ಮಾರ್ಕ ಮುನ್ನುಡಿ
ಮುನ್ನುಡಿ
ದೇವಡ ಮೋಂವೊನಾನ ಯೇಸು ಕ್ರಿಸ್ತಂಡ ನಲ್ಲ ಸುದ್ದೀಂದ್ ಈ ಮಾರ್ಕಂಡ ಪುಸ್ತಕ ಸುರ್ ಆಪ. ಈ ಪುಸ್ತಕತ್‍ಲ್ ಯೇಸು ಕ್ರಿಸ್ತನ ಒರ್ ಸೇವೆ ಮಾಡ್‌ವ ಮನುಷ್ಯನಾಯಿತು, ಅದಿಕಾರ ಉಳ್ಳ ಮನುಷ್ಯನಾಯಿತು ವಿವರಿಚಿಟ್ಟಿತುಂಡ್. ಅಂವೊಂಡ ಅದಿಕಾರತ್‍ನ ಅಂವೊ ಮಾಡ್‍ನ ಬೋದನೆಲ್, ಕೂಳಿಯಳ ಬುಡ್‌ತುವ ಶಕ್ತಿಲ್ ಪಿಂಞ ಪಾಪಿಯಳ ಮನ್ನಿಚಿಡ್‍ವ್‍ದ್‌ಲ್ ನಂಗ ಕಾಂಬಕಯ್ಯು. ಯೇಸು, ಪಾಪಾ ಮಾಡ್‍ನ ಮನುಷ್ಯಂಗಕಾಯಿತ್ ತಾಂಡ ಜೀವತ್‍ನ ಕೊಡ್‌ತಿತ್ ಅಯಿಂಗಳ ಪಾಪತ್ಂಜ ಬುಡ್‌ತ್‌ವಕ್ ಬಂದ ಮನುಷ್ಯಕುಮಾರನಾಯಿತ್ ಅಂವೊನ ಕಾಂಬ್‍ಚಿಡ್‍ವ.
ಮಾರ್ಕಂಡ ಪುಸ್ತಕತ್‍ಲ್ ಯೇಸುರ ಬದ್‍ಕ್‍ರ ವಿಷಯತ್‍ನ, ಅಂವೊಂಡ ತಕ್ಕ್ ಪಿಂಞ ಬೋದನೆಗಿಂಜ, ಯೇಸು ಎಂತ ಮಾಡ್‍ಚೋ ಅದ್ಂಗ್ ಪ್ರಾಮುಕ್ಯ ಕೊಡ್‌ತಿತ್, ದುಂಬ ಅಕ್ಕರೆ ಎಡ್‍ತಿತ್ ನೇರಾನ ಸಂಗತಿನ ಒಳ್‍ದಿತುಂಡ್. ದೀಕ್ಷಾಸ್ನಾನ ತಪ್ಪ ಯೋಹಾನಂಡ ವಿಷಯತ್‍ನ, ಯೇಸುರ ದೀಕ್ಷಾಸ್ನಾನ ಪಿಂಞ ಪರೀಕ್ಷೆರ ವಿಷಯತ್‍ನ ಚೆನ್ನ ಮಾತ್ರ ಎಣ್ಣಿತ್, ಯೇಸು ಕಾಯಿಲಂಗಳ ವಾಸಿ ಮಾಡ್‍ನ ಸೇವ ಪಿಂಞ ಉಪದೇಶತ್‍ರ ಸೇವೇರೆ ವಿಷಯತ್‍ನ ದುಂಬ ಎಣ್ಣುವ. ಕಡೇಕ್, ಚೆನ್ನ ಅದ್ಯಯಾಯತ್‌ಲ್ ಯೇಸು ಬೂಲೋಕತ್‍ಲ್ ಬದ್‍ಕ್‍ನ ಆಕೀರ್ ವಾರತ್‍ರ ವಿಷಯ, ಮುಕ್ಯವಾಯಿತ್ ಅಂವೊನ ಶಿಲುಬೇಕ್ ಇಟ್ಟದ್ ಪಿಂಞ ಚಾವ್‍ಯಿಂಜ ಜೀವವಾಯಿತ್ ಎದ್ದ ವಿಷಯತ್‍ನ ಒಳ್‍ದಿತುಂಡ್.
ನಲ್ಲ ಸುದ್ದಿರ ತೊಡಕ 1.1–13
ಗಲಿಲಾಯತ್‍ಲ್ ಯೇಸುರ ಸೇವೆ 1.14–9.50
ಗಲಿಲಾಯತ್ಂಜ ಯೆರೂಸಲೇಮ್‍ಕತ್ತನೆ ಪ್ರಯಾಣ 10.1–52
ಯೆರೂಸಲೇಮ್‍ರ ಸುತ್ತ್‌ಮುತ್ತ್‌ಲ್ ಯೇಸುರ ಕಡೆ ವಾರ 11.1–15.4
ಯೇಸು ಚಾವ್‍ಯಿಂಜ ಜೀವವಾಯಿತ್ ಎದ್ದದ್ 16.1–8
ಯೇಸು ಕ್ರಿಸ್ತ ಅಂವೊನ ಕಾಂಬ್‍ಚಿಟ್ಟದ್ 16.9–20
Kasalukuyang Napili:
ಮಾರ್ಕ ಮುನ್ನುಡಿ: ಕೊಡವ
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
© 2017, New Life Literature (NLL)