YAOGYAW 48
48
Veng Zion Cie Siyiex
1Siyiex mawh pa ting lhaong mai khaw ti yaogyaw ka Siyiex pa ot ka piang gawng dee singax singeh ka daux veng Nawh heue. 2Gawng Zion mawh pa lhaong mai pa mhawm grang mai mawh dee gaux rhawm ka piang haktiex khawmuik, ka daog plak laong mawh dee koe veng Simiang pa ting lhaong heue.#Mat 5:35 3Siyiex kieh tawng, Nawh mawh dee deuh rhawm ka daux nyiex an heue. 4Jhak heue, simiang khankix, hoek ti kum kawng mai paox tix heue. 5Yam yaox, kix kied daox am, lhat yaoh mai to hu heue. 6Kix kied lhat graung ka veng an mai yaox krax kha rhawm awm bun pa sang keh heue. 7Maix teei bhaung plak lih singaix mai kieh raig ti tik ka nyiex reu ting veng Tasux heue. 8Awm pa hoik sax mhong ex, ex hoik pon ti yaox ka veng Siyiex Cao kru naing raoma pa mawh Siyiex ex heue, Siyiex tak kieh veng an kaux cong leeing ju heue. 9Siyiex eue, ex doh keud ka bwanson krax moh krax rhawm Maix, ka daux nyiex bwan Maix heue. 10Siyiex eue, awm hoik tah hu ceu kaux Maix ka piang haktiex tom sidah, min plakngai Maix kawx, kieh sidah heue. taix khawn dawm Maix hoik grum naog ka been li pa rahsee heue. 11Mawh kheu krax pa prawng ca Maix, gawng Zion mai kawn bun Yudax khankix, gaux rhawm gaux rhi heue. 12Hawt rob vung viang veng Zion mai simin ti deuh ka nyiex pa ting lhaong khankix, 13mai een tix tawng ka guh veng nyiex haw, sonsang pon ti krai ka ju kawn praix khankix heue. 14Grawh grawng nawh, Siyiex ex mawh Siyiex leeing ju heue. Nawh Cao tak sang thong ex hu tom sidah yum heue.
Kasalukuyang Napili:
YAOGYAW 48: WCL
Haylayt
Kopyahin
Paghambingin
Ibahagi
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
Wa Common Language Bible © Bible Society of Myanmar, 2012