Oze 14
14
A ƖSƖRAYƐL LƐB'A WA A SORE ZIE
14
1A Samaari#14:1 Samaari: Nyɛ̃ 8.5 nɩ a manʋ. tẽw dem na ya n a san,
bɛ na gaarɩ zawrɩ a bɛ Naaŋmɩn bɛr a ƴãw.
Zɛbr-sɔ-kpɛ̃ɛ na kʋ bɛ na,
bɛ na nɛb'ɩ a bɛ bi-pɩɩlɛ kʋ, ɛ́ wɛr a bɛ pɔw-pée.
A Ɩsɩrayɛl lɛb'a wa a ʋ Sore zie
2Ɩsɩrayɛl i, lɛb wa a Sore fʋ Naaŋmɩn zie#14:2 Nyɛ̃ Zer 4.1..
Bʋ̃ʋ n'ʋ vɛ̃, a fʋ sãwna n'a ɩ fʋ ŋmɛ gbɛ́r lo.
3Nyɩ tɛr ƴɛ̀r-bie á ŋá taabɛ lɛb wa n a Sore zie:
«Fʋ mɩ́ de nɩ sãwna za bɛr a baarɩ,
sàw de a bom nɛ na vɩɛl a.
A tɩ nʋɔr ƴɛ̀rʋ n'a tɩ na de
maal'ɩ bàwr kʋ̀ b, nadeli bɛ n'a ɩ.
4A Asiiri kʋ̃ tʋ̃ɔ́ faa tɩ ɛ,
tɩ kʋ̃ do zɔm wur zɛbr ƴãw ɛ,
ɛ́ tɩ kʋ̃ lɛb yel a tɩ nuru bʋ̃-maala,
k'ʋʋ ɩ n tɩ Naaŋmɩn ɛ.
Bʋ̃ʋ n'ʋ vɛ̃, fʋ̃ʋ yõ n'ʋ mɩ́ zɔ a bi-kpieb nɩbaalʋ.»
5À ŋá n'a a Sore yere:
«A Ɩsɩrayɛl na zawrɩ mɛ̃ bɛr a,
ɩ̃ na sanɩ nɩ a ʋ sãwna ŋa,
ɩ̃ na nɔnɛ ʋ na bɛ dɩ vuo ɩ,
a ɩ̃ suur kʋ̃ cãà ìr a ʋ ƴãw ɛ.
6A Ɩsɩrayɛl zie a, ɩ̃ na ɩ na mɛ̃ ɓɩɛlʋ a,
ʋ na pu na mɛ̃ mɔ̃-puuru kãw bɛ na bʋɔlɛ lisɩ a,
ʋ na tɛ n nyɩgɛ mɛ̃ Libã tẽw tuw tɩɩr a.
7A ʋ wuli na vore na cere,
ʋ na vɩɛl'a nyɩwrɛ mɛ̃ olivʋ tɩɛ a,
ɛ́ nyùur mɛ̃ Libã tẽw parfɛ̃ a.
8A nɩbɛ na tɩ kpɩɛr a ʋ ɓaarʋ́ a na lɛb'a wa.
Bɛ na lɛb'a kʋ́ɔr ble,
bɛ na mɩ́ pu na mɛ̃ divɛ̃ tɩɩr púo a,
bɛ na tɛr'ɩ yúor mɛ̃ Libã tẽw divɛ̃ a.
9Efarayim i, bʋ̃ʋ n'ʋ mãa nɩ a tɩbɛ lãw?
Mãa n'ʋ mɩ́ sɔw a fʋ puoru, ɛ́ kaarɛ a fʋ zie.
A mãa a, ɩ̃ ɩ na mɛ̃ sɩpɩrɛ tɩɛ#14:9 Sɩpɩrɛ tɩɛ: A tɩɛ ŋa váar bɛ suore towtow ɛ! Ʋ wule nɩ a nyɔ-vʋʋrʋ na be kʋralɛ a. Alɛ n'a so a Naaŋmɩn na ɩ a nyɔ-vʋʋrʋ yib zie a, de ʋ tʋɔra manɛ nɩ a tɩɛ ŋa na saa ɩ Kanãa tẽw dem tɩ-maala a. a váar na bɛ suore a.
Mãa zie n'a a fʋ kukur bome yire.»
10Ãa n'ʋ ɩ yã-bãwnɛ sɩza na bãw a yele á ŋá pɛr?
Ãa n'ʋ tɛr yã a sɛw a bãwfʋ ƴãw?
Sɩza n'a, a Sore sɛ́ɛ ɩ n dẽdẽ,
nɩ-mɩn nɛbɛ cere a sɛ́ɛ á ŋá zu,
ɛcɛ a nɩ-gaarɩ mɩ́ ŋmɩɛr'ɩ gbɛ́ɛ a zu.
Kasalukuyang Napili:
Oze 14: DBDC
Haylayt
Kopyahin
Paghambingin
Ibahagi
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
La Bible en Dagara © Alliance Biblique du Burkina Faso, 2013.