SALMOS 123
123
1Chis ḻawa', na' wia' gan zo', X̱ana' Dios,
gan zo' Le' ya'abá na'le.
2Ka žon to bi' byo wen žin ẕwíabe' bi da' nna x̱anbe',
na' ka žon to no'le wen žin ẕwíabe' bi da' nna no'le x̱anbe',
ki ẕwíažo bi da' nna X̱anžo Dios na' zejte yeyache' ḻáže'le' žo'o.
3Beyache' ḻaže'l neto', X̱anto' Dios.
Beyache' ḻaže'l neto' dan' žedó ḻáže'to'
dan' ẕbia ḻáže'gak benne' ka' neto'.
4Žedó ḻáže'to' dan' žon dítjgekle benne' wnni'a ka' neto'.
Benne' ka' ẕka'n ẕen kwíngake' ẕbia ḻáže'gake' neto'.
ที่ได้เลือกล่าสุด:
SALMOS 123: zty
เน้นข้อความ
คัดลอก
เปรียบเทียบ
แบ่งปัน
ต้องการเน้นข้อความที่บันทึกไว้ตลอดทั้งอุปกรณ์ของคุณหรือไม่? ลงทะเบียน หรือลงชื่อเข้าใช้
© 2002, Wycliffe Bible Translators, Inc. All rights reserved.