Luki 19
19
Jezu gâ ndə Zashe
1Alɔ ə̂në Jezu lî gâ lə gala Jerikɔ nə kɔ, tshə sə̂ kə ro lə gala nə. 2Ə̈bə̈ koshe sə̂ je ə̂në əɨrɨ ye kə də̂ Zashe ə̂në tshə sə̂ tə âgbɔ̂ əzü nə̂ aaworɔ ngendja lapɔ ə sə tə əyïrishi kɔ. 3Tshə prâ äwä ndə kə wu ə pa Jezu sə tə əde. Äwä ndə kə wu ətshə gûta gû ne mbrə ə̂kpû azü nə, mbrə ə̂në Zashe sə̂ tə ə̈ndö əzü. 4Tshə kpê mâ ətshinə ə ô gâ lə ə̈bə̈ ayɔ ə̂në əndje djî əɨrɨ nə sikɔmɔrə kɔ, mbrə ə̂në Jezu sə kə ro tə̂ äwä səkɔ. 5Alɔ ə̂në Jezu wûtu gâ tə̂ ətshe səkɔ, tshə lîshi gâ lafɔ ə pâ kə ətshə ə pa: «Zashe, jërə katshä! Mbrə ə̂në kpəsəye, mə sə kə sho mâ lə anda nə̂ zə.»
6Zashe nə jêrə katshä ə wə̂ra ətshə də ə̂rû tə̂ lɔsu ye. 7Azü nɔ̂ ə̂në əndje wû aərə səkɔ, əndje pâ tə̂ Jezu nə ə pa: «Jezu nâ ə shô mâ ndə ə̈bə̈ əyïnyaka!»
8Bale, Zashe nə kâ gâ lafɔ ə pâ kə Âgbɔ̂ Əyïngerə nə ə pa: «Âgbɔ̂ Əyïngerə, mə sə kə kru tshelə aərə nə̂ əmə kpə ə̂grû nə ə ko ə̈bə̈ nə kə alayïəyo. Kədə mə kô ngendja nə̂ ə̈bə̈ əzü tə̂ äwä əterə, mə sə kə ko əndʉ nə kə ətshə äwä vəna.» 9Bale, Jezu pâ kə ətshə ə pa: «Kpəsəye, Ndjapä she azü tshelə anda səye gâ ye, mbrə ə̂në Zashe sə ndje tə ə̈bə̈ ätä Abraamo. 10Mbrə ə̂në Əgblə nə̂ Əzü nâ ndə kə pra azü ə̂në əndje yû gâ ye kɔ ndə kə tshɔ əndje lə kuzu.»
Əpʉ nə̂ alayïkosəra vəta
(Matiɔ 25.14-30)
11Ə̂në azü sə̂ kə dji əpʉ nə̂ Jezu kɔ, tshə kwâtə̂ye ə pâ ə̈bə̈ əpʉ kəwû, mbrə ə̂në tshə ndô trö də Jeruzalamə gâ ye, â azü nə pâ ənə̂ əndje ə pa Əgɔngerə nə̂ Ndjapä sə kə wutu nə katshä katshä səye. 12Bale, Jezu pâ kə əndje ə pa: «Ə̈bə̈ koshe sə̂ je ə̂në alabä nə sə tə alayïngerə, tshə nâ na ye lə ə̈bə̈ əgɔ ngrʉ̂ ndə kə pa əndje mbrə ətshə mâ je tə əyïngerə ka tshə do tə̂ ye ə gu. 13Angbʉlînə ndə kə pa tshə ro, tshə ê alabə̈ alayïkosəra nə̂ ye morofo ə kô ngendja kə əzü bale bale ə pa kə əndje ə pa: “E kä də aərə ə sɔ̈tə̂ ə̈bə̈ ngendja gâ pâ nə ʉrrr ka mə gu.” 14Bale, azü əgɔ nə̂ ye wə̂ra tə̂ əndje tə̂ ye. Əndje wlâ alabə̈ azü mandâ ye ndə kə pa kə ətshə ə pa: “A yində nə yi ndə kə pa koshe səye sə tə əyïngerə gâ pâ ä ne.”
15«Alɔ ə̂në tshə dô tə̂ ye ə gû, mandânə ə̂në tshə sə̂ tə əyïngerə nə gâ ye kɔ, tshə ê alayïkosəra nə̂ ye nə ə̂në tshə kô ngendja nə kə əndje kɔ ndə kə pa tshə wusə̂ äwä ə̂në əzü bale bale prâ ngendja gâ pâ nə kɔ. 16Angbʉlî əyïkosəra nə nâ ə pâ: “Əyïngerə, mə sɔ̂tə̂ ngendja äwä morofo gâ pâ ənə̂ sə̂ ə̂në bə kô kə əmə kɔ.” 17Əyïngerə nə pâ kə ətshə ə pa: “Ə̂rɔ̂nə! Bə sə tə ə̂rɔ̂ əyïkosəra. Bə sə tə ə̂rɔ̂ əzü lə aaya aərə. Mə sə kə za əbə tə əyïngerə gâ pâ aəgɔ morofo.” 18Bishi əyïkosəra nə nâ ə pâ: “Əyïngerə, mə sɔ̂tə̂ ngendja äwä mindû gâ pâ ənə̂ sə̂ ə̂në bə kô kə əmə kɔ.” 19Əyïngerə nə pâ kə ətshə ə pa: “Əbə ndje, mə sə kə za əbə tə əyïngerə gâ pâ aəgɔ mindû.” 20Ə̈bə̈ ata əyïkosəra nə nâ ə pâ: “Əyïngerə, ngendja nə̂ zə kə səye, mə î də ama ləba â bâta. 21Mbrə ə̂në awa zə mbrə əmə ə mbrə, bə sə tə əzü ə̂në bə gbɔ ndə aərə nə̂ zə wââ, bə ko aərə tə̂ ətshe ə̂në bə kô aərə kô gâ tə̂ nə ne kɔ, bə kɔ angwa rəgo tə̂ ətshe ə̂në bə lû ərə lû tə̂ nə ne kɔ.” 22Əyïngerə nə pâ kə ətshə ə pa: “Bə sə tə əmbrʉ əyïkosəra! Mə sə kə wa ngbanga gâ lə kumu zə Lïndə̂ əpʉ ama zə. Bə wusə̂ nə ə pa mə sə tə awogbɔ ndə aərə, mə ko aərə tə̂ ətshe ə̂në mə kô aərə kô gâ tə̂ nə ne kɔ ə kɔ angwa rəgo tə̂ ətshe ə̂në mə lû ərə lû tə̂ nə ne kɔ. 23Bale, mbrə yekɔ də̂ bə kô ngendja nə̂ əmə kô gâ tə̂ ə̂sə̂ kə bata ngendja tə̂ nə ne e? Mə â dô kəmə tə̂ əmə rəke, mə sə kə ko kəmə də ə̈bə̈ ərə gâ pâ nə.” 24Mandânə, əyïngerə nə pâ kə azü nə ə̂në əndje sə̂ je kɔ ə pa: “E zä ngendja nə lə kəna ye ə zä kə ətshə nə ə̂në tshə sə də nə äwä morofo kɔ.” 25Bale, əndje pâ kə ətshə ə pa: “Əyïngerə, tshə sə də ngendja äwä morofo gâ ye!” 26Tshə kîrə əpʉ ə pa: “Mə pa kə e: əzü ə̂në tshə sə də ərə, əndje sə kə za ə̈bə̈ nə gâ pâ nə kə ətshə. Əzü ə̂në tshə sə sə də ərə ne, əndje sə kə za aya ərə ə̂në tshə sə də nə kɔ tə̂ ye. 27Kâ ə də̂ ənə̂ alayïkowɔ nə̂ əmə ə̂në əndje yîndə nə yî ə pa mə sə tə əyïngerə gâ pâ əndje ne kɔ, e nä də əndje kpə ətshi əmə kotəye ə wä angrɔ əndje.”» 28Mandânə ə̂në Jezu pâ əpʉ səkɔ, tshə tê gâ ətshi ə̂kpû azü nə ə nâ mâ Jeruzalamə.
Jezu li gâ lə Jeruzalamə
(Matiɔ 21.1-11; Markə 11.1-11; Zââ 12.12-19)
29Alɔ ə̂në Jezu ndô trö də tshelagɔ Betəfaje də Betani, mâ tə̂ kaga aayɔ ə̂në əndje ê ə pa ɔlivə kɔ, tshə wlâ alabə̈ atrawaya nə̂ ye bishi 30ə pâ kə əndje ə pa: «E nä mâ lagɔ ə̂në ə sə ətshi e kɔ. Alɔ ə̂në e li gâ lagɔ nə, e sə kə sɔtə̂ ə̈bə̈ aya kunda ə̂në əndje dû ətshə, ə̂në ə̈bə̈ əzü bale te te pa ə o gâ pâ ye ne kɔ, e wöra ətshə ə gü də ətshə mâtəye. 31Kədə ə̈bə̈ əzü kə yu e ə pa: “E sə kə wora ətshə ndə yekɔ?”, e pä kə əzü nə ə pa: “Âgbɔ̂ Əyïngerə yində ye.”»
32Atrawaya nə ə̂në Jezu nə wlâ əndje kɔ rô ə sɔ̂tə̂ aərə nə mata ə̂në tshə pâ ndə nə kə əndje kɔ. 33Ə̂në əndje sə̂ kə wora aya kunda nə kɔ, alayïnga kunda nə yû əndje ə pa: «E wora ətshə ndə yekɔ?» 34Əndje kîrə əpʉ ə pa: «Âgbɔ̂ Əyïngerə sə də əgo ye.» 35Əndje gû də kunda nə kə Jezu nə ə kô aləba nə̂ əndje gâ pâ kunda nə â zâ Jezu nə gâ pâ ye. 36Alɔ ə̂në tshə sə̂ kə ro nə kɔ, azü nə sâka aləba nə̂ əndje gâ ala äwä nə. 37Ə̂në Jezu ndô trö də Jeruzalamə ə sə̂ kə jerə tə̂ kaga aayɔ ɔlivə nə kɔ, ə̂kpû atrawaya nɔ̂ sə də âgbɔ̂ ə̂rû tə̂ lɔsu əndje â vɔ̂tə̂ kə mbe Ndjapä tə âgbɔ̂, mbrə aərə ə̈lü ə̂në əndje wû kɔ. 38Əndje pâ:
«Ndjapä tö ngwarə gâ pâ əyïngerə,
ətshə ə̂në tshə na də əɨrɨ Əyïlingû kɔ.
Tshe sə̈ bla mâ lafɔ,
a mbë Ndjapä ə̂në tshə sə mâ ngâ lafɔ kɔ!»#19.38 Wu Ətsh 118.26.
39Alabə̈ Afariza ə̂në əndje sə̂ lə ə̂kpû azü nə kɔ pâ kə Jezu nə ə pa: «Awoyisə̂ ərə, ngä kə atrawaya nə̂ zə əndje sə ngboo!» 40Tshə kîrə əpʉ kə əndje ə pa: «Mə pa kə e, kədə əndje sə ngboo, aəkpʉ sə kə ta râwâ!»
Jezu kɨ mbrə Jeruzalamə
41Alɔ ə̂në Jezu ndô trö də Jeruzalamə gâ ye kɔ, tshə wû gala nə ə kɨ̂ mbrə nə 42ə pâ: «Əbə ndje, kədə bə wûsə̂ kəmə ərə ə̂në ə sə kə za blatshe kə əbə kpəsəye! Bale, kpəsəye, ərə nə zâ tə̂ ye wû tə̂ zə gâ ye. 43Alɔ sə kə na gu nə ə̂në alayïkowɔ nə zə sə kə kla əbə ə kpe dji ndʉ zə tshakpa ə pro əbə gâ tə̂ nə nɔ̂. 44Əndje sə kə na pâ zə, əbə də azü nə̂ zə. Əndje sə sə kə katə̂ ə̈bə̈ əkpʉ gâ pâ ə̈bə̈ ngâ nə ne, mbrə ə̂në bə wûsə̂ alɔ ə̂në Ndjapä nâ ndə kə tshɔ əbə tə̂ nə kɔ wû ne.»
Jezu grɔ aawoka aərə lə Anda Ndjapä
(Matiɔ 21.12-17; Markə 11.15-19)
45Jezu lî gâ lə Anda Ndjapä ə vɔ̂tə̂ kə grɔ aawoka aərə 46ə pâ kə əndje ə pa: «Ndjapä pâ: “Anda nə̂ əmə sə tə anda kə yu Ndjapä lə nə.” Bale, e-e, e dô tə grokpɔ alayïangba.»#19.46 Wu Eza 56.7; Jer 7.11.
47Alɔnɔ̂ Jezu sə̂ kə yisə̂ əpʉ lə Anda Ndjapä. Aâgbɔ̂ azü nə̂ aawotokrɔ də aawoyisə̂ âgbɔ̂ əpʉ nə̂ Mayïzə gâ ndə əgbro azü əgɔ nə prâ äwä ndə kə wo ətshə. 48Bale, əndje wûsə̂ äwä ərə ə̂në əndje mbrə ndə kə wo ətshə kɔ wû ne. Mbrə ə̂në azü nɔ̂ yîndə kə dji kʉtə̂ əpʉ lə ama ye.
Kasalukuyang Napili:
Luki 19: liy
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
2025 Association Centrafricaine pour la Traduction de la Bible et l'Alphabétisation
Luki 19
19
Jezu gâ ndə Zashe
1Alɔ ə̂në Jezu lî gâ lə gala Jerikɔ nə kɔ, tshə sə̂ kə ro lə gala nə. 2Ə̈bə̈ koshe sə̂ je ə̂në əɨrɨ ye kə də̂ Zashe ə̂në tshə sə̂ tə âgbɔ̂ əzü nə̂ aaworɔ ngendja lapɔ ə sə tə əyïrishi kɔ. 3Tshə prâ äwä ndə kə wu ə pa Jezu sə tə əde. Äwä ndə kə wu ətshə gûta gû ne mbrə ə̂kpû azü nə, mbrə ə̂në Zashe sə̂ tə ə̈ndö əzü. 4Tshə kpê mâ ətshinə ə ô gâ lə ə̈bə̈ ayɔ ə̂në əndje djî əɨrɨ nə sikɔmɔrə kɔ, mbrə ə̂në Jezu sə kə ro tə̂ äwä səkɔ. 5Alɔ ə̂në Jezu wûtu gâ tə̂ ətshe səkɔ, tshə lîshi gâ lafɔ ə pâ kə ətshə ə pa: «Zashe, jërə katshä! Mbrə ə̂në kpəsəye, mə sə kə sho mâ lə anda nə̂ zə.»
6Zashe nə jêrə katshä ə wə̂ra ətshə də ə̂rû tə̂ lɔsu ye. 7Azü nɔ̂ ə̂në əndje wû aərə səkɔ, əndje pâ tə̂ Jezu nə ə pa: «Jezu nâ ə shô mâ ndə ə̈bə̈ əyïnyaka!»
8Bale, Zashe nə kâ gâ lafɔ ə pâ kə Âgbɔ̂ Əyïngerə nə ə pa: «Âgbɔ̂ Əyïngerə, mə sə kə kru tshelə aərə nə̂ əmə kpə ə̂grû nə ə ko ə̈bə̈ nə kə alayïəyo. Kədə mə kô ngendja nə̂ ə̈bə̈ əzü tə̂ äwä əterə, mə sə kə ko əndʉ nə kə ətshə äwä vəna.» 9Bale, Jezu pâ kə ətshə ə pa: «Kpəsəye, Ndjapä she azü tshelə anda səye gâ ye, mbrə ə̂në Zashe sə ndje tə ə̈bə̈ ätä Abraamo. 10Mbrə ə̂në Əgblə nə̂ Əzü nâ ndə kə pra azü ə̂në əndje yû gâ ye kɔ ndə kə tshɔ əndje lə kuzu.»
Əpʉ nə̂ alayïkosəra vəta
(Matiɔ 25.14-30)
11Ə̂në azü sə̂ kə dji əpʉ nə̂ Jezu kɔ, tshə kwâtə̂ye ə pâ ə̈bə̈ əpʉ kəwû, mbrə ə̂në tshə ndô trö də Jeruzalamə gâ ye, â azü nə pâ ənə̂ əndje ə pa Əgɔngerə nə̂ Ndjapä sə kə wutu nə katshä katshä səye. 12Bale, Jezu pâ kə əndje ə pa: «Ə̈bə̈ koshe sə̂ je ə̂në alabä nə sə tə alayïngerə, tshə nâ na ye lə ə̈bə̈ əgɔ ngrʉ̂ ndə kə pa əndje mbrə ətshə mâ je tə əyïngerə ka tshə do tə̂ ye ə gu. 13Angbʉlînə ndə kə pa tshə ro, tshə ê alabə̈ alayïkosəra nə̂ ye morofo ə kô ngendja kə əzü bale bale ə pa kə əndje ə pa: “E kä də aərə ə sɔ̈tə̂ ə̈bə̈ ngendja gâ pâ nə ʉrrr ka mə gu.” 14Bale, azü əgɔ nə̂ ye wə̂ra tə̂ əndje tə̂ ye. Əndje wlâ alabə̈ azü mandâ ye ndə kə pa kə ətshə ə pa: “A yində nə yi ndə kə pa koshe səye sə tə əyïngerə gâ pâ ä ne.”
15«Alɔ ə̂në tshə dô tə̂ ye ə gû, mandânə ə̂në tshə sə̂ tə əyïngerə nə gâ ye kɔ, tshə ê alayïkosəra nə̂ ye nə ə̂në tshə kô ngendja nə kə əndje kɔ ndə kə pa tshə wusə̂ äwä ə̂në əzü bale bale prâ ngendja gâ pâ nə kɔ. 16Angbʉlî əyïkosəra nə nâ ə pâ: “Əyïngerə, mə sɔ̂tə̂ ngendja äwä morofo gâ pâ ənə̂ sə̂ ə̂në bə kô kə əmə kɔ.” 17Əyïngerə nə pâ kə ətshə ə pa: “Ə̂rɔ̂nə! Bə sə tə ə̂rɔ̂ əyïkosəra. Bə sə tə ə̂rɔ̂ əzü lə aaya aərə. Mə sə kə za əbə tə əyïngerə gâ pâ aəgɔ morofo.” 18Bishi əyïkosəra nə nâ ə pâ: “Əyïngerə, mə sɔ̂tə̂ ngendja äwä mindû gâ pâ ənə̂ sə̂ ə̂në bə kô kə əmə kɔ.” 19Əyïngerə nə pâ kə ətshə ə pa: “Əbə ndje, mə sə kə za əbə tə əyïngerə gâ pâ aəgɔ mindû.” 20Ə̈bə̈ ata əyïkosəra nə nâ ə pâ: “Əyïngerə, ngendja nə̂ zə kə səye, mə î də ama ləba â bâta. 21Mbrə ə̂në awa zə mbrə əmə ə mbrə, bə sə tə əzü ə̂në bə gbɔ ndə aərə nə̂ zə wââ, bə ko aərə tə̂ ətshe ə̂në bə kô aərə kô gâ tə̂ nə ne kɔ, bə kɔ angwa rəgo tə̂ ətshe ə̂në bə lû ərə lû tə̂ nə ne kɔ.” 22Əyïngerə nə pâ kə ətshə ə pa: “Bə sə tə əmbrʉ əyïkosəra! Mə sə kə wa ngbanga gâ lə kumu zə Lïndə̂ əpʉ ama zə. Bə wusə̂ nə ə pa mə sə tə awogbɔ ndə aərə, mə ko aərə tə̂ ətshe ə̂në mə kô aərə kô gâ tə̂ nə ne kɔ ə kɔ angwa rəgo tə̂ ətshe ə̂në mə lû ərə lû tə̂ nə ne kɔ. 23Bale, mbrə yekɔ də̂ bə kô ngendja nə̂ əmə kô gâ tə̂ ə̂sə̂ kə bata ngendja tə̂ nə ne e? Mə â dô kəmə tə̂ əmə rəke, mə sə kə ko kəmə də ə̈bə̈ ərə gâ pâ nə.” 24Mandânə, əyïngerə nə pâ kə azü nə ə̂në əndje sə̂ je kɔ ə pa: “E zä ngendja nə lə kəna ye ə zä kə ətshə nə ə̂në tshə sə də nə äwä morofo kɔ.” 25Bale, əndje pâ kə ətshə ə pa: “Əyïngerə, tshə sə də ngendja äwä morofo gâ ye!” 26Tshə kîrə əpʉ ə pa: “Mə pa kə e: əzü ə̂në tshə sə də ərə, əndje sə kə za ə̈bə̈ nə gâ pâ nə kə ətshə. Əzü ə̂në tshə sə sə də ərə ne, əndje sə kə za aya ərə ə̂në tshə sə də nə kɔ tə̂ ye. 27Kâ ə də̂ ənə̂ alayïkowɔ nə̂ əmə ə̂në əndje yîndə nə yî ə pa mə sə tə əyïngerə gâ pâ əndje ne kɔ, e nä də əndje kpə ətshi əmə kotəye ə wä angrɔ əndje.”» 28Mandânə ə̂në Jezu pâ əpʉ səkɔ, tshə tê gâ ətshi ə̂kpû azü nə ə nâ mâ Jeruzalamə.
Jezu li gâ lə Jeruzalamə
(Matiɔ 21.1-11; Markə 11.1-11; Zââ 12.12-19)
29Alɔ ə̂në Jezu ndô trö də tshelagɔ Betəfaje də Betani, mâ tə̂ kaga aayɔ ə̂në əndje ê ə pa ɔlivə kɔ, tshə wlâ alabə̈ atrawaya nə̂ ye bishi 30ə pâ kə əndje ə pa: «E nä mâ lagɔ ə̂në ə sə ətshi e kɔ. Alɔ ə̂në e li gâ lagɔ nə, e sə kə sɔtə̂ ə̈bə̈ aya kunda ə̂në əndje dû ətshə, ə̂në ə̈bə̈ əzü bale te te pa ə o gâ pâ ye ne kɔ, e wöra ətshə ə gü də ətshə mâtəye. 31Kədə ə̈bə̈ əzü kə yu e ə pa: “E sə kə wora ətshə ndə yekɔ?”, e pä kə əzü nə ə pa: “Âgbɔ̂ Əyïngerə yində ye.”»
32Atrawaya nə ə̂në Jezu nə wlâ əndje kɔ rô ə sɔ̂tə̂ aərə nə mata ə̂në tshə pâ ndə nə kə əndje kɔ. 33Ə̂në əndje sə̂ kə wora aya kunda nə kɔ, alayïnga kunda nə yû əndje ə pa: «E wora ətshə ndə yekɔ?» 34Əndje kîrə əpʉ ə pa: «Âgbɔ̂ Əyïngerə sə də əgo ye.» 35Əndje gû də kunda nə kə Jezu nə ə kô aləba nə̂ əndje gâ pâ kunda nə â zâ Jezu nə gâ pâ ye. 36Alɔ ə̂në tshə sə̂ kə ro nə kɔ, azü nə sâka aləba nə̂ əndje gâ ala äwä nə. 37Ə̂në Jezu ndô trö də Jeruzalamə ə sə̂ kə jerə tə̂ kaga aayɔ ɔlivə nə kɔ, ə̂kpû atrawaya nɔ̂ sə də âgbɔ̂ ə̂rû tə̂ lɔsu əndje â vɔ̂tə̂ kə mbe Ndjapä tə âgbɔ̂, mbrə aərə ə̈lü ə̂në əndje wû kɔ. 38Əndje pâ:
«Ndjapä tö ngwarə gâ pâ əyïngerə,
ətshə ə̂në tshə na də əɨrɨ Əyïlingû kɔ.
Tshe sə̈ bla mâ lafɔ,
a mbë Ndjapä ə̂në tshə sə mâ ngâ lafɔ kɔ!»#19.38 Wu Ətsh 118.26.
39Alabə̈ Afariza ə̂në əndje sə̂ lə ə̂kpû azü nə kɔ pâ kə Jezu nə ə pa: «Awoyisə̂ ərə, ngä kə atrawaya nə̂ zə əndje sə ngboo!» 40Tshə kîrə əpʉ kə əndje ə pa: «Mə pa kə e, kədə əndje sə ngboo, aəkpʉ sə kə ta râwâ!»
Jezu kɨ mbrə Jeruzalamə
41Alɔ ə̂në Jezu ndô trö də Jeruzalamə gâ ye kɔ, tshə wû gala nə ə kɨ̂ mbrə nə 42ə pâ: «Əbə ndje, kədə bə wûsə̂ kəmə ərə ə̂në ə sə kə za blatshe kə əbə kpəsəye! Bale, kpəsəye, ərə nə zâ tə̂ ye wû tə̂ zə gâ ye. 43Alɔ sə kə na gu nə ə̂në alayïkowɔ nə zə sə kə kla əbə ə kpe dji ndʉ zə tshakpa ə pro əbə gâ tə̂ nə nɔ̂. 44Əndje sə kə na pâ zə, əbə də azü nə̂ zə. Əndje sə sə kə katə̂ ə̈bə̈ əkpʉ gâ pâ ə̈bə̈ ngâ nə ne, mbrə ə̂në bə wûsə̂ alɔ ə̂në Ndjapä nâ ndə kə tshɔ əbə tə̂ nə kɔ wû ne.»
Jezu grɔ aawoka aərə lə Anda Ndjapä
(Matiɔ 21.12-17; Markə 11.15-19)
45Jezu lî gâ lə Anda Ndjapä ə vɔ̂tə̂ kə grɔ aawoka aərə 46ə pâ kə əndje ə pa: «Ndjapä pâ: “Anda nə̂ əmə sə tə anda kə yu Ndjapä lə nə.” Bale, e-e, e dô tə grokpɔ alayïangba.»#19.46 Wu Eza 56.7; Jer 7.11.
47Alɔnɔ̂ Jezu sə̂ kə yisə̂ əpʉ lə Anda Ndjapä. Aâgbɔ̂ azü nə̂ aawotokrɔ də aawoyisə̂ âgbɔ̂ əpʉ nə̂ Mayïzə gâ ndə əgbro azü əgɔ nə prâ äwä ndə kə wo ətshə. 48Bale, əndje wûsə̂ äwä ərə ə̂në əndje mbrə ndə kə wo ətshə kɔ wû ne. Mbrə ə̂në azü nɔ̂ yîndə kə dji kʉtə̂ əpʉ lə ama ye.
Kasalukuyang Napili:
:
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
2025 Association Centrafricaine pour la Traduction de la Bible et l'Alphabétisation