Salmos 54
54
Tjanchia ti nkexro kixin tsjinki̱tsa Díos
Salmo kuènté David
1Jaha Itꞌéni Díos, nchekaáxiani ti ihni̱á,
la ko ti kjuachaxin kuèntá tjínki̱tsaxiáni.
2Díos kuènténi, tihín ti chrónòahani,
tihín ti nkehe tjanchiani.
3Ti chojni jehya judío kꞌuínkatjen sin
nínkakohen sin ti jeheni.
Ti chojni xra̱hya tónínkaon la tjinkaon sin tsꞌóñá sin ti jeheni
kixin titekakonhña sin kixin itjen Díos.
4Kjánchó Díos mé tjinki̱tsa ti jeheni,
Itꞌéni Díos mé tꞌayakohen ti jeheni.
5Ti nkehe jínahña kjuíchꞌe sin
mé tsokjan tsjasótexín sin.
Jaha, Itꞌéni Díos, nchekꞌitjáña sin
kixin jína jaha.
6A̱ndá jeheni kaín a̱séni tsjajoni nkehe tsꞌayéhé.
Tsotsjeni tsjikosáyeheni ti ihni̱á, Itꞌéni Díos,
kixin jína jaha.
7Kixin jaha mé kjuatsén kaín ti kjuatꞌává chóntani.
La ikoni kꞌuíkonxíni nkexrín kꞌuitjáña ti chojni nínkaon.
Kasalukuyang Napili:
Salmos 54: poeNTplus
Haylayt
Ibahagi
Paghambingin
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
© 2016, Wycliffe Bible Translators, Inc. All rights reserved.