Саалтыр 69
69
1Хуор салайааччытыгар. Давид псалома. Санатыы.
2Тиэтэй, Айыы Таҥара, миигин өрүһүйэргэ.
Тиэтэй, Айыы Тойон, миэхэ көмөҕө кэлэргэ.
3Саакка-суукка киирэн, сирэйдэрэ кытардын
мин тыыммар турунааччылар.
Сир-буор сирэйдэнэн, чугуйан бардыннар
миэхэ куһаҕаны баҕарааччылар.
4Саатан, кэннилэринэн түстүннэр:
«Кэһэй! Кэһэй!» – диэн сэтэрээччилэр.
5Оттон Эйигин көрдөөччү барыта үөрдүн-көттүн,
Эйигиттэн кини үрдүк өрөгөйү буллун;
Эйиэхэ быыһатыан баҕарааччы өрүүтүн:
«Биһиги Таҥарабыт улуу!» – диир буоллун.
6Оттон мин дьадаҥыбын, кыһалҕалаахпын;
Айыы Таҥара, тиэтэй миэхэ кэлэргэ!
Эн миэхэ көмөлөһөрүҥ, мин Өрүһүйээччим;
оо, Айыы Тойон, бытаарыма!
ที่ได้เลือกล่าสุด:
Саалтыр 69: СБК
เน้นข้อความ
แบ่งปัน
คัดลอก
ต้องการเน้นข้อความที่บันทึกไว้ตลอดทั้งอุปกรณ์ของคุณหรือไม่? ลงทะเบียน หรือลงชื่อเข้าใช้
© Институт перевода Библии, 2008-2022