YAOGYAW 113
113
Yaogyaw Ka Bwan Son Siyiex
1Yaogyaw heue, siliex Siyiex khankix eue, yaogyaw ka ceu kaux Siyiex awx. 2Kieh ceu kaux Siyiex koe bwanson jah tom yam in mai leeing ju liak. 3Jah plak lih singaix tom hoek plak klip singaix, mawh pa khaw ti yaogyaw ka ceu kaux Siyiex heue. 4Siyiex pa ting ka piang kawn pui khawmuik mai min plakngai Nawh koe piang raoma heue. 5Pui mawx tak awm Siyiex ex pa ot ka dee lhaong. 6Taing lih tokaux tix sonsang jhak ka kraung khrai piang raoma mai piang haktiex khankix heue. 7Nawh Cao tak yaog ka kix pui pa hot sibhawm ting khaing daux phawng tiex mai yaog kix pui pa cud cha khaing daux phon. 8Tawx dee ot ka kix, tau mai kawn laux kawn Simiang pa giex kaing ka piang pui khankix heue. 9Nawh Cao kieh bun neh pa ang koe kawn ot ka daux nyiex mai deeh kieh keh kawn praix mai koe krax gaux rhawm heue. Haleluya!
Kasalukuyang Napili:
YAOGYAW 113: WCL
Haylayt
Kopyahin
Paghambingin
Ibahagi
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
Wa Common Language Bible © Bible Society of Myanmar, 2012