Hagai 1
1
Wadrekase ku Tamatama ku atupelane tudaane ku daane ki Twaumase
1Sakadrusa ka caili ki sakaeneme ka dramare ka aswalaalanga ka vai ku taatinuhikane ki Dariuse ki swa Perisia, ku Tamatama pangukai ki yuginsia ka Hagai si kawriva ki lalake ki Saletile ka Zerubabele ka siwciu ki swa Yuda si Yesua, ka abebeelengenga ki barakalai ka lalake ki Yehuzadake.
2Ku Tamatama ka abebeelengenga ki sanaka kwapingi amia kai ki Hagai, “Kai laumawmase amia kai, kikai yai kaika tatupelaelaneana tudaane kai daane ki Tamatama.”
3Ku Tamatama ala pangukai ki yuginsia ka Hagai pelaela ki laumawmase kikai lebe kai aiyane ka vaga. 4Ku Twaumase amia kai, “Aubulanenga kai daaneli, la ikaikai numi ki nitudaanane tuthariri turamuru ka ladaane! 5Kikai kwaku ka Tamatama ka abebeelengenga ki sanaka kwapingi ani ngikakidremedreme kai tangimiamiane lini amiaku numiane. 6Lri pakakalra numi sabulu ku eape, ai lrika bekeelane ku akitalekane; lri ikai ku akaneane numi, ai lri kai numi kabucubucuku; lri ikai ku bava, ai lri kai numi makakelrekelrete; lri ikai ku laimai, ai lri kai numi kaculuculu. Ku kipaisisu ki tarakaungu lri kai makakelrekelrete ki acekecekelane. 7Kwaku ka Tamatama, ka abebeelengenga ki sanaka kwapingi ani ngikakidremedreme kai tangimiamiane lini amia ku numiane. 8Kikai kunumi lu mulregelrega thurade, la tupela tudaane kai daaneli; la nau kiragai, si malra ku naika akiwsakeenaneli.
9“Ana kakaalra ku akitalekane amia numi, ala ka bekeelane ku nimalrane; ku nikitalekane la iluku numi pubalriu, ai lri alraku si ipi iniane#1.9 “ai lri alraku si ipi iniane” ku wahunyake madu iya kai “lri pakalisiaku pakaburau”.. Kwaku ka Tamatama, ka abebeelengenga ki sanaka kwapingi anau piya kaiya? Amani sa akinaburukanenga kai daaneli, ai kunumi la karacacaacange numi ku angitatudaanane, 10Ngwalai kikai, kai belenge kai lri udale, kai kadaengane lai lri idrengere ku acebeane ku taleke. 11Lri pakipadradresengaku ku cengelrau kai ki kadaengane, lalrelrelrege, laumawma, lababuduane, la maulriulrive, sanaka nipacebeane ka taleke, laumawmase, nilapulapwane ka lawaudriwdripi, si sanaka lreedreke ki umawmase.”
Ku laumawmase kialalra pasalaladha ku drekase ki Tamatama
12Ku Zerubabele, si abebeelengenga ki barakalai ka Yesua, si twalai Babilunia kainganai siwlri ka naacaicali ka laumawmase makanaelre#1.12 “twalai Babilunia kainganai siwlri ka naacaicali ka laumawmase makanaelre” ku wahunyake madu iya kai “kwidra kai acaicali”., pasalaladha pangimia ku drekase ki Tamatama ka Twaumase lini. Asi lwiyane kwi lalasu mwakuludru, la kirimu kilalra si pasalaladha ku vaga ki yuginsia ka Hagai ka nisikawlane ki Tamatama. 13Ku Hagai papia ki laumawmase pelaela ku vaga ki Tamatama, iya kai, “Palraingaku ku aikaiyane tapalra numiane.” 14Ku Tamatama la kandu ki siwciu ki swa Yuda ka Zerubabele, si abebeelengenga ki barakalai ka Yesua, si lasiaulringa ka laumawmase ka namatwasenga acaicali#1.14 “lasiaulringa ka laumawmase ka namatwasenga acaicali” ku wahunyake madu iya kai “kwidra kai acaicali”.; kwi lalasu la pasikai ki Tamatama ka abebeelengenga ki sanaka kwapingi ka Twaumase lini, tupela tudaane ku daane ki Tamatama. 15Kikai yai amani sa sakadrusa ku caili ki sakaeneme ki dramare si 24 ka vai ku taatinuhikanane ki Dariuse.
ที่ได้เลือกล่าสุด:
Hagai 1: NDV
เน้นข้อความ
คัดลอก
เปรียบเทียบ
แบ่งปัน
ต้องการเน้นข้อความที่บันทึกไว้ตลอดทั้งอุปกรณ์ของคุณหรือไม่? ลงทะเบียน หรือลงชื่อเข้าใช้
© The Bible Society in Taiwan, 2017
All rights reserved
© 臺灣聖經公會版權所有，2017