Mga Salmo 67
67
Awit sa Pagpasalamat#ANG ULOHAN SA HEBREO: Ngadto sa Pangulong Musikero. Uban sa kinuwerdasang mga tulunggon. Usa ka Salmo nga awiton.
1O Dios, kaluy-i ug panalangini kami;
ipakita kanamo ang imong kaayo
2aron ang tibuok kalibotan masayod sa imong kabubut-on;
ug mahibalo ang tanang kanasoran sa kaluwasan nga gikan kanimo.
3Daygon ka unta sa katawhan, O Dios,
daygon ka unta nilang tanan.
4Magmaya unta ang kanasoran ug mag-awit sa kalipay
tungod kay naghukom ka sa katawhan uban ang hustisya,
ug gigiyahan mo ang tanang kanasoran.
5Daygon ka unta sa katawhan, O Dios,
daygon ka unta sa tanang katawhan!
6Mihatag ang yuta sa iyang abot;
gipanalanginan kita sa Dios, nga atong Dios.
7Gipanalanginan kita sa Dios;
pasidunggan unta siya sa tanang katawhan sa tanang dapit.
Kasalukuyang Napili:
Mga Salmo 67: RCPV
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
© 1999 Philippine Bible Society