1 Mga Taga-Corinto 16
16
Tulong sa mga Kapatid sa Judea
1Tungkol#Ro. 15:25-26. naman sa tulong para sa mga kapatid sa Jerusalem, gawin ninyo iyon ayon sa sinabi ko sa mga iglesya sa Galacia. 2Tuwing unang araw ng sanlinggo, ang bawat isa ay maglaan ng bahagi ng kanyang kinikita at ipunin iyon upang huwag nang manghingi pa ng tulong pagpunta ko riyan. 3Pagdating ko riyan, bibigyan ko ng sulat ang mga taong pipiliin ninyo upang magdala ng inyong tulong sa Jerusalem. 4At kung kailangang pumunta rin ako, sasama ako sa kanila.
Mga Balak ni Pablo
5Pupunta#Gw. 19:21. ako riyan pagkagaling ko sa Macedonia, sapagkat binabalak kong dumaan doon. 6Magtatagal ako riyan at maaaring diyan na ako magpapalipas ng taglamig upang ako'y matulungan ninyo saan man ako pupunta. 7Ayaw kong ako'y dadaan lamang diyan; nais kong magtagal nang kaunti kung loloobin ng Panginoon.
8Titigil#Lev. 23:15-21; Deut. 16:9-11. #Gw. 19:8-10. ako sa Efeso hanggang sa araw ng Pentecostes 9dahil may magandang pagkakataon dito para sa paglilingkod, kahit na maraming humahadlang.
10Pagdating#1 Cor. 4:17. diyan ni Timoteo, ipadama ninyo ang inyong pagtanggap sa kanya upang mapanatag ang kanyang kalooban, sapagkat siya'y tulad kong naglilingkod sa Panginoon. 11Huwag ninyo siyang maliitin, sa halip ay tulungan ninyo upang makabalik siya sa akin nang mapayapa, sapagkat hinihintay ko siya kasama ng mga kapatid.
12Tungkol naman sa ating kapatid na si Apolos, kinausap ko siyang mabuti upang dalawin kayo kasama ng ibang mga kapatid. Ngunit hindi pa siya makakapunta ngayon. Saka na siya dadalaw sa inyo kapag nagkaroon ng pagkakataon.
Pangwakas na Pananalita
13Maging handa kayo at magpakatatag sa inyong pananampalataya. Maging matapang kayo at magpakatibay, 14at ang lahat ng ginagawa ninyo'y gawin ninyo nang may pagmamahal.
15Mga#1 Cor. 1:16. kapatid, alam ninyong ang sambahayan ni Estefanas ang unang nakakilala sa Panginoon sa Acaya, at itinalaga nila ang kanilang sarili sa paglilingkod para sa mga hinirang ng Diyos. Nakikiusap ako sa inyo na 16kayo'y pasakop sa mga tulad nila at sa sinumang kasama nilang nagpapakahirap sa paglilingkod.
17Nagagalak ako sa pagdating nina Estefanas, Fortunato, at Acaico, sapagkat ginagawa nila ang hindi ninyo magawâ para sa akin. 18Sila ang nagpasigla sa akin, gayundin sa inyo. Pahalagahan ninyo ang ganitong uri ng mga tao.
19Kinukumusta#Gw. 18:2. kayo ng mga iglesya sa Asia. Kinukumusta rin kayo nina Aquila at Priscila, at ng mga kapatid na nagtitipon sa kanilang bahay sa pangalan ng Panginoon. 20Kinukumusta rin kayo ng lahat ng kapatid dito.
Magbatian kayo bilang magkakapatid kay Cristo.#20 bilang magkakapatid kay Cristo: Sa tekstong Griego'y ng banal na halik.
21Ako mismong si Pablo ang sumusulat ng pagbating ito.
22Sumpain ang sinumang walang pag-ibig sa Panginoon!
Marana tha—Dumating ka nawa, Panginoon namin!
23Sumainyo nawa ang pagpapala ng Panginoong Jesus.
24Sumainyong lahat ang aking pagmamahal sa pangalan ni Cristo Jesus.
Kasalukuyang Napili:
1 Mga Taga-Corinto 16: RTPV05
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
© 2005 Philippine Bible Society