Mga Salmo 115
115
Ang Bugtong Matuod nga Dios
1Ikaw lamang, O Ginoo,
ikaw lamang ug dili kami ang angayng pasidunggan,
tungod sa imong gugma nga walay paglubad
ug sa imong pagkamatinud-anon.
2Nganong mangutana man kanamo ang kanasoran,
“Hain ang inyong Dios?”
3Ang among Dios atua sa langit,
ug iyang buhaton ang gusto niya.
4Ang#Sal. 135:15-18; Sul. Jer. 4-73; Gipa. 9:20. ilang mga dios hinimo sa plata ug bulawan,
mga binuhat lamang sa tawo.
5May mga baba sila apan dili makasulti;
may mga mata apan dili makakita.
6May mga dalunggan sila apan dili makadungog;
may mga ilong apan dili makasimhot.
7May mga kamot sila apan dili makahikap;
may mga tiil apan dili makalakaw
ug dili gani sila makatingog.
8Ang nagbuhat sa mga diosdios ug ang mga diosdios managsama
ug mao usab ang misalig sa mga diosdios.
9Katawhan sa Israel, salig sa Ginoo!
Nagtabang siya ug nanalipod kaninyo.
10Salig sa Ginoo, kamong mga pari sa Dios!#115:10 mga pari sa Dios: Sa Hebreo, banay ni Aaron (Exo. 28).
Siya ang nagtabang ug nanalipod kaninyo.
11Kamong nagtahod ug may kahadlok sa Ginoo, salig kamo kaniya!
Siya ang nagtabang ug nanalipod kaninyo.
12Ang Ginoo nahinumdom gayod kanato ug iya kitang panalanginan;
panalanginan niya ang katawhan sa Israel
ug ang tanang mga pari sa Dios.
13Panalanginan#Gipa. 11:18; 19:5. sa Ginoo ang tanang nagpasidungog kaniya,
ang mga inila ug dili inila.
14Pasanayon unta kamo sa Ginoo,
kamo ug ang inyong mga kaliwat!
15Panalanginan unta kamo sa Ginoo
nga maoy nagbuhat sa langit ug sa yuta!
16Ang langit iya lamang sa Ginoo
apan gihatag niya sa mga tawo ang yuta.
17Dili na makadayeg sa Ginoo ang mga patay
o ang nanaog ngadto sa yuta sa kahilom.
18Apan kitang mga buhi,
pasalamatan ta siya karon ug hangtod sa kahangtoran.
Dayga ang Ginoo!
Kasalukuyang Napili:
Mga Salmo 115: RCPV
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
© 1999 Philippine Bible Society