YAOGYAW 122
122
Yaogyaw Ka Veng Yerusaliem
1Yam ah kix ka aux ex hu ka daux nyiex Siyiex ex, aux kied koe krax gaux rhawm heue. 2Veng Yerusaliem eue, caong ex cung ka daux siviex maix khankix heue. 3Veng Yerusaliem, hoik yuh pa mhawm, pa awm paox tix. 4Ka daux veng an, awm pa koe lox tawm beenli ka ceu pui Isarelax pa mawh pui Siyiex, sonsang haok kix ti yaogyaw ka ceu kaux Siyiex tan heue. 5Dangngeung dee prawng ca hawt beenli mai dangngeung ceu cad simiang Davit koe tan heue. 6Rawg bwan sonsang yiien yawg veng Yerusaliem mai can pui pa moh ka veng an, tak pon pa nyawm rhawm heue. 7Kieh pa yiien yawg koe ka guh veng maix mai kieh koe krax nyawm rhawm ka daux nyiex haw Maix liak. 8Aux tak krai ah nin ka son puxaik mai paox grawm khankix, “Kieh pa yiien yawg koe ka daux maix liak.” 9Aux tak sawg bwanson son maix ka daux nyiex Siyiex heue.
Kasalukuyang Napili:
YAOGYAW 122: WCL
Haylayt
Kopyahin
Paghambingin
Ibahagi
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
Wa Common Language Bible © Bible Society of Myanmar, 2012