SALMOS 120
120
1Kate' wžé' zedla' bḻiža' X̱anžo Dios,
na' Ḻe' gókḻene' neda'.
2X̱ana' Dios, beslá neda' ḻo na'gak benne' wen ḻaže' ka'
na' ḻo na'gak benne' ka' bi zej nake' ḻi ḻaže'.
3¿Biẕ gonn Dios ḻe'e, benne' wen laže' ka'?
¿Biẕ yeḻa' ba nez gaken chele kate' wdíe' ḻe'e ḻo da' wžía yin' benách ka'?
4Wsaka' zi'gak yag ntóche'do' chie' ka' ḻe'e,
na' yag ka' zoa yi' ḻáwe'lgaken.
5Da' nyáche'ḻe'e žaken chia' neda'.
Zoakza' ladjw benne' Mesek ka', na' zoa' to yo'o laže' chegak benne' Sedar ka'.
6Schaḻe'e ba wzóa' ladjw benne' ki,
benne' ka' ẕzóagake' cheḻa'ale yeḻa' ẕga'n chawe'.
7Neda' žak ḻaža'a gata' yeḻa' ẕga'n chawe',
san kate' ẕchaḻja' chen, ẕdíḻ-ḻengak benne' ka' neda'.
ที่ได้เลือกล่าสุด:
SALMOS 120: zty
เน้นข้อความ
คัดลอก
เปรียบเทียบ
แบ่งปัน
ต้องการเน้นข้อความที่บันทึกไว้ตลอดทั้งอุปกรณ์ของคุณหรือไม่? ลงทะเบียน หรือลงชื่อเข้าใช้
© 2002, Wycliffe Bible Translators, Inc. All rights reserved.