Yuna 3
3
Ku Yuna papia cekele Ninivi
1Ku Tamatama peaeelanga papia ki Yuna kawriva. 2Amia kai, “Lu katwasa papia Ninivi kwini ki maadrau ka cekele, si papia kwini ki laumawmase pelaela ku cunuli muswane ku vaga.” 3Ku Yuna la paluludu ku drekase ki Tamatama, katwase papia Ninivi. Kwini cekele maadrau ka cekele, lu makatulrulane ku vai maka wadadaavace madu. 4Ku Yuna la mucekele, si dadavace makavaale, la pelaelaela iya kai, “Lri makamasupatelenga ku vai, kai cekele Ninivi lai lri kiburuku kiamudu!”
5Kai cekele Ninivi ku laumawmase masalrunga ku vaga ki Twaumase. La kalrithethenga kwi lalasu ku alaisane makanaelre sanaka aneane, ikai kwini ki cekele makanaelre ku umawmase, adravane ka tarudrawdrange ka lavavalake, la sipalimemelre ku kaimadhane makanaelre ka sapelaelane ka ngiatatasiwlriwlringa.
6Ku talialalai ki swa Ninivi sa kilalra kwini, la katwase ki taetalaneini, si mwalra ku laimaini ka talialalai, la sipalimemelre ku kaimadhane, si nene ikai ki abu. 7La papia ki swa Ninivi kawriva pasalraelre, amia kai, “Kikai yai drekase ki talialalai si latabebelenge ka mauawngu iniane: Ku umawmase, ku nilapulapwane ka waudriwdripi, si lwange kiu, madha kanekane makanaelre ku lamanemane, madha kanekane, la madha ungungulu. 8Ku umawmase si nilapulapwane ka waudriwdripi sipalimemeelra makanaelre ku kaimadhane. Sanaka aneeanenga tara kakalitha papia ki Twaumase inulri, si isadra ku ngialisiane ku kakudhane, madha piapia ku pangwa lrumai si ribici. 9Alau lri ngwalai kai ku Twaumase si tupela ku kidremedremeini, si kai kaelaelanga, lai kaita lri ngwalainga si kamudu!”
10Ku Twaumase sa drele ku tapiane lini patuelre, wadrele liniane ka wacilringa ku ngialisiane ka kakudhane. Ala ngikusawlri ku kidremedremeini, si kai pulebe baai liniane kudra paswalangaini pelaela kudra amatikurwane.
ที่ได้เลือกล่าสุด:
Yuna 3: NDV
เน้นข้อความ
คัดลอก
เปรียบเทียบ
แบ่งปัน
ต้องการเน้นข้อความที่บันทึกไว้ตลอดทั้งอุปกรณ์ของคุณหรือไม่? ลงทะเบียน หรือลงชื่อเข้าใช้
© The Bible Society in Taiwan, 2017
All rights reserved
© 臺灣聖經公會版權所有，2017