Mbete Rɔmri 16
16
1Ké ɓil mbete-ay, mi ƴo sɔk wuri nzuk-so sa̧w nzuk Ŋgermbayri ké kaɓ Seŋkere, a ye Fehbe ké ɓa yi̧n wahri a wu̧yu. 2Ke ka̧h le, í ya̧ ni ndɔk seɗe kandɔk ké i ɓa nzukri ké ƴo mbew ke Gaŋ tul feri riw, í ya̧ ni mah ke riŋ ɗina sa̧w nzuk Ŋgerzahri. Í gi ɓel ye so ni ke pihna ye. A ye ra ke so gbɔrɔ nzukri ŋgi̧ mbamba dara mí a bi pi. 3Í vah Pirisil ke wah ye Akila, ku ɓa bɔh pihna Mbay Zezu ziŋ mi pi. 4Ɓay ya̧ ɔkna bi, ku poŋ mun woyri hi̧ hul. Mí ta ɓa a bi ke hȩk mí-i el ke tumbɔl hi̧ niri ya. Le sa̧w in Ŋgermbay kú-u ƴo mbu̧h hani gelri ɓoɗ ɓoɗ ké sa̧w woyri ɓoɗ kara, ku el ke tumbɔl pi. 5Í vah sa̧w in Ŋgermbay kú-u mbu̧h hani ké kerpuh Pirisil ke Akila.
Í vah maŋlaw bi Epayneɗ ké ɓa nzuk-kan law tul Ŋgermbay a titilu ké tusiɓa Azi.
6Í vah Mari, ke ta̧h ké tul woiri mbamba. 7Í vah nzuk in biri Adronikus bɔh mgbal bi a wo̧ro-u ke Zani bɔh mgbal bi a wu̧yu. Ké haŋsekle gun nzak pihna Ŋgermbayri riŋ woyri mgbe. Ku ƴo ke Ŋgermbay dara mí-i gi fal ɓáy.
8Í vah maŋlaw bi Ampiya. Nah ƴo mbew ke Gaŋ tul feri riw.
9Í vah Urban ké-e ɓa bɔh pihna Ŋgermbay ziŋ na, í vah maŋlaw bi Istakus pi.
10Í vah Apele ké-e sɔk mun ye ɓa nzuk-kan law tul Ŋgermbay ké ɓil kosehri. Í vah Aritobil ke nzuk kerpuh yeri.
11Í vah nzuk in bi Heredoŋ. Í vah kerpuh Narki kú-u ƴo mbew ke Gaŋ tul feri riw.
12Í vah yi̧n bi a wu̧yuri Turfi-ana ke Turfosi. Ku ta̧h ɓay tul Gaŋ tul feri riw mbamba. Í vah Pirisiɗ yi̧n bi a wu̧yu. A ye ke ta̧h ké tul Gaŋ tul feri riw mbamba pi.
13Í vah Rufus, riŋ Gaŋ tul feri riw ɗi tul ye. Í vah mah ye ké ɓa mah bi pi.
14Í vah Asikitu, Flegon, Herme, Patoba, Herma ke yi̧n woyri gbam ké ƴo ziŋ niri.
15Í vah Felogo ke Zuliya, Narus ke manah ye, í vah Olipa ke sa̧w nzuk Ŋgerzahri gbam ké ƴo ziŋ niri. 16Í vah haniri ke law in a teh-u. Sa̧w in Ŋgermbay ké gelri gbam vah wuri.
17Mi ƴo hew wuri yi̧n biri, í ko tul woiri ɓay nzukri ké ƴo gbur sa̧w nzuk Ŋgermbayri. Ku hɔl ndaw. Fe kú-u firma nzukri reh ɓoɗ ke fe firma ké i ti keni dale, í ɗi-ɗih ziŋ nzukawri-aw. 18Sam nzuk a kandɔkawri ku laɓ pihna Ŋgermbay a ye Gaŋ wah ra ya, ku ƴo ƴah ɓil woyri kaŋto. Ke nzak pa̧na ke ɓay a voh-u woyri mí ku rah keni law nzukri ké ru̧ ya. 19Hȩkna ké i hȩk Ŋgermbay, mberemu ya̧ gelri gbam. Kaŋ mí mi ƴo laɓ mun rihna ɓay tul woiri dale, mi yih ɓay í tu wuri fe laɓna suki, í tu fe laɓna suya ya. 20Ŋgerzah nzuk-hi̧ ɗeŋ ƴo ɗih ya ɓay vbar tul nzukbaa ké ɓa mbay záh tukala ké huh bɔk woiri. Lawsuki Gaŋ wah Ŋgermbay Zezu ƴo ziŋ wuri.
21Bɔh pihna bi Timote vah wuri dara mí nzuk in biri Lukus, Zasoŋ, Sipator pi. 22A bi Tertus ké mi ɓa nzuk fe vbehna mbete Pɔlay ra, ké mi ƴo mbew ke Gaŋ tul feri riw ra mi vah wuri pi. 23Gayus nzuk vul gahru bi Pɔl ké sa̧w in Ŋgermbay a gelay gbam mbu̧h ma puh ye vah wuri. Arasi, nzuk ŋgomna ké mbek fe ziŋna puh ke yi̧n wahri Kartus vah wuri pi. 24#16.24 Gel ki̧na-ay ta ɓil mbete Ŋgerzah ya.
25-27A ye Ŋgerzah ké-e ƴo ke huhrumun hi̧ í ƴo ɓa kpuh-u ŋgi̧w ŋgi̧w,
a ye ké-e ƴo ke huhrumun hi̧ í ƴo ɓa kpuh-u mah ke nzak pihna ɓaysuki hul Ŋgermbay Zezu ké-e ndoh ndɔk bi,
a ye ké-e ƴo ke huhrumun hi̧ í ƴo ɓa kpuh-u mah ke sa̧w ɓaysuki-u ké mu̧h lewsa̧ mí aŋay ten mun ké gel a teh-u,
a ye ké-e ƴo ri sew ke sew mí ke ten sa̧w ɓayuki ké fe vbehna gun nzak pihna a lewsa̧ri kandɔk ké-e pih bolkusol ye ɓay hi̧ sa̧wnzuk a ɓoruri ɓá tu le, kú lah nzak ye ɓay law woyri ké te tul ye,
ru̧na ɓa nzuku a ye, ke ɓa Ŋgerzah mbew yaŋ.
Riŋ ɗina ye mgbe ɓay tul Ŋgermbay Zezu sew ke sew, gelu munu.
ที่ได้เลือกล่าสุด:
Mbete Rɔmri 16: SIAFNK
เน้นข้อความ
คัดลอก
เปรียบเทียบ
แบ่งปัน
ต้องการเน้นข้อความที่บันทึกไว้ตลอดทั้งอุปกรณ์ของคุณหรือไม่? ลงทะเบียน หรือลงชื่อเข้าใช้
© Wycliffe Bible Translators, Inc. All rights reserved.
Mbete Rɔmri 16
16
1Ké ɓil mbete-ay, mi ƴo sɔk wuri nzuk-so sa̧w nzuk Ŋgermbayri ké kaɓ Seŋkere, a ye Fehbe ké ɓa yi̧n wahri a wu̧yu. 2Ke ka̧h le, í ya̧ ni ndɔk seɗe kandɔk ké i ɓa nzukri ké ƴo mbew ke Gaŋ tul feri riw, í ya̧ ni mah ke riŋ ɗina sa̧w nzuk Ŋgerzahri. Í gi ɓel ye so ni ke pihna ye. A ye ra ke so gbɔrɔ nzukri ŋgi̧ mbamba dara mí a bi pi. 3Í vah Pirisil ke wah ye Akila, ku ɓa bɔh pihna Mbay Zezu ziŋ mi pi. 4Ɓay ya̧ ɔkna bi, ku poŋ mun woyri hi̧ hul. Mí ta ɓa a bi ke hȩk mí-i el ke tumbɔl hi̧ niri ya. Le sa̧w in Ŋgermbay kú-u ƴo mbu̧h hani gelri ɓoɗ ɓoɗ ké sa̧w woyri ɓoɗ kara, ku el ke tumbɔl pi. 5Í vah sa̧w in Ŋgermbay kú-u mbu̧h hani ké kerpuh Pirisil ke Akila.
Í vah maŋlaw bi Epayneɗ ké ɓa nzuk-kan law tul Ŋgermbay a titilu ké tusiɓa Azi.
6Í vah Mari, ke ta̧h ké tul woiri mbamba. 7Í vah nzuk in biri Adronikus bɔh mgbal bi a wo̧ro-u ke Zani bɔh mgbal bi a wu̧yu. Ké haŋsekle gun nzak pihna Ŋgermbayri riŋ woyri mgbe. Ku ƴo ke Ŋgermbay dara mí-i gi fal ɓáy.
8Í vah maŋlaw bi Ampiya. Nah ƴo mbew ke Gaŋ tul feri riw.
9Í vah Urban ké-e ɓa bɔh pihna Ŋgermbay ziŋ na, í vah maŋlaw bi Istakus pi.
10Í vah Apele ké-e sɔk mun ye ɓa nzuk-kan law tul Ŋgermbay ké ɓil kosehri. Í vah Aritobil ke nzuk kerpuh yeri.
11Í vah nzuk in bi Heredoŋ. Í vah kerpuh Narki kú-u ƴo mbew ke Gaŋ tul feri riw.
12Í vah yi̧n bi a wu̧yuri Turfi-ana ke Turfosi. Ku ta̧h ɓay tul Gaŋ tul feri riw mbamba. Í vah Pirisiɗ yi̧n bi a wu̧yu. A ye ke ta̧h ké tul Gaŋ tul feri riw mbamba pi.
13Í vah Rufus, riŋ Gaŋ tul feri riw ɗi tul ye. Í vah mah ye ké ɓa mah bi pi.
14Í vah Asikitu, Flegon, Herme, Patoba, Herma ke yi̧n woyri gbam ké ƴo ziŋ niri.
15Í vah Felogo ke Zuliya, Narus ke manah ye, í vah Olipa ke sa̧w nzuk Ŋgerzahri gbam ké ƴo ziŋ niri. 16Í vah haniri ke law in a teh-u. Sa̧w in Ŋgermbay ké gelri gbam vah wuri.
17Mi ƴo hew wuri yi̧n biri, í ko tul woiri ɓay nzukri ké ƴo gbur sa̧w nzuk Ŋgermbayri. Ku hɔl ndaw. Fe kú-u firma nzukri reh ɓoɗ ke fe firma ké i ti keni dale, í ɗi-ɗih ziŋ nzukawri-aw. 18Sam nzuk a kandɔkawri ku laɓ pihna Ŋgermbay a ye Gaŋ wah ra ya, ku ƴo ƴah ɓil woyri kaŋto. Ke nzak pa̧na ke ɓay a voh-u woyri mí ku rah keni law nzukri ké ru̧ ya. 19Hȩkna ké i hȩk Ŋgermbay, mberemu ya̧ gelri gbam. Kaŋ mí mi ƴo laɓ mun rihna ɓay tul woiri dale, mi yih ɓay í tu wuri fe laɓna suki, í tu fe laɓna suya ya. 20Ŋgerzah nzuk-hi̧ ɗeŋ ƴo ɗih ya ɓay vbar tul nzukbaa ké ɓa mbay záh tukala ké huh bɔk woiri. Lawsuki Gaŋ wah Ŋgermbay Zezu ƴo ziŋ wuri.
21Bɔh pihna bi Timote vah wuri dara mí nzuk in biri Lukus, Zasoŋ, Sipator pi. 22A bi Tertus ké mi ɓa nzuk fe vbehna mbete Pɔlay ra, ké mi ƴo mbew ke Gaŋ tul feri riw ra mi vah wuri pi. 23Gayus nzuk vul gahru bi Pɔl ké sa̧w in Ŋgermbay a gelay gbam mbu̧h ma puh ye vah wuri. Arasi, nzuk ŋgomna ké mbek fe ziŋna puh ke yi̧n wahri Kartus vah wuri pi. 24#16.24 Gel ki̧na-ay ta ɓil mbete Ŋgerzah ya.
25-27A ye Ŋgerzah ké-e ƴo ke huhrumun hi̧ í ƴo ɓa kpuh-u ŋgi̧w ŋgi̧w,
a ye ké-e ƴo ke huhrumun hi̧ í ƴo ɓa kpuh-u mah ke nzak pihna ɓaysuki hul Ŋgermbay Zezu ké-e ndoh ndɔk bi,
a ye ké-e ƴo ke huhrumun hi̧ í ƴo ɓa kpuh-u mah ke sa̧w ɓaysuki-u ké mu̧h lewsa̧ mí aŋay ten mun ké gel a teh-u,
a ye ké-e ƴo ri sew ke sew mí ke ten sa̧w ɓayuki ké fe vbehna gun nzak pihna a lewsa̧ri kandɔk ké-e pih bolkusol ye ɓay hi̧ sa̧wnzuk a ɓoruri ɓá tu le, kú lah nzak ye ɓay law woyri ké te tul ye,
ru̧na ɓa nzuku a ye, ke ɓa Ŋgerzah mbew yaŋ.
Riŋ ɗina ye mgbe ɓay tul Ŋgermbay Zezu sew ke sew, gelu munu.
ที่ได้เลือกล่าสุด:
:
เน้นข้อความ
คัดลอก
เปรียบเทียบ
แบ่งปัน
ต้องการเน้นข้อความที่บันทึกไว้ตลอดทั้งอุปกรณ์ของคุณหรือไม่? ลงทะเบียน หรือลงชื่อเข้าใช้
© Wycliffe Bible Translators, Inc. All rights reserved.