Éxodo 36
36
1Moisesqa nillarantaqmi khaynata:
—Saynatan Bezaleelpas, Aholiabpas hinallataq artesano runakunapas Diospa yachay qosqanwan tukuy imaymanata tolderamanta ruwasqa *tabernáculo templopaq ruwanqaku, Señor Diospa kamachisqanman hina, nispa.
Ofrendakuna apamusqankumanta
2Chaymantan Moisesqa waqyaran Bezaleelta, Aholiabtawan hinallataq Señor Diosmanta yachayta chashkiq artesano runakunatawan ima. Hinaqtinmi paykunaqa voluntariamente ofrecekuranku tukuy imaymana ruwaypi llank'anankupaq. 3Hinaqtinmi Moisesqa paykunaman entregaran Israelpa miraynin runakunamanta llapallan *ofrendakuna chashkisqanta, saynapi chay apamusqankunawan tolderamanta ruwasqa tabernáculo templota ruwanankupaq.
Chaymi Israelpa miraynin runakunaqa sapa p'unchawmi achikhayta tukuy sonqonkuwan ofrendankuta apamullaranku. 4Hinaspan tabernáculo nisqa templota ruwaq tukuy oficioyoq artesanokunapas ruwasqankuta dejaspanku, Moisespa kasqanman hamuranku. 5Hinaspan Moisesta khaynata niranku:
—Israelpa miraynin runakunaqa Señor Diospa kamachikusqan tabernáculo templota ruwanapaqmi ashkallataña ofrendankuta apamushanku, necesitakusqanmantapas aswan mastaraq, nispanku.
6Chaymi Moisesqa kamachiran, llapallan campamentokunaman rispanku khaynata nimunankupaq:
—Qaripas hinallataq warmipas tabernáculo nisqa templota ruwanapaq ofrendataqa amaña apamuchunkuñachu, nispa.
Saynatan runakunata prohibiranku, amaña astawan ofrendata apamunankupaq. 7Chaymi tabernáculo nisqa templota tukuy imaymanantinta ruwanankupaqqa tukuy clase materialkunaqa ashkallaña karan. Hinaspapas chay materialkunaqa puchuranraqmi.
Tabernáculo templota ruwasqankumanta
(Ex 26.1-37)
8Llapallan yachayniyoq artesanokunan tolderamanta ruwasqa *tabernáculo templotaqa chunka cortinamanta ruwaranku. Chay cortinakunaqa ruwasqa karan fino *lino q'aytumanta, azul q'aytumanta, morado q'aytumanta hinallataq nina sanza puka q'aytumantawanmi. Hinaspan chay cortinakunapi *querubín nisqa *angelkunata suma-sumaqta bordaranku. 9Sapankama cortinakunaqa largonmanmi chunka ishkayniyoq metrota pishqa chunka centimetroyoqta mediran. Anchonmantaqmi huk metro pusaq chunka centimetroyoqta mediran. Llapallan chay cortinakunaqa igualtakaman mediran. 10Chaymantan pishqa cortinakunata t'inkispa siraranku. Saynallataqmi ruwaranku wakin pishqa cortinakunawanpas. 11Chay primer kaq grupopi sirasqanku cortinakunapa patanpin último kaq cortinapi azul q'aytuwan ojalkunata ruwaranku. Saynallatataqmi ishkay kaq grupoman perteneceq cortinakunapa último kaq cortinapa patanpipas ojalkunata ruwallarankutaq. 12Chay primer kaq grupoman perteneceq cortinapa patanpin pishqa chunka ojalkunata ruwaranku. Saynallataqmi ishkay kaq grupoman perteneceq cortinakunapipas pishqa chunka ojalkunata ruwaranku, saynapi sapankama ojalkuna paresnintinkama kananpaq. 13Saynallataqmi ruwaranku qorimanta pishqa chunka ganchokunatapas. Hinaspan chay ganchokunawan ishkaynin grupo cortinakunata t'inkiranku. Saynapin chay tabernáculo nisqa temploqa ch'ulla cortinamantapas ruwasqa kashanman hina karan.
14Ruwallarankutaqmi chunka hukniyoq cortinakunatapas cabra pelomanta. Hinaspan chay cortinakunawan tabernáculo nisqa templopa hawanta taparanku. 15Sapankama cortinakunaqa largonmanmi chunka kinsayoq metrota pishqa chunka centimetroyoqta mediran. Anchonmantaqmi huk metro pusaq chunka centimetroyoqta mediran. 16Primer kaq grupoman perteneceq pishqantin cortinakunatan siraranku, saynapi juntasqa kananpaq. Saynallataqmi ishkay kaq grupoman perteneceq soqtantin cortinakunatapas sirallarankutaq. 17Ruwallarankutaqmi primer kaq grupoman perteneceq cortinapa puntanpi pishqa chunka ojalkunatapas. Saynallataqmi ishkay kaq grupoman perteneceq último kaq cortinapa puntanpipas ruwallarankutaq pishqa chunka ojalkunata. 18Ruwallarankutaqmi broncemanta pishqa chunka ganchokunatapas. Hinaspan chay ganchokunawan ishkaynin grupo cortinakunata t'inkiranku. Saynapin chay tabernáculo nisqa temploqa ch'ulla cortinamantapas ruwasqa kashanman hina karan.
19Ruwallarankutaqmi tabernáculo templota tapanankupaqpas carnerokunapa qaranmanta pukawan teñisqa huk tolderata. Saynallataqmi chay tolderapa hawanman tapanankupaqpas ruwallarankutaq huk llamp'uy-llamp'u qarakunamanta huk fino tolderatapas. 20Saynallataqmi ruwallarankutaq tabernáculo nisqa templota sostenenanpaqpas tablakunata *acacia nisqa sach'amanta. 21Sapankama tablakunapa largonmi tawa metro pishqa chunka centimetroyoqta mediran. Anchontaqmi soqta chunka pishqayoq centimetrota mediran. 22Saynallataqmi sapankama tablakuna juntasqa kananpaqpas machimbriasqa karan. Saynatan tabernáculo nisqa templopaq llapallan tablakunata ruwaranku. 23Hinaspan *sur nisqa uray lawman churanankupaq ishkay chunka tablakunata ruwaranku. 24Saynallataqmi ruwallarankutaq qolqemanta tawa chunka basekunatapas. Chay basekunaqa t'oqoyoqkaman karan, chay ishkay espigayoq tablakuna chay basekunapi sayananpaq. Huk tablan ishkay basekunapi sayaran. 25Saynallataqmi tabernáculo nisqa templopaqqa ruwallarankutaq *norte lawninpaqpas ishkay chunka tablakunata. 26Hinaspapas ruwallarankutaqmi qolqemanta tawa chunka basenkunatapas t'oqoyoqtakama. Hinaspan sapankama tablakuna ishkay basekunapi sayaran. 27Saynallataqmi tabernáculo nisqa templopa qepan law intipa haykunan lawpaqpas ruwallarankutaq soqta tablakunata. 28Saynallataqmi ruwallarankutaq tabernáculo templopa qepan lawpi kaq esquinankunapaqpas ishkay tablakunata. 29Chay esquinankunapi ishkay tablakunaqa doblen karan. Hinaspan chay tablakunaqa juntasqa karan uraymanta asta wichaykama asta primer kaq anillokama, saynapi chay anillo hap'inanpaq. Saynatan chay ishkaynin esquinakunapi ruwaranku. 30Llapallan chay tablakunaqa pusaqmi karan. Chay pusaq tablakuna tiyananpaqtaqmi qolqemanta ruwasqa chunka soqtayoq basekuna karan. Sapankama tablakunan ishkay basekunapi tiyaran.
31Ruwallarankutaqmi acacia nisqa sach'apa k'aspinmanta pishqa varillakunatapas, tabernáculo templopa huknin lawpi kaq tablakunapaq. 32Saynallataqmi ruwallarankutaq pishqa varillakunatapas tabernáculo nisqa templopa huk lawninpaq hinallataq pishqa varillakunatapas qepan law intipa haykunan lawninpaqpas. 33Ruwallarankutaqmi chawpinta pasaq varillakunatapas huk lawnin esquinamanta huknin kaq esquinakama tablakunapa chawpinta pasananpaq. 34Hinaspan chay tablakunataqa qoriwan llut'iranku. Hinaspapas ruwallarankutaqmi qorimanta argollakunatapas chayninta varillakuna pasananpaq. Saynallataqmi chay varillakunatapas qoriwan llut'iranku.
35Saynallataqmi ruwallarankutaq huk cortinatapas. Chay cortinaqa khayna q'aytukunawanmi ruwasqa karan: Azul q'aytuwan, nina sansa hina puka q'aytuwan, morado q'aytuwan hinallataq fino lino q'aytuwan ima. Chay cortinapin querubín nisqa ishkay angelkuna bordasqa karan. 36Chay cortinakuna churanankupaqmi acacia nisqa sach'amanta ruwaranku tawa pilarkunata. Hinaspan chay pilarkunataqa qoriwan llut'iranku. Chay pilarkunamanmi argollankunatapas qorimanta ruwaspa churaranku. Ruwallarankutaqmi chay pilarkuna tiyananpaqpas qolqemanta tawa basekunata.
37Ruwallankutaqmi tabernáculo nisqa templopa punkunpaqpas sumaq bordasqa cortinata azul q'aytuwan, nina sansa hina puka q'aytuwan, morado q'aytuwan hinallataq fino lino q'aytuwan ima. 38Chay cortinakuna churanankupaqmi ruwallarankutaq acacia nisqa sach'amanta pishqa pilarkunatapas qoriwan llut'isqata. Chay pilarkunaqa sapankaman karan qorimanta ganchoyoqkama. Saynallataqmi fundillarankutaq *broncemanta pishqa basekunatapas chay pilarkuna sayananpaq.
Kasalukuyang Napili:
Éxodo 36: QEAÑT
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
Antiguo Testamento Quechua del Este de Apurímac © Sociedad Bíblica Peruana, 2020.
Mosoq Testamento Quechua del Este de Apurímac © Publicado por © 2013 Wycliffe, Inc.
Publicado por © 2013 Liga Bíblica, Internacional