KUPUTUKA 3
3
1Jino #Koli. 2, 11.3; Kuso. 12.9; 20.2.linoka alungulukile kuhambakana tunyama vamuvipapa vosena vaze atengele Yehova Kalunga. Ikiye amwihwile pwevo ngwenyi, Kumana, Kalunga nambe ngwenyi, Kanda mukalya kumitondo yoseneyi yili mumilembako?
2Pwevo ambile kuli linoka ngwenyi, Kumihako yamitondo yili mumilemba tunahase kulyako.
3Oloze kumihako yamutondo uze uli mukaci kamilemba Kalunga nambe ngwenyi, Kanda mukalyakoko, cipwe kukwatako, kucina namufwa.
4 #
Yowa. 8.44. Linoka ambile kuli pwevo ngwenyi, Kufwa kamwexi kufwako.
5Mwomwo Kalunga natacikiza ngwenyi, halikumbi lize namukalyako, meso enu hinawatona, kaha namupwa nge mutulunga, hakutacikiza kuwaha nakupihya.
6Uze pwevo hakumona ngwenyi, mutondo unawahe kulya, ngwenyi, kuutala nameso wamwaza, ngwenyi, ukiko mutondo mwevwila mutu cipepa mwomwo wakuhana mangana, aheleleko kumihako yawo, alile, ahanyine nawa kuli lunga lyenyi apwile nenyi, kaha lunga alile.
7Kaha meso avosena vavali atonene, valitacikijile ngwavo, Tuli uselesele. Kaha vatongele mafo amikuyu nakulitongela mapepo mangana vavwale.
8Jino vevwile lizu lyaYehova Kalunga ali nakutambuka mumilemba hakuunda calikumbi. Kaha uze lunga napwevo lyenyi vamuswamine Yehova Kalunga kumitondo yapwile mumilemba.
9Yehova Kalunga amusanyikile lunga, amwihwile ngwenyi, Uli kulihi?
10Etavile ngwenyi, Ngwevwanga lizu lyove mumilemba, kaha ngwevwanga woma mwomwo nguli uselesele, xikaho ngwaswamanga.
11Amwihwile ngwenyi, Nyi iyaze nakulweze ngwenyi, uli uselesele? Unali lyehi, tahi, kumutondo uze ngwakulwezele ngwami, Kanda ukalyakoko?
12Uze lunga amwambile ngwenyi, Ou pwevo wanguhanyine kupwa nenyi, ikiye nanguhane mihako yakumutondo, kaha ngunali.
13Yehova Kalunga amwihwile pwevo ngwenyi, Eyi unalingi ika? Pwevo amwambile ngwenyi, Linoka anguhungumwisanga, kaha ngunali.
14Yehova Kalunga ambile kuli linoka ngwenyi, Mwomwo unalingi cumeci, xikaho naupwanga uwakwangula kuhamoakana vimuna vosena natunyama vamuvipapa vosena. Nautambukilanga hajimo lyove, kaha naulyanga lukungu hamakumbi osena nauyoya.
15Nanguhaka kole nawa mukaci kenu napwevo, namukaci katanga yove natanga yenyi. Muka-tanga yenyi mwakacika mutwe wove, kahove naukatota kukakukunya kenyi.
16Ambile kuli pwevo nawa ngwenyi, Luyando lwove nakwimita cove nangukavivulisa cikuma. Naukasema vana naluyando, naujikanga mucima wove kuli lunga lyove, kaha ikiye mwapwa mwata wove.
17Ambile kuli Alama ngwenyi, Mwomwove unevwilila mulizu lya-pwevo lyove nakulya kumutondo kana ngwakulwezele ngwami, Kanda ukalyakoko, #Loma 8.20-22.xikaho mavu nawapwanga akwangula hali ove. Naulyangako naluyando hamakumbi osena nauyoya.
18Nahakusokelanga mingonga namituvapoko, kaha naulyanga vyuma vyakusoka hamavu vituta.
19Naulyanga kulya cove namavule akumeso ove, palanga nomu nauka-lumuka ceka kupwa mavu, mwomwo kukiko vene ngwakulowele, mwomwo unapu ulukungu, kaha nauka-lumuka ceka kupwa lukungu.
20Jino lunga alukile pwevo lyenyi lijina lyenyi ngwenyi, #3.20:Nge ngwenyi, Wakuyoya.Eve, mwomwo ikiye naye yavaka-kuyoya vosena, xikaho.
21Kaha Yehova Kalunga avalingilile Alama napwevo lyenyi kuvwala cavilambu, avavwikile.
22Yehova Kalunga alyambile ngwenyi, Kumana, mutu nalingi jino kupwa nge mutwapwEtu nakutacikiza kuwaha nakupihya. Kaha jino, kucina mwakolola livoko lyenyi nakutambula nawa kumutondo wakuyoya, nakulya nakuyoya haya myaka yosena —
23xikaho Yehova Kalunga amulowele mumilemba yaEtene, mangana alimenga hamavu aze vamufumixile.
24Ngoco amuhangilemo mutu, ahakile #3.24:Vangelo vavalemu.vaKeluve kumusamuko kumilemba yaEtene, namulangi wapoko yamukwale yakujingwomwoka kwosena nakulama jila yakumutondo wakuyoya.
Kena naAvele
Kasalukuyang Napili:
KUPUTUKA 3: LUE70
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
Luvale Bible © Bible Society of Zambia, 1970.