Mga Salmo 105
105
Ang Dios ug ang Iyang Katawhan
(1 Cron. 16:8-22)
1Pasalamati ang Ginoo,
isangyaw ang iyang pagkagamhanan!
Ipaila sa mga nasod ang iyang nahimo.
2Awiti siya, awiti siyag mga pagdayeg;
isugilon ang mga kahibulongang butang nga iyang nabuhat!
3Paglipay nga kita iyaha;
paglipay kamong tanan nga nagsimba sa Ginoo;
4pakitabang kamo sa Ginoo;
simbaha siya kanunay.
5Hinumdomi ang mga kahibulongang butang nga iyang nabuhat,
ang iyang mga milagro ug ang iyang mga hukom,
6kamong mga kaliwat ni Abraham nga iyang sulugoon,
kamong mga kaliwat ni Jacob, ang pinili niya.
7Ang Ginoo, mao ang atong Dios;
ang iyang pagbuot gituman sa tibuok kalibotan.
8Tumanon niya kanunay ang kasabotan nga iyang gipasiugdahan,
ang iyang mga saad alang sa libo ka kaliwatan.
9Tumanon#Gen. 12:7; 17:8; Gen. 26:3. niya ang kasabotan
nga gihimo niya uban kang Abraham ug ang iyang saad kang Isaac.
10Gilig-on#Gen. 28:13. niya ang maong saad ngadto kang Jacob
ug gihimong walay kataposang kasabotan uban kang Israel.
11Miingon siya, “Ihatag ko kanimo ang yuta sa Canaan;
ikaw nay tag-iya niini.”
12Sa dihang diyutay pa ang katawhan sa Dios,
mga langyaw sila sa yuta sa Canaan.
13Naglatagaw sila sa kanasoran
ug sa mga gingharian.
14Apan#Gen. 20:3-7. wala motugot ang Dios nga daugdaogon sila.
Gibadlong niya ang mga hari tungod kanila.
15Miingon siya, “Ayaw ninyo hilabti ang akong mga pinili;
ayaw pasipad-i ang akong mga propeta.”
16Sa#Gen. 41:53-57. dihang gipadala niya ang gutom ngadto sa ilang nasod
ug gikuha niya ang tanan nilang pagkaon,
17gipadala#Gen. 37:28; 45:5. na niya pag-una
si Jose nga nabaligya ingon nga ulipon.
18Nasamad#Gen. 39:20–40:23. sa hugot nga kadena ang iyang mga tiil,
ug gisul-obag argulyang puthaw ang iyang liog
19hangtod nga natuman ang iyang gitagna.
Ang pulong sa Ginoo nagmatuod nga wala siya magbakak.
20Unya#Gen. 41:14. gipabuhian siya sa hari sa Ehipto;
giluwas siya sa nagmando sa kanasoran.
21Gihimo#Gen. 41:39-41. siyang pangulo sa kagamhanan
ug maoy gihimong magbubuot sa tibuok yuta.
22Gihatagan siyag hingpit nga gahom sa pagmando sa mga opisyal sa hari,
ug gahom sa pagtudlo sa iyang mga magtatambag.
23Unya#Gen. 46:6; Gen. 47:11. miadto si Jacob sa Ehipto
ug mipuyo siya didto.
24Gipasanay#Exo. 1:7-14. sa Ginoo ang iyang katawhan
ug gihimo silang lig-on pa kay sa ilang mga kaaway.
25Gihimo niya nga kasilagan ang iyang katawhan sa mga Ehiptohanon
ug gitugotan sila nga limbongan ang iyang mga sulugoon.
26Unya#Exo. 3:1–4:17. gipadala niya si Moises nga iyang sulugoon
ug si Aaron nga iyang gipili.
27Gihimo nila ang gamhanang mga buhat sa Dios,
ug naghimo silag mga milagro didto sa Ehipto.
28Gipadad-an#Exo. 10:21-23. sa Dios ug kangitngit ang Ehipto
apan ang mga Ehiptohanon wala motuman#105:28 wala motuman: Sa Hebreo, mituman. sa iyang sugo.
29Gihimo#Exo. 7:17-21. niyang dugo ang ilang mga suba,
ug gipatay niya ang tanan nilang isda.
30Ang#Exo. 8:1-6. ilang nasod napuno sa mga baki
bisan gani ang palasyo sa hari.
31Mimando#Exo. 8:20-24; Exo. 8:16-17. ang Dios
ug napuno sa langaw ug tagnok ang tibuok nasod.
32Gipaulanan#Exo. 9:22-25. niyag yelo ang ilang yuta ug gipalipakan;
33gilaglag niya ang mga parasan ug mga igera
ug gipamali ang kakahoyan.
34Mimando#Exo. 10:12-15. siya ug nanungha ang mga dulon nga dili maihap tungod sa kadaghan;
35gipangaon nila ang mga tanom
ingon man ang mga abot sa yuta.
36Gipatay#Exo. 12:29. niya ang mga panganayng anak nga lalaki sa tanang banay sa Ehipto.
37Unya#Exo. 12:33-36. gidala niya ang mga Israelita gawas sa Ehipto.
Gidala nila ang mga plata ug bulawan
ug silang tanan lig-on ug maayog lawas.
38Nalipay ang mga Ehiptohanon sa pagbiya na nila
kay nahadlok man sila kanila.
39Gitabonan#Exo. 13:21-22. sa Dios ug panganod ang iyang katawhan
ug gihatagag kalayo nga mag-iwag kanila sa gabii.
40Nangayo#Exo. 16:2-15. sila ug gipadad-an silag mga buntog;
gihatagan niya silag pagkaon gikan sa langit aron mabusog sila.
41Gipaliki#Exo. 17:1-7; Num. 20:2-13. niya ang usa ka bato
ug mibul-og gikan niini ang tubig
ug midagayday kini ngadto sa kamingawan sama sa suba.
42Gihinumdoman niya ang balaan niyang saad
kang Abraham nga iyang sulugoon.
43Sa ingon niini gipagawas niya ang iyang katawhan nga nanag-awit,
ang pinili niyang katawhan uban sa singgit sa kalipay.
44Gihatag#Jos. 11:16-23. niya kanila ang mga yuta sa mga langyaw ingon man ang ilang kaumahan,
45aron ang iyang katawhan
magtuman sa iyang mga balaod
ug magtamod sa iyang mga sugo.
Dayga ang Ginoo!
Kasalukuyang Napili:
Mga Salmo 105: RCPV
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
© 1999 Philippine Bible Society