ರೋಮ್ ಮುನ್ನುಡಿ
ಮುನ್ನುಡಿ
ಅಪೊಸ್ತಲನಾನ ಪೌಲ ರೋಮ್ ಪಟ್ಟಣಕ್ ಪೋಪಕುಳ್ಳ ಗೇನತ್‍ಲ್, ಅಲ್ಲಿ ಉಳ್ಳ ದೇವಡ ಮಕ್ಕಳ ತಯಾರ್ ಮಾಡ್‌ವಕಾಯಿತ್ ಈ ಕಾಗದತ್‍ನ ಒಳ್‍ದ್‍ವ. ಅಲ್ಲಿ ಉಳ್ಳ ಯೇಸುನ ನಂಬ್‍ನಯಿಂಗಕ್ ಸೇವೆ ಮಾಡ್‍ನ ಪಿಂಞ, ಸ್ಪೇನ್ ದೇಶಕ್ ಪೋಪಕ್ ಬೋಂಡಿಯಾನ ಸಹಾಯತ್‍ನ ಪಡೆಯುವಕ್ ಬೋಡುವ. ಈ ಕಾಗದತ್‍ಲ್ ಪೌಲ ಅರ್ಥಮಾಡ್‍ನ ಕ್ರಿಸ್ತ ನಂಬಿಕೆ, ಅದ್ಂಡ ಜವಾಬ್ದಾರಿ, ಅದ್ಂಡ ಬಟ್ಟೆ, ನಡತೆ ಪಿಂಞ ಬದ್‍ಕ್‍ರ ವಿಷಯತ್‍ನ ಎಣ್ಣಿಯಂಡುಂಡ್. ಪೌಲಂಡ ಪೂರ್ತಿ ಬೋದನೆನ ನಂಗ ಇಲ್ಲಿ ಓದ್‍ವಕ್ ಕಯ್ಯು.
ದೇವಡ ನಲ್ಲ ಸುದ್ದಿ, ಜನಳ ಎನ್ನನೆ ದೇವಡ ಕೂಡೆ ಸಮಾದಾನ ಆಪಕ್ ಬಟ್ಟೆ ಕಾಟಿಯಂಡುಂಡ್‍ೕಂದು, ನಂಬಿಕೇರ ಮೂಲಕ ಮಾತ್ರ ಅದ್ ಆಪಾಂದು ನಂಗ ಇಲ್ಲಿ ನೋಟ್‍ವಕ್ ಕಯ್ಯು. ಯೆಹೂದ್ಯಂಗಳು ಪಿಂಞ ಯೆಹೂದ್ಯ ಅಲ್ಲತಯಿಂಗಳು ದೇವಡ ಕೂಡೆ ಸಮಾದಾನ ಆಂಡು. ಎಲ್ಲಾರು ಪಾಪತ್‍ರ ಅಡಿಲ್ ಉಂಡ್, ಯೇಸು ಕ್ರಿಸ್ತನ ನಂಬ್‌ವಕ ನಂಗ ಆ ಪಾಪತ್‍ರ ಶಿಕ್ಷೆಯಿಂಜ ಬಚಾವ್ ಆಪಾಂದ್ ಎಣ್ಣಿಯಂಡುಂಡ್. ದೇವಡ ಕೂಡೆ ನಂಗಕ್ ಕ್‍ಟ್ಟುವ ಪುದಿಯ ಬದ್‍ಕ್ ಯೇಸು ಕ್ರಿಸ್ತಂಡ ಮೂಲಕವೇ ಕಯ್ಯೂಂದು ಪಿಂಞ ಪವಿತ್ರಾತ್ಮ ನಂಗಳ ದೇವಡ ಕೂಡೆ ಎಕ್ಕಾಲು ಕುಶಿಯಾಯಿತ್‌ಪ್ಪಕ್ ಸಹಾಯ ಮಾಡ್‌ವಾಂದು ನೋಟ್‌ವಕಾಪ. ನ್ಯಾಯಪ್ರಮಾಣತ್‍ರ ಉದ್ದೇಶ, ಅದ್ಂಡ ಶಕ್ತಿ, ಪಿಂಞ ಅದ್ಂಡ ಮೂಲಕ ಕ್‍ಟ್ಟುವ ನೀತಿ, ನಂಬಿಕೇರ ಮೂಲಕ ಕ್‍ಟ್ಟುವ ನೀತಿಕಿಂಜ ಬಲ್ಯದಲ್ಲಾಂದ್ ನಂಗಕ್ ಅರ್ಥ ಆಪ. ಯೆಹೂದ್ಯಂಗ ಯೇಸುನ ತಿರಸ್ಕಾರ ಮಾಡ್‍ನದ್ ಬೋರೆಯಿಂಗಕ್ ಎನ್ನನೆ ಆಶೀರ್ವಾದ ಆಚೀಂದು, ದೇವಡ ಕೃಪೆ ದಂಡ್ ಜನಾಂಗಕು ಎನ್ನನೆ ಕ್‍ಟ್ಟ್‌ವಾಂದು ನಂಗ ಓದ್‍ವಕ್ ಕಯ್ಯು. ಕ್ರಿಸ್ತಂಗ ಎನ್ನನೆ ಬದ್‍ಕಂಡೂಂದು, ಎನ್ನನೆ ಸೇವೆ ಮಾಡಂಡೂಂದು ನಂಗಕ್ ಇಲ್ಲಿ ಗೊತ್ತಾಪ. ಆರಾದನೆ, ಪ್ರಾರ್ಥನೆ ಪಿಂಞ ಸಹಾಯ ಮಾಡ್‍ವದ್ ಎಚ್ಚಕ್ ಬೋಂಡಿಯಾನದ್‍ೕಂದ್ ನಂಗ ಅರ್ಥ ಮಾಡ್‌ವಕ್ ಕಯ್ಯು.
ವಂದನೆ ಪಿಂಞ ಉದ್ದೇಶ 1.1–1.17
ರಕ್ಷಣೆರ ಅವಸ್ಯ 1.18–3.20
ರಕ್ಷಣೆರ ಬಟ್ಟೆ 3.21–4.25
ಕ್ರಿಸ್ತಂಡಲ್ಲಿ ಪುದಿಯ ಬದ್‍ಕ್ 5.1–8.39
ದೇವಡ ಚಿತ್ತತ್‍ಲ್ ಇಸ್ರಾಯೇಲ್ ಜನ 9.1–11.36
ಕ್ರಿಸ್ತಂಗಡ ನಡತೆ 12.1–15.13
ಆಕೀರ್ ವಂದನೆ 15.14–16.27
Kasalukuyang Napili:
ರೋಮ್ ಮುನ್ನುಡಿ: ಕೊಡವ
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
© 2017, New Life Literature (NLL)