Mga Popular na Bersikulo sa Biblia mula sa ረውምየት እቂዝ 12

Ibahagi

ቀሰው፣ ዲስም ሸው፣ ፍፅምም ኣቐው፣ እደረት ፍቃድድ ወረጘ ኣቐጘ ፊትንድርን ኣርቕትርነ ማጥን ክታኣይምረዊዝ ታድስሽተነውዝ ላውጥሽጥንጚ እን ኣልሚዙ ኻሰቭድ ቲክንትርነ።

ይፅንወ! ነስየ ክታሰውነትድ ቅዱስ፣ እደረትም ዲስ ሸው፣ ፅበው ምስዋይትም ፃቭርን ኣልስርናንስ ማጥን እደረት እርኽርኸነይዝ ጨወኵን፤ እንም እማንተው ኣቐው ጒደነዝ እደረት ኣግልግለነው የጝ።

ቲስፈዝ ዲስ ይጥን፤ ሚከረዝ ታግሽትጥን፤ ፀለውትዝ ፀናጥን።

ጭቓ ዊገድየንት ቀሰው ዊገ ፃቨነውዝ ኻቕጚ ጭቓ ዊገድ ክት ኻቒነ።

ክታስ ክታይ ዚንዙ ፍቅርዝ ቀነቀንጭጥን፤ ክታእጝቅቅ ላየድየንት ክታቕምቲስ ዲቍሰነውዝ ክታስ ክታይ ኪብረኪብርሽትጥን።

ተክዘነ እጀው እማንተው ፍቅር ፃይርነቅ ኣጥን፤ ጭቓ ዊገድየንት ሽክትጥን፤ ቀሰው ኣቐው ዊገድየንት ኪው ሽርን ፃይጥን።

ቸልድርናንስ እጝቅ እጅር ጅቅቅ ዲግተዝ ፅብጥን።

ይወደጃንወ! ቍጠድ እደረስ በጥንጚ ክታቕም ቢቅልድትርነ፤ ምላሰንድም፦ «በቀል ይው የጝ፤ በቀሊዝ ፊንተድ ይቕም ዊስጭር» ይሽት ፃፍሽኩ።

ኣደረት ኣግልግልድርናንስ ማጥን መንፈስዝ ቃጥልሽርነቅ ኣጥንጚ እኒን ቲግየይስ እግርገ ይትርነ።

እደረ ክታጭስ ነየው እምንቲዝቝጠ ክታቕምት ኣግቫቭዝ ኻስቭጥንጚ ነን ኣቕርነዊስ ኒየ ክታቕምት ንየስ ሽርን ኻስቫይርነጘ እደረ ይጭስ ነየው ፃገይዝ ክታይታእጝቅትቅ ማኽረኵን።

ኣውማው እጅርዝቅ ጭቓ ዊገይዝቍዝ ጭቓ ዊስትርነ፤ እጝቅ እጅርዝ በዊልቅ ቀሰው ኣቐው ዊገድ ፃቨነውዝ ቲጊጥን።

ክታስ ክታይ ላው ኻሰቭዝ ቲስመምርን ፅብጥን፤ ነቅሸቍ እቂጅቅ ላው ኣቕርን ፅብጥንጚ ኲርትርነ፤ ክታቕምትውዝ ማክኽሽትርነ።

ኽሽስ፦ «ክፃለትድ ግድርድሽ ዀሽ፤ ዝቛንድሽ ዚሽ። ክት እኒንት ፃቨነውዝም ጝኣውሪል ልይ ኻኽመ ኪምርትር»

ክታት ሲደሰቍድዛት ጊቭርጥን፤ ጊቭርጥንጚ እፅትርነ። ዲስ የቊጅቅ ዲስ ይጥን፤ ሊዘቊጅቅ ሊዝጥን።

ቺግርሸቍ ቅዱሳኒዝ ክታፃይርነዊስ ኣድልጥን፤ ኣብንም ለምጥን።

ይናላው ኣካሊል ንቕፀቍ ኣካልዝቍ ክፍላን ፃይነቅ ኣነጘ እንዛይ ኣካልዝቍ ክፍላንድም ጝታተግባርድ ጝሉ ጝሉ ኣቐጘ፣ ይንም ንቕፀቍ ኣቕን ፅብና ክርስቶስት ኣመካይነትዝ ላው ኣካል የጝ፤ ይናይታእጝቅቅም ላየ እጅሪዙ ኣካሊዝ ክፍላን የጝ።