YAOGYAW 118
118
Rawg Bwan Sonsang Pex
1Yaogyaw ka bwanson Siyiex, mawh kheu Nawh Cao mawh pa jiet mhawm mai krax caux rhawm Nawh koe jheung jheung heue.#1Been 16:34; 2Been 5:13, 7:3; Eza 3:11; Yaog 100:5, 106:1, 107:1, 136:1; Ye 33:11 2Kieh ceu pui Isarelax rieb ti teei ah nin, “Kieh krax caux rhawm Nawh Cao koe jheung jheung liak.” 3Kieh ru Arun rieb ti teei ah nin, “Kieh krax caux rhawm Nawh Cao koe jheung jheung liak.” 4Kieh can pui pa lhat graung ka Siyiex, rieb ti teei mai ah nin, “Kieh krax caux rhawm Nawh Cao koe jheung jheung liak.” 5Yam ot aux ka daux dee sikhawp sikhiep, aux kok yo ka Siyiex mai Nawh pawk lox aux mai kieh aux ot ka dee vieh va heue. 6Siyiex ot plak aux mai aux tak ang lhat graung, kawn pui tak chix yuh ka mawx ka aux?#He 13:6 7Siyiex ot ka plak aux mai mawh Cao pa teem aux, aux tak grum naog ceu pa lo ka daux pui pa koeng ka aux heue. 8Pa deuh rhawm ka Siyiex, nie lheu mhawm khaing pa deuh rhawm ka paox kawn pui heue. 9Pa deuh rhawm ka Simiang Siyiex nie lheu mhawm khaing pa deuh rhawm ka laux Simiang heue. 10Viang pui khawmuik rob vung viang aux kawx, aux tak deuh rhawm ka ceu kaux Siyiex mai yuh kix laux leeing heue. 11Kix hoik rob vung viang aux, viang kix rob vung viang aux kawx, aux tak deuh rhawm ka ceu kaux Siyiex mai yuh kix laux leeing heue. 12Viang kix rob vung viang aux, awm phung hia kawx, tak yeet hu awm pang kat pa gleeing ka ngu heue. Aux tak deuh rhawm ka ceu kaux Siyiex mai yuh kix laux leeing heue. 13Viang maix yuh lung mai nyhot aux goh kawx, Siyiex mawh Cao teem aux heue. 14Siyiex mawh riang rao aux mai aux tak rhax lai grawng pa taoh Nawh aux heue.#Lih 15:2; Isa 12:2 15Lox pa gaux rhawm mai lox grawng krax taoh koe ka dee ot pui pa rahsee heue. Taix khawn dawm Siyiex mawh pa ting riang rao heue. 16Siyiex yaog taix khawn dawm tix mai taix khawn dawm Siyiex mawh pa ting riang rao heue. 17Aux tak ang yum mai yam kawn im ju aux, aux tak baox krai grawng ceu pa hoik yuh Siyiex heue. 18Viang Siyiex hoik sivied ti gau aux tom yaox jhawm kawx, Nawh ang nyang tawx aux yum. 19Paoh siviex pa rahsee ka son aux mai aux tak sang laig ti yaogyaw bwanson Siyiex heue. 20In mawh siviex Siyiex, can pui pa rahsee khaing, pa pon ti laig heue. 21Aux tak yaogyaw ka Maix, grawh grawng nawh, Maix hoik nghiet ka lox aux mai hoik taoh ka aux heue. 22Simaox pa hoik tik pui pa yuh nyiex, sidah khaix pon ti mawh kaing ka daog heue.#Luk 20:17; Cau 4:11; 1Pe 2:7 23Grawng in mawh ceu pa hoik yuh Siyiex heue. Mawh ceu pa daox am ka ngai ex heue.#Mat 21:42; Mak 12:10-11 24Singaix in mawh singaix pa hoik kieh Siyiex ex gaux rhawm ka daux Nawh Cao heue awx. 25Siyiex eue, taoh ka ex liak, #Mat 21:9; Mak 11:9; Yo 12:13 ex khyox khaw ka Maix, Siyiex eue, tawx bwanson liak, ex khyox khaw ka Maix heue. 26Kieh kaw pa hoek ka daux ceu kaux Simiang#Mat 21:9, 23:39; Mak 11:9; Luk 13:35, 19:38; Yo 12:13 koe bwanson liak. Ex ot ka daux nyiex Siyiex mai yaogyaw ka Maix heue. 27Siyiex mawh Siyiex Cao pa ploi pa riang hoek ka ex heue. Teei maox phyawk ka to ceu pa tan lu mai sigang ka rung khu dee tan. 28Maix mawh Siyiex ex mai ex tak yaogyaw ka Maix heue. Maix mawh Siyiex ex mai ex tak yaogyaw Maix ting heue. 29Yaogyaw ka bwanson Siyiex, mawh kheu Nawh mawh pa jiet mhawm mai krax caux rhawm Nawh koe jheung jheung leeing ju heue.
Kasalukuyang Napili:
YAOGYAW 118: WCL
Haylayt
Kopyahin
Paghambingin
Ibahagi
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
Wa Common Language Bible © Bible Society of Myanmar, 2012