मरकुस 16
16
ईसू को पाछो जीवतो वेजाणो
(मत्ती 28:1–8; लूका 24:1–12; यहुन्ना 20:1–10)
1आराम का दन निकळ्या केड़े मरियम मगदलीनी, सलोमी अन याकूब की माँ मरियम ईसू की लास के वाते हव वाना की चिजाँ मोल लिदी। 2हपता के पेले दन दितवार ने भाग-फाट्याँ को सुरज निकळताईं वे कबर पे गी। 3वीं एक-दूँजा ने पूँछरी ही, “आपणाँ वाते कबर का मुण्डा पूँ भाटो कूण हरकाई?” 4जद्याँ पछे वाँकाणी आक्याँऊँ देक्यो के, कबर पूँ वो भाटो ज्यो मोटो हो, वो छेटी हरक्यो तको हे। 5पछे जदी वे कबर में गी, तो वाँकाणी देक्यो एक मोट्यार धोळा-फट गाबा पेरिया जीमणा पाल्ड़े बेटो हे, तो वे दरपगी।
6पछे वीं मोट्यार वाँने क्यो, “दरपो मती, थें ज्यो ईसू नासरत नगर को रेबावाळो हो, जिंने थाँ होदरी हो, जिंने हूळी पे चड़ायो हो, वो जीवतो वेग्यो हे। वो अटे कोयने हे। ईं जगाँ ने देको, जटे वींने मेल्यो हो। 7#मत्ती 26:32; मर 14:28अबाणू थें जावो अन वींका चेला अन पतरस ने को के, ‘वो थाँकाऊँ पेल्याँईं गलील में जा पूग्यो हे। जस्यान वणी थाँने क्यो हो, वो थाँने वटे मली।’”
8दरप अन अचम्बा में डूबी तकी लुगायाँ कबर पूँ बारणे निकळन भागी। वाँ किंनेई कई बात ने बतई ही, काँके वीं घणी घबरई तकी ही।#16:8 हाराऊँ खास अन जूनी दो युनानी लेकाँ में मरकुस को हव हमच्यार 16:8 में खतम वे जावे हे।
मरियम मगदलीनी ने ईसू को दरसावो
(मत्ती 28:9,10; यहुन्ना 20:11–18)
9हपता के पेले दन दितवार ने वो जीवतो व्या केड़े, हारऊँ पेल्याँ मरियम मगदलीनी का मुण्डागे परगट व्यो, जिंने वे हात हुगली आत्माऊँ छुटकारो दिदो हो। 10वणी ईसू का चेला ने, ज्यो होक में डुबन रोरिया हा, बतायो। 11जदी वाँ चेला हुण्यो के, ईसू जीवतो हे अन वाँ वींने देक्यो हे, वाँकाणी विस्वास ने किदो।
चेला ने ईसू को दरसावो
(मत्ती 28:16–20; लूका 24:36–49; यहुन्ना 20:19–23; थरप्या तका का काम 1:6–8)
12ईंका केड़े चेला मूँ दो जणा के मुण्डागे ईसू एक दूजाँ रूप में परगट व्या, जदी वे यरूसलेमऊँ आपणाँ गाम जारिया हा। 13वाँकाणी पाच्छा आन दूजाँ ने ईं बात का हमच्यार दिदा, पण दूजाँ भी वाँको विस्वास ने किदो।
14पछे जदी वींका ग्यारई चेला रोट्याँ खारिया हा, ईसू वाँका मुण्डागे परगट व्या अन वे वाँने वाँका बना विस्वास, कल्डा मन के वाते फटकारिया, काँके वणा वाँका हमच्यार को विस्वास ने किदो हो, जणा ईसू ने जीवता व्या केड़े देक्या हा। 15#थर 1:8पछे ईसू वाँने क्यो, “दनियाँ की हारी जगाँ में जावो अन हारई लोगाँ ने हव हमच्यार हुणावो। 16ज्यो कुई विस्वास करे अन बतिस्मो लेवे, वो बंचायो जाई अन ज्यो विस्वास ने करे, वो दोसी ठेरायो जाई। 17ज्यो मारा पे विस्वास करी, वो अचम्बा का काम करी, वे मारा नामऊँ हुगली आत्माने बारणे काड़ी, अन वे नुवी-नुवी बोल्याँ बोली। 18यद्याँ वे आपणाँ हातऊँ हाँप पकड़ लेई अन वे जदी जेर भी पीं जाई, तुई वाँके कई नकसाण ने वेई। वे माँदा पे आपणो हात राकी अन वे हव वे जाई।”
ईसू को हरग में जाणो
(लूका 24:50–53; थरप्या तका का काम 1:9–11)
19 #
थर 1:9–11
जदी परबू ईसू वाँकाऊँ बात कर लिदी, तो वे हरग में उठा लिदा ग्या। वो परमेसर का जीमणा पाल्ड़े जान बेटग्या। 20वींका चेला बारणे जान हारी जगाँ परच्यार किदो, वाँकी लारे परबू काम कररिया हा। वाँका अचम्बावाळा काम की वजेऊँ ज्यो वे परच्यार कररिया हा, वीं सिद वेता ग्या।
ที่ได้เลือกล่าสุด:
मरकुस 16: एम टी आर
เน้นข้อความ
แบ่งปัน
คัดลอก
ต้องการเน้นข้อความที่บันทึกไว้ตลอดทั้งอุปกรณ์ของคุณหรือไม่? ลงทะเบียน หรือลงชื่อเข้าใช้
(c) 2010-2017, New Life Computer Institute. All rights reserved
