Jona 2
2
Erhunmwu E Juna
1E Jona keghi ke ehe ne ọ dinmwi vbe uwu ehẹn ni na erhunmwu ghe Nọyaẹnmwa ne Osanobua ẹre wẹẹ:
2“I kpetie ruẹ Nọyaẹnmwa, vbe usẹ, mwẹ,
wẹ keghi zẹ mwẹ wanniẹn mwẹ.
Ehe ne ọ dinmwi vbe ẹvbo iran ni wulo nẹ
I tu nọ iyobọ, u keghi họn ọghomwẹ.
3U fi mwẹ fi uwu odin,
fi ototọ okun fẹẹrẹ,
ehe ne amẹ na lẹga mwẹ,
ne ulẹmwẹ amẹ hia na lẹ rhu mwẹ.
4I te gha ro wẹ a kanmwẹ fua hin odaro ruẹ rre nẹ,
kevbe wẹ, mẹ I ghi dọlegbe ye aro kan ọgua Osa ruẹ nọhuanrẹn ọvbehe.
5Amẹ hẹ rhu mwẹ, ọ fu mwẹ ẹtin
okun gue mwẹ mu otọ fẹfẹẹfẹ
irunmwu ẹzẹ keghi kinnọ uhunmwu mwẹ khinkhian.
6Mẹ keghi gha rrie otọ, ehe ne avbe oke nekhua ke zọ kpao,
gha rrie ẹvbo ne a khui urho ẹre gbua ẹdẹdẹmwẹdẹ.
Sokpan, wẹ ne Nọyaẹnmwa Osanobua mwẹ,
keghi si mwẹ ke ẹmwẹ ne unu ke uwu odin gha dee.
7Ẹghẹ ne I na miẹn wẹ ẹdẹ mwẹ rrie dọn ọn,
mẹ keghi na erhunmwu ghe ruẹ Nọyaẹnmwa
u keghi họn ọghomwẹ ke uwu ọgua Osa ruẹ nọhuanrẹn gha dee.
8Iran ni gho ẹbọ ohoghe,
rhie ẹmwẹ ruẹn hin ekhọe iran rre nẹ.
9Sokpan mẹ gha so ihuan urhomwẹ ghe ruẹ
I gha zọ ese ghe ruẹ,
I ghi vbe ru zẹ vbene I yan rẹn.
Ọghe Nọyaẹnmwa ore imienfan ke rre!”
10Ẹre Nọyaẹnmwa na tama ehẹn ne ọ ya kpa e Jona ye otọ vbe oke
ọ keghi gele ru vberriọ.
ที่ได้เลือกล่าสุด:
Jona 2: EDO96
เน้นข้อความ
คัดลอก
เปรียบเทียบ
แบ่งปัน
ต้องการเน้นข้อความที่บันทึกไว้ตลอดทั้งอุปกรณ์ของคุณหรือไม่? ลงทะเบียน หรือลงชื่อเข้าใช้
@ The Bible Society of Nigeria, 1996