SALMOS 85
85
1Ben chawo'o benne' chio' ka', X̱ana' Dios.
Besló' ẕa'só Jakob ka' ḻo na'gak benne' zi'to' ka'.
2Benít ḻawo'o da' ẕinnj da' bengak benne' chio' ka'.
Bdio' cheḻa'ale doḻa' chégake'.
3Bzoa žio' yeḻa' ẕža'a chio',
na' bsano' yeḻa' yichj ža'a chio'.
4Ben ga yeyák cheto' yeḻa' ba nez che yeḻa' weslá chio'
na' biž žo'o neto', Dios.
5¿To chi'ize žo'o neto'?
¿Žá'akzo' to kwe' to kwe' ẕa'sóto' ka'?
6¿Biž gono' ga yebelto' da' yoble,
nich gaken cheto' yeḻa' ba nez ḻawo' Le'?
7X̱anto' Dios, beyache' ḻaže'l neto', na' beslá neto'.
8Wzé naga' da' nna X̱ana' Dios.
Nne' da' gonen ga ga'ngak chawe' benách chie' ka'
nich biž gongak benne' la'y chie' ka' da' yaḻze.
9Da' likze Dios zóateze' yeslé' benne' ka' žápegake' Ḻe' ba la'ne,
na' ḻa' ḻaw yeḻa' ẕen chie' ḻo yežlyó chežo.
10Zej nžag yeḻa' žeyache' ḻaže', na' da' li che Dios.
Nakgak toze da' chawe', na' yeḻa' ẕga'n chawe' chie'.
11Da' nak dot da' li chie' yeschán' yežlyó nga,
na' seḻe'e da' chawe' chie' da' zan' ya'abá.
12X̱anžo Dios žseḻe'e nis yejw chežo,
na' yežlyó chežo gonnḻe'en linne.
13Da' naken chawe' žejlen Dios,
na' wḻoe'elen nez da' chéjḻenžo.
ที่ได้เลือกล่าสุด:
SALMOS 85: zty
เน้นข้อความ
คัดลอก
เปรียบเทียบ
แบ่งปัน
ต้องการเน้นข้อความที่บันทึกไว้ตลอดทั้งอุปกรณ์ของคุณหรือไม่? ลงทะเบียน หรือลงชื่อเข้าใช้
© 2002, Wycliffe Bible Translators, Inc. All rights reserved.