ANG MGA HULING SALITA NI JESUS: Pitong Pagbubulay Para sa Mahal na Araw

Buhay Si Jesus!

Series Name Ang Bible: Love Letter Ni Lord

<div class="version vid399 iso6393tgl" data-vid="399" data-iso6393="tgl">
 <div class="book bk1KI">
 <div class="chapter ch20" data-usfm="1KI.20">
 <div class="label">20</div><div class="s">Kinubkob ang Samaria</div><div class="p"> 1Tinipon ni Ben-hadad, hari ng Siria, ang kanyang hukbo upang salakayin ang Samaria. Kasama sa hukbong ito ang tatlumpu't dalawang haring sakop niya, at ang kanilang mga kabayo at karwaheng pandigma. 2Nagpadala siya ng mga sugo kay Ahab, hari ng Israel, at ipinasabi ang ganito: &#8220;Ipinag-uutos ni Ben-hadad 3na ibigay mo sa kanya ang iyong ginto't pilak; ang inyong mga babae at ang pinakamalalakas na mga anak!&#8221;</div><div class="p"> 4Sumagot ang hari ng Israel, &#8220;Masusunod po ang sabi ninyo, mahal kong hari at panginoon. Ako at ang lahat ng sa akin ay ituring mong sa iyo.&#8221;</div><div class="p"> 5Ngunit bumalik kay Ahab ang mga sugo at ganito naman ang sabi: &#8220;Ipinapasabi ni Ben-hadad na ibigay mo sa kanya ang iyong ginto at pilak, pati ang iyong mga asawa at anak. 6Tandaan mo, bukas sa ganitong oras, darating ang kanyang mga tauhan upang halughugin ang iyong palasyo, at ang mga bahay ng mga tauhan mo. Kukunin nila ang kanilang magustuhan.&#8221;</div><div class="p"> 7Tinipon ng hari ng Israel ang lahat ng matatandang pinuno sa kaharian at sinabi, &#8220;Tingnan ninyo! Maliwanag na gusto tayong lipulin ng taong iyan. Pumayag na nga akong ibigay sa kanya ang lahat ng aking ginto't pilak, pati ang aking mga asawa at mga anak.&#8221;</div><div class="p"> 8Sumagot ang matatandang pinuno at ang buong bayan, &#8220;Huwag ninyo siyang pansinin. Huwag po kayong papayag.&#8221;</div><div class="p"> 9Kaya't ganito ang sagot ni Ahab sa mga sugo ni Ben-hadad: &#8220;Sabihin ninyo sa mahal na hari, lahat ng iniutos ninyo noong una sa inyong alipin ay gagawin ko. Ngunit itong huli ay hindi ko magagawa.&#8221;</div><div class="p">At umalis ang mga sugo, dala ang ganoong sagot. 10Nagpasabi muli si Ben-hadad, &#8220;Magpapadala ako ng mga tauhang wawasak sa lunsod mong ito, at tatangayin nila ang mga nasira nilang bagay. Parusahan sana ako ng mga diyos kung hindi ko ito gagawin!&#8221;</div><div class="p"> 11Sumagot ang hari ng Israel, &#8220;Sabihin mo kay Haring Ben-hadad na ang tunay na sundalo ay hindi nagyayabang hangga't hindi pa natatapos ang labanan.</div><div class="p"> 12Nasa kanyang tolda noon si Ben-hadad at nakikipag-inuman sa mga haring kasama niya. Pagkarinig sa sagot na iyon ay sumigaw si Ahab, &#8220;Salakayin! Salakayin ang kaaway!&#8221; At humanda ang bawat isa sa pakikipaglaban.</div><div class="s">Nagtagumpay ang Israel</div><div class="p"> 13Samantala, dumating noon ang isang propeta at sinabi kay Haring Ahab ng Israel, &#8220;Ipinapasabi ni Yahweh na huwag kang matakot sa napakalaking hukbong iyan. Sa araw na ito ay pagtatagumpayin kita laban sa kanila at malalaman mong ako nga si Yahweh.&#8221;</div><div class="p"> 14&#8220;Sino ang sasalakay?&#8221; tanong ni Ahab.</div><div class="p">Sumagot ang propeta, &#8220;Ang mga kabataang kawal na nasa ilalim ng mga pinuno ng mga lalawigan.&#8221;</div><div class="p">&#8220;At sino ang mamumuno sa labanan?&#8221; tanong uli ni Ahab.</div><div class="p">&#8220;Kayo!&#8221; tugon ng propeta.</div><div class="p"> 15Tinipon nga ni Ahab ang mga kabataang kawal ng mga pinuno ng mga lalawigan, may 232 lahat-lahat. Pagkatapos, tinipon din niya ang hukbo ng Israel na may pitong libong kalalakihan.</div><div class="p"> 16Pagdating ng tanghaling-tapat, samantalang si Ben-hadad at ang tatlumpu't dalawang hari na kasama niya'y nag-iinuman sa kanilang tolda, 17lumusob ang mga Israelita sa pangunguna ng mga kabataang kawal. May nagsabi kay Ben-hadad, &#8220;May lumalabas pong mga lalaki mula sa Samaria.&#8221; 18At sumagot siya, &#8220;Hulihin sila nang buh&#225;y, anuman ang kanilang pakay, kapayapaan man o labanan!&#8221;</div><div class="p"> 19Sumalakay nga mula sa lunsod ang mga kabataang kawal, kasunod ang buong hukbo ng Israel. 20Sa unang sagupaan ay napatay ng bawat isa ang kanyang kalaban, kaya't nagtakbuhan ang mga taga-Siria. Hinabol naman sila ng mga Israelita, ngunit nakatakas si Ben-hadad kasama ng ilang kawal na nakakabayo. 21Lumabas naman si Haring Ahab at sumama sa paghabol sa mga taga-Siria. Pinuksa nila ang mga ito, at napakaraming kabayo at karwahe ang kanilang nasamsam.</div><div class="s">Panibagong Pagsalakay ng mga Taga-Siria</div><div class="p"> 22Matapos ang labanang iyon, sinabihan muli ng propeta ang hari ng Israel. Wika niya, &#8220;Magdagdag pa kayo ng tauhan at ihanda ninyong mabuti ang inyong hukbo. Planuhin ninyong mabuti ang dapat gawin, sapagkat sa susunod na tagsibol ay muling sasalakay ang hari ng Siria.&#8221;</div><div class="p"> 23Pinayuhan din ng kanyang mga opisyal ang hari ng Siria, at kanilang sinabi, &#8220;Mga diyos ng kabundukan ang kanilang diyos, kaya tayo natalo. Ngunit labanan natin sila sa kapatagan at tiyak na matatalo sila. 24Ganito po ang inyong gawin: alisin ninyo sa kanilang tungkulin sa hukbo ang mga haring kasama ninyo, at palitan ninyo ng mga pinunong-kawal. 25Bumuo kayo ng isang hukbong sinlaki ng dati, na may gayunding dami ng kabayo at karwahe. Sa kapatagan natin sila labanan at ngayo'y tiyak na magtatagumpay tayo.&#8221; Nakinig ang hari sa kanilang payo at ganoon nga ang ginawa.</div><div class="s">Tagumpay sa Afec</div><div class="p"> 26Pagsapit ng tagsibol, tinipon ni Ben-hadad ang hukbo ng Siria at nagtungo sa Afec upang lusubin ang Israel. 27Nagtipun-tipon din naman ang mga Israelita at naghanda upang salubungin ang kalaban. Nagdalawang pangkat sila, at nagtayo ng kampo sa tapat ng mga iyon. Parang dalawang kawan lang ng kambing ang hukbo ng Israel, samantalang halos matakluban ng hukbo ng Siria ang pook na iyon.</div><div class="p"> 28Lumapit muli sa hari ng Israel ang lingkod ng Diyos at sinabi sa kanya, &#8220;Ito ang ipinapasabi ni Yahweh: &#8216;Sapagkat sinabi ng mga taga-Siria na ako ay Diyos ng kabundukan at hindi Diyos ng kapatagan, ipapalupig ko sa iyo ang hukbong iyan sa kabila ng kanilang dami at lakas. Makikita ninyo ngayon na ako nga si Yahweh.&#8217;&#8221; 29Pitong araw silang nagmanman sa isa't isa. Nagsimula ang labanan sa ikapitong araw, at sa araw na iyon sandaang libong kawal ang napatay sa hukbo ng Siria. Tumakas ang natirang buh&#225;yat pumasok sa Lunsod ng Afec. 30Ngunit gumuho ang pader ng lunsod at 27,000 pa ang natabunan. Nakatakas muli si Ben-hadad at nagtago sa isang silid sa loob ng lunsod.</div><div class="p"> 31Sa gayong kalagayan, nasabi ng isa niyang tauhan, &#8220;Balita po namin ay maawain ang mga hari ng Israel. Magsusuot po kami ng damit-panluksa at magtatali ng lubid sa aming leeg, at haharap sa hari ng Israel. Baka sakaling kaawaan kami at hindi na kayo ipapatay.&#8221; 32At ganoon nga ang ginawa nila. Humarap sila sa hari ng Israel at nagmakaawa. &#8220;Hinihiling po ng inyong aliping si Ben-hadad na huwag na ninyo siyang patayin.&#8221;</div><div class="p">&#8220;Buh&#225;y pa ba siya? Buh&#225;y pa ba ang kapatid kong hari?&#8221; tanong ng hari ng Israel.</div><div class="p"> 33Sinamantala ng mga sugo ang gayong magandang pahiwatig kaya't agad sumagot, &#8220;Opo, buh&#225;y pa po siya! Buh&#225;y pa.&#8221;</div><div class="p">&#8220;Dalhin ninyo siya agad dito,&#8221; utos ni Ahab. Pagdating ni Ben-hadad, pinasakay siya ni Ahab sa kanyang karwahe. 34Sinabi noon ni Ben-hadad, &#8220;Isasauli ko sa inyo ang mga lunsod na inagaw ng aking ama sa inyong ama. Maaari kayong magtayo ng pamilihan sa Damasco, tulad ng itinayo ng aking ama sa Samaria.&#8221;</div><div class="p">Sumagot naman si Ahab, &#8220;Sa ganitong kondisyon, pinapalaya ko na kayo.&#8221; Nangyari nga ang kasunduan at pinalaya sila ni Ahab.</div><div class="p"> 35Sa utos ni Yahweh, hiniling ng isang alagad ng mga propeta sa isa niyang kasamahan, &#8220;Sugatan mo ako.&#8221; Subalit tumanggi ito. 36Kaya#1 Ha. 13:24. sinabi niya, &#8220;Sapagkat hindi mo sinunod ang utos ni Yahweh, pag-alis mo rito'y papatayin ka ng leon.&#8221; Hindi pa nakakalayo ang sinabihan ay nakasalubong at napatay nga siya ng isang leon.</div><div class="p"> 37Nakakita ng ibang kasamahan ang alagad ng mga propeta at ito naman ang kanyang pinakiusapan. &#8220;Sugatan mo ako,&#8221; wika niya, at ginawa naman ng pinakiusapan ang hinihiling sa kanya. 38Nagtuloy ang alagad ng mga propeta at saka naghintay sa daraanan ng hari matapos bendahan ang kanyang mga mata upang hindi siya makilala. 39Sumigaw siya pagdaan ng hari at ganito ang sinabi: &#8220;Kamahalan, nang ako po'y nasa labanan, lumapit po sa akin ang isang kawal at iniwan sa akin ang isang bihag. Ang sabi po niya, &#8216;Alagaan mo ang bihag na ito. Kapag siya'y nakatakas, buhay mo ang kapalit, o magmumulta ka ng 35 kilong pilak.&#8217; 40Nakalingat po ako at nakatakas ang bihag.&#8221;</div><div class="p">Sinabi sa kanya ng hari, &#8220;Ikaw na rin ang nagbigay ng iyong hatol. Mamamatay ka o magmumulta.&#8221;</div><div class="p"> 41Nang marinig ito, bigla niyang inalis ang bendang nakatakip sa mga mata at nakilala ng hari na siya pala'y isang alagad ng mga propeta. 42At sinabi niya sa hari, &#8220;Ito ang ipinapasabi ni Yahweh, &#8216;Sapagkat pinakawalan mo ang isang taong ayon sa utos ko'y dapat mamatay, buhay mo ang kapalit ng kanyang buhay, at bayan mo ang kapalit ng kanyang bayan.&#8217;&#8221;</div><div class="p"> 43Bumalik sa Samaria ang hari na nababahala at masama ang loob.</div>
 </div>
 </div>
</div>

<div class="version vid399 iso6393tgl" data-vid="399" data-iso6393="tgl">
 <div class="book bk1KI">
 <div class="chapter ch21" data-usfm="1KI.21">
 <div class="label">21</div><div class="s">Ang Ubasan ni Nabot</div><div class="p"> 1Malapit sa palasyo ni Haring Ahab sa Jezreel, sa Samaria, ay may isang ubasan na pag-aari ni Nabot. 2Isang araw, sinabi ni Ahab kay Nabot, &#8220;Ibigay mo sa akin ang iyong ubasan. Gagawin kong taniman ng gulay sapagkat malapit ito sa aking palasyo. Papalitan ko ito ng mas mainam na ubasan, o kung gusto mo naman babayaran ko na lang ito sa tamang halaga.&#8221;</div><div class="p"> 3Ngunit ganito ang naging sagot ni Nabot: &#8220;Minana ko pa po sa aking mga ninuno ang ubasang ito. Hindi papayagan ni Yahweh na ibigay ko ito sa inyo.&#8221;</div><div class="p"> 4Umuwi si Ahab na malungkot at masama ang loob dahil sa sagot ni Nabot. Nagkulong siya sa kanyang silid, hindi makausap at ayaw kumain. 5Nilapitan siya ng asawa niyang si Jezebel at tinanong, &#8220;Ano bang problema mo at hindi ka makakain?&#8221;</div><div class="p"> 6Sumagot ang hari, &#8220;Kinausap ko si Nabot na taga-Jezreel, at inalok ko siyang papalitan o babayaran ang kanyang ubasan. Ngunit tinanggihan ako, at ang sabi'y hindi raw niya maaaring ibigay sa akin ang kanyang ubasan.&#8221;</div><div class="p"> 7Sagot sa kanya ni Jezebel, &#8220;Para ka namang hindi hari ng Israel. Halika na! Kumain ka at huwag ka nang malungkot! Ibibigay ko sa iyo ang ubasan ni Nabot.&#8221;</div><div class="p"> 8Gumawa ang reyna ng ilang sulat sa ngalan ng hari, tinatakan ng pantatak ng hari, at ipinadala sa mga matatandang pinuno at pangunahing mamamayan sa lunsod na tinitirhan ni Nabot. 9Ganito ang sabi niya sa sulat: &#8220;Magpahayag kayo ng isang araw ng pag-aayuno. Tipunin ninyo ang mga tao at parangalan ninyo si Nabot. 10Kumuha kayo ng dalawang sinungaling na saksi na maghaharap ng ganitong sumbong laban sa kanya: &#8216;Nilapastangan niya ang Diyos at ang hari.&#8217; Pagkatapos, dalhin ninyo siya sa labas ng lunsod at batuhin hanggang mamatay.&#8221;</div><div class="p"> 11Tinupad ng matatandang pinuno at ng mga opisyal ng lunsod ang utos ni Jezebel. 12Nagpahayag sila ng isang araw na pangkalahatang pag-aayuno. Tinipon nila ang mga tao at pinarangalan si Nabot. 13Lumabas ang dalawang bayarang saksi at siya'y pinaratangan ng ganito: &#8220;Nilapastangan ni Nabot ang Diyos at ang hari.&#8221; Kaya't si Nabot ay inilabas sa lunsod at binato hanggang mamatay. 14Nagpasabi naman agad sila kay Jezebel, &#8220;Patay na po si Nabot na taga-Jezreel.&#8221;</div><div class="p"> 15Pagkatanggap ng ganoong balita, nagpunta si Jezebel kay Ahab at sinabi, &#8220;Hayan! Kunin mo na ang ubasang hindi mo mabili kay Nabot. Hindi na siya makakatutol. Patay na siya.&#8221; 16Nang malaman ni Ahab na patay na si Nabot, pumunta siya sa ubasan upang angkinin iyon.</div><div class="p"> 17Sinabi ni Yahweh kay Elias na taga-Tisbe, 18&#8220;Puntahan mo agad si Haring Ahab sa Samaria. Makikita mo siya sa ubasan ni Nabot. Naroon siya upang kamkamin iyon. 19Sabihin mo sa kanya, &#8216;Pagkatapos mong paslangin ang tao ay kukunin mo pati ang kanyang ari-arian? Kung saan hinimod ng mga aso ang dugo ni Nabot, doon din hihimurin ng mga aso ang iyong dugo.&#8217;&#8221;</div><div class="p"> 20Sinabi ni Ahab kay Elias, &#8220;Nakita mo na naman ako, aking kaaway.&#8221;</div><div class="p">Sagot naman sa kanya ni Elias, &#8220;Hinanap kita muli sapagkat nalulong ka na sa paggawa ng masama sa paningin ni Yahweh! 21Malagim na parusa ang babagsak sa iyo. Ganito ang ipinapasabi ni Yahweh: &#8216;Itatakwil kita! Lilipulin ko ang mga anak mong lalaki, matanda at bata. 22Paparusahan kita tulad ng ginawa ko sa angkan ni Jeroboam na anak ni Nebat, at sa angkan ni Baasa na anak ni Ahias sapagkat ginalit mo ako at hinimok mo ang Israel sa pagkakasala.&#8217; 23Ito#2 Ha. 9:36. naman ang pahayag laban kay Jezebel: &#8220;Si Jezebel ay lalapain ng mga aso sa loob mismo ng Jezreel.&#8221; 24Sinuman sa angkan ni Ahab ang mamatay sa bayan ay kakainin ng mga aso; sinumang mamatay sa bukid ay kakainin ng mga buwitre.&#8221;</div><div class="p"> 25Dahil sa mga sulsol ni Jezebel, walang nakapantay sa mga kasamaang ginawa ni Ahab sa paningin ni Yahweh. 26Ginawa niya ang mga mahahalay na kasalanan sa pamamagitan ng pagsamba niya sa mga diyus-diyosan, gaya ng mga Amoreo na pinalayas ni Yahweh noong pumasok ang bayang Israel sa lupaing iyon.</div><div class="p"> 27Nang marinig ni Ahab ang mga sinabi ng propeta, pinunit niya ang kanyang damit, nagsuot ng damit-panluksa kahit sa pagtulog. Nag-ayuno siya bilang tanda ng malaking kalungkutan. 28Kaya't sinabi ni Yahweh kay Elias, 29&#8220;Napansin mo ba kung paano nagpapakumbab&#225; sa harapan ko si Ahab? Sapagkat nagpapakumbab&#225; siya, hindi ko itutuloy ang parusa sa kanya habang siya'y nabubuhay. Ngunit pagkamatay niya, paparusahan ko ang kanyang angkan.&#8221;</div>
 </div>
 </div>
</div>

Magandang Balita Bible (Revised)

<div class="version vid399 iso6393tgl" data-vid="399" data-iso6393="tgl">
 <div class="book bk2CH">
 <div class="chapter ch18" data-usfm="2CH.18.1">
 <div class="p">1Nang si Jehoshafat ay yumaman at naging tanyag, nakipagkaibigan siya kay Ahab. Ipinakasal ni Jehoshafat ang isang kabilang sa kanyang pamilya sa isang kabilang sa pamilya ni Ahab. </div>
 </div>
 </div>
</div>

Reading the Bible in Historical Sequence Part 6Halimbawa

Banal na Kasulatan

Tungkol sa Gabay na ito

Mga Kaugnay na Gabay

ANG MGA HULING SALITA NI JESUS: Pitong Pagbubulay Para sa Mahal na Araw

Buhay Si Jesus!

Series Name Ang Bible: Love Letter Ni Lord