Mga Popular na Bersikulo sa Biblia mula sa Exodus 23

Ibahagi

Sambahin ninyo ako, ang PANGINOON na inyong Diyos, at bibiyayaan ko kayo ng masaganang pagkain at tubig. Pagagalingin ko ang inyong mga karamdaman, at walang babaeng makukunan o magiging baog sa inyong lupain, at bibigyan ko kayo ng mahaba at makabuluhang buhay.

“Ngayon, isinugo ko ang anghel upang bantayan at gabayan kayo papunta sa lugar na inihanda ko para sa inyo.

Kung makikinig kayo nang mabuti sa sinasabi niya at gagawin ang lahat ng sinasabi ko, magiging kaaway ko ang inyong mga kaaway, at kakalabanin ko ang kakalaban sa inyo.

“Huwag kayong makipagtulungan sa masasamang tao sa pamamagitan ng pagiging bulaang saksi. Kung sasaksi kayo sa isang kaso, huwag nʼyong babaluktutin ang hustisya upang lamang kumampi sa karamihan. Huwag din ninyong papaburan ang kaso ng mga mahihirap dahil lang sa kanilang kalagayan.

“Huwag kayong magkakalat ng hindi totoong balita. Huwag kayong maging isang bulaang saksing hindi makatarungan upang tulungan ang taong maysala.