Psalmyn 3
3
PSAL. 3.
Domine, quid multiplicati?
1Hiarn, kys t’adsyn er nyn mishaghey ta dy my voirey:
shimmey ad ta girree m’oï.
2Shimmey t’ayn ta gra jeh m’annym:
Cha vel veg y chooney ny chour ayns e Yee.
3Agh uss, O Hiarn, m’endeilagh:
uss my ooashley, as y fer ta cummal seose my chione.
4Deïe mee er y Chiarn lesh my choraa:
as cheayll eh mee ass e chronk casherick.
5Lhie mee sheese as chaddil mee, as dirree mee seose reesht:
son ren y Chiarn m'y niartaghey.
6Cha goyms aggle roish jeih millaghyn jeh’n sleih:
ta er n’irree-magh m’oï er dy-chooilley cheu.
7Seose, Hiarn, as cooin lhiam, O my Yee:
son t’ow bwoalley ooilley my noidyn er craue-ny-keeill; t’ow er vrishey feeacklyn ny mee-chrauee.
8Ta Saualtys bentyn gys y Chiarn:
as ta dty vannaght er dty phobble.
Kasalukuyang Napili:
Psalmyn 3: PS1765
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
maintained by the British and Foreign Bible Society