JUAN 19
19
1Nang magkagayon nga'y tinangnan ni Pilato si Jesus, at siya'y hinampas.
2 #
Mat. 27:27-29; Mar. 15:16-18. At ang mga kawal ay nangagkamakama ng isang putong na tinik, at ipinutong sa kaniyang ulo, at siya'y sinuutan ng isang balabal na kulay-ube;
3At sila'y nagsilapit sa kaniya, at nangagsabi, Magalak, Hari ng mga Judio! at siya'y kanilang pinagsuntukanan.
4At si Pilato ay lumabas na muli, at sa kanila'y sinabi, Narito, siya'y inilabas ko sa inyo, upang inyong matalastas na #Juan 18:38. wala akong masumpungang anomang kasalanan sa kaniya.
5Lumabas nga si Jesus, na may putong na tinik at balabal na kulay-ube. Sa kanila'y sinabi ni Pilato, Narito, ang tao!
6Pagkakita nga sa kaniya ng mga pangulong saserdote at ng mga punong kawal, ay sila'y nangagsigawan, na sinasabi, Ipako siya sa krus, ipako siya sa krus! Sinabi sa kanila ni Pilato, Kunin ninyo siya, at ipako ninyo siya sa krus: sapagka't ako'y walang masumpungang kasalanan sa kaniya.
7Nagsisagot sa kaniya ang mga Judio, #Lev. 24:16. Kami'y mayroong isang kautusan, at ayon sa kautusang yaon ay nararapat siyang mamatay, sapagka't siya'y nagpapanggap na Anak ng Dios.
8Pagkarinig nga ni Pilato ng salitang ito, #Mat. 27:19. ay lalong sinidlan siya ng takot;
9At siya'y muling pumasok sa Pretorio, at sinabi kay Jesus, Taga saan ka? #Juan 18:37. Nguni't hindi siya sinagot ni Jesus.
10Sinabi nga sa kaniya ni Pilato, Sa akin ay hindi ka nagsasalita? Hindi mo baga nalalaman na ako'y may kapangyarihang sa iyo'y magpawala, at may kapangyarihang sa iyo'y magpako sa krus?
11Sumagot si Jesus sa kaniya, Anomang kapangyarihan ay hindi ka magkakaroon laban sa akin malibang ito'y ibinigay #Rom. 13:1. sa iyo mula sa itaas: kaya't #Juan 18:14. ang nagdala sa iyo sa akin ay may lalong malaking kasalanan.
12Dahil dito'y pinagsisikapan ni Pilato na siya'y pawalan: nguni't ang mga Judio ay nagsisigawan, na nangagsasabi, Kung pawalan mo ang taong ito, ay hindi ka kaibigan ni Cesar: #Juan 18:33, 36, 37. ang bawa't isang nagpapanggap na hari ay nagsasalita ng laban kay Cesar.
13Nang marinig nga ni Pilato ang mga salitang ito, #tal. 9. ay inilabas niya si Jesus, at siya'y naupo sa hukuman sa dakong tinatawag na Pavimento, datapuwa't sa Hebreo ay Gabbatha.
14 # tal. 31, 42; Mat. 27:62. Noon nga'y Paghahanda ng paskua: at noo'y #Mar. 15:25. magiikaanim ng oras. At sinabi niya sa mga Judio, Narito, ang inyong Hari!
15Sila nga'y nagsigawan, Alisin siya, alisin siya, ipako siya sa krus! Sinabi sa kanila ni Pilato, Ipapako ko baga sa krus ang inyong Hari? Nagsisagot ang mga pangulong saserdote, Wala kaming hari kundi si Cesar.
16Nang magkagayon nga'y ibinigay siya sa kanila upang maipako sa krus.
17 #
Mat. 27:31; Mar. 15:20; Luc. 23:26. Kinuha nga nila si Jesus: at siya'y lumabas, #Luc. 14:27. na pasan niya ang krus, hanggang sa dakong tinatawag na Dako ng bungo, na sa wikang Hebreo ay tinatawag na Golgota:
18Na doo'y ipinako nila siya sa krus, at kasama niya ang dalawa pa, isa sa bawa't tagiliran, at si Jesus sa gitna.
19At sumulat din naman #Mat. 27:37; Mar. 15:26; Luc. 23:38. si Pilato ng isang pamagat, at inilagay sa ulunan ng krus. At ang nasusulat ay, JESUS NA TAGA NAZARET, ANG HARI NG MGA JUDIO.
20Marami nga sa mga Judio ang nakabasa ng pamagat na ito, sapagka't ang dakong pinagpakuan kay Jesus ay malapit sa bayan; at ito'y nasusulat sa Hebreo, at sa Latin, at sa Griego.
21Sinabi nga kay Pilato ng mga pangulong saserdote ng mga Judio, Huwag mong isulat, Ang Hari ng mga Judio; kundi, ang kanyang sinabi, Hari ako ng mga Judio.
22Sumagot si Pilato, Ang naisulat ko ay naisulat ko.
23 #
Mat. 27:35; Mar. 15:24; Luc. 23:34. Ang mga kawal nga, nang si Jesus ay kanilang maipako na sa krus, ay kanilang kinuha ang kaniyang mga kasuutan at pinagapat na bahagi, sa bawa't kawal ay isang bahagi; at gayon din naman ang tunika: at ang tunika ay #Ex. 28:32. walang tahi, na hinabing buo mula sa itaas.
24Nangagsangusapan nga sila, Huwag natin itong punitin, kundi ating pagsapalaranan, kung mapapakanino: upang matupad ang kasulatan, na nagsasabi,
#
Awit 22:18. Binahagi nila sa kanila ang aking mga kasuutan,
At ang aking balabal ay kanilang pinagsapalaran.
25Ang mga bagay ngang ito ay ginawa ng mga kawal. Datapuwa't #Mat. 27:55, 56; Mar. 15:40; Luc. 23:49. nangakatayo sa piling ng krus ni Jesus ang kaniyang ina, at ang kapatid ng kaniyang ina, na si Maria na asawa ni Cleopas, at si Maria Magdalena.
26Pagkakita nga ni Jesus sa kanyang ina, at #Juan 13:23. sa nakatayong alagad na kaniyang iniibig, ay sinabi niya sa kaniyang ina, #Juan 2:4. Babae, narito, ang iyong anak!
27Nang magkagayo'y sinabi niya sa alagad, Narito, ang iyong ina! At buhat nang oras na yaon ay tinanggap siya ng alagad sa kaniyang sariling tahanan.
28Pagkatapos nito, pagkaalam ni Jesus na ang lahat ng mga bagay ay naganap na nga, #Awit 69:21. upang matupad ang kasulatan, ay sinabi, Nauuhaw ako.
29Mayroon doong isang sisidlang puno ng suka: kaya't #Mat. 27:48; Mar. 15:36; Luc. 23:36. naglagay sila ng isang esponghang basa ng suka sa isang tukod na isopo, at kanilang inilagay sa kaniyang bibig.
30Nang matanggap nga ni Jesus ang suka, ay sinabi niya, #Juan 17:4. Naganap na: at iniyukayok ang kaniyang ulo, at nalagot ang kaniyang hininga.
31Ang mga Judio nga, #tal. 14, 42; Mar. 15:42. sapagka't noo'y Paghahanda, #Deut. 21:23. upang ang mga katawan ay huwag mangatira sa krus sa sabbath (sapagka't #Ex. 12:16. dakila ang araw ng sabbath na yaon), ay hiniling nila kay Pilato na mangaumog ang kanilang mga hita, at upang sila'y mangaalis doon.
32Nagsiparoon na ang mga kawal, at inumog ang mga hita ng una, at ng sa isa na ipinako sa krus na kasama niya:
33Nguni't nang magsiparoon sila kay Jesus, at makitang siya'y patay na, ay hindi na nila inumog ang kaniyang mga hita:
34Gayon ma'y pinalagpasan ang kaniyang tagiliran ng isang sibat ng isa sa mga kawal, at pagdaka'y lumabas ang #1 Juan 5:6. dugo at tubig.
35At ang nakakita ay nagpatotoo, at ang kaniyang patotoo ay totoo: at #Juan 21:24. nalalaman niyang siya'y nagsasabi ng totoo, upang kayo naman ay magsisampalataya.
36Sapagka't ang mga bagay na ito ay nangyari, upang matupad ang kasulatan, Ni isa mang #Ex. 12:46; Blg. 9:12; 1 Cor. 5:7. buto niya'y hindi mababali.
37At sinabi naman sa ibang kasulatan, #Zac. 12:10; Apoc. 1:7. Magsisitingin sila sa kaniya na kanilang pinagulusanan.
38At pagkatapos ng mga bagay na ito #Mat. 27:57-61; Mar. 15:42-47; Luc. 23:50-56. si Jose na taga Arimatea, palibhasa'y alagad ni Jesus, bagama't lihim dahil sa katakutan sa mga Judio, ay namanhik kay Pilato na makuha niya ang bangkay ni Jesus; at ipinahintulot ni Pilato sa kaniya. Naparoon nga siya, at inalis ang kaniyang bangkay.
39At naparoon naman si Nicodemo, #Juan 3:1. yaong naparoon nang una sa kaniya nang gabi, na may dalang isang pinaghalong #Awit 45:8; Mat. 2:11; Mar. 15:23. mirra at mga aloe, na may mga isang daang #Juan 12:3. libra.
40Kinuha nga nila ang bangkay ni Jesus, at binalot nila ng mga kayong lino na may mga pabango, ayon sa kaugalian ng mga Judio sa paglilibing.
41Sa dako nga ng pinagpakuan sa kaniya ay may isang halamanan; at sa halamana'y may isang bagong libingan na kailan ma'y hindi pa napaglalagyan ng sinoman.
42 # tal. 13, 31. Doon nga, dahil sa Paghahanda ng mga Judio (sapagka't malapit ang libingan) ay kanilang inilagay si Jesus.
Kasalukuyang Napili:
JUAN 19: ABTAG
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
Ang Biblia © Philippine Bible Society, 1982