Mga Salmo 56
56
Pag-ampo#1 Sam. 21:13-15. sa Pagsalig sa Dios#ANG ULOHAN SA HEBREO: Ngadto sa Pangulong Musikero. Sa tuno sa “Pati sa Layong mga Dapit.” Balak ni David sa dihang nabihag siya sa mga Filistihanon didto sa Gat.
1Kaluy-i intawon ako, O Dios,
kay gisulong ako sa mga tawo;
gilutos ako kanunay sa akong mga kaaway!
2Tibuok adlaw gisulong ako nila,
ug daghan kaayo ang mapahitas-on nga nakig-away batok kanako!
3O Dios nga Labing Gamhanan, kon abuton akog kahadlok,
mosalig ako kanimo.
4Daygon ko ang Dios tungod sa iyang saad;
anaa kaniya ang akong pagsalig,
busa dili ako mahadlok.
Unsa may mahimo sa tawo kanako?
5Tibuok adlaw gisamok nila ako sa tanan kong gibuhat;
kanunay lamang silang naghunahuna kon unsaon nila pagdagmal kanako!
6Nagtigom sila sa usa ka tagoanan,
ug gipanid-an nila ang tanan kong gibuhat
sa tinguha nga mapatay nila ako.
7Siloti#56:7 Siloti: Sa Hebreo, Luwasa. sila, O Dios, tungod sa ilang pagkadaotan,
ug pinaagi sa imong kasuko buntoga kining mga tawhana!
8Nasayod ka nga nasamok ako kaayo,
ug may sudlanan ka sa akong mga luha.
Dili ba gilista man kini diha sa imong basahon?
9Inigsangpit ko kanimo,
mosibog ang akong mga kaaway.
Nasayod ako nga#56:9 nga: o kay. ang Dios dapig kanako.
10Gidayeg ko ang Ginoo
tungod sa iyang mga saad.
11Dili ako mahadlok kay misalig man ako kaniya.
Unsa may mahimo sa tawo batok kanako?
12Tumanon ko, O Dios, ang akong gisaad;
ug ihatag ko kanimo ang akong halad sa pasalamat,
13kay giluwas mo man ako gikan sa kamatayon,
ug wala mo itugot nga mabuntog ako.
Busa magkinabuhi ako nga inubanan sa Dios
diha sa kahayag nga nagdan-ag sa mga buhi.
Kasalukuyang Napili:
Mga Salmo 56: RCPV
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
© 1999 Philippine Bible Society