ᑎᐱᑦ ᐅᓂᑭᒧᐅᓇ 143

143

1ᓂᑐᑕ ᓂᑦ ᐊᔭᒥᐊᐅᓐ, ᐅ ᑕᐸᔨᒋᒐᔨᓐ,

ᐱᓯᒋᑕ ᓂᓂᑐᑎᒪᒐᐅᓇ:

ᒋᑯᐃᔅᑯᑐᐅᓂᒡ ᓂᔅᑯᒥ,

ᑭᔭ ᒋᑯᐃᔅᑯᑕᑎᓯᐅᓂᒡ᙮

2ᐊᑲᐎᔾ ᑭᔭ ᑎᐸᔅᑯᓐ ᒋᑦ ᐊᑐᔅᒐᔭᑭᓐ;

ᐛᔅ ᐊᐸᑕᔅᑎᒥᐱᔨᓐ ᓇᒪᐎᔾ ᐊᐛᓐ ᐊ ᐱᒪᑎᓯᑦ ᒋᑭ ᒥᔪᑥᐛᔨᒪᑭᓄᐤ᙮

3ᐛᔅ ᑲ ᐛᐧᑲᓯᒡ ᒋ ᓂᓇᐧᑲᒋᐊᐅᒡ ᓂᑦ ᐊᒐᒂ:

ᒧᔅᑎᔅᑭᒥᒡ ᒋ ᐃᓯ ᓂᓯᐛᐸᐊᒻ ᓂᐱᒪᑎᓯᐅᓂᔪᐤ:

ᓂᒋ ᐃᑐᑕᐧᒃ ᒐᒋ ᑕᔭᓐ ᐊᓐᑕ ᐊ ᐅᓂᑎᐱᔅᑲᔨᒡ, ᒧᔭᒻ ᐊᓐᒡ ᓇᐅᔅ ᑲᒋ ᓂᐱᒡ᙮

4ᐊᐅᒄ ᐅᒋ ᓂᑦ ᐊᒐᐧᒄ ᐛᓴᒪᔨᑎᒻ ᑕᒥᔪᐤ ᓂᔭᒡ:

ᓂᑕᐃ ᐊ ᐱᒋᔅᑲᑯᔭᓐ ᐱᔅᓯᒂᐤ᙮

5ᓂ ᒋᔅᒋᓐ ᐎᐱᒡ ᒋᓯᑲᐛ;

ᓂ ᒪᒥᑐᓇᔨᑕᓐ ᒥᓯᐛ ᒋᑦ ᐊᑐᔅᒐᐅᓇ;

ᓂ ᓇᑭᑐᐛᔨᑕᓐ ᒋᑎᒋᒡ ᑲᒋ ᐅᒋ ᐅᓯᑕᔨᓐ᙮

6ᒋ ᓱᓂᔅᒐᔨᔅᑕᑎᓐ;

ᓂᑦ ᐊᒐᐧᒄ ᒋ ᓄᑕᔭᐸᒂᑐᑕᒃ, ᒧᔭᒻ ᑲ ᓄᑕᔭᐸᒂᒥᑭᒡ ᐊᔅᒋᔾ᙮

7ᒋᐱᔾ ᓂᑐᑐᐎ, ᐅ ᑎᐸᔨᒋᒐᓱᐤ:

ᓂᑦ ᐊᒐᐧᒄ ᓄᑕᓯᓐ:

ᐊᑲᐎᔾ ᑲᓱᔅᑐᐎᔾ;

ᒐ ᐊᑲ ᒋ ᓂᔅᐱᑐᐛᒡ ᐊᓐᒡ ᑲ ᓂᑕᑐᐎᒡ ᐛᑎᑯᓂᒡ᙮

8ᑐᑐᐎ ᒐᒋ ᐸᑎᒪᓐ ᒋᓴᒋᐃᐛᐤ ᒋᓴᐛᑎᓯᐅᓐ ᒋᔭᒋᓴᐸᔭᒋ;

ᐛᔅ ᒋᔾ ᒋ ᒪᒥᓯᑐᑕᑎᓐ;

ᒋᔅᒐᔨᑎᒥᐃ ᐊᓐᑕ ᒐ ᐱᒧᑕᔭᓐ;

ᐛᔅ ᒋᑦ ᐅᐱᓇᒪᑎᓐ ᓂᑦ ᐊᒐᐧᒄ᙮

9ᐎᐧᑯᒋᐃ, ᐅ ᑎᐸᔨᒋᒐᓱᐤ, ᑲ ᐛᐧᑲᓯᒡ ᐅᒡ:

ᒋ ᓇᑎᓯᒧᔅᑕᑎᓐ ᒐᒋ ᑲᔨᔨᓐ᙮

10ᒋᔅᑯᑎᒧᐎ ᒐᒋ ᐃᑐᑎᒪᓐ ᒋᑦ ᐃᑕᔨᑎᒧᐅᓐ;

ᐛᔅ ᒋᔾ ᓂᒋᓴᒪᓂᑐᒻ:

ᒋᑦ ᐊᒐᐧᒄ ᒥᔽᑎᓯᐤ,

ᐃᑐᑕᐃ ᑯᐃᔅᑯᑐᐤ ᐊᔅᒋᒡ᙮

11ᒋᓯᐎᓯᐃ, ᐅ ᑎᐸᔨᒋᒐᓱᐤ, ᒋᑦ ᐃᓯᓂᐧᑲᓱᐅᓐ ᐅᒡ:

ᒋᑯᐃᔅᑯᑕᑎᓯᐅᓐ ᐅᒋ ᐎᐎᐱᔅ ᓂᑦ ᐊᒐᐧᒄ ᐊᔨᒥᓯᐅᓂᒡ ᐅᒡ᙮

12ᑭᔭ ᒋᓱᐛᔨᒋᒐᐅᓂᒡ ᒋᒥᓱᒡ ᑲ ᐛᐧᑲᓯᒡ,

ᓂᓱᐅᓇᒋᐃᒡ ᒪᒃ ᒥᓯᐛ ᐊᓐᒡ ᑲ ᓇᓇᐧᑲᒋᐊᒡ ᓂᑦ ᐊᒐᒂ;

ᐛᔅ ᒋᑦ ᐅᑦ ᐊᑐᔅᒐᔭᑭᓂᒥᑐᐅᓐ᙮

ที่ได้เลือกล่าสุด:

ᑎᐱᑦ ᐅᓂᑭᒧᐅᓇ 143: ᓇᔅᑲᐱ

เน้นข้อความ

แบ่งปัน

คัดลอก

ต้องการเน้นข้อความที่บันทึกไว้ตลอดทั้งอุปกรณ์ของคุณหรือไม่? ลงทะเบียน หรือลงชื่อเข้าใช้

ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ

Naskapi Development Corporation

Kawawachikamach, Québec G0G 2Z0 Canada

Canadian Bible Society

10 Carnforth Road, Toronto Ontario M4A 2S4 Canada

เรียนรู้เพิ่มเติมเกี่ยวกับ ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ