SALMOS 87
87
1Len yež Sión žian ḻaw ya'a la'y.
2Nží'ižele X̱anžo Dios latje gan ẕchi'a ḻáže'gak benne' ka' nníta'gake' yež Sión,
ka nži'ile' yógo'te liž ẕa'só Jakob ka'.
3X̱tanḻe'e nak da' ẕnna Dios kan nak yež chien'.
4Ẕnne': “Chejsá' ḻaža'a zej nnita' benne' ka' zej nónbi'e neda'
ḻo yežlyó Egipto, na' ḻo yež Babilonia.
Le wia nga, ḻo yežlyó Filistea, na' ḻo yež Tiro, na' ḻo yežlyó Etiopía,
goljgak benne' ki zej nake' chia' neda'.”
5Ka nak che yež Sión ẕnne': “Benne' ni, na' bennen' góljgake' ga na',
na' neda', Dios ẕente, wzóa chocha' yežen'.”
6Kate' wláb X̱anžo Dios benne' ka' zej nake' chie',
nnakze' Ḻe': “Benne' ni golje' ḻo yežen'.”
7Benne' ka' žóḻgake', na' benne' ka' ẕyá'agake',
nnágake': “Dot da' napa' zan' ḻo yežen'.”
ที่ได้เลือกล่าสุด:
SALMOS 87: zty
เน้นข้อความ
คัดลอก
เปรียบเทียบ
แบ่งปัน
ต้องการเน้นข้อความที่บันทึกไว้ตลอดทั้งอุปกรณ์ของคุณหรือไม่? ลงทะเบียน หรือลงชื่อเข้าใช้
© 2002, Wycliffe Bible Translators, Inc. All rights reserved.