Ang Mga Parables ni Jesus

Prayer

BibleProject | Maikling Kurso tungkol kay Apostol Pablo

Nilikha Tayo in His Image

BibleProject | Walang-Hanggang Pag-ibig ng Diyos

Ang Kahariang Bali-baliktad

BibleProject | Bagong Kasunduan, Bagong Karunungan

Masayahin ang ating Panginoon

Sa Paghihirap…

Ang Kwento ng Naglayas na Anak

<div class="version vid399 iso6393tgl" data-vid="399" data-iso6393="tgl">
 <div class="book bkJDG">
 <div class="chapter ch6" data-usfm="JDG.6">
 <div class="label">6</div><div class="s">Si Gideon</div><div class="p"> 1Muling gumawa ng kasamaan laban kay Yahweh ang mga Israelita, kaya sila'y hinayaan niyang masakop ng mga Midianita sa loob ng pitong taon. 2Higit na makapangyarihan ang mga Midianita kaysa sa mga Israelita. Kaya't ang mga Israelita ay nagsipagtago sa mga kuweba at sa mga kabundukan. 3Tuwing magtatanim ang mga Israelita sa kanilang mga bukirin, sinasalakay sila ng mga Midianita, Amalekita, at iba pang mga lipi galing sa disyerto. 4Nagkakampo ang mga ito sa lupain at sinisira ang mga pananim doon hanggang sa may Gaza. Wala silang itinitirang anuman na maaaring pakinabangan ng mga Israelita sapagkat kinukuha nilang lahat pati ang mga tupa, baka at asno. 5Dumarating silang parang makapal na balang kasama ang kanilang mga baka, tolda at mga kamelyong hindi mabilang sa dami, at sinisira ang lupain. 6Walang magaw&#226; ang mga Israelita, kaya humingi sila ng tulong kay Yahweh.</div><div class="p"> 7Nang marinig ni Yahweh ang pagdaing ng mga Israelita dahil sa pagpapahirap ng mga Midianita, 8sila'y pinadalhan niya ng propeta at ipinasabi ang ganito: &#8220;Inilabas ko kayo sa Egipto. 9Iniligtas ko kayo sa kanilang pang-aalipin, at sa lahat ng inyong kaaway. Natalo ninyo sila at ibinigay sa inyo ang kanilang lupain. 10Sinabi ko na sa inyo na ako si Yahweh na inyong Diyos at hindi kayo dapat sumamba sa mga diyos ng mga Amoreo, sa lupaing inyong tinitirhan ngayon. Ngunit hindi kayo nakinig sa akin.&#8221;</div><div class="p"> 11Dumating sa Ofra ang anghel ni Yahweh at naupo sa ilalim ng malaking puno na pag-aari ni Joas na buhat sa angkan ni Abiezer. Si Gideon na anak ni Joas ay kasalukuyang gumigiik noon ng trigo sa pisaan ng ubas. Patago ang kanyang paggiik upang hindi siya makita ng mga Midianita. 12Nagpakita sa kanya ang anghel ni Yahweh at sinabi sa kanya, &#8220;Sumasaiyo si Yahweh, magiting na lalaki.&#8221;</div><div class="p"> 13Sumagot si Gideon, &#8220;Mawalang-galang na po. Kung talagang kasama namin si Yahweh, bakit ganito ang nangyayari sa amin? Nasaan na ngayon ang mga kababalaghang ginawa niya noon gaya ng ikinuwento sa amin ng aming mga ninuno, kung paanong sila'y iniligtas niya sa Egipto? Pinabayaan na kami ni Yahweh sa kamay ng mga Midianita.&#8221;</div><div class="p"> 14Sinabi sa kanya ni Yahweh, &#8220;Lumakad ka at gamitin mo ang buong lakas mo upang iligtas ang Israel mula sa mga Midianita. Ako mismo ang nagsusugo sa iyo.&#8221;</div><div class="p"> 15Sumagot si Gideon, &#8220;Ngunit Panginoon, paano ko maililigtas ang Israel? Ang aming angkan ang pinakamahina sa lipi ni Manases, at ako naman ang pinakahamak sa pamilya namin.&#8221;</div><div class="p"> 16Sinabi sa kanya ni Yahweh, &#8220;Makakaya mo ito sapagkat tutulungan kita. Matatalo mo ang mga Midianitang ito na para ka lang lumaban sa isang tao.&#8221;</div><div class="p"> 17Sumagot si Gideon, &#8220;Kung ako po ay talagang kalugud-lugod sa inyo, bigyan ninyo ako ng palatandaang kayo nga ang nag-uutos sa akin. 18Huwag po muna kayong umalis at hahainan ko kayo ng pagkaing handog.&#8221;</div><div class="p">&#8220;Hihintayin kita,&#8221; sagot ni Yahweh.</div><div class="p"> 19Umuwi nga si Gideon at nagluto ng isang batang kambing at gumawa ng tinapay na walang pampaalsa mula sa limang salop na harina. Pagkaluto, inilagay niya ang karne sa basket at ang sabaw sa isang palayok. Inihain niya ito sa anghel ni Yahweh sa ilalim ng malaking puno. 20Sinabi sa kanya ng anghel, &#8220;Ipatong mo sa malaking batong ito ang karne at ang tinapay. Pagkatapos, buhusan mo ng sabaw.&#8221; Iyon nga ang ginawa ni Gideon. 21Ang karne at ang tinapay ay hinawakan ng anghel ni Yahweh sa pamamagitan ng tungkod. May lumabas na apoy mula sa bato at nasunog ang karne at ang tinapay. Pagkatapos, ang anghel ni Yahweh ay nawala sa kanyang paningin.</div><div class="p"> 22Saka pa lamang naunawaan ni Gideon na anghel nga ni Yahweh ang nakausap niya. Dahil dito, kinilabutan siya sa takot at sinabi, &#8220;Panginoong Yahweh tulungan mo po ako! Harap-harapan kong nakita ang iyong anghel!&#8221;</div><div class="p"> 23Ngunit sinabi sa kanya ni Yahweh, &#8220;Huminahon ka. Huwag kang matakot. Hindi ka mamamatay.&#8221;</div><div class="p"> 24At si Gideon ay nagtayo roon ng isang altar para kay Yahweh na tinawag niyang, &#8220;Si Yahweh ay Kapayapaan.&#8221; (Hanggang ngayon ay naroon pa sa Ofra ang altar, sa lugar na sakop ng angkan ni Abiezer.)</div><div class="s">Sinira ni Gideon ang Altar ni Baal</div><div class="p"> 25Kinagabihan, sinabi ni Yahweh kay Gideon, &#8220;Kunin mo ang toro ng iyong ama, at isa pang toro na pitong ta&#243;ng gulang. Gibain mo ang altar ni Baal na ipinagawa ng iyong ama at putulin mo ang rebulto ni Ashera sa tabi nito. 26Pagkatapos, magpatung-patong ka ng mga bato sa ibabaw ng burol na ito bilang altar para kay Yahweh na iyong Diyos. Pagputul-putulin mo ang rebulto ni Ashera at gawin mong panggatong sa ibabaw ng altar. Ialay mo roon ang pangalawang toro ng iyong ama bilang handog na sinusunog.&#8221; 27Kaya't isinama ni Gideon ang sampu sa kanyang mga tagapaglingkod at ginawa ang sinabi sa kanya ni Yahweh. Gabi nang gawin niya ito sapagkat natatakot siya sa kanyang pamilya at sa mga taong-bayan.</div><div class="p"> 28Kinabukasan ng madaling-araw, nakita na lamang ng mga tao na wasak na ang altar ni Baal at putul-putol na ang rebulto ni Ashera na ipinanggatong sa pangalawang toro na sinunog sa altar na itinayo roon. 29Nagtanungan sila, &#8220;Sino kaya ang may kagagawan nito?&#8221; Nagsiyasat sila at nalaman nilang si Gideon na anak ni Joas ang may kagagawan niyon. 30Sinabi ng mga taong-bayan kay Joas, &#8220;Ilabas mo rito ang anak mo at papatayin namin. Giniba niya ang altar ni Baal at pinagputul-putol ang rebulto ni Ashera sa tabi ng altar.&#8221;</div><div class="p"> 31Sumagot si Joas, &#8220;Ipinaglalaban ba ninyo si Baal? Ipinagtatanggol n'yo ba siya? Sinumang makipaglaban para sa kanya ay papatayin bago mag-umaga. Kung siya'y talagang diyos, hayaan ninyong ipagtanggol niya ang kanyang sarili. Di ba't kanyang altar ang giniba?&#8221; 32Mula noon, si Gideon ay tinaguriang Jerubaal#32 JERUBAAL: Sa wikang Hebreo, ang kahulugan ng salitang ito'y &#8220;Hayaan ninyong ipagtanggol ni Baal ang kanyang sarili&#8221;. dahil sa sinabi ni Joas na, &#8220;Hayaan ninyong ipagtanggol ni Baal ang kanyang sarili. Hindi ba't sa kanya naman ang altar na giniba?&#8221;</div><div class="p"> 33Ang mga Midianita, Amalekita, at iba pang mga lipi sa silangan ay sama-samang tumawid sa Ilog Jordan at nagkampo sa Libis ng Jezreel. 34Lumukob kay Gideon ang Espiritu#34 ESPIRITU: o kaya'y kapangyarihan. ni Yahweh; hinipan niya ang trumpeta bilang hudyat na sumunod sa kanya ang mga kalalakihan ng angkan ni Abiezer. 35Nagpadala siya ng mga sugo sa buong nasasakupan ng mga lipi nina Manases, Asher, Zebulun at Neftali upang makiisa sa kanya ang mga liping ito. Nagpasya namang sumama ang mga ito kay Gideon.</div><div class="s">Humingi ng Palatandaan si Gideon</div><div class="p"> 36Sinabi ni Gideon sa Diyos, &#8220;Sinabi ninyo sa akin na ako ang gagamitin ninyo upang iligtas ang Israel. 37Dahil dito, maglalatag ako ng isang lana sa giikan ng trigo. Kapag nabasa ito ng hamog ngunit tuyo ang paligid, ako nga ang gagamitin ninyo upang iligtas ang Israel.&#8221; 38Ganoon nga ang ginawa ni Gideon. Kinabukasan ng umaga, kinuha niya ang lanang inilatag sa giikan, at nang pigain niya ito, napuno niya ng tubig ang isang mangkok. 39Sinabi ni Gideon sa Diyos, &#8220;Huwag po kayong magagalit sa akin. Mayroon pa po akong isang hihilingin. Nais ko pong matuyo naman itong lana at mabasa ng hamog ang lupa sa paligid.&#8221; 40Kinagabihan, ginawa nga iyon ng Diyos. Tuyo ang lana ngunit basa ng hamog ang lupa sa paligid nito.</div>
 </div>
 </div>
</div>

<div class="version vid399 iso6393tgl" data-vid="399" data-iso6393="tgl">
 <div class="book bkJDG">
 <div class="chapter ch7" data-usfm="JDG.7">
 <div class="label">7</div><div class="s">Nilupig ni Gideon ang mga Midianita</div><div class="p"> 1Si Gideon ay tinatawag ding Jerubaal. Isang araw, maagang bumangon si Gideon at ang kanyang mga tauhan at nagkampo sila sa may Bukal ng Harod. Samantala, ang mga Midianita ay nagkampo sa hilagang kapatagan, sa may Burol ng More.</div><div class="p"> 2Sinabi ni Yahweh kay Gideon, &#8220;Sobrang dami ng mga tauhan mo para pagtagumpayin ko kayo laban sa mga Midianita. Baka akalain nilang sarili nila ang nakatalo sa mga Midianita at hindi dahil sa tulong ko. 3Kaya,#Deut. 20:8 sabihin mo sa taong-bayan na ang lahat ng natatakot ay maaari nang umuwi.&#8221; Nang sabihin ito ni Gideon, umuwi ang 22,000 ngunit 10,000 pa ang naiwan.</div><div class="p"> 4Sinabi muli ni Yahweh kay Gideon, &#8220;Napakarami pa ring natira. Isama mo sila sa tabi ng batis at bibigyan ko sila roon ng pagsubok. Doon ko sasabihin kung sino ang dapat mong isama at kung sino ang hindi.&#8221; 5Ganoon nga ang ginawa ni Gideon. Pagdating nila sa batis, sinabi ni Yahweh, &#8220;Ibukod mo ang lahat ng umiinom na parang aso. Ibukod mo rin ang mga nakaluhod habang umiinom.&#8221; 6Ang sumalok ng tubig sa pamamagitan ng kamay upang uminom ay tatlong daan at ang iba'y lumuhod upang uminom. 7Sinabi ni Yahweh kay Gideon, &#8220;Ang tatlong daang sumalok sa pag-inom ang isasama mo upang pagtagumpayin ko kayo at gapiin ang mga Midianita. Ang iba nama'y pauwiin mo na.&#8221; 8Kaya't pinauwi na ni Gideon ang lahat ng mga Israelita maliban sa tatlong daan. Iniwan sa mga ito ang lahat ng banga at ang mga trumpeta. Ang kampo ng mga Midianita ay nasa libis sa gawing ibaba nila.</div><div class="p"> 9Kinagabihan, sinabi ni Yahweh kay Gideon, &#8220;Lusubin na ninyo ang kampo ng mga Midianita sapagkat ibinigay ko na sila sa inyong kamay! 10Kung nag-aalinlangan ka pa hanggang ngayon, pumunta ka sa kampo kasama ang tagapaglingkod mong si Pura. 11Tiyak na lalakas ang loob mo kapag narinig mo ang kanilang usapan.&#8221; Kaya't si Gideon at si Pura ay palihim na nagpunta sa may kampo ng mga Midianita. 12Ang mga Midianita, pati ang mga Amalekita at mga tribo sa paligid ay naglipana sa kapatagan na parang mga balang sa dami. Ang kanilang mga kamelyo naman ay sindami ng buhangin sa dagat.</div><div class="p"> 13Nang malapit na sina Gideon, may narinig silang nag-uusap. Ang sabi ng isa, &#8220;Napanaginipan kong may isang tinapay na sebadang gumulong sa ating kampo. Nagulungan daw ang tolda at ito'y bumagsak.&#8221;</div><div class="p"> 14Sagot naman ng isa, &#8220;Iyon ay walang iba kundi ang tabak ng Israelitang si Gideon na anak ni Joas. Ang Midian at ang buong hukbo ay ibinigay na ng Diyos sa kanyang kamay.&#8221;</div><div class="p"> 15Nang marinig ni Gideon ang panaginip at ang kahulugan nito, lumuhod siya at nagpuri sa Diyos. Pagkatapos, nagbalik siya sa kampo ng mga Israelita at sinabi sa kanila, &#8220;Bumangon na kayo! Ibinigay na ni Yahweh sa inyong mga kamay ang mga Midianita!&#8221;</div><div class="p"> 16Pinagtatlong pangkat niya ang kanyang tatlong daang tauhan. Bawat isa'y binigyan niya ng trumpeta at banga na may sulo sa loob. 17Sinabi niya sa kanila, &#8220;Kapag malapit na ako sa kanilang kampo, tumingin kayo sa akin at gawin ninyo ang gagawin ko. 18Kapag narinig ninyong hinihipan ko at ng aking pangkat ang aming mga trumpeta, hipan na rin ninyo ang inyong trumpeta sa palibot ng kampo, at sumigaw kayo ng, &#8216;Para kay Yahweh at para kay Gideon!&#8217;&#8221;</div><div class="p"> 19Maghahating-gabi na. Halos kapapalit pa lamang ng pangkat ng tanod nang sina Gideon ay makalapit sa kampo ng mga Midianita. Hinipan nila ang kanilang mga trumpeta sabay basag sa mga dala nilang banga. 20Ganoon din ang ginawa ng dalawang pangkat. Hawak ng kanilang kaliwang kamay ang sulo at nasa kanan naman ang trumpeta habang sumisigaw ng, &#8220;Tabak ni Yahweh at ni Gideon!&#8221; 21Bawat isa'y hindi umaalis sa kanyang kinatatayuan sa paligid ng kampo, samantalang nagsisigawan at nagkakanya-kanyang takbuhan ang mga nasa kampo. 22At habang walang tigil sa pag-ihip ng trumpeta ang tatlong daang Israelita, pinaglaban-laban ni Yahweh ang mga nasa kampo. Kanya-kanya silang takbo tungo sa Cerera hanggang Beth-sita at Abel-mehola, malapit sa Tabata.</div><div class="p"> 23Ipinatawag ni Gideon ang kalalakihang mula sa mga lipi nina Neftali, Asher at Manases, at ipinahabol sa mga ito ang mga Midianita. 24Si Gideon ay nagpadala ng mga sugo sa lipi ni Efraim na nakatira sa mga kaburulan. Sinabi niya, &#8220;Bumab&#226; kayo at tugisin ninyo ang mga Midianita. Pabantayan ninyo ang Ilog Jordan at ang mga batis hanggang sa Beth-bara, upang hindi sila makatawid.&#8221; Kaya't lahat ng kalalakihan sa lipi ng Efraim ay nagtipon, at ganoon nga ang kanilang ginawa. 25Sa paghabol nila sa mga Midianita, nabihag nila ang dalawang pinunong sina Oreb at Zeeb. Pinatay nila si Oreb sa Bato ni Oreb at si Zeeb sa pisaan ng ubas ni Zeeb. Pagkatapos, dinala nila ang ulo ng dalawang ito kay Gideon sa ibayo ng Jordan.</div>
 </div>
 </div>
</div>

<div class="version vid399 iso6393tgl" data-vid="399" data-iso6393="tgl">
 <div class="book bkPSA">
 <div class="chapter ch52" data-usfm="PSA.52">
 <div class="label">52</div><div class="s">Ang Hatol at Habag ng Diyos</div><div class="d">Maskil#MASKIL: Tingnan ang Awit 32. #1 Sam. 22:9-10. ni David, upang awitin ng Punong Mang-aawit, nang si Doeg na isang Edomita ay nagpunta at magsumbong kay Saul na, &#8220;Si David ay nagpunta sa bahay ni Ahimelec&#8221;.</div><div class="q1"> 1O taong malakas, bakit ka nagyabang</div><div class="q1">sa gawa mong mali?</div><div class="q1">Pag-ibig ng Diyos ang mamamalagi.</div><div class="q1"> 2Balak mo'y wasakin</div><div class="q1">ang iba, ng iyong matalim na dila</div><div class="q1">ng pagsisinungaling.</div><div class="q1"> 3Higit na matindi</div><div class="q1">ang iyong pag-ibig sa gawang masama,</div><div class="q1">higit na nais mo'y</div><div class="q1">kasinungalingan kaysa gawang tama. (Selah)#3 SELAH: Tingnan ang Awit 3:2.</div><div class="q1"> 4Taong sinungaling</div><div class="q1">ang iba'y gusto mong saktan sa salita.</div><div class="b"></div><div class="q1"> 5Kaya't wawasaki't</div><div class="q1">aal'sin ka ng Diyos sa loob ng tolda,</div><div class="q1">sa mundo ng buh&#225;y aalisin ka niya. (Selah)#5 SELAH: Tingnan ang Awit 3:2.</div><div class="q1"> 6Ito'y makikita</div><div class="q1">ng mga matuwid, matatakot sila,</div><div class="q1">at ang sasabihing pawang nagtatawa:</div><div class="q1"> 7&#8220;Masdan mo ang taong</div><div class="q1">sa Diyos di sumampalataya,</div><div class="q1">sa taglay niyang yaman nanangan</div><div class="q1">at nagpakalakas sa kanyang kasamaan.&#8221;</div><div class="b"></div><div class="q1"> 8Kahoy na olibo</div><div class="q1">sa tabi ng templo, ang aking katulad;</div><div class="q1">nagtiwala ako</div><div class="q1">sa pag-ibig ng Diyos na di kumukupas.</div><div class="q1"> 9Di ako titigil</div><div class="q1">ng pasasalamat sa iyong ginawa,</div><div class="q1">ang kabutihan mo'y</div><div class="q1">ipahahayag ko, kasama ng madla.</div>
 </div>
 </div>
</div>

<div class="version vid399 iso6393tgl" data-vid="399" data-iso6393="tgl">
 <div class="book bk1CO">
 <div class="chapter ch14" data-usfm="1CO.14">
 <div class="label">14</div><div class="s">Tungkol pa rin sa mga Kaloob ng Espiritu</div><div class="p"> 1Pakamithiin ninyo ang pag-ibig! Hangarin ninyo ang mga kaloob na espirituwal, lalung-lalo na ang makapagpahayag ng mensaheng mula sa Diyos. 2Ang nagsasalita sa iba't ibang wika ay sa Diyos nakikipag-usap at hindi sa tao, sapagkat walang nakakaunawa sa kanya, ngunit nagsasalita siya ng mga hiwaga sa tulong ng Espiritu Santo. 3Sa kabilang dako, ang nagpapahayag naman ng mensaheng mula sa Diyos ay nagsasalita sa mga tao upang patibayin ang kanilang pananampalataya, palakasin ang kanilang loob, at sila'y aliwin. 4Ang sariling pamumuhay espirituwal ang pinapaunlad ng nagsasalita ng iba't ibang wika, ngunit ang iglesya ang pinapaunlad ng nagpapahayag ng mensaheng mula sa Diyos.</div><div class="p"> 5Nais ko sanang kayong lahat ay makapagsalita ng iba't ibang wika, ngunit higit na gusto kong kayo'y makapagpahayag ng mensaheng mula sa Diyos. Higit na mahalaga ang nagpapahayag ng mensaheng mula sa Diyos kaysa nagsasalita sa iba't ibang mga wika, maliban na lamang kung may magpapaliwanag ng kanyang sinasabi upang makatulong sa pag-unlad ng iglesya. 6Kaya, mga kapatid, kung pumunta man ako riyan at magsalita sa inyo sa iba't ibang mga wika, ano ang mapapakinabang ninyo sa akin? Wala! Makikinabang lamang kayo kung tinuturuan ko kayo ng mga pahayag ng Diyos, ng nalalaman ko tungkol sa kanya, ng mga mensaheng mula sa Diyos, at ng mga aral.</div><div class="p"> 7Maging sa mga instrumentong walang buhay tulad ng plauta at alpa, paanong malalaman ninuman kung ano ang tinutugtog kung hindi malinaw ang tunog ng mga nota? 8At kung hindi malinaw ang tunog ng trumpeta, sino ang maghahanda sa pakikipaglaban? 9Gayundin naman, paanong malalaman ninuman ang nais ninyong sabihin kung magsasalita kayo sa pamamagitan ng wikang hindi naman nila nauunawaan? Para kayong nakikipag-usap sa hangin.</div><div class="p"> 10Maraming iba't ibang wika sa daigdig, at bawat isa ay may kahulugan, 11ngunit kung hindi ako marunong ng wikang ginagamit ng aking kausap, hindi kami magkakaintindihan. 12Dahil nananabik kayo sa mga kaloob ng Espiritu, sikapin ninyong sumagana kayo sa mga kaloob na makakapagpaunlad sa iglesya.</div><div class="p"> 13Dahil dito, kailangang manalangin ang nagsasalita ng iba't ibang mga wika na bigyan din siya ng kaloob na makapagpaliwanag nito. 14Kung nananalangin ako sa wikang iyan, nananalangin nga ang aking espiritu ngunit walang pakinabang ang aking pag-iisip. 15Ano ang dapat kong gawin? Mananalangin ako sa pamamagitan ng aking espiritu, ngunit gagamitin ko rin ang aking pag-iisip sa aking pananalangin. Ako'y aawit sa pamamagitan ng espiritu, ngunit gagamitin ko rin ang aking pag-iisip sa aking pag-awit. 16Kung nagpapasalamat ka sa Diyos sa pamamagitan ng espiritu lamang, paanong makakapagsabi ng &#8220;Amen&#8221; ang isang taong naroroon kung hindi niya nauunawaan ang iyong sinasabi? 17Mabuti ang iyong pagpapasalamat, ngunit hindi nakakatulong sa pag-unlad ng buhay espirituwal ng iba.</div><div class="p"> 18Nagpapasalamat ako sa Diyos sapagkat ako'y nakakapagsalita sa iba't ibang mga wika, higit kaysa sa inyong lahat. 19Ngunit sa pagtitipon ng iglesya, mas gusto ko pang magsalita ng limang katagang mauunawaan at makakapagturo sa iba, kaysa libu-libong salitang wala namang nakakaunawa.</div><div class="p"> 20Mga kapatid, huwag kayong maging isip-bata. Maging tulad kayo ng mga batang walang malay kung tungkol sa kasamaan, ngunit sa inyong pang-unawa, maging tulad kayo ng matatanda. 21Ganito#Isa. 28:11-12. ang nakasulat sa Kautusan:</div><div class="q1">&#8220;Sinabi ng Panginoon,</div><div class="q2">&#8216;Magsasalita ako sa bayang ito, sa pamamagitan ng mga taong may ibang wika,</div><div class="q1">sa pamamagitan ng labi ng mga banyaga,</div><div class="q2">ngunit hindi pa rin nila ako papakinggan.&#8217;&#8221;</div><div class="p"> 22Kung gayon, ang kaloob na makapagsalita sa iba't ibang mga wika ay isang palatandaan para sa mga di sumasampalataya, hindi para sa mga mananampalataya. Ngunit ang kaloob na makapagpahayag ng mensaheng mula sa Diyos ay palatandaan para sa mga mananampalataya at hindi sa mga di sumasampalataya.</div><div class="p"> 23Kaya't kung sa pagtitipon ng iglesya ay nagsasalita ng iba't ibang mga wika ang lahat, at may dumating na mga taong di nakakaunawa o di sumasampalataya, hindi kaya nila sasabihing sira ang ulo ninyo? 24Ngunit kung ang lahat ay nagpapahayag ng mensaheng mula sa Diyos, at dumating doon ang isang di nakakaunawa, o di sumasampalataya, makikilala niyang siya'y makasalanan, madarama ang kanyang tunay na kalagayan, 25at malalaman niya ang mga lihim ng kanyang puso. Kaya't luluhod siya, sasamba sa Diyos, at sasabihing, &#8220;Talagang ang Diyos ay nasa inyo.&#8221;</div><div class="s">Kaayusan sa Iglesya</div><div class="p"> 26Ano ngayon ang kahulugan ng lahat ng iyon, mga kapatid? Kung sa inyong pagtitipon ay may umaawit, may nagtuturo, may naghahayag ng kalooban ng Diyos, may nagsasalita sa iba't ibang mga wika, at mayroon namang nagpapaliwanag noon, gawin ninyo ang lahat ng iyan sa ikauunlad ng iglesya. 27Kung may magsasalita sa iba't ibang mga wika, sapat na ang dalawa o tatlo, salit-salitan sila, at kailangang may magpapaliwanag ng kanilang sinasabi. 28Ngunit kung walang magpapaliwanag, manahimik na lamang ang bawat isa at makipag-usap nang sarilinan sa Diyos. 29Hayaang magsalita ang dalawa o tatlong tao na tumanggap ng kaloob na makapagpahayag ng mensaheng mula sa Diyos, at timbangin naman ng iba ang mga sinasabi nila. 30At kung ang isa sa mga nakaupo roon ay tumanggap ng pahayag mula sa Diyos, tumigil muna ang nagsasalita. 31Sapagkat kayong lahat ay maaaring isa-isang magpahayag ng mensaheng mula sa Diyos upang matuto ang lahat at mapalakas ang loob nila. 32Ang kaloob na pagpapahayag ng mensaheng mula sa Diyos ay dapat napipigil ng tumanggap ng kaloob na iyon, 33sapagkat ang Diyos ay di nalulugod sa kaguluhan dahil siya ang Diyos ng kaayusan at kapayapaan.</div><div class="p">Gaya ng dapat mangyari sa lahat ng iglesya ng mga hinirang ng Diyos, 34ang mga babae ay kailangang manahimik sa mga pagtitipon sa iglesya. Sapagkat hindi ipinapahintulot sa kanila sa ganoong mga pagtitipon ang magsalita; kailangang sila'y pasakop, gaya ng sinasabi ng Kautusan. 35Kung mayroon silang nais malaman, magtanong sila sa kanilang asawa pagdating nila sa bahay; sapagkat kahiya-hiyang magsalita ang isang babae sa loob ng iglesya.#34-35 Sa ibang manuskrito'y nakarugtong ang mga talatang ito sa talatang 40.</div><div class="p"> 36Inaakala kaya ninyong sa inyo nagmula ang salita ng Diyos, o kayo lamang ang tumanggap nito? 37Kung inaakala ninuman na siya'y tumanggap ng pahayag mula sa Diyos, o anumang kaloob ng Espiritu, dapat niyang kilalanin na ang isinusulat ko sa inyo ay utos ng Panginoon. 38Ang ayaw kumilala nito ay huwag din ninyong kilalanin.</div><div class="p"> 39Kaya, mga kapatid ko, hangarin ninyo na makapagpahayag ng mensaheng mula sa Diyos, ngunit huwag naman ninyong ipagbawal ang pagsasalita sa iba't ibang mga wika. 40Kaya lang, gawin ninyo ang lahat ng bagay sa wasto at maayos na paraan.</div>
 </div>
 </div>
</div>

Listening To The Word - 1 YearHalimbawa

Banal na Kasulatan

Tungkol sa Gabay na ito

Mga Kaugnay na Gabay