 <div class="book bkJDG">
 <div class="chapter ch20" data-usfm="JDG.20">
 <div class="label">20</div><div class="s">Naghanda ang Israel Upang Digmain ang Benjamin</div><div class="p"> 1Ang mga Israelita, mula sa Dan sa gawing hilaga hanggang sa Beer-seba sa timog, at mula sa Gilead sa silangan, ay nagtipun-tipon sa Mizpa, sa harapan ni Yahweh, 2kasama ang mga pinuno ng bawat lipi. Lahat-lahat ay umabot ng apatnaraang libong kawal. 3Ang pangyayaring ito'y nakarating sa kaalaman ng mga Benjaminita.</div><div class="p">Ang tanong ng mga Israelita, &#8220;Paano ba naganap ang kasamaang ito?&#8221; 4Ang pangyayari ay isinalaysay ng Levita na asawa ng babaing pinaslang, &#8220;Kami ng aking asawang-lingkod ay nagdaan sa Gibea na sakop ng mga Benjaminita upang doon magpalipas ng gabi. 5Kinagabihan, ang bahay na tinutuluyan namin ay pinaligiran at pinasok ng mga taga-Gibea at gusto akong patayin. Ngunit sa halip, ginahasa nila ang aking asawa hanggang sa siya'y mamatay. 6Iniuwi ko ang kanyang bangkay, pinagputul-putol at ipinadala sa bawat lipi ng Israel. Napakasama at karumal-dumal ang ginawa nilang ito sa atin. 7Kayong lahat ng naririto ay mga Israelita. Ano ngayon ang dapat nating gawin?&#8221;</div><div class="p"> 8Sabay-sabay silang tumayo at kanilang sinabi, &#8220;Isa man sa amin ay hindi muna uuwi sa sariling bahay o tolda. 9Ito ang gagawin natin: magpapalabunutan tayo kung sino ang unang sasalakay sa Gibea. 10Ang ikasampung bahagi ng bilang ng ating kalalakihan ang mamamahala sa pagkain ng hukbo. Ang natitira naman ang magpaparusa sa Gibea dahil sa kawalanghiyaang ginawa nila sa Israel.&#8221; 11Kaya, ang mga kalalakihan ng Israel ay nagkaisang salakayin ang Gibea.</div><div class="p"> 12Ang mga Israelita'y nagpadala ng mga sugo sa lahat ng lugar na sakop ng Benjamin at kanilang ipinasabi, &#8220;Napakasama nitong ginawa ninyo sa amin. 13Ibigay ninyo sa amin ang mga taga-Gibeang gumawa nito at papatayin namin para mawala ang salot sa buong Israel.&#8221; Ngunit hindi pinansin ng mga Benjaminita ang mga Israelita. 14Sa halip, nagtipun-tipon sila sa Gibea upang lumaban sa ibang lipi ng Israel. 15Nang araw ring iyon, nakatipon sila ng 26,000 kawal bukod pa ang 700 piling kawal ng Gibea. 16Sa kabuuan ay kabilang ang 700 piling kawal na pawang kaliwete at kayang-kayang patamaan ng tirador ang hibla ng buhok. 17Ang mga Israelita naman ay nakatipon ng 400,000 kawal na pawang bihasa sa digmaan.</div><div class="s">Ang Digmaan ng mga Israelita at mga Benjaminita</div><div class="p"> 18Ang mga Israelita ay nagpunta sa tabernakulo sa Bethel at doo'y itinanong nila sa Diyos, &#8220;Aling lipi ang unang sasalakay sa mga Benjaminita?&#8221;</div><div class="p">Sumagot si Yahweh, &#8220;Ang lipi ng Juda.&#8221;</div><div class="p"> 19Kinabukasan ng umaga, ang mga Israelita ay nagkampo sa tapat ng Lunsod ng Gibea. 20Pinaharap nila sa lunsod ang kanilang hukbo upang ito'y salakayin. 21Ngunit hinarang sila ng mga Benjaminita at bago gumabi ay nalagasan sila ng 22,000 kawal. 22Gayunman hindi nasiraan ng loob ang mga Israelita. Kinabukasan, muli silang humanay sa dating lugar. 23Ngunit bago magsimula ang labanan, dumulog muna sila kay Yahweh sa tabernakulo sa Bethel at maghapong lumuha. Itinanong nila kay Yahweh, &#8220;Muli po ba naming lulusubin ang mga kapatid naming Benjaminita?&#8221;</div><div class="p">&#8220;Oo, lusubin ninyo silang muli,&#8221; sagot ni Yahweh.</div><div class="p"> 24Kaya, muli nilang nilusob ang mga Benjaminita. 25Ngunit muli silang sinalubong ng mga ito sa labas ng Gibea at sa pagkakataong ito, ang mga Israelita'y nalagasan naman ng 18,000. 26Kaya, nagpunta sila sa Bethel at doo'y nanangis. Nanatili silang nakaupo sa presensya ni Yahweh at maghapong hindi kumain. Naghain sila ng mga handog na susunugin at handog pangkapayapaan. 27Muli silang sumangguni kay Yahweh. Noon, ang Kaban ng Tipan ng Diyos ay nasa Bethel 28sa pag-iingat ni Finehas na anak ni Eleazar at apo ni Aaron. Ang tanong nila, &#8220;Lulusubin po ba namin muli ang mga kapatid naming Benjaminita o titigil na kami?&#8221;</div><div class="p">Sumagot si Yahweh, &#8220;Lumusob kayo muli at bukas ng umaga'y pagtatagumpayin ko kayo laban sa kanila.&#8221;</div><div class="p"> 29Ang mga Israelita'y naglagay ng mga kawal na nakakubli sa palibot ng Gibea. 30Nang ikatlong araw, muli nilang sinalakay ang mga Benjaminita. 31At tulad ng dati, sila'y sinalubong ng mga ito hanggang sa mapalayo sa bayan. May ilang Israelitang napatay sa sangandaan papuntang Bethel at Gibea at sa labas ng lunsod, humigit-kumulang sa tatlumpu. 32Dahil dito, inisip ng mga Benjaminitang nadaig na naman nila ang mga Israelita. Hindi nila naisip na nagpahabol lamang ang mga ito upang ilayo sila sa lunsod.</div><div class="p"> 33Ang mga Israelitang nagpahabol ay nagtipun-tipon sa Baal-tamar. Samantala, lumabas naman sa kanilang pinagtataguan sa palibot ng Gibea 34ang may 10,000 na pawang piling mandirigma ng Israel. Sinalakay nila ang lunsod. Naging mahigpitan ang labanan. Hindi alam ng mga Benjaminita na malapit na silang malipol. 35Ang mga Israelita'y pinagtagumpay ni Yahweh at nang araw na iyon, nakapatay sila ng 25,100 Benjaminita. 36Noon lamang nila nakita na natalo sila ng mga Israelita.</div><div class="s">Ang Pagtatagumpay ng mga Israelita</div><div class="p">Umatras ang malaking bahagi ng hukbo ng Israel sapagkat nagtiwala na sila sa mga lalaking pinatambang nila sa palibot ng Gibea. 37Nang malayo na ang mga Benjaminita, sinalakay nga nila ang lunsod at pinatay ang lahat ng mga tagaroon. 38May usapan ang mga Israelitang umatras at ang mga nakatambang sa palibot ng Gibea na kapag may nakita silang makapal na usok sa Gibea, 39haharapin na nila ang mga Benjaminita. Noon, ang mga Benjaminita ay nakapatay na ng tatlumpung Israelita kaya iniisip nilang malulupig na naman nila ang mga Israelita. 40At lumitaw nga ang makapal na usok mula sa Gibea. Nang lumingon ang mga Benjaminita, nagtaka sila nang makitang nasusunog ang buong lunsod ng Gibea. 41Sinamantala naman ito ng mga Israelita. Hinarap na nila ang mga kaaway. Nalito ang mga Benjaminita 42at nagtangkang tumakas patungong kaparangan. Ngunit pinalibutan sila ng mga Israelita, 43at hindi nilubayan ng pagtugis hanggang sa silangan ng Gibea. 44Ang napatay sa mga pinakamagagaling na kawal Benjaminita ay umabot sa 18,000. 45Ang iba'y nakatakas papuntang ilang, sa Batong Malaki ng Rimon. Ang napatay sa daan ay 5,000. Patuloy silang hinabol ng mga Israelita at nakapatay pa ng 2,000. 46Lahat-lahat ng napatay na Benjaminita ng araw na iyon ay 25,000, na pawang mga matatapang na mandirigma.</div><div class="p"> 47Ang nakatakas sa Batong Malaki ng Rimon ay 600, at ang mga ito'y nanatili roon nang apat na buwan. 48Binalikan ng mga Israelita ang iba pang Benjaminita at pinatay lahat, pati mga hayop. Pagkatapos, sinunog nila ang lahat ng bayang sakop ng Benjamin.</div>
 </div>
 </div>
</div>

<div class="version vid399 iso6393tgl" data-vid="399" data-iso6393="tgl">
 <div class="book bkJDG">
 <div class="chapter ch21" data-usfm="JDG.21">
 <div class="label">21</div><div class="s">Ikinuha ng mga Asawa ang mga Benjaminita</div><div class="p"> 1Ang kalalakihan ng Israel ay nagtipun-tipon sa Mizpa at nangako kay Yahweh. Ang sabi nila, &#8220;Hindi namin pahihintulutan ang aming mga anak na babae na mapangasawa ng mga Benjaminita.&#8221;</div><div class="p"> 2Pagkaraan niyon, pumunta sila sa Bethel, at malungkot na humarap kay Yahweh. Hanggang gabi silang nakaupo roon, at buong kapaitang nanangis. 3Sinabi nila, &#8220;Yahweh, Diyos ng Israel, bakit kailangan pang mawala ang isa sa mga lipi ng Israel?&#8221;</div><div class="p"> 4Kinaumagahan, ang mga Israelita'y nagtayo roon ng isang altar at naghain ng mga handog para sa kapayapaan at nagsunog ng buong handog. 5Nagtanungan sila kung aling lipi ng Israel ang hindi nakiisa sa pagtitipon sa Mizpa, sapagkat mahigpit nilang ipinangako na papatayin ang sinumang hindi humarap doon kay Yahweh. 6Labis nilang ikinalungkot ang nangyari sa mga kapatid nilang Benjaminita. Ang sabi nila, &#8220;Ang Israel ay nabawasan ng isang lipi. 7Saan natin ikukuha ng mapapangasawa ang mga natitira pang Benjaminita sapagkat tayo'y sumumpang hindi natin papayagang mapangasawa nila ang ating mga anak?&#8221;</div><div class="p"> 8Sinabi nila, &#8220;Ang lipi ng Israel ay may isang angkang hindi humarap kay Yahweh sa Mizpa.&#8221; Nalaman nilang hindi pumunta roon ang mga taga-Jabes-gilead 9sapagkat isa mang taga-Jabes-gilead ay walang sumagot nang isa-isang tawagin ang mga tao. 10Kaya ang kapulungang iyon ay pumili ng 12,000 matatapang na kawal, pinapunta sa Jabes-gilead, at inutusang patayin ang lahat ng tagaroon, 11bata't matanda, lalaki't babae, liban sa mga dalaga. 12Nakakita sila ng apatnaraang dalagang hindi pa nasisipingan at ang mga ito'y iniuwi nila sa Shilo, sakop ng Canaan.</div><div class="p"> 13Pagkatapos, ang mga Israelita ay nagpadala ng sugo sa mga Benjaminitang nagtatago sa Bundok ng Rimon. Ipinasabi nila, &#8220;Maaari na kayong umuwi sapagkat tapos na ang ating digmaan.&#8221; 14Nag-uwian naman ang mga ito at ibinigay sa kanila ng mga Israelita ang mga dalagang taga-Jabes-gilead, ngunit ang mga ito'y kulang sa kanila.</div><div class="p"> 15Ikinalungkot nga ng mga Israelita ang nangyari sa mga Benjaminita sapagkat nagkalamat ang pagkakaisa ng mga lipi ng Israel. 16Kaya nag-usap-usap ang mga pinuno ng kapulungan. Ang sabi nila, &#8220;Walang natirang babaing Benjaminita. Ano ang gagawin natin para magkaasawa ang wala pang asawa? 17Hindi natin dapat pabayaang malipol ang alinman sa lipi ng Israel. Kailangang gumawa tayo ng paraan para hindi mawala ang lipi ni Benjamin. 18Hindi naman natin maibibigay sa kanila ang ating mga anak sapagkat isinumpa nating hindi papayagan na mapangasawa nila ang ating mga anak.&#8221; 19Noon nila naalalang malapit na ang taunan nilang pista para kay Yahweh na ginaganap nila sa Shilo, sa hilaga ng Bethel, gawing timog ng Lebona, sa gawing silangan ng daan sa pagitan ng Bethel at Shekem.</div><div class="p"> 20Sinabi nila sa mga Benjaminita, &#8220;Magtago kayo sa ubasan 21at hintayin ninyo ang mga dalagang taga-Shilo. Pagdaan nila roon upang magsayaw sa pista, mang-agaw na kayo ng inyong mapapangasawa at iuwi ninyo. 22Kapag nagreklamo sa amin ang kanilang mga ama o mga kapatid, sasabihin na lang namin sa kanila na bayaan na kayo sapagkat kulang sa inyo ang mga dalagang nakuha namin sa Jabes. Iyon naman ay hindi masasabing pagsira nila sa pangako sapagkat kinuha ninyo nang wala silang pahintulot.&#8221; 23Ganoon nga ang ginawa ng mga Benjaminita; bawat isa sa kanila'y pumili ng isa sa mga nagsasayaw, at tinangay. Umuwi sila sa kanilang lupain, itinayo ang kanilang mga lunsod at muling nanirahan doon. 24Samantala, ang ibang mga Israelita ay umuwi na sa kanya-kanyang lipi, pamilya at ari-arian.</div><div class="p"> 25Nang#Huk. 17:6 panahong iyon ay wala pang hari sa Israel; ginagawa ng bawat isa ang lahat ng kanilang magustuhan.</div>
 </div>
 </div>
</div>

Read Through the Bible in 6 Months - Thomas Road Baptist ChurchHalimbawa

Banal na Kasulatan

Tungkol sa Gabay na ito

Mga Kaugnay na Gabay