Mangangaral 11

Ang Gawain ng Taong Marunong

1Ipuhunan mo ang pera mo sa negosyo

at sa kalaunan ay kikita ka.#11:1 Ipuhunan … ka: O Bukás-palad kang magbigay at hindi magtatagal ikaw din ay magkakaroon.

2Ilagay mo ang pera mo sa ibaʼt ibang#11:2 ibaʼt ibang: Sa literal, pito o walo. negosyo,#11:2 Ilagay … negosyo: O Magbigay ka sa maraming tao.

dahil hindi mo alam kung anong kalamidad

ang darating dito sa mundo.

3Kapag makapal na ang ulap,

magbubuhos ito ng ulan sa mundo.

At kung saan natumba ang puno,

doon iyon mananatili.#11:3 Maaaring ang tinutukoy dito ay ang mga nangyayari sa mundo, katulad ng mga kalamidad na hindi mapipigilan ng tao.

4Kung palagi ka lang maghihintay

ng magandang panahon,

hindi ka makakapagtanim

at wala kang aanihin.

5Kung paanong hindi mo nalalaman

ang direksyon ng hangin

o kung paano lumalaki ang sanggol

sa sinapupunan ng kanyang ina,

hindi mo rin maiintindihan

ang gawa ng Diyos,

ang Manlilikha ng lahat ng bagay.

6Maghasik ka ng binhi

sa umaga hanggang gabi,

dahil hindi mo alam

kung alin sa itinanim mo ang tutubo,

o kung lahat ito ay tutubo.

Alalahanin Mo ang Iyong Manlilikha

7Ang liwanag ay napakatamis,

at nakalulugod sa mata

na makita ang araw.

8Kaya sa buong buhay mo

ay maging masaya ka,

gaano man ito kahaba.

Ngunit, alalahanin mong

darating ang kamatayan

at magtatagal iyon.

Lahat ng mangyayari

ay walang kabuluhan.

9Kayong mga kabataan, magsaya kayo

habang kayoʼy bata pa.

Gawin ninyo ang gusto ninyong gawin,

pero alalahanin ninyong hahatulan kayo ng Diyos

ayon sa inyong mga ginawa.

10Huwag kayong mag-alala o mabalisa man

dahil ang panahon ng kabataan

ay lumilipas lang.

Kasalukuyang Napili:

Mangangaral 11: ASD

Haylayt

Ibahagi

Kopyahin

Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in

Biblica® Open Ang Salita ng Diyos™

‌‌

Biblica® Open Tagalog Contemporary Bible™

‌‌

Ang “Biblica” ay ang tatak-pangkalakal na nakarehistro sa Biblica, Inc. sa United States Patent at Trademark Office.

Ginamit nang may pahintulot.

‌‌

“Biblica” is a trademark registered in the United States Patent and Trademark Office by Biblica, Inc.

Used with permission.

Matuto nang Higit Pa Tungkol sa Ang Salita ng Diyos