Live Without Fear (PH)Halimbawa

Take 20 Seconds of Insane Courage

Ilang beses nang nangyari sa atin yung pagkakataon na nadaplisan na sa usapan ng barkada si Jesus, pero ang bilis lumipas ng topic at hindi na nabalikan?

Sigurado akong lahat tayo’y pamilyar sa EDSA People Power na naganap noong ika-25 ng Pebrero, taong 1986. Ito ang rebolusyon na nagpatalsik sa diktatoryal na pamamahala sa ating bayan, at ang rebolusyon na nakapukaw sa atensiyon ng mga karatig bansa.

Hindi kapani-paniwala kung iisipin natin, lalo’t ang salitang rebolusyon ay laging may kalakip na pagdanak ng dugo. Ngunit ang pangyayaring iyon ay hindi lang basta nangyari.

Mayroong mga tao na nasa likod noon na marahil ay huminga nang malalim, at nilakasan ang loob para simulang gawin ang bagay na tila imposible. Mayroong sumubok na sugurin ang panganib sa kabila ng takot na mahuli’t mapatay.

At iyon ang kailangan natin, isang saglit na pagkakataon kung saan ang sulyap ng pag-asa ay mas matimbang kaysa sa pangamba. Dalawampung segundo ng tapang lang ang kailangan natin, para maibuka ang bibig at mabigkas ang Magandang Balita na magbabago sa buong buhay ng makakarinig.

Madalas hinihintay natin yung tamang oras at pagkakataon para ibahagi ang salita ng Diyos, nakakalimutan natin na kaya nga tayo may ngayon dahil ang tamang oras at pagkakataon ay ngayon na.

Share a video, start a conversation with the yesHEis app!