SALMOS 126
126
1Kate' X̱anžo Dios beslé' žo'o ḻo na'gak benne' zi'to' ka',
na' begoé'e žo'o ḻo yež Sión, gókežo zoažo bichgale.
2Naž bẕížežo, na' be ḻawžo X̱anžo Dios.
Naž wnnagak benne' zi'to' ka':
“Da' ẕente ben Dios, X̱angak benne' ka', chégake'.”
3Da' likze, ẕenḻe'e nak da' ben X̱anžo Dios chežo žo'o.
Žak chežo yeḻa' ba nez ẕen.
4Beslá X̱anžon' žo'o ḻo na'gak benne' zi'to' ka'.
Naž bežinžo ḻo yežlyó chežo, kan žežín nis wba'w ḻo yegw biž ka'.
5Benne' ka' ẕbéžegake' kate' žázgake',
ḻo yeḻa' žebele chégake' yezí'gake' linne.
6Bennen' ẕbeže' kate' zeje' zjeze' binne cháwe'do' ka',
ḻo yeḻa' žebele yežine' zedjnoé'e linne chien'.
ที่ได้เลือกล่าสุด:
SALMOS 126: zty
เน้นข้อความ
แบ่งปัน
เปรียบเทียบ
คัดลอก
ต้องการเน้นข้อความที่บันทึกไว้ตลอดทั้งอุปกรณ์ของคุณหรือไม่? ลงทะเบียน หรือลงชื่อเข้าใช้
© 2002, Wycliffe Bible Translators, Inc. All rights reserved.