Ang Pinakamahusay na Pamumuhunan Mo!Halimbawa

"Palawakin ang Iyong Kaalaman"

Ang pagbuo ng pag-unawa sa Salita ng Diyos ay isang panghabang-buhay na pagsisikap. Hindi ito basta mangyayari sa magdamag. Ngunit may ilang mga pamamaraan na maaaring makatulong para sa mas komprehensibong pag-unawa. Narito ang ilang mga ideya: 

1 - Kumuha ng ilang mga kasangkapan. Maraming mga uri ng mga pantulong sa pag-aaral ang magagamit na makakatulong sa iyo para maunawaan ang iyong binabasa. Halimbawa, may mga Study Bible, concordance, at mga partikular sa paksa na gabay sa pag-aaral sa online man at hardcopy.

2 - Makilahok sa isang pangkat ng pag-aaral sa Bibliya o maliit na grupo upang makatalakayan ang ibang mga Kristiyano at maobserbahan kung paano nila isinasabuhay ang Salita ng Diyos. 

3 - Magkaroon ng plano. Para sa mga tunay na mapag-adhika sa kanilang personal na oras ng pagbabasa, maraming mga plano na magagamit sa The Bible App ng YouVersion upang tutulong na gagabay sa iyo sa buong Bibliya.  Marami sa mga ito ang makakatulong sa iyo para matapos mo ang buong Bibliya sa isang taon - at isa na itong masasabing magandang tagumpay! 

Habang mas gumugugol ka ng oras sa Kanyang Salita, mas mabuti ang iyong pag-unawa dito. Habang ginagawa mo ito, makikita mo rin na tutulungan ka ng Diyos na maunawaan kung ano ang mismong kailangan mong malaman para sa panahon ng buhay na kinaroroonan mo.