Abɩdɩasɩ 1
1
1Nyɩ nyɛ̃ a bom ʋl a Sore Naaŋmɩn na wul a Abɩdɩasɩ yel-nyɛra pʋɔ a, a ƴɛ̀rʋ ʋ na ƴãw ʋ ƴɛ̀r càar'ɩ a Edɔm#1:1 Edɔm tẽw: Ʋ tɩ be n a Kʋ̃ɔ-kpɛ̃ɛ-kũu saa-pɛrɩ́-dʋrʋ-lowr. A Edɔm tẽw dem tɩ ɩ n a Zakɔb yɩb-tɔ Ezawu bʋʋrɛ. Nyɛ̃ kan-nɛ́ɛ 6 sob nɩ Yzt 36. tẽw nɩbɛ a.
A Sore yere na k'aa Edɔm tẽw na lo na
Bɛ tõ n nɩr a nɩ-bʋʋr-yoru sɔgɔ.
Tɩ wõ n a lɛ a Sore na tõ ʋ, ʋ tɩ yere a:
«Nyɩ ìr! Nyɩ ɩ tɩ cen tɩ zɛb'ɩ a Edɔm tẽw dem.»
2A Sore yere na: «Edɔm ɩ,
ɩ̃ na ɩ na fʋ ɩ pʋrɩ a nɩ-bʋʋr-yoru za pʋɔ.
A nɩbɛ za na ɩrɛ fʋ na laar.
3A fʋ pɔ̀l-ɩb na bɛ dɩ vuo a, bɔrɛ nɩ fʋ na.
Fʋ kpɩɛr'ɩ pìe pʋɔ#1:3 A Edɔm tẽ-kpɛ̃ɛ tɩ n'ɩ Petra, a pɛr lɛ kɛ́ Pìir. A be a Edɔm tẽw dem na tɩ kpɩɛr a tɩ ɩ n pìe tɛwr, ɛ́ a tab kpɛmɛ. nɩ ziir bɛ na kʋ̃ tʋ̃ɔ́ páw fʋ nyɔw a,
ɛ́ tɩɛrɛ nɩ fʋ pʋɔ: “Ãa n'ʋ na tʋ̃ɔ́ ír mɛ̃ a ka?”
4Fʋ̃ʋ saa na ìr do do mɛ̃ a sidum a,
fʋ̃ʋ saa na wob a fʋ cow a ŋmar-bie sɔgɔ a,
ɩ̃ na caabɩ fʋ na bɛr fʋ siw tɩ lo.
A mãa Sore n'ʋ yere.
5Nyãnyuwr bɩɩ nɩ-farbɛ wa wa ùr fʋ tɩ̃ɩsɔw a,
bɛ na za n a bome al za bɛ na na tʋ̃ɔ́ za a,
ɛ́ fʋ kʋ̃ cãà tɛr bom za ɩ.
Divɛ̃ tɩɩr wɔ̃-pɔrbɛ wa kpɛ
a fʋ divɛ̃ tɩɩr pu-pʋɔ a,
wɔ̃-beƴeni lɛ tɛwr'a bɛ na bɛr fʋ.
6A na ɩ à ŋá a, Ezawu bʋʋrɛ ɛ,
bɛ za n a nyɩ bome za,
a nyɩ na-bʋ̃-sɔwlɩ tɛɛ za a, bɛ nyɛ̃ a na.
7Bɛ diw nyɩ na bɛr a nyɩ tẽw pʋɔ,
a bɛlɩ dem za nɩ nyɩɩm na maalɩ a wõ-taa a,
bɛ mɩlɛ nyɩ na.
A nyɩ bárɩ so nyɩ na,
a bɛl nɩ nyɩɩm na tɩ lãw dɩrɛ a
ƴãwnɛ nɩ bɛrɩ a nyɩ tɔlʋ zie.
A nɩbɛ yere nɩ a nyɩ ƴãw:
“Bɛ bɛ cãà bãw yã ɩ!”
8Sɩza n'a, a mãa Sore n'ʋ yere,
a ɩ̃ suur bibir wa vɩɛ a,
ɩ̃ na kʋ n a Edɔm tẽw yã-bãwnbɛ za pàw pɛr,
ɩ̃ bɛ bɛrɛ nɩr kãw za na tɛr yã a,
ʋ cãà bere a Ezawu tãw zu ɛ.
9Teman#1:9 Teman tẽw: Ʋ be n a Edɔm tẽw saa-pɛrɩ́-gʋba-lowr. tẽw i, pʋl-vʋ̃ɔ na tɛr'ɩ a fʋ zɛbr-nɩbɛ,
ɛ́ bɛ na kʋ n a tẽw dem za.»
A Edɔm tẽw sãw na
10«A Zakɔb bʋʋrɛ na ɩ a nyɩ yɛbr a,
nyɩ fa n a bɛ bome ɛ́ kʋ bɛ.
A na ɩ à ŋá a, vĩ nyɔw nyɩ na,
ɛ́ bɛ na kʋ nyɩ na pàw pɛr a nʋɔr kʋ.
11Nyɩ tɩ taw na yi pùor,
a ʋlɩ bibir a dɔ̃ dem na tɩ zɛb tʋ̃ɔ́ a bɛ zɛbr-nɩbɛ,
ɛ́ tɩ kpɩɛr a bɛ tẽ-kpɛ̃ɛ pʋɔ a.
A lɛn daar a nɩ-bʋlmɛ bɛ ŋa
na tɩ ŋmɩɛr gbãw pone
a Zerizalɛm na-bome a,
a nyɩɩm mɩ̀, nyɩ mɩ̀ tɩ ɩ na mɛ̃ a bɛl a.
12Edɔm ɩ, a fʋ yɛbr na be a Zuda tẽw a,
a bɛ tɩ sɛw kɛ́ fʋ nyɛ̃ a bɛ loba a ɩrɛ fʋ nʋ̃ɔ̀ ɩ,
a bɛ tɩ sɛw kɛ́ fʋ cɩlɛ a bɛ wahala ƴãw ɛ,
nɩ kɛ́ fʋ tʋʋr bɛ zʋmɛ a bɛ kpɩɛrʋ daar ɛ.
13A bɛ tɩ sɛw kɛ́ fʋ kpɛ
a ɩ̃ nɩ-bʋʋrɛ tẽ-kpɛ̃ɛ pʋɔ a ʋ loba daar ɛ.
A bɛ tɩ sɛw kɛ́ fʋ àr jɩ́rɛ a ʋ wʋ̀ʋr,
ɛ́ wobr a ʋ na-bome
a lɛn daar bɛ na tɩ zarɛ a ʋ bome a ɩ.
14A bɛ tɩ sɛw kɛ́ fʋ àr gù a sɔ-carɩ pʋɔ,
kɛ́ fʋ kʋ a bɛlɩ dem na zɔrɛ cɩ̃ɛnɛ a,
ɛ́ nyɔw a ŋmaarɛ bɛl na cɛ a ƴãw
a dɔ̃ sob nuru pʋɔ, a kpɩɛrʋ nɛ daar ɛ.
15Bʋ̃ʋ n'ʋ vɛ̃, a Sore bibir,
ʋ na na dɩ n a nɩ-bʋʋrɛ a ƴɛ̀rʋ a pɩɛl'a.
Lɛ n'a bɛ na ɩ b, mɛ̃ a lɛ fʋ na ɩ a fʋ taabɛ a.
A faa fʋ na maalɩ a na lɛb'a lo a fʋ zu.»
A Ɩsɩrayɛl na yáa nɩ a san a Edɔm zu
16«A nyɩɩm Ɩsɩrayɛl nɩbɛ,
nyɩ nyũ n a ɩ̃ suur koli-nyúura#1:16 Nyũ a suur koli-nyúura: A ƴɛ̀rʋ á ŋá taabɛ wule nɩ a Naaŋmɩn dɔwrʋ na na ta a. Nyɛ̃ Zer 25.15-29 nɩ Ezek 23.31-35. a ɩ̃ tã-sõw zu.
Lɛ n'a a nɩ-bʋʋr-yoru na nyuur ʋ kʋralɛ,
bɛ na nyũ ʋ na tɩ kuoli,
al pùorí, bɛ na ɩ na mɛ̃ bɛ bɛ tɩ dãw be a.
17Lɛ n'a a nɩbɛ na cɩ̃ɛ a na nyɛ̃ sɔwlʋ zie
a Sɩyɔ̃ tãw na na lɛb lɩɛbɩ tã-sõw a zu.
A Zakɔb bʋʋrɛ na lɛb'a de a bɛ tẽw,
a bɛlɩ dem na tɩ faa ʋ a zie.
18A Zakɔb nɩbɛ na lɩɛb'ɩ vũu,
ɛ́ a Zuzɛb nɩbɛ lɩɛbɩ vũu-zɛlɛ.
Ɛcɛ Ezawu nɩbɛ na lɩɛb'ɩ mʋ̃ɔ,
a vũu nɩ a vũu-zɛlɛ nyɔw dɩ.
Nɩr bɛ cɩɛr a Ezawu bʋʋrɛ pʋɔ ɩ.
A Sore n'ʋ yere.»
19A Negɛɛvʋ tẽw dem na so nɩ a Ezawu tãw, ɛ́ a Ba-Peyi tẽw dem so a Filisɩtɛ̃ mɩnɛ tẽw. Bɛ na so nɩ a Efarayim bʋʋrɛ tẽw nɩ a Samaari tẽw. Ɛ́ Bɛ̃zamɛ bʋʋrɛ na so nɩ a Galaadɩ tẽw.
20A saa-pɛrɩ́-gʋba-lowr Ɩsɩrayɛl nɩbɛ bɛ na diw cen nɩ tẽ-yũo a na lɩɛb'ɩ zɛbr-nɩbɛ na ta zɛbr-nɩbɛ a. Bɛ na so nɩ a Kanãa tẽw tɩ tɔ a Sarɛpta tẽw. A Zerizalɛm nɩbɛ bɛ na ír a bɛ tẽw pʋɔ bɛ kpɩɛr a Sefaradɩ a, na so nɩ a Negɛɛvʋ tẽw tẽ-bɛrɛ. 21Bɛ na zɛb'a tʋ̃ɔ́, ɛ́ do a Sɩyɔ̃ tãw zu, ɛ́ a be n'a bɛ na tɩ dɩrɛ naalʋ a Edɔm tẽw zu.
A Sore na ɩ n nãà!
Kasalukuyang Napili:
Abɩdɩasɩ 1: DBDC
Haylayt
Kopyahin
Paghambingin
Ibahagi
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
La Bible en Dagara © Alliance Biblique du Burkina Faso, 2013.