Xo̱jo̱n Salmoo̱ 149
149
Jún xota̱ Israee̱l ti̱ꞌantsjàjnúu̱ Néná
1¡Ndàjnúu̱ Néná ngo só xi tja̱tsi̱e̱!
¡ꞌNiú ngandaꞌyaá nga si̱ꞌantsjaa̱, ki̱a̱ ngi̱jii̱n xota̱ na̱xi̱ńdá tsjiee̱!
2¡Tsja ngatamaa̱ xota̱ Israee̱l, kjo̱a̱a̱ Kui xi katsꞌénda kui xotaa̱!
¡Tsja ngatꞌieé xota̱ na̱xi̱ńdáꞌniú Sioo̱n, kjo̱a̱a̱ Ree̱!
3¡Ti̱ꞌantsjàjnúu̱ Jaꞌeén kuí nga xchíkji̱nkꞌatsjajnú,
kó ndàjnúu̱ nga si̱ꞌankjaniéjnúu̱ panderoo̱ ko̱jo arpaa̱!
4Ngatꞌa̱ Néná achichí tjoó xota̱ na̱xi̱ńdaá,
kó kjo̱a̱ꞌnaxiéꞌaá tsꞌénkjién nga tsjaá kjo̱a̱tsjakjiꞌi xota̱ xi ni̱ma̱kjo̱a̱ síndoo̱.
5Tsja ngatamaa̱ xota̱ xi tsjiee̱, kjo̱a̱a̱ kjo̱a̱jee̱ Néná,
kó tsja ngatamaa̱ nga si̱é, ndeskande nga̱són ṉchan nínga kjiyojo.
6Ngatsꞌèntsjaà Néná nga sa̱ꞌínkjién tsꞌoa,
kó tsja xi kixi̱i̱ nga kjíbéní ki̱cha̱ndojó xi yojó ngajó ngaboaá,
7tsi̱ꞌe̱ nga sa̱ꞌíngojo nga skjánjo̱ xotaa̱ na̱xi̱ńdaá,
ko̱jo tsi̱ꞌe̱ nga sa̱ꞌinjeé xota̱ xi bejín Néná.
8Ko̱jo tsi̱ꞌe̱ nga ki̱cha̱ ku̱i̱ꞌítꞌa tsja já ree̱,
kó ńꞌniúki̱cha̱ ku̱i̱ꞌítaꞌniú xota̱xá xí botixómaá.
9¡Nga sa̱ꞌínkjatjosón kjo̱a̱botíjé xí sa̱ko̱ó kui xotaa̱,
kuí boá kui nii̱ xi xcha̱ndikónní ngayeje xota̱ tsjiee̱ Néná!
¡Nganiꞌántsjaà Néná!
Kasalukuyang Napili:
Xo̱jo̱n Salmoo̱ 149: MAIX
Haylayt
Ibahagi
Paghambingin
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014