Mbete Rɔmri 14
14
1Í ya̧ nzukri ké kan law tul Ŋgermbay ké kanlaw woyri ŋger ya. Í ya̧ niri dan fah hani tul kerɓay woyri. 2Nzuk-kan law a hani kan law tul Ŋgermbay ɓahri, fe su̧na a suŋ suŋ gbam mah su̧na. Nzuk-kan law a ɓoru ké kanlaw ye ŋger ya ba, ke lak ɓa gahay#14.2 Kerɓay ké Pɔl yih ɓay sɔk ké gelay ɓahri, ziɓri lak hay a hani le, ɓay gboh niri si vul kani Ŋgerzah. Mí ké ta̧w karaŋri ba, ɓay sa̧w záh woyri, ku lak hay a hani ya pi. Mí mu kan law tul Ŋgermbay le, fe sa̧w wo a suŋ suŋ ta ɓeɓ mu ya ɓay fe le, sa̧w nzuk-kan lawri ɓa sa̧w Ŋgermbay Zezu wara.. 3Nzuk-kan law a a̧y ké ƴo su̧ feri gbam ra ɓá ko mbaŋ ye ké lak gahay ɓa fe a garu ya. Mí a ye ké-e ƴo lak gahay kara law ye ɓá laɓ ɓay kan tul mbaŋ ye ya a ye ké-e poŋ sa̧w fe laɓna sa̧w ye mí ke ko fe su̧na a suŋ suŋ mah su̧na ra. Ŋgerzah ya̧ ni ya̧-ya̧. 4A wo ra mu ɓa ge mí law wo laɓ ɓay kan tul gun kaɓna nzuk le ? Gun kaɓna ra ƴo ɓa kpuh-u mini ke lih kara ɓa ɓay bahgaŋ ye munu. Mí ke ƴo-u gaŋ ɓayu ké Gaŋ tul feri riw ƴo ke huhrumun hi̧ ni, ké ƴo.
5Nzuk-kan law tul Ŋgermbay a hani-u ko nam ti̧hmbihri mba tul nam a ɓoruri. Mbaŋ ye ba, ko namri riw mah hani. A ge ge le ɓá ƴo tul kerɓay ye kerɓay ye. 6-7Nzuk-kan law tul Ŋgermbay ké hȩk nam a haniri ɓa nam a luki ra, ke hȩk ɓay tul Gaŋ tul feri riw. Mbaŋ ye ké ko fe su̧na a suŋ suŋ mah su̧na ra, ke su̧ ɓay dim keni Gaŋ tul feri riw, ke el ke tumbɔl hi̧ Ŋgerzah. Mí nzuk-saŋ fe su̧na a haniri kara ke saŋ ɓay dim keni Gaŋ tul feri riw, mí ke el ke tumbɔl hi̧ Ŋgerzah pi, ɓayu ké sakra wah-ay nzuk a suŋ suŋ kaɓ tukala ɓay tul ye ya. A ge ge ké hu kara hul ye ta ɓa nzuku a ye ya pi. 8Nah kaɓ tukala, sa̧w kaɓna wah ɓa Gaŋ tul feri riw. Mí nah hu kara nah hu ke riŋ Gaŋ tul feri riw. Ɓay fe le nah kaɓ ke nun mini nah hu kara nah ɓa nunu a Gaŋ tul feri riw. 9Sa̧wɓay hul Ŋgermbay ke ti̧hna ye ke pa̧ymun a foyu hi̧ ke na ɓa Gaŋ tul hulri ke nzuk a ƴo ke ɔknari riw#14.9 Zezu ɓah ɓil Mbete Luk 9.59,60 ɓahri, hulri ɓá gɔr hulri. Le hulri ɓa nzukri ké kan law tul ye ya. Nzukri ké ƴo ke ɔkna ɓa nzukri ké kan law tul ye. Ku hu kara, ɔkna Ŋgerzah na tem woyri. Í ki̧ Mbete Za̧h 3.16-17 ɓay lah-u pi..
10A wo mu ɓa ge mí law wo laɓ ɓay kan tul yi̧n wo lo ? A wo-ay ba, mu ɓa ge mú-u ko yi̧n wo ɓa fe a garu le ? Ɓayu ké riw wah, nah ɓay si ndiseŋe Ŋgerzah. 11Ku vbeh lewsa̧ ɓahri, na ani ani gaŋ kara mi kaɓ ke nun, a bi Gaŋ tul feri riw mi ɓah kaŋ. Nzukri gbam ɓay huk pol bi, ku pír Ŋgerzah ke nzak woyri ɓahri, mi ɓa Gaŋ tul feri riw#14.11 Fe ki̧na-u na ɓil Mbete Esaïe 49.18 ke 45.23. Í mgba Mbete Filipiri 2.10-11 tuh ke gel ki̧na-ay pi.. 12Kaŋ mí a ge ge ké sakra wah ɓay ki̧ fal fe laɓna ye ke mun ye hi̧ Ŋgerzah.
13Dale náh hi̧ law wah ɓá laɓ ɓay kan tul mbaŋ wah ya. Le í hi̧ law woiri ɓá mgba ɓay ké na-ay ma : Í ɓaŋ kasaw-ɓe bɔk kan pol yi̧nri ya, í hɔl ndaw lihna kan pol yi̧nri ya. 14Mi tu-tu, a bi ké mi ƴo mbew ziŋ Gaŋ tul feri riw a ye Zezu, kerɓay bi-ay ƴo gelu : Fe su̧nari gbam mah nun ye mah. Mí nzuk ké ko fe a hani-u mah nun ye ya le, fe-u mah nun ya hi̧ nzuku gaŋ ba. 15Gelke fe su̧na wo a hani ɓeɓ law yi̧n wo le, siŋ sina ké mu si-aw ra ɓa siŋ sina law sana ya. Fe su̧na wo ɓá zi yi̧n wo ɓil ɓeɓna ya. A ye ra Ŋgermbay hu ɓay tul ye.
16Dale nzukri ɓá ɓal suki woiri-aw ya. 17Puh lakna Ŋgerzah-ay ɓa ɓay fe su̧na ya, ɓa ɓay fe nzona ya. Le ɓa ƴó ke Ŋgerzah ɓa záh nzuku, ɓa ɗeŋ, ɓa law rihna ké ur ké ta̧w Tempuki. 18Nzuk ké ƴo laɓ pihna-u hi̧ Ŋgermbay kandɔkaw, ke rih law Ŋgerzah rih. Nzukri ba, pir ni pir. 19Kaŋ le náh ƴah wuri siŋ sina ké si mah hani ke ɗeŋ, ké hi̧ gunri ké ɓil kerpuh-u hu̧h ke haniri. 20Fáh hani tul fe su̧na ɓá ɓeɓ pihna ké Ŋgerzah laɓ ya. Ketina fe su̧nari gbam mah su̧na mah, mí fe su̧na ti̧h ɓa ɓay, ɓa ndaw hi̧ nzuk ké su̧ le, fe su̧na-u su ya. 21Kandɔkaw mí ɓay fe a a̧y ké hi̧ law yi̧n wo ruklu le, su-su ɓay mú gboh mun wo, mú lak hay ya mini mú nzo yim ya mini mú su̧ fe a hani ya ɓay hi̧ law yi̧n wo ɓá ruklu ya.
22Kanlaw wo ra mí mú ƴo keni ké nun Ŋgerzah. Nzuk ké law ye laɓ ɓay kan tul ye ke mun ya ɓay fe su̧na ké-e ko ɓa suki ra pol tehna Ŋgerzah ƴo ziŋ nzuku. 23Mí salɓay mgba tul nzuk ké law ye nzah ɓay tul fe ké-e su̧. Ɓay fe le sú̧ fe-aw ur ke kanlaw tul Ŋgermbay ya. Dale fe laɓna a suŋ suŋ gbam ké ur ke kanlaw ya ra ɓa suya.
ที่ได้เลือกล่าสุด:
Mbete Rɔmri 14: SIAFNK
เน้นข้อความ
คัดลอก
เปรียบเทียบ
แบ่งปัน
ต้องการเน้นข้อความที่บันทึกไว้ตลอดทั้งอุปกรณ์ของคุณหรือไม่? ลงทะเบียน หรือลงชื่อเข้าใช้
© Wycliffe Bible Translators, Inc. All rights reserved.
Mbete Rɔmri 14
14
1Í ya̧ nzukri ké kan law tul Ŋgermbay ké kanlaw woyri ŋger ya. Í ya̧ niri dan fah hani tul kerɓay woyri. 2Nzuk-kan law a hani kan law tul Ŋgermbay ɓahri, fe su̧na a suŋ suŋ gbam mah su̧na. Nzuk-kan law a ɓoru ké kanlaw ye ŋger ya ba, ke lak ɓa gahay#14.2 Kerɓay ké Pɔl yih ɓay sɔk ké gelay ɓahri, ziɓri lak hay a hani le, ɓay gboh niri si vul kani Ŋgerzah. Mí ké ta̧w karaŋri ba, ɓay sa̧w záh woyri, ku lak hay a hani ya pi. Mí mu kan law tul Ŋgermbay le, fe sa̧w wo a suŋ suŋ ta ɓeɓ mu ya ɓay fe le, sa̧w nzuk-kan lawri ɓa sa̧w Ŋgermbay Zezu wara.. 3Nzuk-kan law a a̧y ké ƴo su̧ feri gbam ra ɓá ko mbaŋ ye ké lak gahay ɓa fe a garu ya. Mí a ye ké-e ƴo lak gahay kara law ye ɓá laɓ ɓay kan tul mbaŋ ye ya a ye ké-e poŋ sa̧w fe laɓna sa̧w ye mí ke ko fe su̧na a suŋ suŋ mah su̧na ra. Ŋgerzah ya̧ ni ya̧-ya̧. 4A wo ra mu ɓa ge mí law wo laɓ ɓay kan tul gun kaɓna nzuk le ? Gun kaɓna ra ƴo ɓa kpuh-u mini ke lih kara ɓa ɓay bahgaŋ ye munu. Mí ke ƴo-u gaŋ ɓayu ké Gaŋ tul feri riw ƴo ke huhrumun hi̧ ni, ké ƴo.
5Nzuk-kan law tul Ŋgermbay a hani-u ko nam ti̧hmbihri mba tul nam a ɓoruri. Mbaŋ ye ba, ko namri riw mah hani. A ge ge le ɓá ƴo tul kerɓay ye kerɓay ye. 6-7Nzuk-kan law tul Ŋgermbay ké hȩk nam a haniri ɓa nam a luki ra, ke hȩk ɓay tul Gaŋ tul feri riw. Mbaŋ ye ké ko fe su̧na a suŋ suŋ mah su̧na ra, ke su̧ ɓay dim keni Gaŋ tul feri riw, ke el ke tumbɔl hi̧ Ŋgerzah. Mí nzuk-saŋ fe su̧na a haniri kara ke saŋ ɓay dim keni Gaŋ tul feri riw, mí ke el ke tumbɔl hi̧ Ŋgerzah pi, ɓayu ké sakra wah-ay nzuk a suŋ suŋ kaɓ tukala ɓay tul ye ya. A ge ge ké hu kara hul ye ta ɓa nzuku a ye ya pi. 8Nah kaɓ tukala, sa̧w kaɓna wah ɓa Gaŋ tul feri riw. Mí nah hu kara nah hu ke riŋ Gaŋ tul feri riw. Ɓay fe le nah kaɓ ke nun mini nah hu kara nah ɓa nunu a Gaŋ tul feri riw. 9Sa̧wɓay hul Ŋgermbay ke ti̧hna ye ke pa̧ymun a foyu hi̧ ke na ɓa Gaŋ tul hulri ke nzuk a ƴo ke ɔknari riw#14.9 Zezu ɓah ɓil Mbete Luk 9.59,60 ɓahri, hulri ɓá gɔr hulri. Le hulri ɓa nzukri ké kan law tul ye ya. Nzukri ké ƴo ke ɔkna ɓa nzukri ké kan law tul ye. Ku hu kara, ɔkna Ŋgerzah na tem woyri. Í ki̧ Mbete Za̧h 3.16-17 ɓay lah-u pi..
10A wo mu ɓa ge mí law wo laɓ ɓay kan tul yi̧n wo lo ? A wo-ay ba, mu ɓa ge mú-u ko yi̧n wo ɓa fe a garu le ? Ɓayu ké riw wah, nah ɓay si ndiseŋe Ŋgerzah. 11Ku vbeh lewsa̧ ɓahri, na ani ani gaŋ kara mi kaɓ ke nun, a bi Gaŋ tul feri riw mi ɓah kaŋ. Nzukri gbam ɓay huk pol bi, ku pír Ŋgerzah ke nzak woyri ɓahri, mi ɓa Gaŋ tul feri riw#14.11 Fe ki̧na-u na ɓil Mbete Esaïe 49.18 ke 45.23. Í mgba Mbete Filipiri 2.10-11 tuh ke gel ki̧na-ay pi.. 12Kaŋ mí a ge ge ké sakra wah ɓay ki̧ fal fe laɓna ye ke mun ye hi̧ Ŋgerzah.
13Dale náh hi̧ law wah ɓá laɓ ɓay kan tul mbaŋ wah ya. Le í hi̧ law woiri ɓá mgba ɓay ké na-ay ma : Í ɓaŋ kasaw-ɓe bɔk kan pol yi̧nri ya, í hɔl ndaw lihna kan pol yi̧nri ya. 14Mi tu-tu, a bi ké mi ƴo mbew ziŋ Gaŋ tul feri riw a ye Zezu, kerɓay bi-ay ƴo gelu : Fe su̧nari gbam mah nun ye mah. Mí nzuk ké ko fe a hani-u mah nun ye ya le, fe-u mah nun ya hi̧ nzuku gaŋ ba. 15Gelke fe su̧na wo a hani ɓeɓ law yi̧n wo le, siŋ sina ké mu si-aw ra ɓa siŋ sina law sana ya. Fe su̧na wo ɓá zi yi̧n wo ɓil ɓeɓna ya. A ye ra Ŋgermbay hu ɓay tul ye.
16Dale nzukri ɓá ɓal suki woiri-aw ya. 17Puh lakna Ŋgerzah-ay ɓa ɓay fe su̧na ya, ɓa ɓay fe nzona ya. Le ɓa ƴó ke Ŋgerzah ɓa záh nzuku, ɓa ɗeŋ, ɓa law rihna ké ur ké ta̧w Tempuki. 18Nzuk ké ƴo laɓ pihna-u hi̧ Ŋgermbay kandɔkaw, ke rih law Ŋgerzah rih. Nzukri ba, pir ni pir. 19Kaŋ le náh ƴah wuri siŋ sina ké si mah hani ke ɗeŋ, ké hi̧ gunri ké ɓil kerpuh-u hu̧h ke haniri. 20Fáh hani tul fe su̧na ɓá ɓeɓ pihna ké Ŋgerzah laɓ ya. Ketina fe su̧nari gbam mah su̧na mah, mí fe su̧na ti̧h ɓa ɓay, ɓa ndaw hi̧ nzuk ké su̧ le, fe su̧na-u su ya. 21Kandɔkaw mí ɓay fe a a̧y ké hi̧ law yi̧n wo ruklu le, su-su ɓay mú gboh mun wo, mú lak hay ya mini mú nzo yim ya mini mú su̧ fe a hani ya ɓay hi̧ law yi̧n wo ɓá ruklu ya.
22Kanlaw wo ra mí mú ƴo keni ké nun Ŋgerzah. Nzuk ké law ye laɓ ɓay kan tul ye ke mun ya ɓay fe su̧na ké-e ko ɓa suki ra pol tehna Ŋgerzah ƴo ziŋ nzuku. 23Mí salɓay mgba tul nzuk ké law ye nzah ɓay tul fe ké-e su̧. Ɓay fe le sú̧ fe-aw ur ke kanlaw tul Ŋgermbay ya. Dale fe laɓna a suŋ suŋ gbam ké ur ke kanlaw ya ra ɓa suya.
ที่ได้เลือกล่าสุด:
:
เน้นข้อความ
คัดลอก
เปรียบเทียบ
แบ่งปัน
ต้องการเน้นข้อความที่บันทึกไว้ตลอดทั้งอุปกรณ์ของคุณหรือไม่? ลงทะเบียน หรือลงชื่อเข้าใช้
© Wycliffe Bible Translators, Inc. All rights reserved.