YAOGYAW 129
129
Lox Rawg Bwan Son Pui Pa Koeng
1Ceu pui Isarelax ah nin, “Kix hoik tuktiaktukte aux, tom yam awn ju aux miex bawg nhieh, 2kix hoik tuktiaktukte aux, tom yam awn ju aux miex bawg nhieh, viang mawh nan kix ang pex aux.” 3Pui pa thai khankix, thai ka piang si-ang krawng aux, rhoi thai kied lang awm khaix mug heue. 4Siyiex mawh pa rahsee heue. Nawh tat dud ka maox pui pa ang rahsee khankix heue. 5Can pui pa koeng ka veng Zion khankix khawmuik, kieh kix hoek krax pa kaig tua mai deeh dak plak khaix liak. 6Kieh kix awm rib pa kuah piang braux nyiex mai kieh kix lak kroh hu ka ang pui nyang reeig ti tik heue. 7Pui pa vawg ka rib an, ang lai pon pie ti jhawp mai pui pa jhoi nawh kawx, ang pon ti glien heue. 8Can pui pa lawng krax an, ang pon ti ah, “Kieh bwanson Siyiex hoek ka piang pex liak. Ex deuh rhawm ka ceu kaux Siyiex mai nawb bwan ka pex heue.”
Kasalukuyang Napili:
YAOGYAW 129: WCL
Haylayt
Kopyahin
Paghambingin
Ibahagi
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
Wa Common Language Bible © Bible Society of Myanmar, 2012