Yuna 1
1
Ku Yuna wabaebalre ki Tamatama
1Yakai saka minakavalane, ku Tamatama papia ki lalake ki Amitai ka Yuna iya kai, 2“Lu papia Ninivi kavai ki maadrau ka cekele, si putaluvaivai kaelaela ki swakai kwini ka laumawmase, asi lwiyane kiararaketenga naku liniane ka ngialisianenga turamuru!” 3Ai ku Yuna ngiabalre ku tapapianeini katwase, kiadremedreme ku awberaneini ki Tamatama. Kai lasu sa kelanga ka Yupa ka taisadrasadrane ki lavarukuru, la kidringai ku vaeva ku varukuru kulri papia kavai Taresise#1.3 “Taresise” alau vaeva ka cekele ikai kavai tali Sepania.. Kai lasu sa baainga ku paisu ku sangukaiyaneini ki varukuru, la mubelenge ki varukuru, lri karedele ki la taraikaikai ki varukuru mwa kavai Taresise. Kai lasu lu kidremedreme, lu mubere mwa kwini lri dulrunga kidaili ki Tamatama.
4Ai, ku Tamatama pavalrigi ki laveke, ku valrigi si maadrau ka bikabiki la makakaai ki varukuru, kwini varukuru la kisanu kasubusuburunga. 5Kilakikai taraikaikai ki varukuru la ngituluku mukuludru turamuru, sanaka aneeane la kitubituubi ki twaumase lini ku akipalribulane. Pakai ku aru kaliapadhane ku telregane ku amece ki varukuru#1.5 “Pakai ku aru kaliapadhane ku telregane ku amece ki varukuru,” ku wahunyake madu iya kai “pakai ku arukabekelanane ki sapapacai”, kwini lalasu wamalra kwini yakai ki varukuru kwi lamanemane#1.5 “lamanemane” ku wahunyake madu iya kai “takaiyane ka lalawbubulu” si cilri pwa ki laveke. Kikai kwidra, ku Yuna la mulebe mwa ki talamanemanane, si apece ikai kwini ererereke.
6Ku kiacapili ki varukuru la kidringai ki Yuna ikai kwini ki talamanemanane, la iya kai iniane, “Asu ikaaiyana kai apece? Ngidrakala si kitubi ki Twaumasesu! Alau lri kakuru mitane, si palribulu ki niaketa.”
7Kwini la taramarasikaikai ki varukuru la mapelaela iya kai, “Bwala takuzibiki, lata dredrele luka pasalrivane ki aneane kai kipadradresengeta kai apacadhane.” Kwini lalasu la kuzibiki, la ka Yuna ku kia makakai. 8Kwi lalasu la kivaga iniane iya kai, “Pelaela naiane, kai kipadradresengeta kai sapapacai amanisu ka waacepe? Manemane ku kauawngusu? Twalainusu kainganai? Swa inusu?”
9Ku Yuna la tubalre iya kai, “Swa Hiburuaku. Mwasakenaku si mukuludru ki Tamatama, ka yasubelebelenge ka Twaumase, amani ku Twaumase ka wabekace ki laveke si kadaengane.” 10Ku Yuna la pelaelana liniane mwabeberaku kikai ki Tamatama.
Kwini la taramarasikaikai ki varukuru sa kilalra kikai taiyane, la ngituluku turamuru, si iya kai iniane, “Asu amamaama pia kai ubere?#1.10 “si iya kai iniane, ‘Asu amamaama pia kai ubere?’ ” Ku wahunyake madu iya kai “la kivaga iniane, ‘Asu pia kikai katwase mubere?’ ”” 11Asi lwiyane ku valrigi si bikabiki arwa pakilringalringau, kwini lalasu la kivaga iniane iya kai, “Lri tungitwatumane nai muswane ala lri dulru isadra kai valrigi si bikabiki?”
12Ku Yuna la tubalre iya kai, “Ala mabulribulria nakwane, si cilri pwa ki laveke kai valrigi si bikabiki lri idreengere. Asi lwiyane wathingalaku ka pasalrivaneli alakamani ku kipadradresenge numi kai ki valrigi.”
13Ai kai lataramarasikaikai ki varukuru palraaingi kadrakadrau, ku lrika adarurane mukameamealane ki varukuru. Ai arwa pakilringalringau valrigi, kwi lalasu kai maka arwa adili. 14Kai lalasu ala kirimu kitubi ki Tamatama iya kai, “Tamatama! Madha ngwalalai ku tapapacadhane nai kai ki lasu si arakai ku apacadhane pathavungu naiane. Tamatama, ki kikai patuelre amanisu ku paiya, lri kamanisu ku marasiakai.” 15Sa maka kawrivanga, kwi lalasu ala malra ki Yuna mabulribulri, si cilri pwa ki laveke. Ku valrigi si bikabiki la makakaai idrengere. 16Kwi lataramarasikaikai ki varukuru la ngwalai kikai si usakene ukuludru ki Tamatama turamuru, la papia ki Tamatama patarumara ku sapatarumaramarane, si kiketekete ku akisikawlane iniane.
17Sakamani kwidra ku Tamatama la arakai ku vaeva ka maadrau ka kange, la malra ki Yuna lrungulrungu si lrelre. Ku Yuna la ibarangane ki kange makatulrulu ku vaiyane si maungu.
ที่ได้เลือกล่าสุด:
Yuna 1: NDV
เน้นข้อความ
คัดลอก
เปรียบเทียบ
แบ่งปัน
ต้องการเน้นข้อความที่บันทึกไว้ตลอดทั้งอุปกรณ์ของคุณหรือไม่? ลงทะเบียน หรือลงชื่อเข้าใช้
© The Bible Society in Taiwan, 2017
All rights reserved
© 臺灣聖經公會版權所有，2017