YAOGYAW 53
53
Kawn Pui Mawh Pa Caox Pa Hai
(Yaog 14:1-7)
1Pui pa daox aw khankix, keud ti ah nin ka daux rhawm tix, Siyiex ang koe mai kix mawh pui pa hoik cux sium mai chix yuh ceu pa seeing brai heue. Pui pa yuh pa mhawm mhiem ang koe tix kaux kawx. 2Siyiex ot ka piang raoma mai jhak ka kawn pui, koe pa tawng pa yung mai pui pa sawg ka Nawh tix kaux kaux lie? Ang koe lie? 3Kawn pui khawmuik, hoik lud krax mai hoik cux sium awm paox tix khawmuik mai pui pa yuh pa mhawm mhiem ang koe, pie tix kaux kawx ang koe.#Ro 3:10-12 4Can pui pa nieb yuh pa caox khankix khawmuik, ang kix tawng lie? Kiied ti ih pui Aux, awm ih kix blah mai ang kok yo ka Siyiex lie? 5Ka dee an, tak koe krax pa kied lhat graung, grawh grawng nawh, Siyiex kieh si-ang pui pa yuh tab tang plak, prung prang hu heue. Kix hoek krax pa kaig tua heue. 6Kieh krax taoh pui Isarelax lih hoek khaing piang gawng Zion liak. Yam deeh viex Siyiex pui Nawh, pa hoik viex kix hu deeh hoek, Yakop tak gaux rhawm mai pui Isarelax tak gaux rhawm gaux rhi heue.
Kasalukuyang Napili:
YAOGYAW 53: WCL
Haylayt
Kopyahin
Paghambingin
Ibahagi
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
Wa Common Language Bible © Bible Society of Myanmar, 2012