YAOGYAW 150
150
Yaogyaw Ka Siyiex
1Yaogyaw ka Siyiex ka dee singax singeh heue. Yaogyaw ka Nawh Cao piang raoma dee sidawng sibrawm Nawh Cao heue. 2Yaogyaw ka Nawh, mawh kheu Nawh teei sibrawm mai yuh ti deuh ka ceu in khankix heue. Yaogyaw ka Nawh Cao kheu mawh Nawh Cao pa kied ting kied lhaong heue. 3Phlu teettawng mai yaogyaw ka Nawh heue. Tah ting mai ting si, yaogyaw ka Nawh Cao heue. 4Tah kawng mai graoh thiao mai yaogyaw ka Nawh Cao heue. Tah ting si pa grum naog maox khankix phlu byaong, phlu pi yaogyaw ka Nawh Cao heue. 5Tah chiang lox pa kied luah pa sinum mai yaogyaw ka Nawh Cao heue. Tah chiang lox pa gaux rhawm mai yaogyaw ka Nawh Cao heue. 6Kieh can pa im ju khawmuik, yaogyaw ka Siyiex heue. Haleluya!
Kasalukuyang Napili:
YAOGYAW 150: WCL
Haylayt
Kopyahin
Paghambingin
Ibahagi
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
Wa Common Language Bible © Bible Society of Myanmar, 2012