EZEKIEL 34
34
Ang hindi tapat na mga pastor ng Israel.
1At ang salita ng Panginoon ay dumating sa akin, na nagsasabi,
2Anak ng tao, #Jer. 23:1. manghula ka laban sa mga pastor ng Israel, manghula ka, at iyong sabihin sa kanila, sa mga pastor, Ganito ang sabi ng Panginoong Dios: Sa aba ng mga pastor ng Israel na pinakakain ang kanilang sarili! hindi baga dapat pakanin ng mga pastor ang mga tupa?
3Kayo'y nagsisikain ng gatas, at kayo'y nangananamit sa inyo ng lana, inyong pinapatay ang mga pinataba; nguni't hindi ninyo pinakakain ang mga tupa.
4Hindi ninyo pinalakas ang payat, o inyo mang pinagaling ang may sakit, o inyo mang tinalian ang may bali, o inyo mang ibinalik ang iniligaw, o inyo mang hinanap ang nawala; kundi #1 Ped. 5:3. inyong pinagpunuang may karahasan at may kahigpitan.
5At sila'y nangalat #tal. 8. dahil sa walang pastor, at sila'y naging pagkain sa lahat ng hayop sa parang, at sila'y nangalat.
6Ang aking mga tupa ay nagsisilaboy sa lahat ng bundok, at sa lahat na mataas na burol: oo, ang aking mga tupa ay nangalat sa buong ibabaw ng lupa; at walang magsiyasat o humanap sa kanila.
7Kaya't kayong mga pastor, pakinggan ninyo ang salita ng Panginoon:
8Buháy ako, sabi ng Panginoong Dios, walang pagsala na dahil sa ang aking mga tupa ay naging samsam, at ang aking mga tupa ay naging pagkain sa lahat na hayop sa parang, sapagka't walang pastor, o hinanap man ng aking mga pastor ang aking mga tupa, #tal. 2, 10. kundi ang mga pastor ay nagsikain, at hindi pinakain ang aking mga tupa;
9Kaya't, Oh kayong mga pastor, pakinggan ninyo ang salita ng Panginoon:
10Ganito ang sabi ng Panginoong Dios, Narito, ako'y laban sa mga pastor; at #Ezek. 3:18; Heb. 13:17. aking aalisin ang aking mga tupa sa kanilang kamay, at akin silang patitigilin ng pagpapakain ng mga tupa; at hindi na naman pakakanin #tal. 2, 8. ng mga pastor ang kanilang sarili; at aking ililigtas ang aking mga tupa sa kanilang bibig, upang huwag maging pagkain sa kanila.
11Sapagka't ganito ang sabi ng Panginoong Dios: Narito, ako, sa makatuwid baga'y ako, sisiyasat ng aking mga tupa, at aking hahanapin sila.
12Kung paanong hinanap ng pastor ang kaniyang kawan sa kaarawan na siya'y nasa gitna ng kaniyang mga tupa na nangangalat, gayon ko hahanapin ang aking mga tupa; at ililigtas ko sila sa lahat ng dako na kanilang pinangalatan sa maulap at madilim na #Ezek. 30:3; Joel 2:2. araw.
13At aking ilalabas sila sa mga bayan, at pipisanin ko sila mula sa mga lupain, at dadalhin ko sila sa kanilang sariling lupain; at pasasabsabin ko sila sa mga bundok ng Israel, sa tabi ng mga daan ng tubig, at sa lahat na tinatahanang dako sa lupain.
14Aking pakakanin #Awit 23:2. sila sa mabuting pastulan; at sa mga mataas na bundok ng kataasan ng Israel ay malalagay ang kanilang kulungan: #Jer. 33:12. doon mangahihiga sila sa mabuting kulungan; at sa matabang pastulan ay manginginain sila sa mga bundok ng Israel.
15Ako ay magiging kanilang pastor ng aking mga tupa at aking pahihigain sila, sabi ng Panginoong Dios.
16Aking hahanapin ang nawala, #Mik. 4:6; Mat. 18:11. at ibabalik ang iniligaw, at tatalian ang nabalian, at palalakasin ang may sakit: nguni't aking lilipulin ang mataba at malakas; #Is. 10:16; Amos 4:11. aking pakakanin sila #Jer. 10:24. sa katuwiran.
17At tungkol sa inyo, Oh aking kawan, ganito ang sabi ng Panginoong Dios: Narito, ako'y humahatol sa gitna ng #Mat. 25:32. hayop at hayop, sa gitna ng mga lalaking tupa at mga kambing na lalake.
18Inaakala baga ninyong munting bagay sa inyo na kumain sa mabuting pastulan, nguni't inyong marapat yapakan ng inyong mga paa ang nalabi sa inyong pastulan? at uminom sa malinaw na #Ezek. 32:14. tubig, nguni't #Ezek. 32:2. inyong marapat lampisawin ng inyong mga paa ang nalabi?
19At tungkol sa aking mga tupa, kanilang kinakain ang inyong niyapakan ng inyong mga paa, at kanilang iniinom ang nilampisaw ng inyong mga paa.
20Kaya't ganito ang sabi ng Panginoong Dios sa kanila: Narito, ako, sa makatuwid baga'y ako, ay hahatol sa matabang tupa at sa payat na tupa.
21Sapagka't inyong itinulak ng tagiliran at ng balikat, at inyong sinuwag ng inyong mga sungay ang lahat na may sakit, hanggang sa inyong napangalat sila;
22Kaya't aking ililigtas ang aking kawan, at hindi na sila magiging samsam; at ako'y hahatol sa tupa at tupa.
23At ako'y maglalagay ng #Jer. 23:4, 5; Ezek. 37:24, 25; Juan 10:11. isang pastor sa kanila, at kaniyang papastulin sila sa makatuwid baga'y #Jer. 30:9. ang aking lingkod na si David; kaniyang papastulin sila, at siya'y magiging kanilang pastor,
24At #Ex. 29:45; Ezek. 37:27. akong Panginoon ay magiging kanilang Dios, at ang aking lingkod na si David ay #Ezek. 37:22; 44:3. prinsipe sa kanila; akong Panginoon ang nagsalita.
Ang tipan ng kapayapaan.
25At #Ezek. 37:26. ako'y makikipagtipan sa kanila ng tipan ng kapayapaan, at #Lev. 26:6; Is. 11:6-9; 35:9; Os. 2:18. aking papawiin ang mga masamang hayop sa lupain; at #Ezek. 38:8. sila'y magsisitahang tiwasay sa ilang, at mangatutulog sa mga gubat.
26At aking gagawing #Gen. 12:2; Is. 19:24; Zac. 8:13. mapapalad sila at ang mga dakong nangasa palibot ng aking burol; at aking palalagpakin ang ulan sa kapanahunan; magkakaroon ng #Mal. 3:10. ulan ng pagpapala.
27At ang punong kahoy sa parang ay magbubunga, at ang lupa'y magsisibol ng halaman niya, at sila'y matitiwasay sa kanilang lupain; at kanilang malalaman na ako ang Panginoon, pagka aking binali ang tali ng kanilang pamatok, at aking nailigtas sila sa kamay ng mga pinaglilingkuran nila.
28At sila'y hindi na magiging pinakahuli sa mga bansa, o lalamunin man sila ng hayop sa lupa; kundi sila'y magsisitahang tiwasay, at walang tatakot sa kanila.
29At aking pagkakalooban sila ng mga #Is. 60:21; 61:3. pananim na ikababantog, at sila'y hindi na mangalilipol pa ng kagutom sa lupain, o magtataglay pa man ng #Ezek. 36:6. kahihiyan sa mga bansa.
30At kanilang malalaman na akong Panginoon nilang Dios ay sumasa kanila, at sila na sangbahayan ni Israel ay aking bayan, sabi ng Panginoong Dios.
31At kayong mga tupa ko, na mga tupa sa aking pastulan ay mga tao, at ako'y inyong Dios, sabi ng Panginoong Dios.
Kasalukuyang Napili:
EZEKIEL 34: ABTAG
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
Ang Biblia © Philippine Bible Society, 1982